الكوفية رمز العروبة مش صيحات الموضة ( ارجو التثبيت)

[فلسطين عربية]

الكوفية الفلسطينية.. تعرف أيضا بالسلك أو الحطة. بلونيها الأبيض و الأسود تعكس بساطة الحياة الفلاحية.
اعتاد الفلاح أن يضع الكوفية لتجفيف عرقه أثناء حراثة الأرض و لوقايته من حر الصيف وبرد الشتاء، ارتبط اسم الكوفية بالكفاح الوطني منذ ثورة 1936 في فلسطين،ابان مقاومة الإمبريالية البريطانية في فلسطين وذلك لتفادي اعتقالهم أو الوشاية بهم ثم وضعها أبناء المدن و ذلك بأمر من قيادات الثورة آنذاك وكان السبب أن الإنجليز بدأوا باعتقال كل من يضع الكوفية علر رأسه ظنا منهم انه من الثوار فأصبحت مهمة الإنجليز صعبة باعتقال الثوار بعد أن وضعها كل شباب وشيوخ القرية والمدينة


أما اليوم وفي عصر العولمة النيوليبرالية، يدأب بعض قوى الرأسمال المعولم مدعوما من أصحاب الاحتكارات التجارية المحلية الى تزيين وتزييف الكوفية وبيعها في أماكن معينة. ففي الاونة الاخيرة، بتنا نلاحظ أن الكوفية أصبحت ” اكسسوار ” للتبرج والزينة خاصة عند الفتيات. فبتنا نرى كوفيات خضراء وصفراء وحمراء بأشكال مختلفة عن الكوفية التقليدية. وعلى سبيل المثال لا الحصر، عمدت شركة " زارا"الاسرائيلية على تسويقها في السوق اللبناني المحلي.

الكوفية الفلسطنية ما عمرها ولا عمرها رح تكون موضة الكوفية الفلسطنية رمز كل مقاوم و فدائي ثائر و كانت احدا عتاد المقاومة لكل فدائي لما ينزل على معركته مثل اي سلاح بحمله عبر عصور نضال فلسطين .. اخواني و اخواتي معآ لنقاطع هذه الظاهرة الي ممكن ناس يشوفها اشي صغيرة وتافه بس هي كبيرة كثيير لانو الاستخفاف بهيك مواضيع خطر كثيير ..( السوسة بتبلش بنقطة صغيرة في ساق الشجرة و عند اهمال الشجرة رح تمووت شوي شوي تدخل السوسة في كل اجزاء الشجرة وببطل في شي اسمه شجرة وبتموت...) .

يلا نقاطع و نبعد و نفشل المخطط الاسرائيلي لمحي و طمص معالمنة الفلسطنية و رمز نضال كل مقاوم و شهيد و فدائي و اسير و كل فلسطيني شريف ...

مع بعض ايد بايد نحافظ على تراثنا و كوفيتنا فووق بلعالي فلسطنية

[فلسطين عربية]

ويا ريت من الجميع انو يستوعب بعد ما كانت هذى الكوفية رمز صارت موضة

[jamal]

والله يا فلسطين انك كفيتي ووفيتي بكلامك وهاي شغلة لازم الكل ينتبه إلها وعنجد الصبابا والشباب معتبرينها موضة مش

عارفين انهم هيد بمحوا في التراث

[فلسطين عربية]

[align=center]
مشكور الك على التثبيت ومشكور الك كمان لانو انت كمان شايف وعارف شو هى الموضة وشو عم يعملو
[/align]

[ابن الصوانه]

