نظرة المقدسيين للعيساوية

[عقاب]

السلام عليكم ورحمة الله وبركاته

ان اغلبية سكان القدس وضواحيها ينظرون للعيساوية وسكانها

نظرة سلبية جدا مع الاسف الشديد.

ما هي الاسباب وراء هذه النظرة السلبية ؟

أهي تصرفات بعض الطلاب والطلبات في المدارس وخارجها؟

أم هي تصرفات بعض الشباب الغير مسئؤولة.؟

وما هي العوامل التي يجب ان نتبعها لتغيير هذه النظرة السيئة ؟

في وجهة نظركم .
ام هي نظرة الاقلية من المقدسيين؟
وشكرا لكم .

[ابو قصي]

السلام عليكم ورحمة الله وبركاته
هذا موضوع النقاش لهذا الاسبوع قد تتفق الاراء وقد تختلف
نرجوا منكم ابداء الراي بالموضوع

[IkEr_CaSillAs]

مظبوط أخي في ناس بيكرهو العساسوه عشان همه بيكونو ناظرين إلهم النظره الغلط

أو بتكون الطوش دائمه معهم مثل: باب حطه والعساسوه بيكرهو بعض على المسبحه (كـــــــــتــــــــــيــــــر)


وهادى إلي منشوفه أما أنا ك سلواني ما في عندي ولا أي نوع من العنصريه أو التحيز وأعتقد أنو معظم العساسوه علاقتهم مع السلاونه ممتازه

وكل الناس خير وبركه

وبعد إذنكم لمذا لا تنظرون على أبنائكم الذين لا يحبون الخلايله

لمذا لا تسألون أبنائكم لمذا لا تحبون الخلايله

تحياتي

[العيساوي الحالم بالتحرير]

بسم الله الرحمن الرحيم
اول اشي اخي عقاب بحييك على اختيارك ذلك الموضوع للنقاش هذا الاسبوع.....يا اخي نحن اهل العيساوية عرفنا بشعلة القدس التي لا تنطفىء بوجه الاحتلال الغاشم ...ولكن مع مرور الوقت وتغير الوجه اخذت تلك الشعلة بالهبوط ومع ذلك تبقى العيساوية خيرت باهلها .....فاينما ذهبت ستجد الصالح والفاسد وكما يقول المثل :"مش كل اصابعك واحد" فيوجد من هو معطاء وثابت عند حقوقه ويوج من هو البخيل في العطاء ومهتز عند حقوقه ....وعلى ذلك يا اخي لا تحسم ان نظرة المقدسين للعيساوية سيئة ....بل انها فئة قليلة من المقدسيين الذين يرون بانها سيئة ...وذلك بسبب المشاكل التي يقومون بها طلاب العيساوية الجدد في المدارس الثانوية المتواجد في القدس فمن تلك المشاكل يكون على حق ثابت ولا يجوز الصمت عن تخطي اي احد على ذلك الحق فلا بد من مشكلة لتربية الشباب ومن تلك المشاكل يكون على اشياء تافهة لا تستحق الذكر وذلك يعود بسبب فساد تربية الاهالي لهذا الجيل وانا لا اجمع ولكنني اقول ما ارى بام عيني .....فترى الفتى الذي لم يتعدى 15 سنة يشعل السيجارة امام والديه ويشتم الذات الالهية امامهم وذلك ان دل على شيء فانما يدل على قلة التربية من جهة الوالدين ....وايضا يوجد فئة ضئيلة ومعروفة في القرية بانهم شواذ اخلاقيا وتربويا وهؤلاء الذين يتعاطون المخدرات والكحول ويرتكبون الكبائر والمحرمات في ديننا الاسلامي العريق فتلك الفئة تعطي صورة سلبية عن اهل القرية ......ولا انسى ذكر اولئك الشباب الفاسدة الذين يتقلدون باليهود فترى الذي يلبس نص بطن والسلاسل الذهبية تملىء عنقه وترى الخواتم منتشرة في اصابعه وايضا البنطلون الساحل ويجب ان يكون الملابس الداخلية ظاهرة للجميع ورنة الهاتف يجب ان تكون لاحد سفاكين الدماء من المطربين اليهود ولا ننسى قصة الشعر والحز الذي في الحواجب فكل هذه المناظر تجلب الاستحقار والاشمئزاز ....... ان هذه الاسباب التي تؤدي الى النظرة السلبية لاهل العيساوية ولكن يجب علي القول بان هذه الظواهر منتشرة في جميع مناطق القدس وليس فقط في العيساوية ........وارى الحل لهذهالظواهر هي فقط التربية من قبل الاهل وايضا منن قبل المدارس الابتدائية والاعدادية والعودة الى الاسلام والتمسك بسنة النبي عليه الصلاة والسلام والعودة للنضال في الساحة الفلسطينية والتمسك بالثوابت الوطنية.زززالتي من الاكيد تعيد رص الصفوف وتنهي المشاكل التافهة وبذلك تعود القدس يد واحدة لتقف بوجه الاحتلال والاجراءات التي تتبعها اليوم من تهويد اراضي وعقول ........لم اذكر النواحي الايجابية لان الموضوع يخص بالنواحي السلبية لتصرفات بعض شباب لعيساوية ..........

