19-08-2009, 11:15 AM
|
#1 | |
|
واحد من الناس
|
قصة حقيقية 100 % التاريخ يومين قبل رمضان المكان وسط البلد نطيت اشوف شو القصة لما سمعت صراخ غريب شوي في ساعات الصباح لقيت ختيار بيطلب المساعده المادية ( بيشحد بلا مؤاخذه يعني ) ورمضان كريم على الكل طبعا زوجتي بتسألني شو القصة بقولها هيك هيك والله واحد ختيار بيطلب نساعده نفشق اكم من سطر شغلات خاصة ونرجع لختيارنا زوجتي : واولاده وين هالختيار؟ محسوبكم: والله ما بعرف اكيد ما اله اولاد !؟ زوجتي :معقول ما اله اولاد ولا اله عيله ولا اهل ؟ محسوبكم : الله اعلم طبعا بس كل شئ ممكن , او في شغله مانعتهم يساعدوه ! زوجتي : غريبة ! شغله تمنع الاهل يساعدوا قريب العيله ! الختيار بدق من محل لمحل وحتى ما حد بيقرب عليه ولا بيعطيه شئ ! بيلف وبيطلع على كل الاحوال هان صار شئ غريب ... مجموعة اولاد صغار صاروا يمشوا ورا الختيار زوجتي : شوف الله لا يباركلهم اكيد بيستهزأوا وبيتمسخروا عليه ( مثل عادتها ما بتثق في تربية الاولاد للاسف ) محسوبكم : شو ! ليش هيك بتفكري؟ بلكي بس ماشيين وراه مش اكثر ( وقلبي بيدق وبقول الله يستر) زوجتي : مهو انت عارف للاسف اغلب الاولاد في البلد مش مربيين وما في احترام ولا خجل لا لكبير ولا صغير بعرفش وين اهلهم عنهم !!! محسوبكم : طبعا اخذ اكم من دقيقة دفاع عن البلد واهلها مثل دايما وهان صار الاشي الي كل هالقصة علشانه ولد من الاولاد قرب على الختيار وصار يناديه : سيدي سيدي لف الختيار وبحر عليه (الختيار تعبان وعرقه نازل وشكله راح يقلب كمان شوي ) الختيار : نعم يا بني شو بدك؟ الولد : اتفضل ومد ايده يعطي الختيار ..... بصراحه هان انا شو كنت فخور بنفسي وببلدي وباهلي وبتربايتنا ولديت على زوجتي وقلتلها شايفه ! بام عينك اتفضلي !!! الصراحه انبسطت وقالت ولا يمكن مش معقول ! معقول في ناس مربية ولادها هيك بهالطريقة يساعدوا ! طبعا ما قدرت تقول شئ بس حسيت انها بلشت تغير رأيها بتربايتنا !!! وهان المصيبه الختيار صاح صيحه غريبه ! ورفع العصاه بالهواء وصاح على الولد روح من هان امشي الله لا يسامحك !!! الولد وباقي الاولاد الي معاه صاروا يجروا وهم يضحكوا ويتمسخروا !!! يعني الولد ما اعطى الختيار اشي كويس بصراحه وما بدي اكذب واقول اني بعرفش شو حط في ايد الختيار لكن اكيد اشئ زعله وخلاه يصيح !!! وا اسفاه بصراحه حتى ما قدرت الف لاني كنت حاسس بنظرة زوجتي بدون ما اشوفها !!! وخاب الامل من جديد يا هل ترى ييجي اليوم الي تكون تربية ابنائنا اسلاميه على الاقل في التعامل مع الناس؟ مش بس تعال صلي تعال صوم !!! المعاملة المعامله المعامله قصة حقيقية وواقعيه وحصلت بتاريخ 17/08/2009 امام عيني والله يغيير الاحوال ... وان شاء الله ما افقد الامل بأن يكون الجيل القادم افضل بتعامله من الاجيال السابقة طبعا انا نزلت وحكيت مع الاولاد شوي لكن هاي قصة ثانية سلامي |
|
|
|
|
19-08-2009, 12:06 PM
