[ليل الهجر]

عذرا اخي ...
لكن ارجو ان تصححني ان اخطأت ...
شاب بالمدرسه وتود الخطبه؟؟؟؟ ارجو ان تكون بالمرحله الثانويه حتى اقدر اكمل ملاحظتي ... والا فأنصحك بالنسيان والبحث عما ينفع

تقول انك شاب بالمدرسه ويبدو لي ايضا انها طالبه بالمدرسه ...
هدفك قول كلمة بحبك ....لكن نصيحتي لك هي ان تبرهن هذه الكلمه ....
انتا عارف انو الخطبه هلأ مستحيله .... وكلمة بحبك مش ح تعمل شي مبدئيا الا انها تفتح باب الحوار معاها ...
بنظري اخي انك لو كنت بالمرحلة الثانويه ... بدل ما تستغل الليل بالسهر ... استغلو بهدف الدراسه وخلي هدف الدراسه هوه الهدف الصغير اللي ح يوصلك لهدفك الكبير ...

حياة الانسان مراحل ...يجب عليه انو يمشيها مرحله مرحله .... احيانا بتنط مرحله بوجهنا وبتصير قبل المراحل التانيه .. بس بنفس الوقت ما بينفع انو ننفزها بلحظتها ... متل مرحلة الخطبه ...

منشان هيك بنصحك نصيحه اخويه ... بدل ما تقول كلمة بحبك ... وتزيد هيام ولع وسهر الك والها ...
بنصحك تهتم بدراستك منشانها وتحطها هدف قدامك.... وانا بقلك عن تجربه الواحد لما يحط قدامو هدف صغير الو دافع من هدف كبير دايما بنجح
خلي دراستك هدفك الصغير اللي بدها توصلك لهدفك الكبير ....ما تفكر كيف بدك تقول بحبك .... فكر كيف بدك تثبتها ...

الحب بغير البني ادم وبخليه اكتر مسؤوليه .... اسأل حالك حبك الها شو غير فيك....وحاول تتغير للاحسن ....
ولما تسجل بالجامعه ... ما بتكون بتتمنى تقلها كلمة بحبك متل اليوم ... بتكون تخطط ايمتى ح تزور اهلها ...

بتمنى اكون قدرت افيدك ...

ليل الهجر