[ليل الهجر]

بجد زكرتونا باللذي مضى... بشكركم لانكم سمحتولنا نشارككم هاي الزكريات ...
هلأ دوري انا

متزكر كنت بتعمل ايه فى رمضان (( وانتا طفل )) ؟؟

بتزكر لما كنت اصوم ما يسمى بدرجة الحرم ...وكيف كنت اموت من الاكل اللي مدحوش بتمي لانو كان المفروض اكل بس بفترة الاذان (اذان الضهر) وبعد الاذان لازم اكمل الصوم ...فكنت لحق يللي بدك تلحق ....
من يومها وتمي كبر ههههه
بس بصراحه كنت احيانا ما اصبر بعد الضهر ...يعني اصوم الصبح واكل ع اذان الضهر .. بس لما يجي العصر كنت ادور متل الصوص الدايخ ... واقعد تحت طاوله المطبخ واكل ههههه (كان عمري بوقتها 4 سنين ..مش عارفه كيف اهلي كانو يصوموني..كتير صغيره ..حرام صح؟؟)


كان شو اكتر اشي فى رمضان وانتا طفل بتحبو؟؟

لما يجي العصر وخلص الواحد من الجوع بجد مش شايف قدامو ...وانا بوقتها كنت عند العصر ادوخ ... وكان يجي خالي...(بيني وبينو بس 5 سنين ...وانا بوقتها كان عمري 6 سنين ..يعني هوه 11..) وقال لما ستي تقلو دير بالك عليها وخليها تنسى الوقت قرب الاذان.... يروح يمسكني ونلعب مصارعه ...ههههه وما ادراكم شو هيه المصارعه بين البنت والولد...
الاشي الوحيد اللي بتزكرو اني كنت كل ما اوقف الاقي حالي بالارض كمان مره ... ونسمع صوت ستي من المطبخ بتقول خلص بكفي


شو جو رمضان اللى كنت بتحسه زمان وانتا صغير ؟؟

رمضان اللي بجد بتزكرو هوه رمضان اللي كان قبل 15 سنه تقريبا...لانو بجد كان احلى رمضان ...(مش تفكروني عجوز هلأ هه)
المهم الاشي اللي بجد مستحيل انساه ...كيف لما كنا انا وماما وستي نروح على التراويح ..وكيف ماما وستي كانوا يحكو مع ناس احنا ما بنعرفهم... كنت وقتها استغرب ... كيف بيحكو مع ناس وستات كبار ما بنعرفهم ... وبصيرو علطول اصحاب ...كنت اطلع فيهم واحاول اسمع شو بيحكو ..(كانو الناس بروحو ع التراويح ل يصلو وبعد الصلاه بيحكو مع بعض حتى لو كانوا ما بيعرفوا بعض ...يعني كانت العالم تتعرف على بعض بعد صلاة التراويح... وبعدها كانوا يتمشو بالبلده القديمه وما يخلو اي دكان الا ويطلعوا على الزينه اللي حاطتها ...وانا شخصيا كنت اعد الاضاءات اللي بالشارع هههههه)

بس هلأ الكل بروح علطول ..... مشاغل يخزي العين ....(ع مين بدهم يتركو التلفزيون؟؟)

شو الاختلاف بين رمضان هلاء ورمضان زمان ؟؟
زمان ما كان في هالقد تقنيات للزينه والاضاءات ..بس كانت زينه رمضان مبينه اكتر يعني كانت صح بسيطه بس كانت قلوبنا معلقه فيها ..وما نصدق تعتم الدنيا منشان نشوفها ...
بس هلأ الزينه اشكال والوان والواحد بكون ماشي ومش منتبه عليها
طبعا غير ولاد الجيران يلللي كانوا يغنو بالليل وبالنهار كمان .... بس هلأ بطلنا نسمع اصوات حد بغني ...اكتر ما فيها بنسمع الفانوس تبع وحوي يا وحوي هههه.


بس هلأ رمضان بكل المقاييس غير شكل ... زمان كنا بالمدارس... وكانت المدرسه تروحنا ع ال12... ف نكون بالبيت من ال 12 لموعد الاذان ... ونراقب نماما وبابا بكل شي بيعملو طبعا غير اللعب ...

بس هلأ ..انا شخصيا بوصل البيت ع ال 4 و 4.30 من الجامعه... يعني حتى الفطور ما بشوفو الا ع الطاوله ...

بطلنا متل زمان ...نجمع كل الاكل تبع طول النهار ونخبيه لموعد الفطور.... ونكتشف بعد الفطور انو مش ح نقدر ناكلو(لانو مدحوشين اكل ومش قادرين نتنفس هههه)... ونخبيه لتاني يوم... ويا عالم ناكلو ولا لأ هههه