[SoFt G!rL]

مرحبا...

اول اشي شكرا على الموضوع الحلو
وانا عندي اكم من تعليق
انا مع انه في كتير مقادسة بكرهو العساسوة وهادا الاشي تأكدت منه طبعا من مدرستنا يعني ازا الواحد بقول انه هو عيساوي يعني اجرم يمكن معظم بنات صفي ما بعرفو اني عيساوية الا عن طريق الصدفة بس برأيي انه الانسان هو الي بعطي انطباع عن بلده يمكن السمع الكتيرة الي بتطلع على العساسوة هي الي بخلي الناس تكرهم
متلا انا بسمع كتير سمع عن الطورة بس مش معناته اني اكرهم لانه كل الناس خير وبركة وبعدين اغلبية صحباتي طورة مع انه بسمع عليهم بس انا بقييم على انسان مش على قرية او مجتمع يمكن في خلايلة احسن من العساسوة بالف مرة والعكس صحيح

يعني التقييم دايما بيجي على شخص مش على قرية
وكتير بسمع من صحباتي شغلات عن العساسوة انا ما عمري سمعت فيها ومرات بسمع طوش البلد من بنات صفي هههه
يمكن اختلاطي بالعساسوة مش كتير بس بالاخر كل الناس خير وبركة

اخوي سلواني العساسوة صح بكرهو الخلايلة بس الشغلة مش بأيدهم هههه غصبن عنهم

[NanOoOsh]

أنا بدي اعطي رايي وانشالله ما حد يزعل مني
أول شي كل الناس خير وبركة
انا بلاحظ على اهل العيساوية انو عندهم عنصرية ضد غيرهم وانو بكرهو الناس وبحبو نفسهم كتير وبعاملو الغير زي اكنو شر ونزل بينهم وهاد الي بخلي الناس تكرهم بنظري بس هاد مو مزبوط وازا فعلا حابيين يغيرو يبقى اول شي لازم يحبو بعضهم ويحبو الخير لكل الناس ويبطلو يطلعو للناس بنظرة زي اكنهم احسن منهم لاننا كلنا عند ربنا واحد :( وانشالله ولا حد يدايق مني او يزعل لانو انا بحب اعطي رايي بحرية وبتمنى تستقبلو بالمنطق الصح
يعطيك الف عافية خيا
شكرا على الموضوع
تحياتيـ

[ابن الصوانه]

