|
الى رئيس نادي العيساوية ومدرب الناشئين
السلام عليكم ورحمة الله وبركاته اقتباس:
متل ما عرفنا اليوم فريقنا الاول خسر بالمباراة مع بيت نقوبا بنتيجة (4-1 ) لصالح بيت نقوبا علما بأن فريق العيساوية كان يمتلك احسن اللاعبين لكن للاسف ... خسروا المباراة وهاردلك . هلاء بدي احكي بموضوع : والله حرام نشترك بالبطولة والله تدريب ما بندرب زي العالم وبدنا نشترك بالبطولة ما بندرب اي شو هذا والله حرام نشترك بعدين انتو يا النادي بس عليكم كل ما يصير بطولة عليكم تشتركوا وبس ما بتهمكم ازا بتخسروا ولا تفوزوا اي اشتركنا ب بطولتين وخسرنهم ، وهذا لعدم التدريب احنا ما بندرب واكثريت اللاعبين ما عندهم لياقة ..... الخ لاعبين العيساوية ما بتهمها هذا الشيء بس عليهم يجوا ويلعبوا وهذا الشيء اكبر غلط ارجوا من مدرب الفريق مراجعة قراره على اشتراكنا بالبطولة دون تدريب سوري على مذاخلتي ولكن هذا من مصلحة الجميع ، ارجوا أن تأخدوا الكلام بعين الاعتبار وشكرا لكم جميعا تحياتي : محمد سفيان عبيد |
رد: الى رئيس نادي العيساوية ومدرب الناشئين
كلامك مزبط خيي محمد
احنا البطولة مش الفروض نشترك فيها و بالنسبة لقله التمارين معاك حق و برضوا مرات اللعبيه ما بيجوا فيلغى التمرين يعني الحق بيصفي على الطرفين و انا مني و علي قد لا اشارك لأسباب خاصة و منها الاصابة ( التواء الكاحل الايسر ) ولكن ان شاركنا سابذل كل طاقتي في البطولة في حال تواجدي يوم الجمعه اخي محمد سفيان انا بحييك على اهتمامك و خوفك على مصلحة النادي وان شاء الله نلاقي حل للمشكلة هاي و نلخص باذن الله |
رد: الى رئيس نادي العيساوية ومدرب الناشئين
[quote=صمت الليالي;428188]
السلام عليكم ورحمة الله وبركاته بحب اضيف على كلام ملاك الصمت متل ما عرفنا اليوم فريقنا الاول خسر بالمباراة مع بيت نقوبا بنتيجة (4-1 ) لصالح بيت نقوبا علما بأن فريق العيساوية كان يمتلك احسن اللاعبين لكن للاسف ... خسروا المباراة وهاردلك . هلاء بدي احكي بموضوع : والله حرام نشترك بالبطولة والله تدريب ما بندرب زي العالم وبدنا نشترك بالبطولة ما بندرب اي شو هذا والله حرام نشترك بعدين انتو يا النادي بس عليكم كل ما يصير بطولة عليكم تشتركوا وبس ما بتهمكم ازا بتخسروا ولا تفوزوا اي اشتركنا ب بطولتين وخسرنهم ، وهذا لعدم التدريب احنا ما بندرب واكثريت اللاعبين ما عندهم لياقة ..... الخ لاعبين العيساوية ما بتهمها هذا الشيء بس عليهم يجوا ويلعبوا وهذا الشيء اكبر غلط ارجوا من مدرب الفريق مراجعة قراره على اشتراكنا بالبطولة دون تدريب سوري على مذاخلتي ولكن هذا من مصلحة الجميع ، ارجوا أن تأخدوا الكلام بعين الاعتبار [align=right] [align=right] انا معاك يا محمد سفيان وكل اشي حكيته صح عنجد حرام نشترك في البطولة بس مش رح تفرق معاهم بيجيبوا لعيبة غيرنا ما رح يلغوا اشتراكنا في البطولة ...... بعدين قلة التمرين هي الي دمرتنا والادارة الها دور كمان . انا بطلب من كل واحد مسؤول في النادي يفكر في مصلحة الجميع مش بس في نفسه ( اللهم نفسي ومصلحتي اولاًَ ) ومعلش الي بده يزعل يزعل بيعاود يرضى . وانا بدعمك يا محمد . ويا خضر مثلي مثلك بيجوز ما اشارك في البطولة بيكون عندنا عرس وبيطون يوم الغدا يعني بيجوز انزل وبيجوز لاء ازا تأكدت اني رح العب بنزل ........ الي عندنا قلنا والباقي عليكم خالد داري [/align] |
