27-06-2009, 12:32 PM
|
#1 | |
|
عيساوي VIP
|
السلام عليكم ورحمة الله وبركاته جبتلكم قصة لطشتها من موقع مرتب بس شو قصة .. اشي اشي خلينا نعرفكم فيها وبعدين بنبلش في الحلقة الأولى الوان من بلدي الشخصيات : زعتر: شب خالص ولا حبة طافي عالجنط .. مأجر الطابق الفوقاني والتحتاني وعايش في كرتونة بيشتغل بياع هريسة ابو زعتر : ابو زعتر طبعا ولا مين بدو يكون يعني زلمه طماع وبلا شغلة ولا عملة دايما قاعد عالقهوة ابو الخير: رجل على نياته شوي فاتح دكان بيترزق منها في الحارة وردة: بنت امورة كتير بتكون بنته لأبو الخير ام كريم : وحدة كبيرة في العمر ام لكريم ام بمعنى الكلمة بتخاف على اولادها وبتحب الجميع كريم: ابنها لأم كريم بيخاف على بلده وبيحبها وبيدافع عنها بشرف وأمانه ريحانة : عروس الحارة وخطيبة كريم بنت جدعه وشجاعه وما بتخاف تقول الحق بالمرة اسامة: شاب من شباب الحارة اللي بيغارو على الحارة وبيدافعو عنها بروحهم ودمهم ابو الليل : واحد من العصافير التابعين لليهود بيتظاهر انو شريف قدام الكل بس الكل في الحارة بيعرف انو جاسوس ................... |
|
|
|
|
27-06-2009, 12:35 PM
|
#2 | |
|
عيساوي VIP
|
:::الحلقة الأولى::: ابو الخير فاتح الدكان وبيبيع لواحد من الزباين وشكلو معصب من الزبون لأنو بدو اياه يسجل على الدين ابو الخير : يا ابو شاهر انتا يا حرامي الزتون يا سراق مش قادر تسدد ديونك الطف فينا يا رب .. وفجأة بيسمع ابو الخير صوت من برة بينادي ابو الخير ...... ابو الخير ... ابو الخير : خير يختي يم كريم شو في مالك ؟؟ ام كريم (بلوعه) : يا خوي يبو الخير ...! انا ضعت وادمرت حياتي ....! ابو الخير : بايش دمروها ؟؟ بالمدافع ..؟ ولا بالملتوف ..؟ ام كريم : هو وقت مزحك يخوي يبو الخير !؟ كريم يخوي يا ابو الخير كريم ... اجو الجيش واخذوه من الدار ونعفوها وما خلو اشي مطرحه .. ابو الخير : (بلهجة بسيطة ) عن جد بتحكي يم كريم ..؟ ام كريم (باكية ) : اه يخوي ابو الخير : لا حول ولا قوة الا بالله .... ابو الخير بيتلفت حوله وكأنه بيدور على حد .. ابو الخير : بشوف زعتر متأخر اليوم .... لهسة مو مبين .. ام كريم : انا جايه اشكيلك همي وانتا بدور على زعتر ابو الخير : انا جاي معك يختي بس بدور على زعتر علشان يقعد بالدكان .. ام كريم : انا قلبي عم يتقطع على كريم !! وانت ولا على بالك .... ابو الخير : ولا يهمك يختي هلا بسكر السوبر ماركت الوطني الزغير وبروح ادور معك على كريم لعمره حد اشتغل ..... يخرجون ويدخل زعتر الى المنطقة وهو ينادي زعتر : هرايس ....هرايس بالفستق واللوز .......يا هرايس يضع المنصب ويضع السدر فوقه ينظر الى الدكان ويتمتم زعتر : بشوف ما في حدا مبين في الحارة اليوم ..! حتى وزارة التموين تبعة عمي ابو الخير مسكرة يماه .... والله اشي بيخوف ..... يلا خليني اقعد.... وهسة بنعرف الاخبار زعتر يتمتم مرة اخرة : تعبتيني يا وردة ...! بس انا جبان عارف حالي لأني كل يوم بتشجع اقولها واصارحها بحبي وما بقدر لأني مش زلمة ونذل كمان ..!! بس لازم اصير زلمة ...!! واحكي لوردة اني بحبك .. ولى انا الي سنة بنادي على ابوها يا عمي ابو الخير ، وعملته عمي من زمان مشان عيون ورده على الفاظي ... يمسك المجرود بتاع الهرايس ويمده امامه كالسيف ويقف ويتظاهر بالشجاعه ... زعتر : انا لازم اقاتل بهذا السيف كل من يعترض طريق زعتر .... وبدي اصير ابيع بدل السدر اثنين وبدل الاثنين ثلاث.. حتى اجمع مهرك يا وردة ... ولو كلفني الامر اقتل عمي ابو الخير ولن ارضى غير ذلك بديل (وبيصيح بصوت عالي ) الويل الويل لقبيلة بني عبس من زعتر ... وفي هذه الاثناء تدخل عليه وردة ولا يحس بدخولها .... وردة : مالك يا زعتر معصب ..