السلام عليكم ورحمة الله وبركاته
تحياتي لجميع الاعضاء ولجميع اهالي وشباب العيساويه
بالنسبه لموضوعك اخي عقاب موضوع مهم ولازم نتناقش فيه؟
اول شي خيي يمكن توجد نظره سلبيه من اهل القدس الكم
كماااااااان توجد منكم نظره سلبيه للمقدسيين وانا خيي بأكدلك بأنو هاي
الظاهره توجد بنسبه قليله جدا وفي بعض المناطق وليس بجميع ضواحي القدس
ومثااااااال يا اخي عقااااااب؟ هي انا مش عيساوي ولا سااااااكن بالعيساويه ولكن
بحب العيساويه وبحب اهل العيساويه والي كثير صحاب ومعاااااارف من العيساويه
والي ما في غير لأهلو وأهل بلدو ما في خير لنفسو
والاسباب الي بتأدي الى نشئت هاي الفكره لدى المقدسيين هي اسباب انا متأكد منها تماما .واهمها
1) ظاهرة العنصريه الموجوده في البلد عندكم بشكل كبيرررررررررر
يعني لما ييجي شب من خارج البلد كل البلد بتقول بتصير بدها تضربوا واطلعلوا من البلد (مهو غصب عنو بدو يكره العيساويه والي بالعيساويه والي بيحبو العيساويه)
2)بعض تصرفات اولاد المدارس مثل مدرسة الايتام ومدرسة العبد لله
3)بعض تصرفاات الشباب الغير لائقه والتي لا يتقبلها لا عقيدتنا ولا مجتمعنا ولا عاداتنا وتقاليدنا بالعيساويه وخااااارج العيساويه
*
*
*
*
*
وزي ما لازم نناقش العادات السلبيه للبعض من اهل البلد لازم نذكرهم بالخير لأنو معظم كبار السن من العيساويه هم ناااس كثير محترمين وناس
بيخافوا الله ومتمسكين بدينهم وبلدهم وبعادتهم وتقاليدهم وهاذا الشي خلاني احب العيساويه واهل العيساويه انا وكثير ناس مثلي
وبنظري كشاب فلسطيني وكشاب مقدسي بيكفي انو اغلبية النساء الكبار في السن من البلد عندكم بيلبسوا الثوب الفلسطيني الثوب المقدسي العيساوي
الثوب الي بيرمز للشعب الفلسطيني ما بيرمز لا لقرية العيساويه او اي قريه اخرى من القدس
الثوووووووووب الي بيمثل فلسطين في الخارج
بتمنى تكون وصلتك الفكره يا اخي عقااااب الك ولجميع اهالي البلد
وبتمنى تكون اعجبتكم مشاركتي وما اكون ضايقت اي انسان منكم او أسئت اليه

تحية مني ومن جميع المقدسين للعيساويه ولاهل العيساويه ولشباب العيساويه

[عقاب]

السلام عليكم ورحمة الله وبركاته

كاسياس في البداية والنهاية نحن شعب واحد وأبناء وطن واحد

والقصد من طرح الموضوع لا العنصرية ولا التمييز بكل تأكيد

وانا قلت سكان القدس وضواحبها ينظرون للعيساوية وسكانها بلا استثناء .

ومشكور على المرور وباب النقاش مفتوح

[حنظله]

مشكور على طرحك اخي عقاب

وجهة نظري للموضوع بشكل عام


كلٌِ منا خيراً وبركه

لا يوجد هناك شيء اسمه عيساوي خلايلي مقدسي لدي كلنا اصحاب عقيده واحده
وهدف واحد و قوميه واحده فأرى ان من يُلفِتوا نظره لهكذا أمور هم من اصحاب العقول الضعيفه
هذا ما يريده الغرب التفرقه وعدم الوحده وكل ذالك يعود الى جهلنا في هذه الأمور
مع احترامي للجميع

نسأل الله ان يجمع شمل المسلمين ويبعدهم عن الجهل والأميه

[فادي]

بسم الله الرحمن الرحيم
السلام عليكم ورحمة الله وبركاته

بالاول بشكرك يا عقــاب
عالموضــوع الهــادف

انا بدي احكي انو مش كل النـاس بتطلع عالعســاسوة بالايشي السلبي
في نـــاس بتشوف المنيح وفي نــاس بتشوف العــاطل بس سبحان الله
العاطــل اكتر من المنيح وهون السؤال ليش ؟!!

