18-08-2009, 06:21 PM
|
#1 | |
|
عيساوي VIP
|
بسم الله الرحمن الرحيم السلام عليكم ورحمة الله وبركاته مسائكمــ ,, صباحمــ ,, مسك وعنبر من هنا من فلسطين العروبة من فلسطين الصمود من (منتديات العيسوية)احييكم وادعوكم للمشاركة وبقوة في هذا الموضوع الشعبي : [caution]بالشتا وقبل المغرب بشوي زغيرة بنقعد بحوش الدار نولع هالكانون ولولاد يحطو البلوط اللي لموه والختيار يلف سكارة الهيشة ونقعد نشوي البلوط وتشم الجارة ريحة الخشب المحروق تجيب خبزاتها و زعتراتها وولادها وتيجي ونقعد انا واياها نسخن للولاد خبز الزعتر ويقعد الختيار يستنا ابريق الشاي اللي عالجمر نقول سقالله ايام ما كنا زغار لا هم ولا حزن ونقعد نطلع بالنار توكل الحطب زي ما الأيام والهم اكلت اعمارنا[/caution] فنجان قهوة .. يجمعنا.. و عاداتنا الأصيلة.. و قضيتنا النبيلة.. حكايات جدي و جدك.. وخرافات هالبلاد.. و بطولات الجهاد.. تعال يا عيساوي يا ابن بلادي اكعد جاي.. أحكيلك و تحكيلي.. كيف انسى حكايتك يا جدي ..والله ما بنسى ايامه وسلاحه .. لا تنسى الشاي وريحة الميرمية الفواحة ...ما بنسى الزعتر وخبزك يا فلاحة ... ووصيتك يا ستي..عن بلادنا وبيتنا ومفتاحه ... يا بوي احكيلي عن الأوطان و اشرح ما بدري شو بقى من الأهل و ايش راح مافي شي أحلى للصدر و اشرح من سيرة وطنا وقرب الحباب يبا للأرض بنغني وبنرفع الموال .. فلسطين امنا ودولتنا الحبيبة فلسطين يا ست حروف للموال .. كتبها الشعب بشهدا المسيرة الـ ف .. فرسان على روس الجبال و الـ ل .. لاحت بيارقنا المجيدة و الـ س .. سيف ذو حدين بالنزال و الـ ط .. طلاب المجد يا دم سيلِ و الـ ي .. يمين بالله ليتفجر الزلزال و الـ ن .. نحقق عالأرض دولتنا الأكيدة يا طير ياللي مر مع ضو القمر .. ميل على بابي .. و خبر عن حبابي يا هل يا ترى يا طير هم بخير .. و لا الليالي معتمة يا طير يا طير ياللي مر صوب البحر .. خذ شال للغايب .. خذلو الندى الذايب يا هل ترى يا طير هدى الموج .. ولا الرياح مجدلات و هوج يا طير يا للي مر من فوق الشجر .. هاتلي معك أخبار .. ولا تطول المشوار يا هل ترى ياطير راح توصل ؟ .. ولا الديار مزنرة بحنظل .. يا طير يا رايح .. ويا طير يا جايي .. خدلو معك شمسين و هاتلي معك راية ! مكتوب عـ صدر الزمن كلمة وطن وتراب .. لو غاب عن عيني النظر اسم الوطن ما غاب كلمة وطن يا زمن موال علساني .. لو علقوني عالرمح ولا عجنح عقاب لا تقلق هذا المكان يحوي الامان .... هذا الموضوع استراحه للعيساوي ولأهل العيساوية فكل ما يخطر ع بالك من عادات وتقاليد ومواقف اجتماعية ..فلسطينية ..سجلها هنا وطبعا كل واحد بلهجته العيساوية ..والخليلي هون يكتب خليلي ...... بانتظار مشاركاتكم على أحر من الجمر وتحية عيساوية من منتديات العيساوية لأحلى عساسوة  |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
العرض الشجري