ومين بدك تظرب ؟ زعتر (مرتبكا) : لا ما في اشي ...، بس انا بتعلم تقطيع الهرايس في الهوى ..(يصمت قليلا ثم يقول ) انتي من وينتا هون ...؟ وردة : (ضاحكة ) انا جيت وانتا بتهدد في قبيله بني عبس .. زعتر (بإرتياح ) : مليح مليح .. وردة : وشو هو اللي مليح ؟ زعتر : الله ستر وردة (ضاحكة ) : ليش شو صار ....؟ زعتر : كان اجاكي سهم من الحرب ... وردة : حرب .... يا ساتر يا رب .... بينك وبين مين يا زعتر ؟ زعتر : بيني وبين الهرايس .... وردة (متبسمة ) : ومين اللي فاز ...؟ زعتر (بإفتخار ) :طبعا انا ... وردة : كيف ...؟ زعتر (بلهجة غزل ) : لأني قطعت الهرايس ... قطعه ...قطعه .... وما جرحت الفستق ..... وما زعل اللوز (الاثنين بيضحكوا ) وردة : وين ابوي ؟؟ زعتر : مش عارف ... بس بيجوز سجنوه ..، علشن بيبيع معلبات فاسدة وردة (بلوم هادئ) : له يا زعتر بتحكي عن ابوي هيك ؟ زعتر (بتودد ) : لا متزعليش بمزح معك ... وردة : طيب يا زعتر ...، بس يجي ابوي ... احكيله ما يتأخرش على الغدا زعتر : طيب من عيوني هلا انتي وين رايحة ؟؟ وردة : على الدار .. زعتر (وكأنه يريد قول شيء) : اه على الدار وردة : تبتسم زعتر : يعني انتي بدك تروحي على الدار ..؟ وردة (بإستغراب ) : اه على الدار .. زعتر (متردد) : طيب ... ايه .....ايه ... وردة : خير يا زعتر ..؟ في اشي ...؟ زعتر (يحاول إن يكون شجاعا) : وردة انا ....انا.....ايه ::: ترقّبوا أحداث القصة في الحلقة الثانية::: |
|
|
|
|
|
27-06-2009, 05:49 PM
|
#3 | |
|
عيساوي VIP
|
نكمل الحلقة الثانية زعتر (وقد خذلته شجاعته ) : اه مش قادر احكي يا وردة ... وردة : ليش يا زعتر ..؟ زعتر (متصنع الالم ) : اكلت نص سدر الهرايس وانا بذوق فيه ... وردة : سلامتك يا زعتر ...... انا اتأخرت على الدار ........... بخاطرك . زعتر يلطم خديه ويؤنب نفسه ويكلم نفسه " انتا هامل يا زعتر انتا مش زلمة ... انتا جبان ... جبان ...جبان ...جبان .... وفي هذه اللحظات يدخل ابو الخير وام كريم وما زال زعتر يؤنب نفسه دون إن ينتبه لهما زعتر : بتستاهل يا زعتر ... قديش بتعلم حالك وبعدك مش متعلم ...الله لا يردك ...(يلطم خده ) ولك صير زلمة ..... وقد حالك ...والله مبين مافيش فايدة ........ يفتح ابو الخير الدكان وام كريم معه ويدور بينهم الحوار التالي : ابو الخير : لا تعملي بحالك هيك يا ام كريم وان شاء الله هاليومين غير الله يفرجها .. ::انتظرونا في الحلقة القادمة:: لا تروحو بعييييد :d |
|
|
|
|
|
29-06-2009, 02:52 PM
|
#4 | |
|
عيساوي زعيم
|
مشكوره الك كتير علي الموضوع الروعه مع تحياتي جبهويه |
|
|
|
|
|
05-07-2009, 05:48 PM
|
#5 | |
|
عيساوي جدع
|
مشكوره الك كتير علي الموضوع الروعه مع تحياتي black rose[/align] |
|
|
|
|
|
06-07-2009, 11:35 AM
|
#6 | |
|
عيساوي VIP
|
مشكورين على المرور والردود وما تحرمونا من هالتواجد / / / / / / |
|
|
|
|
|
06-07-2009, 11:39 AM
|
#7 | |
|
عيساوي VIP
|