يمكن زي ما حكوا بعض الشبــاب انو يمكن يكون الواحد بطلع عالواحد بنظرة نحكي نظرة غيـر مقبولة
بس الايــام هاي ما بنستنى عالواحد ليحكي متأسف او ليعبر عن غلطوا لا بدنا نسوي مشــاكل كان منا نحنا العساسوة او غيرنا
بس شو بدنا نعمــل هــــاي حالنــا ..والوضع اللي عايشين فيه بس لازم يكون تغيير فينا من ناحية اكاديمية ومن ناحية تربوية

فالبنسبة اللي انا ما بفرق بين عيساوي وخليلي وسلواني الخ .. لانو انا الحمد لله علاقتي مع الكــل منيحة كل واحد اللو صحبة من برا البلد كاان سلواني ولا خليلي والله زينة الشبــاب

وبعدين لو احنا منعتبر حالنا زلام ما منعمل مشــاكل ببعض لانو احنا مسلمين . عرب . واحنا صاحبين قضية وحدة وهي قضية فلسطيــن وهادا هو اللي بدو ايــاه الاستعمــار انو نفترق عن بعض عشان يحكمنا فإنتو ما بتعرفوا انو الصهاينة بتبعوا سياسة البريطانين " فرق تسـد " كل ما افترقنا عن بعض كل ما زاد الاحتلال الغــاصب علينا سوء

والسلام ختــام
تحيــــاتيــ ..

[abo adam]

بسم الله الرحمن الرحيم اقدم تحياتي واحترامي للجميع على ارائكم ولاكن للأسف هوناك ما جعل الكثير من المقدسيون يكرهو البلد هو انا البعض من الذين يسكنون في هذه القريه عندما يحصل معهم شيء عار عليهم او مشكله او بنت فاضحه يقولون احنا من العيساويه وينسون انهم سكان ولاكن اذا طلع منهم احد متعلم او يخطب االخ .............. يقول احنا سكان ولولا الضروف والهويه شو بيقعدنا في هلبلد وبسونا اعطل ناس هناك من منا سيئ ولاكنا ليس الكثير اهل العيساويه اهل العزه والشرف واكثر بلد ناضلت بلانتفاضه ولما بيسمعو عن حدا انو مش مزبوط الك بيقف بوجهو والكل بيعرف معضم القرى المجاوره سكنو المستوطني جو بلدهم بس العالم ما بتشوف عوجت رقبتها

[غزاوي في البلد]

بسم الله الرحمن الرحيم
شكرا على طرح هذا الموضوع الجريئ
احبائي، العيسوية جزء من وطنا والقدس كذلك جزء من فلسطين الحبيبة.
كمقدسي ولد في البلدة القديمة بالقدس، وانتقلت الى الصوانة ووادي الجوز، وحاليا اقطن بالعيسوية.
ولي تجربة مع اهل القدس عامة بقراها وباحياءها المختلفة.
صدقوني ان العيسوية افضل من غيرها من القرى في كثير من الامور.
لذلك اعتقد انه من الظلم ان يقوم البعض باتهام العيسوية واهلها باتهامات لا اساس لها من الصحة.
فالعيسوية فتحت ابوابها لكل فلسطيني ليعيش فيها بامان، وحتى لو كان عند البعض نظرة ضيقة او عنصرية
فلا احد يملك الحق بالتعميم بان كل العيسوية كذا وكذا.
فالعيسوية كغيرها من ناحية الصالح والطالح.
بل واضيف ان فيها رجال اشراف ومجاهدين وشهداء واسرى لا زالو خلف القضبان
ودائما كانت العيسوية سباقة بالتصدي للاحتلال، ولا ابالغ اذا قلت لكم اننا نعتبر العيسوية جزء محرر
في مدينة القدس.
كل الاحترام والتقدير للعيسوية واهلها
والسلام

