|
|
20-10-2008, 02:34 PM
|
#1 | |
 
|
يا جماعة ..استعرضنا شو المشاكل الموجودة ..وعرفنا تقريبا ايش هي ... ممكن نحاول نوجد الحلول فعلا ..خلينا مرة نطرح قضية للنقاش ونتابعها ونستمر فيها .. هاي القضية خليها تقعد شهر مش بس اسبوع ..ولكن يكون في نتيجة للنقاش .. ما بدنا كل مرة نيجي نندب حظنا ونقول اه والله ياريت يكون في تغيير ..وياريت هالبنات يغيروا ويبدولوا يا ريت وياريت !! وكأننا خارج هذه الدائرة ..وكأنه بس علينا ننتقد وخلص .. لا .. لازم يكون في خطوات عملية وفعالة وسريعة لمحاولة الوصول لحل ما . المزبوط اتصلت على مدير مدرسة العيسوية الابتدائية والذي اشاد بضرورة عقد اجتماع لمناقشة الوضع ووضع الحلول . الاجتماع برأيي لازم يضم لجنة اصلاح البلد ..محموعة من المنتدى ..مدراء المدارس . ورجال ووجهاء البلد .. الدعوة يجب ان تُوجه وبشكل رسمي من منتديات العيسوية لكل هذه الجهات ..طبعا بتنسيق مسبق لوقت يلائم كل الاطراف . والمكان ممكن اختيار احدى المدارس او في الملتقى الجماهيري . اتأمل ان نخطوا خطوات عملية لعل وعسى نقدر نعمل اشي .. واذا تكاتفت الجهود وتعاون الجميع حتما راح نعمل اشي .. |
|
|
|
21-10-2008, 03:19 AM
|
#2 | |
|
عيساوي مشارك
|
[align=center] السلام عليكم ورحمة الله وبركاته اولا بحب اشكر اخونا الزير لطرحة للموضوع وبحب اثمن جهود اعضاء المنتدى الكرام لِنشرهم غسيلنا .........على الملأ >> انا من متابعين المنتدى بس غير مشارك لهديك الدرجة لأني بصراحة ما بعرف اعبر عما بداخلي بالكتابة بس بالحكي انا يعني شغل حكي بس هاد الموضوع شدني اني اكتب وشو ما طلع معي ما حد يزعل مني بتمنى انو ما اجرح بأحد لاحظت من الردود المطروحة انو شبابنا وبناتنا من اسوأ ما يكون بدون تعميم ولكن بالنسبة الكبيرة.. ولكن ولا واحد وضع حل الا اختنا ماما رويدة والحل كما ذكرت انو مش من عندها من مدير المدرسة .. وبعدين انتو اهتميتو اكثر للجانب الظاهر فقط فلان لابس كذا وفلانة رايحة حفلة.....الخ ممكن من اي حد يجيبلنا احصائيات من سنة 2000 لليوم اكم طالب نجح بالتوجيهي من طلاب العيساوية وكم معدلاتهم وشرط يكون تأسيس مدارس العيساوية من الصف الاول الى التاسع. وهذه الظاهرة موجودة بمدارس الخاصة ام البلدية (ارجو كل من يناقش يرد على هذا السؤال) وهل هذه سياسات الاحتلال بأحتلال عقول شبابنا وبناتنا احتلال فكري تام؟؟ ومرة من المرات في العام الماضي طرحنا هذا الموضوع للنقاش لكن خارج المنتدى وباشرنا بالتنفيذ وبوجهنا لمدير المدرسة الاعدادية (الاستاذ خضر) كان الرد تاعو انو بيجي الطالب من المدرسه الابتدائية ما بعرف يقعد على الكرسي زي العالم فما بالك خارج المدرسة ... الان يجب ايجاد سبب المشكلة كي نفلح بوضع الحل هل سبب المشكلة الاهل, ام المدرسة الابتدائية كما ادعى مدير المدرسة الاعدادية ,ام الطاقم التعليمي اجمع ,ام اهل البلد انفسهم ام ماذا؟؟؟؟ نرجع للحل انا شخصياً كتير عجبتني فكرة الاجتماع هاي و ان شاء الله رح اكون موجود خلال هذا الاجتماع إن عُقد .. ماذا سنناقش في هاذا الاجتماع؟ ومن سيوضع لائحة النقاش؟ وما هدفنا من هاذا الاجتماع ؟؟