اشعر بالاهانه ..ساعدوني

[اسوووم]

لا حبيبتي مشكلتك مش تافهه ولا شي وعنجد هالاشي الي صاير معك بيصير مع الكل واشي كتير طبيعي يعني ما تحسي انو انتي بس بالعكس يعني هي انا عندي خوات بنات بس برضه الا يصير هيك شغلات وانت حكيتي انو معظم هالتعليقات بتكون بدافع انكم كل واحد من جنس مختلف يعني شباب وبنات وهيك شغلات كتير ناس بيلاقوها تافهه وانها مع الوقت بتنحل وانها بتصير مع الكل بس عنجد هيك شغلات ممكن تاثر ع نفسيت الشخص
هلاء الحل لهالمشكله برائي انو كلامك لاهلك مش راح يجيب نتيجه لانهم بيشوفو الموضوع من منظور تاني بس الي انتي بتقدري تعمليه انو تشوفي طريقه تتقربي فيها لاخوتك يعني زي ما انتي حكيتي اخوتك الشباب مش صغار واكيد كل واحد عنده مشاكله وهمومه حاولي انك تتقربيلهم وتناقشيهم و و و ... انا بحكيلك هالشغله وانا مجربتها هلاء هي ممكن ما تزبط من اول مره بس شوي وشوي بتنفع وبتشوفي كيف راح تصير علاقتك فيهم يعني ممكن مره تاخدي رايهم بلبسك او ممكن تكوني بدك تعملي اشي تاخدي رايهم فيه او انك تطلبي منه يعملك هالشغله لانك بتحسي انو هو اشطر منك فيها او انه تكوني اعده بين الناس بعزومه مثلا وتفتحي موضوع مع اخوكي وتلفتي النظر اله او انك تلفتيله نظره بظريقه لبسه وانها كتير طالعه حلو عليه ومبينته شب وهيك ......... تقبلي مروري وانا دائما بالخدمه حبيبتي