|
فرك كبـيـر
السلام عليكم ورحمة الله وبركاته هنا كلمات نحسبها قليلة الفائده ولكنها بالاحرى متطابقه مع واقعنا الفلسطيني حبيت انقللكم ايها . بالفلاحي زي ما بكولها في هالزمن اخو الملعونة... خلبطة الامور في بعظها صارت اشي عادي ومستعمل في كل الاوكات... حتى في هالوكت... وبين الامور حركات وفواصل وتغييرات... ولغتنا العربية ما شالله عليها مليانا قواعد وحركات... وعلى الفاظي... مع اننو قواعدنا مرخية.... وبكول من ورا هالعربية ........ مش فرك كبير... تكون القدس عاصمتنا الابدية... او انو غزة العاصمة المؤكتة ... او رام الله نائب العاصمة مش فرك كبير... اذا نكاوم الاحتلال ... او نساوم الاحتلال مش فرك كبير... ندعم المكاومة... او نعدم المكاومة مش فرك كبير... انو يظربنا جيش العدو... او انو الجيش البلدي يظربنا مش فرك كبير... اننا نخوف احتلال... او انو اللي يخوفنا اخونا مش فرك كبير... انا نلعن الاحتلال... او اننا نعلن شرعية الاحتلال مش فرك كبير... انو يرجعوا المهجرين.. او اننو يتهجر ناس جداد مش فرك كبير... انو يتحرروا الاسرى... او انو تتحرروا من خطية الاسرى مش فرك كبير... انو سنين النظال تنسوها... والسنين تتحول لنذالة مش فرك كبير... انو العميل يصير لاجيء سياسي داخلي... وبرظو لساتو عميل مش فرك كبير... اننا نموت فدا الوطن... او يموت الوطن كرمال اكم ملعون ولا اشي كبير.... بعد ما... مات.... الضمير تحياتي :7ِANDALA |
رد: فرك كبـيـر
فرك كبير :D والأدهى انه فرك فلسطيني ( أسمعت أن ناديت حيا لكن لا حياه لمن تنادي ) // |
| الساعة الآن 01:59 AM بتوقيت العيساوية |
Powered by vBulletin® Copyright ©2000 - 2026, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author