مرحبا للجميع شكرا يا ((فلسطين عربيه)) على الموضوع المميز المهم وصدقوني مهما راح نحكي عن اهمية الموضوع ما بنعطيه حقه الكوفيه هي عباره عن رمز لنا رمز للشعب الفلسطيني رمز لنضال وصمود الشعب الفلسطيني ولا يحق لأي مخلوق بالمس بهذه الكوفيه لأنها ترمز لنا وترمز لصمودنا ولشجاعتنا يجب فقط ان يضعها جميع االشعب الفلسطيني ومن يحالف الشعب الفلسطيني ومن يدافع عن القضيه الفلسطينية في جميع انحاء العالم يعني ما بوصفلكم شعوري لما اكون واضع الكوفيه ومعتز فيها وللرمز الذي تركز له رمز لحقنا في ارضنا رمز لقضيتنا الفلسطينيه وشو برأيكم بيكون هدف الشباب والبنات الي بيحطو ما زيف عن الكوفيه الفلسطينيه يعني زي ما اسرائيل وامريكا زورو المستندات والحقائق وطمسو المعالم الفلسطينيه عمالهم بزورو الكوفيه الفلسطينيه الي بتدل على القضيه الفلسطينيه وعلى حقنا في ارضناوحقنا في دولتنا وعاصمتها القدس الشريفعاااااااااااااااااااااااااار على كل شاب وكل فتااااااااااااااااااااااااااااه ان يضعوا ما صنعته اسرائيل وامريكا من اجل طمس وتزوير الكوفيه الفلسطينيهكما طمسو وزورو المعالم التاريخيه الي بيدل على القضيه الفلسطينيهللي بيحب يشوف نجاح امريكا واسرائيل في تزوير الكوفيه الفلسطينيه يتوجه لشوراع المدينه المقدسه (يتوجه لشارع صلاح الدين الذي اشتهر بقلة الادب والتسكع ))ويشاهد ما لا يسر ولا يفرح يشاهد الرمز الذي كان يدل على الفلسطينين وقضيتهم وحقهم في ارضهم ودولتهم وعاصمتهم زور وزيف كما زورت امريكا واسرائيل العديد من المعالم الي بتدل على تلك القضيه.

[فلسطين عربية]

مكشور اخى ابن الصوانة على الرد الرائع ويا ريت الكل يكونوا شايفين الاشى متلك انت

[ليل الهجر]

بشكرك اخي على الطرح الرااااااااااائع للمشكله ....
واتمنى ان يلقى موضوعك الانتباه والاقبال من قبل الشباب والصبايا ....
ما تتصورو مدى غيرتي عندما رأيت منذ 3 ايام هذه الحطه بالوانها المختلفه ب كانيون المالحه ....
صرخت وقلت هاي النا مش الهم ..... لدرجه انو اهلي قالولي (اهدي احنا مش بالبيت)....
غيرتنا على اصالتنا وعروبتنا لازم تدفعنا للحفاظ عليهم ....
اخر مصائب العصر ....
الفلافل من الاكلات الشعبيه الاسرائيليه ....
التطريز الفلاحي ...اسرائيلي الاصل ...
وماذا بعد؟؟؟؟؟؟؟

ليل الهجر

[حنظله]

هكذا الغرب يقتحم التراث الاصيل عن طريق اصحاب العقول الضعيفه
لا علينا حقاره تأبى اهلها

[فلسطين عربية]

[align=center]
يا ريت الكل يحصا ويعرف شو هدا وحتى شو صاروا يلبقو لون الحطة على لون الحذاء شايفين وين صرنا

يا ريت الكل ينتبه لهذ ىالظاهرة
[/align]

[عمر]

اول شي مشكور على الموضوع

وتاني شي والاهم

انو هاي الموضه اليوم
وانا بحكيلك وببصم بالعشره
انو اكتر من نص الفلسطينيه عندم زيها واكتر من لون
انا شخصيا عندي 7
الوان مختلفه

واانا بعتبر هاد مش تقليد
لانو انا جربت البس حطه بيضه الكل صار يحكيلي فتحاوي
لبسنا لون احمر حكولي حمساوي
لانو الناس متخلفه

ف هاد الي شي خلاني اشتري هاي الالوان

تحياتي