|
#2 | |
|
مشرف الكلمة الطيبة وقسم الشكاوي
|
بسم الله الرحمن الرحيم السلام عليكم و رحمة الله و بركاته الأمل موجود طالما الله موجود و الله موجود دون حدود و الأمل لا يموت و إنما يضعف عندما يضعف إيماننا به و لكن طالما هنالك أشخاص أمثالك يؤمنون به فالوصول للهدف أبدا ً ليس مستحيلا ً الدعاء الدعاء الدعاء للأمـّة أجمع بالخير و العودة لما فيه صلاح الأمـّة لنتفاءل كما تفاءلتَ و لا نترك لليأس مكانا ً في قلوبنا فالإنسان يصل إلى هدفه بإيمانه أنه سيصل و بالإيمان بالله الذي أوحى لنبي الرحمة عليه السلام أن سيكون لهذا الدين شأن في الوقت الذي كان فيه محاصرا ً في شعب مكة و هو الذي أوحى له عليه السلام بأن ستفتح عليهم الدنيا و بلاد الفرس و الروم في حين كانوا محاصرين في المدينة و الأحزاب تحيط بهم و هو الذي أوحى له عليه السلام بأن يعد من تبعه ليقتله عندما هاجر إلى مكة المكرمة بسواري كسرى إن عاد عمـّا أراد اللهم صل ِ و سلم و بارك على الحبيب سيدنا محمد خير من صبر و تصبـّر و كان بنصر ربه خير الموقنين و على آله و أصحابه أجمعين |
|
|
|
|
|
19-08-2009, 12:19 PM
|
#3 | |
|
لا حول ولا قوة ا لا بالله الدين المعاملة ..قبل اي شئ الله يهديهم هالاولاد ..ما بدي ادافع عن الاهل .. ولكن اكيد الاهل ما بيرضوا بهيك معاملة ..واكيد حثوهم على احترام الكبير قريب كان او غريب ولكن الاولاد قدام بعض بيصيروا يتشاطروا ..والشاطر اللي بيعمل اشي بضحك اكثر او عنده اكثر جرأة من غيره .. بتأمل هذي القصة توعي الاهل لتصرفات اولادهم.. وتوعي بعض الاعضاء الصغار بالسن كيف يتصرفوا يعطيك العافية اخي العيساوي |
|
|
|
|
|
19-08-2009, 03:52 PM
|
#4 | |
|
السلام عليكم ورحمة الله وبركاته أخي العيساوي وانا بقرأ بالحدث فعلا استغربت من انه ولد اعطا الختيار وما كان هدفه مسخره وحكيت الحمد لله لسه الدنيا فيها خير.. بس للأسف طلع خيبة ظن.. من الأساس التربيه من الأهل وأهم شي نتعلم كيف نربي أنفسنا أولاً لكي نستطيع تربية أبنائنا . . الأهل هم الاساس يعني القدوة الصالحة للأبناء.. فإذا كان فعلاّ هناك تربيه ايمانيه للأبناء ما رح شي يأثر عليهم .. بالتربيه الصالحه والاسلاميه من الاهل الابن بصير عنده مبادئ الخير وبصير عنده تطبع بأمور الخير طبعاً ان كانت تربيه اسلاميه وايمانيه..حسب العقيده الشرعيه الله يهدي الجميع يا رب لما يحب ويرضى.. |
|
|
|
|
|
19-08-2009, 04:07 PM
|
#5 | |
|
عيساوي مجتهد
|
بارك الله فيك اخ عيساوي ع هالقصه بس انا بصراحه ما تفاجأت لانو جد بهالبلد في كتتتييير زي هالاولاد وانا بشوفهم كيف بيتمسخروو وبحكي معهم وبنصحهم بس هما للاسف كلشي عندهم مسخره شو الواحد بدو يحكي مو دايما"الاهل المشكله زي ما حكت ام زيد مرات الا ولاد بيعملووو شي حتى الاهل بيتفاجئووو وبيستغربوااااااا على كل حال ما النا الا الدعاء زي ما حكي اخي ابو النون الله يصلح حال هالامه الاسلاميه عامة واهل بلدي العيساويه خاصة وبحييك على هالصراحه اللي عندك والحديث الصريح اللي دار بينك وبين زوجتك المصونه الي هي طلعت اشطر منك وعرفت شو اهل بلدك ههههههههه |
