بدي حل سريع لمشكلتي
 

السلام عليكم ورحمة الله وبركاته ........ انا يا جماعه عندي مشكله وبدي حل الها لاني على وشك انو يصيبني جنون هلاء يا عالم يا ناس حرام الواحد يحب شخص ثاني بطريئه عفويه او اخويه وانا هيك صار معي انا وابن عمي ساكنين في نفس العماره وبنروح وبنيجي مع بعض وما بنترك بعض يعني اكثر من اخوه وكثير عئولنا على بعض ولا حد فينا بستغني عن الثاني ولا حتى بهونلو في الثاني احنا الاثنين روح وحده فيكم تقولو من واحنا صغار لحد ما كبرنا وصار عمرنا 17 سنه فانا كنت اروح واجي معو واقعد واحكي والعب كانو الي اخ واعز لانو انا ما عندي اخوه فكان اخوي الوحيد فيوم من الايام بعترفلي انو هو بحبني ومتعلئ فيه انا هون ما ئدرت استوعب هاد الكلام ئلتلو مستحيييييييييل ئلي ليش حرام عليكي كل هالسنين ئلتلو انا اي صح كنت احبك واودك واخاف عليك وما افارئك بس والله كأخ الي مو اكثر انت طول عمرك في نظري اخوي توأم روحي مو حبيبي او شريك حياتي وهو لاسف ما اقتنع مني انا طول هالسنين مخدوعه فيه انو اخ الي وهو كاين يحبني وانا ولا اي مشاعر بملك الو كحبيب الا كاخ وحكيتلو وما رد مرض وصارت حالتو حاله ووئفت جمبو وما زلت على قراري انو اخوي وتوأم روحي وهو مش مقنتع لا باكل ولا بشرب واهلو خايفين عليه واحنا مش محسسين الاهل شو بينا عادي بنعمل ئدامهم ووانا ما بهون علي انو يكون في هيك حاله يا ناس رجاء خاص الي عندو حل مناسب يحكيلي اخوي عم بتعزب وبغرق ئدام عيني ومش ئادره اعمل اشي عجزت وانا افهمو مش ئابل شووووووووووووووووو اعمل دخيلكم ؟؟؟؟؟؟؟؟؟؟؟؟؟؟؟؟؟؟؟

رد: بدي حل سريع لمشكلتي
 

شوفي خيتي الحب بيعمل اكتر من هيك بس انا بنصحك يعني ومتل ما حكيتي انو عمرو 17 سنه مع احترامي يعني بس هو بعدو مراهق والحب اللي بحبك اياه حب مراهقه مو اكتر يعني وحالتو هيك لانو يمكن هو ما تقبل منك الفكره هاي انصدم يعني فينا نحكي بس لا تخافي ولا تقلقي رح يخف ان شاالله ويتقبل الوضع عاادي

رد: بدي حل سريع لمشكلتي
 

اناا بحكيلك يا خيتو متل ما حكت الاخت الي قبلي هاي مرحلة مراهقةوعند ما يكبر ويوعى اكتر بصير يضحك على حالو ويحكي شو اناا بعمل يعني فترة وبتزول ......................

رد: بدي حل سريع لمشكلتي
 

اسمعي يا نورهان ادا بحبك ايش فيها حاولي شوفي لوين بتوصلي معو ادا قدرتي قدرتي على الاقل عما تتحسن حالتو المعنويه حرام تتركي ادا بتحبي مثل اخوكي حرام يتعزب هيك سايري شوفي لون بتوصلي معو صعب تلاقي انسانين روح وحده وبحبو بعض ويكبر حبهم معهم والله نيالك انا بحسدك على هيك موقف انا بحكي لا تضيعي الفرصه من ايدك لا تغلبي ولا تغلبي نفسك عالجي موضوك بايدك وفكري بتلاقي كلامي صح وانشالله موفقه تحياتي الك بالتوفيق