[ابو كايد]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

ردي وتعليقي الخــــاص لنـــــــــــــــــــــــــور هالنُـــوارة

والله يا نور ويا نوارة وزينة كل حارة وحارة
صقى الله على أيام سِتِج حورية وسيدج موسى
وين أيام زمان وين يا بنتي وين؟!
نعـــم :..............وين أيامِج يا سِتى!!!

ومش بس لَمَّن بكت سِتِج حورية الله يرحمها تِحمِل العُقدة وِتروح عالبيارة عِند سيدج موسى

وكمان بَكَت مِن نُص الليل تكوم نشيطة تحلب البكرات
وتخبز الخبزات في الطابون وما أدراج ما الطابون
بس لِعِلمِج طابون زمان سيدج وستجل مش زي طابون زمان اليوم

وستج بَِكَت تروح تفَيِّك سيدج من شان يصلي الصبح
وبعدها تحضرلو الزوادة وتحطها في الحطة
وتشِدِّلو على الفرس أو الحمار" ألله يعزج يا نور "
ومش زي بنات اليوم وشبابهم النايطين وما بيِسووا بيشلِك " فلس تركي "
ولا حتى تعريفة بس بظلوا نايمين متخمرين وبموتوا من الكِلِّة جوعانين
وما بيجيبوا أجلهم وبيظلوا متبطحين
وليلهم نهار ونهارهم ليل
وكانت سِتِج يا نور يا نوارة تِحمِل على راسها الفخارة فيها طبخة عصيدة
وبعدها تسرح مع سيدج وينزلوا للأرض شركا لعند البرية
عن طريق القصيلة وما في بقرارهم فصيلة يا نور يا أصيلة
وبكا هذا الحجي قبل طلوع الشمس

وبكيت أنا يا نور يا نوارة
أسمع سيدج جِِل صباح يقول ويسبح
سبحان من أصبح الصباح سبحان من أطلق الجناح
سبحانه أحد أحد سبحانه رب الصمد
سبحانه الذي رفع السماء بلا عمد

ويا ما غَنوا ويا ما َروَدوا ومَولوا موايل
ويا ما حَجولنا حَجي وسوالِف وِحِجايات

غنى سيدج أُوووف وأووفات وشاف كثير في حياته شوفات
وغنى عل الروزانا وكمان سِتِج حورية غنت غواني حِلوات
كان سيدج يجَيِّف على مَغنانيها الحلوة

وكوووولِج يا نورِِتنا وَنُوّارِتنا يا نور

وشو بـِدِّج تِتــــــذَجَري تَتِـــذَجَّري ..."تتذكري "
ستي يا نور بكت تلاكينا في الحارة وإحنا نعلب بالتراب والسجَن
وما بكا في زمانهم رمل..الله يسامحج يا نور
ههههههههههه
بيجوز هذا في غزة بس عِنَّا ما بكا في رمل

وشوفي ما أحلى جَلامها وهي بِتقولِّج : يا بُقبق عين سِتو يا بقبق عين سِتو
إوعا التراب وسجن الطابون ييجي على راسِج وعينِج
بس يا نور صحيح بكينا نلعب في التراب والسجن ونِنبِسِط
بس آخِرِت النهار كُنَّا نوجل كتلة لما تحممنا إمي
لأن التراب والسجن كان ملَبِط في راسنا تِلبيط
ههههههههههههههه

وآه يا سِتي وآه يا سِتى محلى زَمان وحَجي زَمان وسالفِة زَمان
وخبز زمان وطبيخ زمان وِشراج زمان
وصقى الله على أيام الــرِّواك والعِليِّــة والعيشـة الهنيـة
وعلى أيام الحَجّات حَسنة وحَسنِيَّة وحُسنية وِمحَمَدِيِّة وصَفِيِّة
والشقرة وكمان عِزِيِّه والمَنسِية ويامنة الحَسَن والحنينية

وسلامتكــــــــم