>> انا برأيي من يتقدم لوضع هذه اللائحة يبحث عن الاسباب قبل المشكلة (ان عُرف السبب بطل العجب) المهم انا برأيي يجب ان تقوم حملة كبيرة في البلد لتوعيه الاهل وتوعيه اولياء الامور عن اسباب يجهلونها تتعلق بأبنائهم وتجاوب الاهل ضروري بهذه النقطة >> وعلى حد علمي يوجد بالمدرسة لجنه تسمى بلجنة اولياء الامور يدور واجب هذه الجنة بمراقبة الطاقم التعليمي كامل قبل الطلاب والمعروف ان التربية قبل التعليم ولا انا غلطان؟؟ اما بجانب الطلاب فهم بحاجة (لشده دان) قوية تخلع اذانهم من محلها لأنو في مثل بقول (مين فرعنك يا فرعون...رد ما لقيت حد يردني) يعني اذا سمحنالهم بالتمادي بقله حياهم احنا هيك بنكون لبينا رغبة الاحتلال...وقبل تعليمهم المواد المنهجية يجب تعليمهم كيف يسطفون لشراء حاجاتهم من المقصف (الكنتين) فالنظام طريق الرقي ومن دون تعليم النظام لا تتوهمو بتعليمهم العالي .......... وبتمنى اقرأ رأي استاذنا الاستاذ(خضر عبيد) واتمنى ان يكون رأيي لا يضر احد بل يفيد الجميع ... تحياتي ابن البلد احمد جيار [/align] |
|
|
|
|
21-10-2008, 10:40 PM
|
#3 | |
|
مشرف قضيتنا وقسم هل تعلم
|
بالفعل موضوع مهم جدا وهو جدير بالنقاش طبعا من مصلحة الابناء ومن وجهة نظري ان اولياء الامور يتحملون المسؤولية كاملة في هذا الموضوع لأننا نحصد ما نزرع في ابنائنا ان زرعنا خير نلقى خير وان زرعنا اخلاق حميدة نجني اخلاق والمقصود هو ان الابناء دائما وعلى طول بحاجة الى متابعة ومراقبة مستمرة من جميع النواحي للمحافظة عليهم من الضياع والانغماس في الفساد وهنا ينطبق علينا قول الشاعر اذا كان رب البيت بالدف ضاربا فشيمت اهل البيت كلهم الرقص . وشكرا لك اخي الزير على الموضوع وتحياتي لك . |
|
|
|
|
22-10-2008, 01:29 AM
|
#4 | |
|
عيساوي مجتهد
|
مش عارف من وين ابدا ... ومش عارف ازا حد راح يمرق على تعليقي من بين كل هالتعليقات ...؟؟؟ بس حابب اشارك برأي في الموضوع واحكي شو بشوف وشو بقترح .... انا شايف انو ... احنا واقعين في كارثه انو احنا بنحكم على الطفل او الولد او الشاب مع انو مش هو المشكله ... الاهل الي وصلوه للمشكله ... وتركوه يقع فيها من كثر الاستهتار والا مبالاه والترباي الغلط ... طيب ما الكل بعرف هاد الحكي ... !!!! طيب حاولوا صلحوا الوضع ... بلش انت في بيتك وانا ببلش في بيتي بس اعملوا شي قبل ما نغرق اكتر من هيك ...!!! يا ولي الامر... روح شوف ابنك في اي صف وصل ... بعرف يكتب اسمه ولا لا .... اقعد معه درسه ,فهمه لانو ما بفهم لحاله حاول تربيه صح !! احكي معه كون صاحبه من هو اصغير على شان ما تخسره وتلاقيه في الشارع وهو كبير وكمان بدي احكي مع( الشباب) طلاب المدارس ...! اصحوااااا يا شباب انتو ضايعين الي ما بتعلم ما اله مستقبل ... صدقني ما في احسن من تعليمك! ... لانوا مستقبلك وحياتك لما تكبر؟ ... مش راح اتضل شباب واصغير راح تكبر وتبني جيل ...ازا انت يا شب فشلت وضيعت تعليمك ومستقبلك اليوم على شان تلحق البنات ؟ولا عشان تعمل طوش كل يوم والتاني ؟ولا عشان بتضلك بتروح اتعجب على الاستاز واتضيع حصص على الفاضي ... واخرها... !!! انت بتقشر بصل في مطعم عند اليهود... ! كيف بدك بكره لما تكبر ابنك ينجح ...؟ ابنك راح يطلع متلك... لا حاول ما تغلط وتضيع حالك ...!! نظم وقت ... ادرس .. احترم حالك على شان غيرك يحترمك وبكفي تضيع وقت اصحى قبل تغرق ... اتعلم ... وكون محترم ... بتعيش احلى حياه ... وبتبني احلى حياه ... ابوك مش راح يضل يصرف عليك ...! بدك تصير عتال عند اليهود ولا طبرجي ولا تشتغل في التنضيف ...؟ لا صدقني ما بنفعك الا تعليمك ... على شان تقدر تبني حالك ... وازا انت بنيت حياتك ودولتك الصغيره بتساهم في انك تبني جزء من دولتك لكبيره ... فكروا يا شباب وحاولوا تصلحوا قبل ما تضيعوا حالكم... تحياتي mustafa |
|
|
|
|
22-10-2008, 03:12 AM
|
#5 | |
|
عيساوي مبدع
|
بسم الله الرحمن الرحيم الموضوع كثير عجبني انا بدي أحكي شغله وحده لا غير بدي أعرفها من جيل 1980لجيل1986 ليش ما كان يصير هيك أشياء يمكن عشان التربيه كانت شديده أو عشان كان الأنتفاضه شغاله أو كان في أحترام بين الشب ولبنت بس بلوقت هاض انا شايف العكس لا في تربيه وله فيه أهتمام بتعليم وله في مسؤليه وشكراً ربيـــــــــ البلد ــــــــــــــــع |
|
|
|
|
20-10-2008, 07:16 PM
|
#6 | |
 
|
بس للأسف تنفيزها اثبت انها لا قدمت ولا اخرت ... واخر شي حكيتو انو علينا تربية الاباء قبل ابنائهم ...وهالشي بتم متل ما قالت ماما رويده بلقاءات التوعيه والارشاد(ان كانت دينيه او حتى اجتماعيه) لانو الحاصل لا يقبله لا دين ولا اخلاق ولا حتى مجتمع |
|
|
|
|
20-10-2008, 11:19 PM
|
#7 | |
|
واحد من الناس
|
والله خيتي ماما رويده فكره لقاء توعيه ممتازة ممكن مش غلط خلينا نشوف الموضوع ونناقشه ونجمع الافكار وبعدين بنطلع بالاشياء المطلوب عملها خصوصا لو بدنا لقاء توعيه لازم يكون لقاء اول مع الناس المسئوله وبعدين دعوه اولياء الامور بعد الاتفاق على خطه معينه مثلا بالنسبة الي بقول الشغله اسهل من هيك بكثير لازم المدرسة تركز على الطلاب والطالبات بشكل اكبر والي تصرفه لبسه مظهره مخالف يتودى على البيت مع طلب ولي امره للمدرسة |
|
|
|
|
21-10-2008, 05:55 PM
|
#8 | |
|
كون هذا الموضوع جعلك تشارك فيه ..اذا انت تهمك مصلحة البلد . وادى ما هو مطلوب ..حيث نريد ان الجميع يتحرك يعطي اراء ..يغير نفسه وما حوله اقل شئ . كونك تقول اننا بننشر غسيل ..اسمح لي ان اقول .. ان العيسوية جزء من هذا المجتمع الكبير ..والمشاكل الموجودة عنا موجودة بكل مكان وقد تفوق مشاكلنا .. ولكن هناك من عندهم المبادرة والسعي للتغيير وهناك هم مثل النعام ...يضعون رؤوسهم في الرمل ويقولون ما حد شايفنا .. احنا ما بدنا نكون مثل النعام ..واحنا لما بنعرض مشاكلنا .. الناس عارفة ايش العيسوية وايش الطور وايش سلوان وكل البلدات ..وعارفين انه الصالح والطالح بكل مكان .. ولكن القسم هون فعلا لعرض المشاكل ومحاولة نقاشها وحلها ..يعني مش راح نيجي نعترض على اشئ كويس باللبلد ..يعني بدنا نيجي نقول والله شباب العيسوية محترمين يرتادون المساجد يساعدون الضعيف ..مستوياتهم في المدرسة فوق الريح !! المفروض هذا الاصل في الانسان اللي هو الخير ...واذا وجدنا فئة خارج هذا النطاق علينا دراسة وضعهم ومعرفة سلوكهم وتوجههم ..