عاجـــــل للنقــــــاش ... وجهة نظركم حول استفتائكم قريباً لأن تختاروا الهوية الفلسطينية أم الإسرائيلية

[toto]

السلام عليكم ابو داود وللجميع انا بحب ارد على موضوعك لانه ولله مواضيعك كتير بتعجبني وانا بنسبه لرئي يعني اذا اتخلينه عن الهويه لاسرائيليه ما رايح حد يضل في القدس وبتالي القدس بتسير للياهود واحنا بنسير ممنوع ندخل عليها متل ما هم حرمين اخوانه الي في ضفه فعشان هيك انا بحكي الشي اليبده يخلينه نكون موجودين حولين لا قصىلزم نختاراه مه ما يكون صعب

[الجرح النازف]

عمو عندما نتحدث عن هوية فلسطينيه والانضمام الى السلطه

او حتى القبول بالهويه الاسرائيليه كل منهما لها سلبياتها

حيث ان القبول بهويه فلسطينيه ستكبر الفجوة في البلد المحتل

بين اهلنا وبين الاحتلال وايضا اهل البلد ماراح يتمتعوا بامتيازات وحقوق كتيره

فهلا لو انضممتم للسلطه راح يوفرلكم محمود عباس العمل والمدارس

والجامعات والصحه والخدمات الحياتيه ,وهل تصبح لكم وللسلطه سهوله في التنقل بين ارجاء

القدس باظن انو لا ومن جهة اخرى انه الانضمام للسلطه فيها ايجابيه انه انتم من

اهل فلسطين بهويتكم

اما الهويه الاسرائيليه باظن انو الكل راح يختارها لانه الناس بدها تعيش

ويمكن عايشين على حلم انه تتحرر هالبلد وان شاء الله بصبح حقيقة

وبالهويه الاسرائيليه ممكن تتنقلوا بسهوله وموفر الكم الدراسه والصحه

بس الها سلبيه انو احنا هيك بنعترف بوجود دوله اسرائيل بانضمامنا اليها


ولكن بالنهايه انا ان كنت امكث في القدس ساختار الهويه الاسرائيليه

على الاقل شو ماعملوا فينا اسمهم اعداءنا بس السلطه يلي بيعملوا فينا وهم

ابناء جلدتنا اكيد صعب نستحملوا بما انهم فلسطينيه

بعدين السلطه في فساد ,والرئيس نفسه مابيقدر يتجول بالبلد الا بامر من اسرائيل

انا باذكر انه كان في احدى جامعات الضفه الغربيه تخريج لطلابها ومنحت الشهاده

الفخريه للرئيس محمود عباس فكان لابد ان يحضر ,فاراد ان يذهب الى الجامعه

بصحبة د.ناصر الدين الشاعر فرفض الاحتلال له ان يمر عن الحاجز والدخول

الا اذا انزل وزير التعليم من سيارته وطلبت من الوزير انه يلف من طريق اخرى

يعني رئيس الدوله وزمرته مافي ايده القرار مين راح ينضم الهم

بعدين ان انضممنا لاسرائيل او لدوله فلسطين ستبقى قلوبنا وعقولنا

مرتبطه بخارطه فلسطين وحب فلسطين ولااحد ينسى ماعانى منه

ولكن ذالك يحتاج للتذكره من قبل العلماء والائمه


هاي وجهة نظري يمكن بتختلف ويمكن بتتفق

[ابو قصي]

كل الشكر والتقدير لكل من ساهم برايه بالنقاش الموضوعي الهادىء ا

[ابو كايد]

بسم الله الرحمن الرحيم

أحبائي وأهلي وأهل بلدي من الشباب والصبايا
مع إحترامي لوجهات نظركم
أرى أن لا يتم الخروج عن الموضوع للدخول في جوانب لسنا بصددها

تقيدوا بالمطلوب والواقع لا يحتاج لترجمة أو شرح وتفصيل

فلكل منا وجهة نظر ولا داعي لذكرها

أعتقد الصورة واضحة وتحتاج لضبط النفس

الرجـــــــــــــــــــــــــاء التقيد بما هو مطلوب

لظروف خاصة لم أتابع ردودكم.أعذرونــــــــــــــــي

فهل من مزيد من وجهات النظر

بوركتــــــــــــــــــــــــــــــم
وشكراً لإهتماماتكم
خادمكم