[كارلوس]

انا راح ارد على الجميع بس بدكم تطولو بالكم لاني مش دايما فاضي خليني ابدأ بمراد

المشاركة الأصلية كتبت بواسطة MOORY

يا شاطر عملي حالك فهمان من اي موقع جايب الحكي الفاضي بتفكر حالك عايش في حديقة حيوانات

اذا بدك تعرف من وين جايب هذا الحكي خلص قرأة الموضوع بتعرف اسم كاتبه على العموم بدي اساعدك واقلك انه الي كاتب الموضوع هو د. ابراهيم حمامي لاجىء فلسطيني، ظل شغلتين الاولى شطارتي وبعدين بجاوبك عليها اما الثانية فهي حديقة الحيوانات فبحب اقلك انه للاسف اه احنا عايشين في حديقه حيوانات لما هيذ ناس بيتحكموا فينا وراح تفهم قصدي لما نخلص نقاشنا.

المشاركة الأصلية كتبت بواسطة MOORY

ابو مازن ممثل الشرعي والوحيد لشعب الفلسطيني لانه يدرك مفهوم السياسه الدوليه لانه يريد التفاوض من اجل اكتساب الراي الدولي لمصلحته ويقول للعالم انه يوجد شريك فلسطيني لعملية السلام ولايوجد شريك اسرائيلي لضغط على اسرائيل لتنفيذ شروطه وتحقيق متطلباته وهذا ما حصل في مؤتمر باريس

مشان قصة الممثل الشرعي فبما انه فاز بالانتخابات من دون ما ندخل في طبيعتة هاي الانتخابات وتوقيتها فهو ممثل للشعب الفلسطيني بس المشكلة الكبيرة انكم دايما بتنسو انه في ممثل شرعي ثاني وهو حكومة حماس الي شطبتوها من اعتباراتكم برضو مشان خطة ابو مازن "الجهنمية في ارضاء المجتمع الدولي وفهمه العبقري للسياسه الدولية" هاي الحكومة الي في يوم من الايام سواها المجتمع الدولي تاعك وتاع ابو مازن لابو مازن مشان يسمحوله انه يخذ دور في السياسه الفلسطينية ويسحبو شوية صلاحيات من ابو عمار والباقي بتعرفه بديش اطول عليك. هلقيت بدي اجيك لقصة الشريك الفلسطيني تاع السلام والي لازم تفهمه انه احنا شعب محتل مش دولة يعني المواثيق الدوليه وبدي احيلك لوثيقة جنييف الرابعه لحقوق الانسان بتفرض على الاحتلال يعطي الشعوب المحتله حقوقها فعشان هيذ احنا العالم معانا لانه حقوقنا واضحه على الاقل "حدود حزيران 67" الي ابو مازن ما بيفاوض على اشي اكثر منها بالاصل، بس المشكله انه احنا مش مع حالنا واذا بدك تحديد اكثر فبقدر اقول انه ابو مازن هو الي مش معانا لانه هو نفسه الي بيساوي بين الاحتلال والشعب المحتل وبيعطي اسرائيل مبررات يوم ما يبقى هو نفسه بيقول عن مقاومة شعبه انها عبثية ويوم ما يقول عن العمليات الاستشهادية انها "حقيرة" واذا بدك النص الكامل فانا مستعد احطلك اياه واوثق كل كلمة بقولها. وللعلم بس انك انت ما بتعرف تميز بين مؤتمر باريس ومؤتمر انابوليس لانه مؤتمر باريس مؤتمر مشان الدعم الاقتصادي وبين قوسين مؤتمر قبضوا فيه حق الي تنازلوا عنه وبجيلك عليه بعدين.

المشاركة الأصلية كتبت بواسطة MOORY

ولاول مره المجتمع الدولي يقف ويقول لاسرائيل يجب عليكي عدم بناء مستوطنات في القدس وخاصه الولايات المتحده وبريطانياو فرنسا

مشان المستوطنات بقدر احكي اسبوعين بس اختصارا لوقتي ووقتك فكتبت صحيفةالجروسالم بوست ان التصريحات الفلسطينيّة والإسرائيلية متضاربة جداً حول نشاط المستوطنات ، وخصوصاً تصريحات رئيس الوزراء الإسرائيلي أيهود أولمرت الأخيرة بأن البؤر الاستيطانية ستستمر بالتوسع و البناء على الرغم من اتفاقيات أنابوليس. اظن انه هذا بيكفي للرد عليك في هذا الموضوع وعلى العموم اذا بتحب تستفيد اكثر ففي مقال بعنوان أولمرت ما بعد أنابوليس: لن نجمد بناء المستوطنات..فهي إسرائيل المستقبل وهذا الرابط تاعه
http://www.addounia.tv/index.php?d=184&id=17783

المشاركة الأصلية كتبت بواسطة MOORY

من الناحيه الامنيه يجب ان يكون السلاح منظم بين الفصائل لانه يقلل من القتل وزعمات والمليشيا لاننا نعيش في دوله وليس في غابه هذا هو الامن الذي يدعو اليه الرئيس ابو مازن ابو مازن ماتنازل عن البندقيه ولكنه يحمل البندقيه المسيسه الذي كان يحملها ابا عمار