رد: الى رئيس نادي العيساوية ومدرب الناشئين
مرحباا كلامك مزبوت 100% واليوم حكيت مع المشرف عاصم عبيد بالموضوع وصاار يحكيلي تعصبنيش وصلي على النبي وابصر شو ... بحب أحكليو احنا مش لعبة بين اديك والفريق كلو حرام يضيع على أسالة تافهة متل هاي واجوبة ما تستحمل .... ولكن عندما ستحتاجون الا لاعبين تلجؤن لمن ؟؟ لماذا فريق الناشئين تعتبروه ضعيف ؟ ومن الأصل انهم أفضل من بعض لاعبين الأول !! في لاعبين من الناشئين يجيدون اللعب بمراكز عدة والاستاااز حسااام لا يقدر هذا الشي هو مفكر انو كل واحد بس بعرف يلعب بمركزه ومع انو كل لاعب يستطيع التهديف ولا سيما بالحظ ؟؟ كلام واضح ومفهووم وبالخط الاحمر وليس فيه تجريح ولا يسااوي شيء أماام كل لاعب فمن حقهم اللعب واستبداالهم بلاعبي الأول .. من الصعب ان تفهم المرء على ما يقول ولكن الأصعب أن تتجاهله واليوم صاارت انو أغلب فريق الناشئين حضروا اليوم على المباارة ومن خبر المشرف عاصم عبيد والذي نقله محمد نخال على الحضور في النهاية سألت عاصم عن سبب مجيئنا أجاااب بسبب أخبااركم بالبطوله يوم الجمعه .. هاد مش حكي بعدين اشي تاني فريق الناشئين الذين تدربوا منذ أشهر من حقهم اللعب في البطوله 90 ولا من حق أي لاعب اخر المجيء ..! يعمي بالعربي الفصيح والكلام المعسووول وبالمنطق الممل لاعبين الناشئين ملوا من هالحكي وهالمسخره اللي عم بتسير وكلام أخر يجب فهمه : الرجااء الرجااء الخاالص عدم اللعب في عقول اللاعبين وتوهمتهم بوصولهم إلى فريق الأول الرجااء . وبعدين الرسول أوصى بسن الشبااب وأحنا ما شاء الله عنا صرنا شبااب وفينا حيل وبنقدر نوصل لهدفنا في سبيل رفع اسم بلدنا تحيااتي جرح الزمن |
رد: الى رئيس نادي العيساوية ومدرب الناشئين
احمد كلامك مزبوط والي بيحكي غير هيك بيكون كزاب.... كل النادي مفكرينا ضعاف واحنا لو بدنا نلعب بنجيب البطولة بلعيبتنا ( محمد عبد الله محمود الحارس , اقوى دفاع محمد نخال , حسن عليان , شادي عليان , محمد داري , وعندك خضر ابو ارميلة ومحمود على الwing , وعندك احمد ابراهيم عبيد وفادي عبيد في الوسط , وخالد داري ومحمد سفيان على الهجوم ) ( اسامة درويش ( سعودي) ( احمد توفيق داري ) هدول الي انتوا حكيتوا قدامنا بدكم اتجيبوهم على البطولة وحكيتوا كمنا لست في 8 لاعبين ما حد بيعرف عنهم من مواليد ال90 وال 91 بدهم يلعبا معكم في البطولة . وبعدين يا عاصم خليتنا نيجي وما لعبنا يعني هاد مش حكي لازم تشوفوا حل ............................ ازا ما لقيتوا حل قبل الدوري تقريباً في 7 لاعبين من النائشين عندهم اعتراضات بيحقلهم يشاركوا اكتر من الي بدكم اتجيبوهم وهذه الموضوع لازم يوصل الى الادارة وازا احنا غلطانين في اشي احكولنا .....................