[العيساوي الحالم بالتحرير]

السلام عليكم ورحمة الله وبركاته :-
انا حبيت اعلق على هذا الموضوع لانه يتضح انه يوجد بعض المشاركين المحترمين فقط اضافوا اشتراكهم بالجمل التي لا يوجد لها معنى في القاموس العيساوي وبعدين يا اخوتي اللي بنعر انو يحكي انو عيساوي ما يسكن في العيساوية بريح راسنا وراسنا ، واذا العساسوة عنصرية فهم عنصرية بعروبتهم وفلسطينيتهم ضد الاحتلال الصهيوني وليس ضد اي مقدسي او فلسطيني ، واذا اردت ان احكي عن امجاد العيساوية فلا يتسع كل هذا المنتدى للكلمات التي ستطرح بهذا الخصوص ...ولكني احب ان اعطي مثلا صغيرا : "الا وهو المسيرة التي جرت في القدس ضد الدنمارك بسبب الرسومات المسيئة للرسول عليه الصلاة والسلام "اسالوا يا اخواني مين قام في تامينها وبعد ذلك تعال وقول العساسوة عاطلين ، والعديد من التضحيات التي قام بها شباب العيساوية لاجل رفعة القدس وحماية الاقصى .....يا اخواني انا ما بزاود على حدا بس فنفس الوقت ما بسمح لاي احد انه يتهجم فكلام مش منطقي على العيساوية ......وعلى هيك يا حبايبي ما تسمعوا كتير واذا حبيتوا تسمنعوا ابقوا ردوا على اللي بدعوا انهم انبياء ......

[ابو نعمه]

بسم الله الرحمن الرحيم نظرة المقدسين للعساويه اننا وبحمد الله لا نستطيع ان نكلف انفسنا في اسوال عن من يسكن القريه . مع العلم انا سكنها اسبحو اصحاب ملك.

[ابو شرين]

انا شاب من القدس اسمي ابو شرين
الرجاء من الجميع ما يواخذني على هدا الرائي
انا عندي كثير شباب واصدقاء من العيساويه وكثير اوصل عندكم واحب البلد بس في شغله ممكن تكونو ما ملاحظين عليها اول اشي مش بس العساسوه هيك بلعكس العساسوه يمكن احسن من غيرهم بكثير
انا لاحظة كم من مشكله
يعني انتو بتحكو عن الطلاب لا ممكن لكبار كمان لانه كثير من المستاجرين عندكم شايفين الويل من الاهل ومن الاولاد وكثير ناس اسمعت منهم هدا الكلام هيك حكولي حرام الواحد يسكن عند العساسوه ما برحمو حدا
بصراحه ما بعرف ليش بس حسب ما بحكو انه بتعجبو عليهم كثير من ناحيه الاجار ومن نواحي كثيره
يعني بعجبو عليهم لا تعملو ولا تصيبو هدا النا من هاي الداووين
ومن ناحيه الشباب متعصبين اشوي
وفي اشياء كثير كويسه يعني مش كل اصابعك وحده في كثير شباب كويسين وما احلاهم وزي العسل
برجو ما حدا يزعل مني
انتو طلبتو الرد وهده الصراحه بلكي صار خير وتعدل كلشي
وبكر بتمنا ما حدا يزعل من الصراحه والي عنده اي تعليق يحكيلي ادا ف كلامي غلط

[حنظله]

يعني انتو بتحكو عن الطلاب لا ممكن لكبار كمان لانه كثير من المستاجرين عندكم شايفين الويل من الاهل ومن الاولاد وكثير ناس اسمعت منهم هدا الكلام هيك حكولي حرام الواحد يسكن عند العساسوه ما برحمو حدا
بصراحه ما بعرف ليش بس حسب ما بحكو انه بتعجبو عليهم كثير من ناحيه الاجار ومن نواحي كثيره
يعني بعجبو عليهم لا تعملو ولا تصيبو هدا النا من هاي الداووين