مشان قصة البندقية المسيسه فقلتلك من قبل شو ابو مازن وصف العمليات الاستشهادية واستكمالا للموضوع فبقلك انه سلاح الفصائل مش سلاح قتل ومليشيات وانما هو سلاح منظم وسلاح مقاومة دافعت عن شعبك اما الي بيسويه ابو مازن فهو القضاء على سلاح المقاومه والزلمه حتى بحبش يغلب اسرائيل وانا بتحداك تجيبلي قصة زعرنه وحدة كان السبب فيها فصيل مقاوم غير فتح للاسف انه في مجموعات من كتائب شهداء الاقصى (وطبعا ما بحكي عن الجميع) كانوا ياخذو خاوات ويعربدو اما ما سمعنا ولا قصه من هالنوع عن اي فصيل ثاني واذا بيدل هذا على اشي فبيدل على انه الاولى في ابو مازن يضبط ابناء تنظيمه احسن ما يقعد يحبس المقاومين من التنظيمات الثانية وعلى رأسهم جماعة حماس وفي هذا المجال بدي اياك ترجع لجريدة يديعوت تاعت الاسبوع الماضي وتقرأ عن التنسيق الجديد بين جيش الاحتلال الاسرائيلي والسلطة تحديدا في منطقة نابلس الي قاعد بيحرك الامور فيها الجنرال دايتون"امريكي" وشوف كيف قاعد الجيش الاسرائيلي بيوصل السلطة على القرى الي عمرها ما دخلتها لانها قبل حاجز حوارة مشان يعتقلو تعون حماس فيها واذا مش متأكد راجع الجرايد الفلسطينية تاعت الخميس والجمعة الماضيات واقرأ عن عمليات الاعتقال في عصيرة القبلية وفي قبلان.

المشاركة الأصلية كتبت بواسطة MOORY

ومن الناحيه الاقتصادي يريد انشاء ثلاثة مناطق صناعيه ويذهب الى الدول من اجل ايجاد تبرعات لشعب و تائيده في العمليه السياسيه ما ذهب من اجل شم الهوه

واخيرا انه الي لازم تفهمه انت وابو مازن انه الشعب بدش يظل يشتغل عامل عند اسرائيل هاي المناطق الي حظرتك مبسوط عليها هي مناطق صناعية في مناطق "حدودية" فيها مشاريع اسرائيليه فلسطينية مشتركه بيشتغل فيها الشعب الفلسطيني عمال .احنا كشعب بدنا اقتصاد مستقل غير تابع للاقتصاد الاسرائيلي بدنا يرجعو يبنو الاقتصاد الفلسطيني مشان ينافس الاقتصاد الاسرائيلي بدنا ابو مازن يفرض ضرائب على المنتجات الاسرائيلية الي بتنباع في الاراضي الفلسطينيه زي ما اسرائيل بتعمل مشان يشجع اقتصادنا بدنا يبطل يسمح بوصول البضائع الاسرائيليه الي ما بتمشي في السوق الاسرائيلية وتسويقها على شعبنا .
يا زلمه القصة طويله وصعبه وعمرها ما بتنحل بالنفس الضعيف المتنازل الي مستحي يوخذ حقه من عنين العدو تاعه.
على كل اذا في اي اشي ما فهمته من ردي انا مستعد اشرحلك اياه انا اخرى بتحمل مسؤولية كل كلمه كتبتها ومستعد اجيب ادلة عليها.
بالمرة فانا بشكر مرور الجميع بس مشان الله الي بده يشارك في موضوعي يوضح وجهة نظره يعني المارد فهمني شو الي بدك اياه واحكي اشي معقول لانه انا ما بعرف شو طريق ابو مازن للسلام يا ريت توضحلي اياه عشان اقدر ارد عليك
وامجد فنفس الحكي الي انا حكيته للشباب بيكفيك وبديش اختصر يا استاذي اذا بتقدر تناقش اتفضل وناقش وارخيك من هذا النفس التهجمي وللعلم انههاي الطريقة الي بتحكي فيها الي سببت الفشل الي بنعيشه اليوم في الساحه الفلسطينية.
واخيرا الاستاذ سي سي انا بقعد وبحكي شو ما بدي حبيت تتفضل وتقرأ انت حر ما حبيت على راحتك برضو واذا انت ما بتفهم بالسياسه 3 % هذا اشي بيرجع الك لاني مش فاتح موضوع مشان اقيم فهمك للسياسه وبدل ما تقعد تحكي انك ما بتفهم روح اتعلم خليك تصيرتفهم بالسياسه وبغيرها لانه الخلاص من الجهل الي لابسنا هو الحل مشان نتحرر ونبني دولتنا
ابو عطا اهلا وسهلا فيك ويا ريت ما تتسرع باحكامك المرة الجاي.
يتبع ............. اذا في حدا بيرد بشكل بيستاهل اني ارجع