[محمد نخال]

السلام عليكم ورحمة الله وبركاته

بشكر أول شي أختي Natalle على الموضوع الشيق والممتع فعلاً ، وانا من متابعي الموضوع و ولا يوم من حياة عضو راح علي لحد الآن ^_*

شكراً حبيبي معاذ على إفساح المجال لي بالبوح عن يومي الشاق

شوفوا يا جماعة الخير ، في الحكي فش أشطر مني ، فإللي فش عنده طولة بال ، يطلع من هلحين من الموضوع ، أو أي وحدة حاطة طبخة ، تطفي تحت الطنجرة وتقعد تقرأ ..

المهم بلشت يومي من الساعة 6:55 ، صليت الفجر ولبست وحضرت فطوري وصحيت إخوتي ، بعدين طلعت من الدار الساعة 7وربع ، الموقف عنا الحمد لله بطولش كثير عشر دقايق أقل إشي وبيجي الباص ، طلعت في هالباص الكبير ، ووصلت المدرسة 8 الا ربع ، طبعاً انا رايح على أساس اليوم الشهادات ، وطول الدوام وأنا على أعصابي ، بس الحمد لله أجت سليمة وإتأجلت لبكرا ، فبكرا يمكن تسمعوا خبر إنتحار محمد نخال !! ، المهم على الفرصة بنقعد إحنا العساسوة صف 11 منطقة معينة وبنقعد ندردش انا وفؤش ومحمد المصري وغيرهم ، بعد ما خلص الدوام الساعة 1 ونص شو بدي أسوي ؟؟؟ ، بدي أروح طبعاً ، رحت على الباصات طلعت في هالباص الكبير طقيت هالكرت وقعدت انا و ballack ندردش ، المهم وصلت الدار ، ويا دوب لحقت صلاة الظهر ، بعدين على طول إحتليت الكمبيوتر وقعدت اخبص شوي في هالمنتدى ، حتى الساعة 3 ، صليت العصر وكلشي تمام ، بعدين طلعت عند الختيار العم أبو داوود حبيب الشعب ^_^ ، خلصنا شوية أشغال بخصوص روضة أحد ، إن شاء الله بتشوفو الصور في قسم جمعية العيساوية الخيرية ، روحت من عنده الساعة 6 وربع ، من فـــــــــــــــــــــــوق لعند دارنا أخذت حوالي ربع ساعة مشي ، وصلت الدار أخذت هالشنتة وضليتني نازل على المباراة ، مباراتنا مع الأنصار فزنا 8:2 الحمد لله ، وطلعت مطبش من المباراة ، وهيني بعرج :*_*: ، روحت على الدار، بفتح المنتدى والا الأخت نتالي بعتتلي رسالة خاصة بتحكيلي أنت مدعو على الموضوع ، وقعدت اكتب شو صار معي اليوم ، و إذا بتلاحظوا من كل كلامي ما ذكرتش الدراسة !!! علشان هيك إسمحولي بدي أروح أدرس :*_*:

وهاد هو يومي ، أكيد خبصت بالحكي ، لاني مش مجمع من مرة

إعذروني

سلااامات ^_*