|
رد: الى رئيس نادي العيساوية ومدرب الناشئين
السلام عليكم ورحمته الله وبركاته اولاً بحييك يا محمد سفيان ويا ابن عمي على هلكلام الجميله بحقق وبحق كل اللاعبين الناشئين لكل الاعبين فريق الناشئين لماذا التعصب لهذة المشكله طيب ادخلوا لفريق ثاني هو يعني ضروري اضلكم على نفس المشاكل وريحوا انفسكم من مشاكل نادي العيساوية وخلصت المشاكل ايييييييييه كل راس مالها تغير النادي لنادي تاني وانحلت وبلتوفيق لكم جميعاً أخوكم صقر الأقصى |
رد: الى رئيس نادي العيساوية ومدرب الناشئين
تقريباً أوافقكم بمعظم آرائكم ومن حقكم الكلام ولكن هل نسيتم بأنكم طلبتم الجلوس معي يوم الاثنين ولبيت طلبكم وللأسف لم تطرحوا هذه المشاكل أمامي . فقط تم طلب بعض الأمور وأتوقع بأنني كنت ايجابياً معكم . المهم ما أردت من الكلام يا ريت لو توجهتم بمشكلتكم هذه للحديث بها وجهاً لوجه وليس على المنتدى لأن هذا الكلام ليس في مصلحة أي أحد . وأنا أؤكد على أنكم عماد النادي ونحن نوليكم كل اهتمام ولكن كما قال خضر هناك تقصير من ثلاثة أطراف " اللاعبين والادارة والمدرب " ان شاء الله سيتم حلها وبالنسبة للدوري يوم غداً الجمعة أنتم من سيلغب وما عليكم الا اللعب بحراره ويكون هدفكم تحقيق البطولة
أتمنى لكم التوفيق |
رد: الى رئيس نادي العيساوية ومدرب الناشئين
لا كرامة لنبي في قومه
ابو معن بقدر اكلك كثر خيرك اكثر واكثر دمت بحفظ الله |
رد: الى رئيس نادي العيساوية ومدرب الناشئين
مرحبا
شباب انا بحللكم المشكله وفيها اكثر من حل . الحل الاول بكون ايد وحده ازا بدكم تنزلوا بكرا على الدوري بنكون ايد وحده بنجتمع عند الجامع وبننزل مع بعض وبنحكي وكل واحد بحكي الي عنده زي ما حكا ابو معن . الحل التاني: ما بنزل حدا بنسوي هان الاغلبيه انو بده ينزل وانو ما بنزل وبنقرر على الاغلبيه واهم شغله ما حد يسوي على خاطره هاد الحل ازا ما بدكم تسمعوا لابو معن . الحل التالت : انكم بتنزلوا وبنلعب اول لعبه وازا ما عجبنا الي بصير باي باي لندن وشو بطلع في ايد المدرب يسويه بدونا (بالعربي يا وسام) انه بده يجيب 8 لعيبه ما حد بعرف عنهم اشي وازا هو بستغني عنا الناشئين وبلعب بالفريق تبعه هو حر احنا الناشئين بنيجي على اول لعبه وبنشوف شو بصير وازا ما عجبنا الوضع كل واحد على داره هاد الحكي من الاخر الاخر. تحياتي : محمود داري والحل التاني انكم |
رد: الى رئيس نادي العيساوية ومدرب الناشئين
اقتباس:
واحنا الي بنذبح حالنا بالتمارين على شان يجيو ناس جداد و ياخذو محلنا ايه الله ماقالها |
| الساعة الآن 12:47 AM بتوقيت العيساوية |
Powered by vBulletin® Copyright ©2000 - 2026, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author