باااااااك ابو الخير : شو عامل زعتر ...؟وهلاء خلينا مع :::الحلقة الثالثة::: / | / ابو زعتر : مرت ابوه بتطلب منه مصاري وما بعطيها وبيصيع بوجها ... ابو الخير : بس انت مجبور فيها مش زعتر ..!! ابو زعتر : انا ما بسمحلك تدخل بيني وبين ابني ... ابو الخير)بلطف) :يا ابو زعتر ... حرام عليك يا رجل ..اتركه يشوف حاله ...ويشوف مستقبله ابو زعتر : اكيد انت اللي بتشجعه يعصيني وما يعطيني مصاري ... ابو الخير :خلي بقلبك رحمة ....حرام اللي بتعمله بزعتر ... ابو زعتر (بغضب) زعتر .... زعتر .... زعتر بيرفع راسه من وراء الطاوله وهو خائف ... زعتر: نعم يابا يا حبيبي .... ابو زعتر : تعال لأجي اطبش راسك بعيارات الميزان .... زعتر : طيب يابا يا حبيبي لا تغلب حالك انا جاي هيوني جاي بيمشي ببطء "انا جاي شوي ..شوي وعلى مهلك يا زعتر ... (ويردد) ابوك تنمرد .... ابوك تمرد .... ابو زعتر (صارخا) : تحكيش ولا كلمة بديش اسمع صوتك ....تعال .. زعتر(متمتما) اكيد مرته طاجيته بالشبشب على راسه ...،وجاي يطجك بالسدر على راسك يا زعتر ..... ابو زعتر (صارخا) : شو قاعد بتمتم ...؟ بقلك تعال ... زعتر (بإرتباك) :حاضر يا حبيبي يمه .... ايه ...قصدي يا حبيبي يابه.... ابو زعتر (صارخا بعنف): بقلك تعال يا زعتر ... يقع زعتر على ركبتيه ويرفع يديه مستسلما الى ابيه .. يتقدم منه ابوه ويشده من كتفيه بعنف حتى يقف زعتر ابو زعتر: ليش وقعت على الارض ...؟ زعتر : مهو الخوف بيقطع العصب يابا ... ابو زعتر: ليش ما اعطيت مرت ابوك المصاري ...؟ وعصيت كلامها وزعلتها ...؟ ليش....؟ زعتر مرتعب ويزداد ريقه وبيبحلق في وجه ابوه .... زعتر : عينيك يابا زي الظبع اللي شاف نعجة ميتة وقاعد بتتشاطر علي ....، كان تشاطرت على الجيش لما فاتوا على الدار وانت بتماوي زي البسة ... ابو زعتر: ولك هذول جيش ومعهم سلاح ...، أما انتا هبيلة ومسكين ...، خليني اتشاطر عليك ..وبعدين اسمع ... السانك الطويل بدي اقصه ... وأرميه للكلاب ... يبدأ ابو زعتر في الضغط على رقبة زعتر ...... زعتر: بوجهك انا يا عمي ابو الخير .... ولك يا ابو الخير ....ابوي خنقني ....... ابو الخير : خلص يا ابو زعتر .... بكفي حرام عليك ... يترك ابو زعتر رقبة زعتر وبيبعد عنه ...... زعتر (وهو يلهث) يله اخرب داره ابوك يابا كان خنقتني ... ابو زعتر: يله ناولني شغل اليومين اللي راحوا..... ابو الخير : انا بقول يا ابو زعتر شوفلك شغله اشتغل فيها بدل ما اظل قاعد على القهوة طول النهار ابو زعتر: ما تدخل بيني وبين ابني ... يله ناولني يا زعتر .......... زعتر : خليه يدخل يابا ...مهو الصلح خير .... ابو زعتر: ولك ناولني المصاري ...... زعتر : يله امرنا لله .... ويعطيه المصاري يخرج ابو زعتر من المنطقه بعد ما اخذ المصاري ..... زعتر (بسخرية) كل يوم تعال يابا ...... يجلس زعتر بجانب سدر الهرايس حزينا ....... يقترب منه ابو الخير " انتا زعلان يا زعتر ...؟" زعتر حزين ...... ابو الخير (وهو يمسح دموع زعتر)معلش يا زعتر ربنا يعوضك خير ..... زعتر : انا متعود على الحزن من لما ماتت امي وعمري 10 سنين وسعاد مرت ابوي ما خلتني اعرف الراحة لا بالليل ولا بالنهار ... طلعوني من المدرسة وياما جعت وتعبت وانحرمت ....بس انا مش زعلان منها لأنها جابتلي اخوان من ابوي وانا بحبهم كثير كثير وعلشان هيك بعطيهم مصاري علشان يصرفوا على اخواني .... ابو الخير : طول عمرك اصيل يا زعتر!! والله يعطيك على قد نيتك ... زعتر يظهر عليه الحزن كثيرا.... ابو الخير : عمري ما شفتك حزين يا زعتر مثل هالساعه هاي ...!!؟ زعتر (نهدة الم) حزين كثير على هالايام السودة ... كل يوم شهيد .... وكثرة ايام العزا في البيوت ... كل يوم خوف ... وساعه جريح وساعه اسير ... والارض بتطلب ... كمان وكمان .... ابو الخير : طبعا يا زعتر ... الارض رايحة تظل تطلب ..لأنها اعطتنا كتير واحنا ما بنشرب من بير وبنرمي فيه حجر ....... في هذه الاثناء تدخل ريحانة ذات الجمال الرائع في الوجه وتدخل الى الدكان وبنكمل في المرة الجاي شو صار بعد ما دخلت ريحانة للحارة |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
العرض العادي
