الصمت يكفي

[*لين*]

الصمت يكفي ويشفي صدر راعيــه
لا صار كل الحكي ماله معانـــــــــي
و القلب ما عاد تعنيه المشا ريـــــه
و العين ماعاد تغريها الامانــــــــي
و الخاطر العمس من يقدر يسليــه
الناس والا الشعر والا الاغانــــــــي
يا كاتب الحزن في قلبي وقاريـــه
في نظرتي في انفعالي في حنانــــي
ياليت حزني مجرد دمع وابكيه
ماهوب عايش معي بين المحانـــي
ماهوب يظهر علي واحاول اخفيه
و تصير نظرات حزني هي لسانــي
لو للسحايب سجن يا عبرة التيــه
و الله ما احبسك بخفاقي ثوانــــــي
مدري ذكرني زمان كنت ناسيـه
مدري ذكرت الزمان اللي نسانــي
كنت اكره البحر واخاف الغرق فيه
و اليوم احبه واخاف من الموانـــي
كنت اعشق الجاي باحلامه وامانيه
يا ما بنيت بخيالي لــــــــه مبانــــــــــــي
ياما رجيت العطا من مدة يـــديــــه
حتى خذا كل شي وما عطانـــــــــي

__________________

كنـّه يقول " العشـق" فيكـم

وفيني ؟
مع أنه " الساكـت " وأنا ماتكـلمت ؟
أنت تبي " الصـمت "
[ بينك وبيـني ] !
طيب " أحـبك "
كيف تنـقال بـصمت ؟
مع تحياتي
جبهويه