منتديات العيساوية - ~~ غلطتي اني قبيلي !! ~~

آه ياسلوم القبايل غلطتي اني قبيلي
.................... التقاليد القديمه خلدت ذيك الحصيله !!

ياحبيبي مايبونك انت من تصبح عديلي
.................... لاجل انك بس منتب زيهم اصل وقبيله ؟؟

قامت العالم بوجهي لاجل ماتمسي حليلي
.................... ويش اسوي بنعرة اهلي مايبونك لي حليله

وينها عني القبيله يوم انا مالي خليلي
.................... ماذكروني لين طاح القلب في يدين الخليله

ايه هين يالقبايل لو لمح منكم جميلي
.................... كان طاحت قاعته واشغل الدنيا وليله

الجهل شيخ القبيله يوم حللني قتيلي
.................... كني مسوي جريمه او مسويلي قتيله

لعن ابوهم كيف حلل شيخهم لبس الطويلي
..................... وكيف حرم من عشق له بنت ماتصبح عديله

اذكريني كيف ابلعن سنسفيل اللي يجيلي
..................... يطري الشرهه على شرع الله اللي نهتديله

واذكريني كيف ابكسر زبنة الوجة الدخيلي
..................... دامني ازبن على شيخن به افكارن جهيله

منت والله ياحبيبي ناقصن او فيك ميلي
....................... الغلط عادات اهلنا والتصاريف الهبيله

صدقيني قصتي يابنت ماهيب الدليلي
....................... شوفي عنتر شوفي عبله والحكايات الطويله

شوفي كيف اقارنك بالشيخ والصيت الفحيلي
....................... بس ابقرن حاجتن بينك وبين اللي نجيله

شيخنا شيخ القبيله من مواصيفه بخيلي
........................ يجمع الشرهات ويمنع حاجة المسكين غيله

وانتي الله الله الله الكرم منك يسيلي
........................ فيك طبع اللي عطى له من ورى المخفي ثقيله

عقب هذا انتي شيخه وانتي علاج العليلي
........................ فيك عقل الراجح اللي ماقوى ينزل بكيله

بس صبرك يانصيبي دامني من بد جيلي
....................... لك بسوي فعلتن يحكى بها الفين ليله

ايه انا اللي ابدخل التاريخ من شب الفتيلي
....................... ايه انا ذاك القبيلي اللي ترك نهج القبيله