حتى نردهم للطريق الصح . اتمنى انه هذا يكون كافي للرد على مقولة نشر الغسيل . اما الحلول ..فقبل اتصالي بالمدير اتصلت بمشرفة اجتماعية لاحدى مدارس القدس المشهود لهم بالنظام والانضباط لمعرفة السياسة التي يتبعونها في المدرسة ..وكذلك معرفة مدى حدوث المخالفات من الطالبات . حيث اكدت لي انهم لا يعانوا كثيرا من مخالفات الطالبات لانها قليلة والسبب ان سياسة المدرسة تقوم على توزيع نشرة تبين قوانين المدرسة من ما هو مسموح وما هو ممنوع وتطبيق ذلك بقوانين صارمة جدا .ولا تهاون في اي مخالفة . بعد هذا الرد اتصلت على مديرة الابتدائي فلم اوفق في الحديث معها . فاتصلت على المدير وقال ان هذه القوانين تُقال شفهيا للطلاب ! كل مربي صف يبين لطلابه ما هو مسموح وما هو ممنوع . فكانت هذه اول ثغرة .وبعدها اشار المدير بان يتم عقد اجتماع للأطراف المعنية . طبعا احنا كمنتديات ما في بايدنا اي سلطة على احد . وما عنا القدرة على دخول البيوت كما للمدارس . فاتجاهنا للمدارس لانه عن طريقها نستطيع ايصال ما نريد للطلاب واهاليهم . اما لجنة اولياء الامور ..حقيقة ما بعرف حد فيهم لانه اولادي يدرسون خارج العيسوية ..وكم تمنيت ان اجد احد من هذه اللجنة يتابع المنتدى ويناقش بحسب موقعه . وبحب احكيلك انه ضعف التعليم في العيسوية كان من اولى اولويات هذا القسم وهذا الموضوع تم نقاشه فعلا وشارك به عدد كبير من الاعضاء وهذا رابط الموضوع تفضل ونقطة اخرى ..انت بتقول سألوا فرعون مين فرعنك ؟؟!! احنا ومن هذا المنطلق نحاول ان نرد هؤلاء المخالفين .. حتى ما يتفرعنوا زيادة ..وحتى ما يسحبوا غيرهم معهم .. لانه وكما يقول المثل الصاحب ...ساحب !! وقل لي من تخالل ..اقل لك من انت . بتمنى تكون الفكرة وصلتك ووصلت لغيرك .. وبدنا همة الشباب ..يلا ورونا همتكم . |
|
|
|
|
|
21-10-2008, 10:11 PM
|
#9 | |
|
بقدر اعطي رأيي بلي بعرفوا ممممم في هيك وفي هيك والغالبية هيك..سلبي ليش؟؟ لانو فش اهل تسأل وفش مصلحة عامة وفش عرض ينخاف عليه مش الكل طبعا بس العظمى اتقوا الله في انفسكم واهلكم ومالكم وعلمكم وخلو مخافة الله بين عنيكم اكتفي بهذه المشاركة ........ |
|
|
|
|
21-10-2008, 10:43 PM
|
#10 | |
|
عيساوي VIP
|
موضوع هدّاف لاجيال اليوم ولكن انا لا الوم الاهل فقط وايضا اللوم يقع على الفتيات والشباب لكل شخص في هذا الكون يجب ان يتحمل مسؤولية نفسه متابعة ضرورية من الاهل ولكن اتعتقدون بانه يجب الام او الاب متابعة الاولاد على الطرقات الفتاة سمعة ومن تريد ان تجعل سمعتها وسيرتها عكل لسان عشان ترضي فلان وعلان فهي بنت الاحسن انها تقعد بالبيت والشب ازا بكون مبسوط جاي يا اهل البلد جاي شوفوني طالع على المدرسة فيروح يدور عصنعة احسنلو وبالنهاي الاهل عليهم علامااااااات سؤال كثاااااااااااااااااااااار لما الطفل يطلع من البيت قمة من القذارة وين امهاتهم عنهم وبنلاحظ الجيل والجيل الي بعدو عم بكون اتعس للاسف من الي قبلو لانو زادت عنا الزواج المبكر تحياتي لجميع ولي متابعة بتأكيد راما |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
العرض المتطور