اقتباس:
المشاركة الأصلية كتبت بواسطة همسة الاحساس
|
بسم الله الرحمن الرحيم
السلام عليكم و رحمة الله و بركاته
بعينك الله يا صقر الأقصى إستنى بس نخلّص من هالزغيرة بعدين بفضالك
الله يكون بعوني , مش بكفيني الثنين المفاعيص اللي عندي اللي بيتهبلوا و بيحكوا عجب جايتيلي كمان واحدة تقلدهم ! يا فرحتي ! هاذ ابني المفعوص عجيب عمره صار عشر سنين و للحين بيحكي مثل اللي عمره اربع أو ثلاث سنين ! طيّب شو بدي أعمل مضطر أترجم , الترجمة :
عمي أنا ما بدي أشتري من عندك لإني مش رح ألاقي في دكانتك الشي اللي بدي إيّاه لإنه بدّي أشتري شي مثل عقل أبو عجيب بحاله لإنه أبو عجيب أربعة و عشرين ساعة بحل بمشاكل غيره و أبو عجيب أربعة و عشرين ساعة بستخدم عقله بكيف بدّه يرضي ربّه و يرضي نفسه و يرضي غيره بس أنا بعرف إنه العقول ما بتنباع و لو إنها بتنباع بالدكاكين كان أوّل زبون إشترى العقل هو أنا كان إشتريت كل العقول اللي مثل عقلك و وزّعتهم على كل الناس و كان أوّل عقل من اللي إشتريتهم حطـّيته إلي براسي بس يا خسارة العقول ما بتنشرى و إنت دكانتك كمان ما بتبيع فيها العقول من شان هيذ يا أبو عجيب الله يسامحك لإنك مسمـّي دكانتك ( دكانة العجائب ) له ( ثلاث مرات ) يا أبو عجيب هيذ طلع ما في هالإشي العجيب بدكانتك تبعت العجائب , 
هذي بسموها سمايليز بتقصد فيها قال يعني إنه الشي اللي قالته بظحـّك ! , بظل عندنا
...
..
.
و هذي علامات غريبة بيستخدمها الولاد الصغار علشان يغلبونا و قال هدفهم إنهم يفهمونا إنه الموضوع خلص !
إسمعي مليح يا مفعوصة , أولا ً هذا دكان العجائب مش دكانة العجائب ! ثاني شي مين قاللك إنه فش عندي في دكان العجائب عقول !؟ و كيف حكمتي إنه فش عندي عقول للبيع , هاذ دكان العجائب يعني في كل شي يا مفعوصة يعني لو بدك نسخة ثانية منك برضو بتلاقي عندنا !!!!! أصلا ًما في أكثر من المفاعيص هاهاهاهاهاهاها
صحيح إنه عقلي مميّز بس مصلحتي أهم و هاذ باب رزق يعني لازم أوّفر في طلب الزبون حتى لو على حسابي و على حساب عقلي و كبريائي و أتنازل و أعطيكي عقل مثل عقلي , لكن المعروف إنه كل شي إله ثمن , قانون البيع و الشراء عندنا في دكان العجائب بنص إنه لازم تحكي ليش بدك الشي اللي بدك تشتري و إنتي فعلا ً حكيتي , لكنك حكمتي إنه فش عندنا و حطيتي نفسك محلي و كإنك إنتي البياع مش أنا و يا فرحتي بهيذ زباين ! على كل حال لازم تقولي عن شو بستغني كثمن مقابل العقل اللي بدك تشتري , روحي على الدار هالحين و إذا الماما تركت تطلع مرة ثانية من الدار بتبقي بتيجي و معك الثمن ! ديري بالك على حالك بلاش تنفعصي بالطريق و تصيري مفعوصة أكثر ما إنتي مفعوصة , و ما تلعبيش مع ولادي بلاش تتبهدلي
طبعا ً الكل مستغرب كيف أنا أبو عجيب و بساير هالمفاعيص اللي بيجوني على الدكان ! بس بقول شو بدي أعمل هذي رزقتي , الله يريحني من هالهبايل اللي عندي هم و إمهم اللي هارينـّي بطلباتهم حتى ما أضطر أبيع بها الدكان , بكفي إني بشغلي قرفان كمان قاعد بهالدكان بكش ذبّان و الحال تعبان
///////////////////////////////
الوجه الآخر
أهلا ً و سهلا ً بزبونتنا الشطـّورة , العقل فعلا ً لا يباع و لا يشترى , لكن هذا دكان العجائب و له صفاته الخاصة به , لكي تشتري العقل فعليك ِ أن تلازمي العقلاء , كما أن من يريد العلم يصادق و يرافق العلماء و هذا ينطبق على أي شخص حتى الملوك و الأمراء , بل و من هم أهم من أي شخص و هم الأنبياء , فنبي الله سيدنا موسى عليه السلام سأل الرجل الذي آتاه الله العلم فقال : هل أتبعك َ على أن تعلمني مما عـُلـّمت َ رُشدا ً ؟ أي أنه دفع ثمن العلم بأن يكون تابعا ً لذلك الرجل مع أنه نبي من أولي العزم من الرسل و هو كليم الله عليه و على نبينا سيدنا محمد الصلاة و السلام و على كافة الأنبياء و المرسلين عليهم جمعيا ً صلوات ربي و سلامه , إذا ً يا زبونتنا الصغيرة الطيّبة , لا أطلب منك ِ أن تكوني تابعة و لكن عليك ِ أن ترافقي العقلاء لتكسبي عقلا ً كعقولهم , و بما أنك ِ تريدين عقلا ً كعقل أبي عجيب !!! فعليك ِ أن تتبّعي آثاره و مواضيعه و كلامه و كلماته و طريقته حتى تشتري عقلا ً كعقله , مع أنه مسكين مثل أي ّ عقل و ليس فيه ما يميّزه عن غيره سوى أنه كبعض الذين يحبّون الخير للناس كما يحبونه لأنفسهم محاولة منه لإلتماس دروب المؤمنين حيث أن الرسول سيدنا محمد صلى الله عليه و سلـّم أكـّد أنه لا يؤمن أحدكم حتى يحبّ لأخيه ما يحبّ لنفسه
بكلّ الأحوال شكرا ً جزيلا ً لك ِ على تشريفك ِ لنا في هذا الدكان المتواضع , و لا تنسَي أي تزورينا دائما ً و أرجو أن تكوني رفيقة خير لإبتني الحبيبة عجيبة
و لا تنسي أن تصلي على الحبيب سيدنا محمد و على آله و أصحابه أجمعين