|
انا عندي مشكله
السلام عليكم
انا مشكلتي هي ما بعرف اتعامل مع حد بحاول اني اكون منيحه بس ما بقدر الا يصير اشي مني يفشل هاي العلاقه بس بجد انا بحاول اغير بحالي بس ما بعرف وشفتو كيف شو عملت بهدايه وانا كتير اسفه علي صار بس هي مجرد نكشه بس هم فهموها شي تاني بس بجد انا كتير مخنوئه يا ريت حد يساعدني ويعطيني حل لاني ما بعرف شو اسوي ليحبني الجميع |
رد: انا عندي مشكله
اول شي انا مش زعلانه منك ا نهر الغرام وانا فهمت شو كان اصدك انو بس تعملي في مقلب زي ما بعمل فيكم بس انتي شفتي كيف فهمو اشي تاني هم بس يلا حصل خير وانا مش زعلانه منك وانا بتشرف انو تكوني صديقه لالي اهلا وسهلا فيكي
اما بالنسبه لمشكلتك انا عندي حل انو تئعدي مع حالك شوي بينك وبين حالك شوفي الاشي الي بخليكي تعملي هيك شي الا يكون في سبب يخليكي تعملي هيك واتاكدي انو من يوم ليوم راح يتغير اي اشي وانتي حاولي شوفي صحباتي ايش الاشي الي بخليهم يدايئو منك وحاولي انك تبلي تعملي الي بدايئهم ويا ريت يكون حلي مناسب وما تزعلي مني على الي صار بس انصدمت عشان الاعضاء فهمو غلط وخلص صافي يا لبن اهلا وسهلا فيكي |
رد: انا عندي مشكله
لا شكلها فاتحه خير....
بعتقد انو هاي اول مشكله بتنحل بهالزمن القياسي.... مع اني طلبت عدم ذكر الاسماء بالمشاكل... بس بما انو المشكله صارت عنا بالمنتدى وانو الطرفين ما عندهم مشكله من انهم يحكو اسمائهم..وانها صارت صافيه لبن ...يبقى سماح هالمره... بس لمره تانيه بكرر ممنوع ذكر اسم اي شخص الو علاقه بالمشكله..(حفاظا على السلامه العامه )هههه اختي نهر الغرام انا مع الاخت هدايه بكلامها... للأسف العالم ما بتفهمك دايما متل ما بدك (هادا الكلام مش موجه الك بس)... العالم الها الظاهر... ف يا ريت نقدر نعبر عن اي شي بنقصدو بطريقه جيده يفهمها الغير ....لأنو للأسف 99% من مشاكلنا وزعلنا من بعض راجع لسوء التفاهم.... زمان واحنا صغار كانوا يقولولنا نعد لل10...ما تتصورو اديه كنت اضحك لما اسمع هالجمله... بس هلأ انا صرت اقولها... الشخص اللي قدامي مش انا...يعني مش ح يفهمني شو ما حكيت.... المفروض الاقي طريقه للتواصل بيني وبينو... لأنو مش دايما العالم بتاخد حسن النيه... الحل برأيي انو تتأكدي انو العالم مش ح تفهمك بلا ما توضحي وجهة نظرك... حاولي تكون افعالك والفاظك واضحه منشان ما يتهموكي فيها... ومعك معك العالم بتعرفك وبتصير تعرف شو اللي ممكن نهر الغرام تكون قاصدتو وشو اللي لأ... بقولو الصلح خير...يللا سلمو ع بعض :5fc0f22 |
رد: انا عندي مشكله
انا برأيي انو تتأسفي للعملتيلهم المشاكل وتتقربي منهم اكتر وحاولي تفيري بحالك شوي تحياتي مليسا
|
رد: انا عندي مشكله
1- مراجعه النفس وتأنيب الضمير اذا ظهر منك شيء خاطئ
2- بسب المشلكه نشتق منها فرعين: أ- استخدام الألفاظ الاكتر تهذيب وتقربا لفهم قصدك ب- ان تفكري قبل الاقدام على اي شيء فأستخدام العقل فضيله 3- ان لا تهتمي على من اعترض عليكي فلكل شخص لديه رأي وقرار وبعدين بيعود الوضع متل ماهو بعد ما يوضح الأمر ومتل ما بقول المثل ( المي بترجع لمجاريها ) |
رد: انا عندي مشكله
اعتقد تمت مساعدة الاخت في مشكلتها..واتمنى ان تتخلص منها باسرع فرصه ممكنه...
بالصبر والمحاوله ولتكرار الاشراف |
| الساعة الآن 06:12 AM بتوقيت العيساوية |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author