|
يوم الاربعاء مباراه للناشئين ضد لاعبي حسن 15\07
السلام عليكم ورحمة الله وبركاته
يوم الاربعاء الساعه الخامسه والنصف بتوقيت العيساويه :d وذلك بتاريخ 15\07 اكيد 2009 وعلى لاعبي الناشئين التواجد بتمام الساعه الخامسه والنصف والي ما بعرف يقرا منيح بدي اكتبله اياهم بالعقارب مشان ما يتاخر 05:30 م م يعني مساءا مع فريق حسن الي بده يسافر على ايرلندا وهاد الفريق مواليد 1994 بس طالب تحدي للعيبته وبده فريق قوي وان شاء الله تكون لعبه حلوه تحياتي |
رد: يوم الاربعاء مباراه للناشئين ضد لاعبي حسن 15\07
شكرا يا Big Boos على نقل الموضوع من المدرب
شو هالنشاط العالي اممممممممم ان شاء الله تكون لعبه حلوة جرح الزمن |
رد: يوم الاربعاء مباراه للناشئين ضد لاعبي حسن 15\07
احلى جرح الزمن وان شاء الله يكون محمد نخال معنا
واخوي محمد مش رح يكون بالملعب لانه اصابته رح تبعده اقل اشي شهر كامل بس ازا شدو حيلهم اللعيبه بنفوز |
رد: يوم الاربعاء مباراه للناشئين ضد لاعبي حسن 15\07
على فكرة
اذا جد ناويين ناخذ الدوري ( لازم المباراه هاي يلعبوا فيها بس لعييبة الدووري ) ما حدا يزعل لأنه هذا كلام منطقي و الي خلاني احكي هذا الحكي اخر لعبة النا مع القدامى لعب معنا مراد و لما طلع انقلبت علينا وبعدين لما اتعود انه العب مع نخال مثلا والدوري فش نخال لأنه مش 92 راح تكون خربطة لازم نلعب مبارايات و نشرك فيهم الا94 على شان ياخذو عل الجو معنا بالتوفيق ان شاء الله |
رد: يوم الاربعاء مباراه للناشئين ضد لاعبي حسن 15\07
والله مزبوط بتحكي يا خضر بس ما تنسى اننا ناقصين لعيبه زي الحارس واخوي وما بعرف ايش صار مع فادي اليوم
|
رد: يوم الاربعاء مباراه للناشئين ضد لاعبي حسن 15\07
اها مهو على شان هيك الله يستر
احنا دايما هيك كل ما تصير بطولة الا يصير اشي باللعيبة الي بنصاب و الي بيحرد انا عارف عنهم ؟ احنا على وجه بطولة ولازم نركز بس على البطولة |
رد: يوم الاربعاء مباراه للناشئين ضد لاعبي حسن 15\07
بسم الله الرحمن الرحيم
السلام عليكم ورحمة الله وبركاته انا عني ما حردت المدرب هو اللي حكالي رووح وأنا ما جدلتو بلاش اضيع عليكم تمرين فسحبت حالي وبكل احتراام وروحت واظني شفتوني وانا من هوون اعتذر للمدرب وللاعبين بس انا كل قهري من اللعيبة اللي موخدين التمرين مسخرة مش من ايشي تاني تحيتي |
رد: يوم الاربعاء مباراه للناشئين ضد لاعبي حسن 15\07
بحييك يا فادي على حرارتك و روحك الرياضية
وان شاء الله دايما نضل هيك اخوة بالملعب |
رد: يوم الاربعاء مباراه للناشئين ضد لاعبي حسن 15\07
عن جد شكرا فادي بس لونك بدك تفرجي المدرب انك مهتم بالتمرين كان ضليتك بالملعب بس كمان انتا سويت المزبوط
ومعك حق من شان اللعيبه الي ماخدين التمرين مسخره وفي ناس ما بدهم يركدو وفي ناس مش قلقانين لانهم بالاول و كلكم بتعرفو عن مين بحكي |
رد: يوم الاربعاء مباراه للناشئين ضد لاعبي حسن 15\07
اه والله يا عمي كل الاحترام الك يا فادي اول اشي انك ما جادلت المدرب وسويت زي ما حكالك وبالنسبة للبطولة يعني هي محمد داري ناقص وانتا يا فادي وابصر شو يصير معك ..... ولعيبة ال94 ما بيلعبوا على هوانا او على نمطنا بدهم وقت ليتعودوا يعني هي مشكلة ...... بتنمى يلاقولها حل قبل الوقت بعدين ما في وقت اصلاً ....... انشاءالله خير وانشاءالله الفوز النا يا رب .....
|
| الساعة الآن 03:21 AM بتوقيت العيساوية |
Powered by vBulletin® Copyright ©2000 - 2026, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author