|
|
|
|
|
19-08-2009, 09:49 PM
|
#6 | |
|
واحد من الناس
|
اخي ابو النون الامل اكيد موجود ولا حياة بلا امل واتمنى ان يتغير الواقع الى افضل اللهم امين اختي ام زيد اكيد الاهل ما بيرضوا عن تصرف كهذا من اولادهم ولكن السؤال الذي يطرح نفسه هل تصدقين شخصيا ان احد اولادك بيقدر يعمل شئ من هالقبيل؟؟؟ طبعا لا وهنا تتيقنين ان تربايتك لعبت دور كبير حتى لا يتصرف ابنائك تصرف كهذا صحيح؟ وانا متأكد ان الاهل بييقدروا يحسوا شو ابنهم ممكن يعمل ! هل هو كويس ومؤدب ام يمكن ان يتصرف تصرفات غير مقبوله وهنا شطارتهم في التعامل لمنع تصرفات غريبة في الطفولة حتى لا تتطور الى تصرفات خارجة عن القانون او العادات والتقاليد في المستقبل. اختي ذات النطافقين فعلا كان منظر غريب الولد يعطي ونفسي استغربت ولكن يا فرحه ما تمت وكما سبق وقلت موافق معك على ان الاهل هم اساس التربية الصحيحة اخوي صهيب مشكور على مرورك وتليقك الهادف من الغريب ان لا نستغرب تصرفات خاطئة من ابنائنا او من كل طفل نراه ومشكور انك بتحاول تدلهم على الطريق الصحيح واعتقد لو يتم توصيل خبر لاهاليهم هذا ممكن يساعد في علاج الظواهلا الخطأ في مجتمعنا الله يصلحنا كلنا اللهم امين |
|
|
|
|
|
20-08-2009, 07:31 PM
|
#7 | |
|
مشرفة بنات.. بنات
|
وقصة واقعية وتحدث دائما وهذا الأمر يعود للأهل ، لأن الترباي هي من واجبات الأهل لكن هنا الأسف على الأهل لأنهم هم ناقصين ترباي فلماذا نلوم الصغار اذا الكبار أفزع منهم ؟ |
|
|
|
|
|
20-08-2009, 08:03 PM
|
#8 | |
|
عيساوي زعيم
|
وان شاء الله انو يهتدي الاولاد وهلي ترية الاهل........؟ شـكــ وبارك الله فيك ـــرا لك ... لك مني أجمل تحية . |
|
|
|
|
|
25-08-2009, 01:08 PM
|
#9 |
|
عيساوي جدع
 |
الحمد لله اللطيف المنان ، الغني القوي السلطان ، الحليم الكريم الرحيم الرحمن ، الأول فلا شيء قبله ، الآخر فلا شيء بعده ، الظاهر فلا شيء فوقه ، الباطن فلا شيء دونه أشهد أن لا إله إلا هو وحده لا شريك له الملك الديان ، وأشهد أن محمداً عبده ورسوله المبعوث إلى الإنس والجان صلى الله عليه وعلى آله وأصحابه والتابعين لهم بإحسان ما توالت الأزمان وسلم تسليما اخي العزيز اريد ان اقول إن أمتنا بأمس الحاجة إلى وصلها بأصل نشأتها ، بتلك الامه التي ربى عليها رسول الله – صلى الله عليه وسلم – صحابته و أمته ، وسار على هذه الأسس سلف هذه الأمة من بعده ، إن هذه القصه نتدبرها ونتأملها ونعمل بما فيها ،لتربيه اولادنا لننقل أمتنا من واقعها المرير إلى الواقع التي هي جديرة به (( خير أمة أخرجت للناس  بارك الله فيك على هذه القصه |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
العرض العادي