انا بقترح دعوة الاعضاء المستأجيرين في العيساويه وإعطاء أرأهم في الموضوع من ناحية الاجار وغيره

لكي نكون في الصوره الصحيحه

[Ṁǎĵđ]

اخ ابو شرين
اتنا علقت ع اشي مهم
وهو الاجار بس الناس
الي بحكو هالحكي ما فكرو
قديش صاحب الدار حط دم قلبو ع
الدار بعدين فش تفريق بين واحد عيساوي
ومش عيساوي هي انا مش عيساوي بس احسب
قديش الي بالعيسوية وبعدين صاحب الدار بدو يحافظ
ع دارو (ومن تحكم بماله ما ظلم) وبعدين ما تقلي كل العساسوه
عنصريه يعني روح ع القدس بسالوك انتا عيساوي مسوي اشي ولا
مش مسوي بتحركشوك فبغصبن عنك مين ما بدك تشوف قدسي بدك
تنتقم منه زي ما مسكوك وانتا ما الك خص بتسير بدك تنتقم ...

[shadie]

السلام عليكم ورحمة الله وبركاته مشكور على المضوع الحلو والروعه انى ما بدي اعلق كثير بس بدي اقول انه كل الناس بركه كلنا فلسطينيين ننتمي الى ارض جذورها في اعماق قلوبنا وحبها يجري بدمنا وتحريرها صدى حلمنا اعتقد في ايام زمان كان هناك عيساوي وعناتي وخليلي وفلاحي الخ..........اما اليوم تغيرت نضرة الناس لهذا القول انىبرئيي لا يوجد عنصريه ولا تفرقه بل يوجد محبه بين الناس اي كان اصله بلنسبه للاْخت التي عقبت انها لا تحب الخلايله فهذا رائي شخصي لا يشمل جميع العيساويين وانى اعتبره تخلف منها , اذ ان مثل هذه التعليقات هي التي تسبب الحزازيات بين المقدسيين واهل وسكان العيسويه يجب ان لا يكون كره لاْي انسان بسبب فقط لانه خليلي او طوري او فلاحي او غزاوي الخ............ صدقوني هذاالموضوع هو يؤثر في تقسيم الشارع الفلسطيني ويولد الكره وعدم الاْلفه بين كافت الطبقات لدى الفلسطينين يجب ان نكون يد واحده قلب واحد جسد واحد في كل شيْ وهذا سوف يعكس صوره طيبه لدى الاحتلال عن الشعب المقدسي والفلسطيني بشكل عام وشكرا لكم .

[قائد الكشافة]

السلام عليكم ورحمة الله وبركاته

العيساوي هو انسان فلسطيني مقدسي ويحب كل المقدسين

ونقول الى لكل الشرفاء أهلا وسهلا في بلدكم الصغيرة

ونحن كلنا مسلمين والمسلم اخوه لكل مسلم

ونقول الى العيساوي والى سكان هذه القرية ..

يجب ان نعلم ابناءنا على المحبة والتسامح وعدم الأساءة

الى اي شخص كان مسلم او نصراني

الرب واحد والدين واحد والمحبة هي الاساس والتسامح

في هذه الحياة اذا نظرت اليها بنظرة انها جميلة تراها جميلة

واذا نظرت اليها نظرة سيئة تجدها سيئة

واذا طلبت الخير تجده انشالله

كل المحبة الى أهالنا في قلعة الصمود قرية العيسوية الحبيبية

[غزاوي في البلد]

بسم الله الرحمن الرحيم
الف تحية للاخ الزير على هذه الكلمات الجميلة
حيث قام بتلخيص جيد ومعبر عن الموضوع
وعليه اطلب من السادة المشرفين
اغلاق الموضوع عند هذا الحد
مع الاحترام للجميع وحبي الكبير لابناء الوطن