مـََـقـََـلـََـوبـََـة - اتفضلوا -

[ثائر ابو لبدة]

قلبت أحوال الدنيا يا انسان ..

فوق ما هي أحوالها مقلوبة !!



ضيعت البلاد من زمان ..

واليوم بتنادي وين العروبة ..


تركت كل البنات على وجه الارض ..

وما لقيت تحب الا بنت مخطوبة ..


مع الناس .. خنت الناس ..

وقلت الحنكة مطلوبة !!


مع الله .. نسيت الله ..

وبتقول ليش الأمة مغلوبة !!


قال خايف من الدنيا قال ..

وكل الدنيا منك انتا مرعوبة !!


جينا نعاتب يا انسان ..

قلت كل اعمالي محسوبة !!


قلبت أحوال الدنيا يا انسان ..

فوق ما احوال الدنيا مقلوبة !!


في ناس بتبني قصور ..

وناس بتبني عمارات ..

وناس تبني الدار طوبة على طوبة !!


وناس ما بتعيش بلا جلايات ..

وناس ما بتعيش بلا مكيفات ..

وناس قتلتها الرطوبة !!


قلبت احوال الدنيا يا انسان ..

فوق ما هي الأحوال مقلوبة !!




وما فهمت الدنيا يا انسان ..

وهيّ أصلا ً مفهومة !!


ناس تاكل خبز وملح ..

وناس عاللحمة مفطومة ..



وناس تاكل لحم الناس ..

وناس عايشة مظلومة ..


وناس كل شي عندها موجود ..

وناس من كل شي محرومة ..


وناس تطبع دولارت ..

وناس عالقلة معدومة ..


وناس تتوظف بلا اختام ..

وناس مرفوضة وكل وراقها مختومة ..


وناس تعيش من عرق جبينها ..

وناس راكنة عالحكومة ..


ويا انسان بدي أقلك معلومة ..

ما فهمت الدنيا صح ..

وهيّ أصلا ً مفهومة !!



ملاحظة : اللغة عامية بعض الشئ - شعر ساخر - ..