هو هي هو هي هو هي هو هي هو هي هو هي هي علينا

[lara]

هو:
بدي اطلب بيتزا .. بدك اشي؟"
هي:
"لا."
هو:
"اوكي."
هي:
"و لا اقولك ..؟"
هو:
"ها . بدك اطلب لك كمان؟"
هي:
"مش عارفة."
هو:
"مش عارفة اذا بدك اشي؟"
هي:
"لا."
هو:
"انتي جوعانة؟"
هي:
"يعني ."
هو:
"شو يعني يعني...؟"
هي:
"يعني معناها مش متأكدة اذا كنت جوعانة او لا."
هو:
"الواحد لما يكون جوعان بيعرف"
هي:
"مهو يمكن اجوع بعدين"
هو:
"معناها اطلب لك بيتزا."
هي:
"طيب و اذا ما كنت جوعانه وقتها..؟"
هو:
"ما تاكلي."
هي:
"بس هيك بيكون تبذير"
هو:
"طيب . بتاكليها بكرة."
هي:
"و اذا ما كان الي نفس آكل بيتزا بكرة؟"
هو:
"هاي ما بدها نفس .. الواحد بيقدر ياكل البيتزا كل يوم "
هي:
"انا لا .. ما باكل بيتزا الا لما يكون عندي نفس للبيتزا."
هو:
"معناها بطلب لك اشي تاني"
هي:
"بس انا ما بدي اشي تاني"
هو:
"يعني بدك بيتزا؟."
هي:
"لا."
هو:
"يعني ما بدك اشي؟."
هي:
"امبلى."
هو:
"جننتيني شو بدك؟"
هي:
"اطلب انت لحالك.."
هو:
"اخيرا .. ماشي.."
هي:
"بس اطلب بيتزا بالتونا"
هو:
"بس انا ما بحب التونا."
هي:
"بس انا بحبها."
هو:
"هو انا بدي اطلب الي و لا الك...؟!"
هي:
"الك طبعا."
هو:
"طيب و ليش بالتونا...؟"
هي:
"يمكن اجوع لما يوصل الاكل"
هو:
"و شو يعني؟"
هي:
"بالله؟ شو يعني فكرك آكل اشي ما بيعجبني؟"
هو:
"ليش هو انتي بدك تاكلي؟"
هي:
"ليش لا ؟"
هو:
" يا مثبت العقل .. هسه انا لازم اطلب بيتزا الي , عشان انتي تاكليها اذا كنتي جوعانه؟؟"
هي:
"بالضبط."
هو:
"و انا شو بدي آكل؟"
هي:
"مهو يمكن ما أكون جوعانة..."
هههههههههه مع تحياتي lara

[اسيرة الالم]

اكتير حلو ابقي جيبي نكت حلو زي هاي


مع تحيات اسيرة داخل قلب جارح

[lara]

مشكورة اسيرة الالم على الرد انتي الاحلى مع تحياتي لارا

[لاعبت السله]

هههههههههههههههههههههههههههههههههههههههههههههههههه ههههههههههههههههههههههههه
حلوووووووووووووووووووووووووووووووووووووووووووووووو ووووووووووووووووووووووه

[زينـــــــة]

ههههههههه
حلو كتير بس كتير في هو وهي فقعت ههههه
مشكورة لارا.

[lara]

مشكووووووووووووووورين على الردود وبحب احكيلك يا زينة اذا انتي ازهئتي انا شو احكي الي كتبت الموضوع شو اعمل هههههههههههه
مع تحياتيlara