|
معا وسويا لرقي المنتدى لدخول القلوب لا لزياده المشاركات .........
السلام عليكم
إخواني وأخواتي أعضاء المنتدى الكرام.................أرجو الانتباه قليلاً نلاحظ أن كثيراً من الأعضاء يقومون بالتوجه إلى منتدى الأعضاء والتسلية وذلك ليزيدوا من عدد مشاركاتهم بحجة أن((أن يحسنوا من وضعهم في المنتدى)) وهذه حجة واهية إخواني الكرام .. ولا تقولوا لا .. قد يوجد من يسعى لزيادة المشاركات بالدرجة الأولى .. !! فقد لاحظنا زيادة المشاركات بشكل كبير جداً في منتدى الألعاب والتسلية والبقية ردود ضعيفة وتعليقات سريعة لبعض المواضيع هنا وهناك لدرجة انه في موضوع للنقاش الساخن قد يدخل فيه أحد ويقول (مشكور على الموضوع ) ثم يعود مسرعاً إلى الألعاب ليتابعها .. والله غريب !!!!! اخواني لا زلنا نفتقد نوعاً ما حس المبدعون الذين يتسمون بأنهم أصحاب المشاركات الكثيرة داخل المنتدى !!!!!!! لا وألف لا ولكنهم يمتعون بمواضيعهم وردودهم ومتابعتهم ويشتاق الأعضاء إليهم .. إخواني أرجوكم المنتدى قبل أن يكون مكان للفرفشة والتسلية فهو مكان لكسب أصدقاء جدد نتعرف على ما يجول بخاطرهم نفهم العالم من خلالهم ولا ننسى أن هناك رسالة نحملها هنا .. فمنتدانا يحمل اسم فلسطين ونحن مسلمون .. فلابد أن نستعرض ما يتعلق بديننا الحنيف وأرضنا الشريفة بالدرجة الأولى .. ونجعل ذلك أسمى الأهداف في المنتدى .. إخواني .. لسنا بحاجة لإغلاق منتدى الألعاب كي نكون متابعين لباقي الأقسام .. فهذا الأمر غير منطقي .. ويدل على اللاوعي عندنا .. وهذا ما أستبعده بتاتاً ولا أرضاه .. وقد يقول قائل ... نحن متابعون لكل ما في المنتدى .. ولكن .. هل ما تقدمه للمنتدى ملائماً لفترة تواجدك فيه .. من الأجدر أن تكون عدد موضوعاتك أكثر .. وليس فقط الردود على ما يعرض من مواضيع .. مع أنني أرى أن سير المنتدى في هذا الوقت على ما يرام .. ويتجه إلى الأفضل .. لكنني أرى أن يكون ذلك بأيدينا وإرادتنا .. ليس بايقاف منتدى النشاطات .. ولكن التذكير بالأمر لا ضير منه إخواني وأخواتي اعملوا لأن يصبح المنتدى مرجعاً يستفاد منه ومعاً وسوياً نحو منتدى راقي نفخر بانتمائنا إليه .. وشكراً |
مشاركة: معا وسويا لرقي المنتدى لدخول القلوب لا لزياده المشاركات .........
مزبوط كلامك .. المفروض الشخص لما يدخل المنتدى يدخل بدوافع انو يفيد الباقي وبنفس الوقت هوه يستفيد
\ \ بس مرات لا حياة لمن تنادي مع احترامي للجميع مشكورة حبيبتي دمتي مبدعة |
مشاركة: معا وسويا لرقي المنتدى لدخول القلوب لا لزياده المشاركات .........
لاحظنا زيادة المشاركات بشكل كبير جداً في منتدى الألعاب والتسلية والبقية ردود
ضعيفة وتعليقات << بس انتي يا هداية من اكثر الأعضاء تواجد في قسم المسابقات والتسلية .. وردودك ردود روتينية وما بتحمل شي جديد .. وبعدين عمرك ما شاركتي بموضوع نقاش جاد .. وفترة وجودك بالمنتدى و عدد مشاركتك بتتناقض مع كلامك فوق .. لانو انتي بتحطي مواضيع بشكل مكثف والواضح انو بدك تزيدي عدد مشاركاتك وبس .. وبعدين اكثرية مواضيعك بكل اقسام المنتدى copy paste من منتديات اخرى .. وهذا ليس رقي للمنتدى .. ليس تقليل من شأنك ولكنه رأيي .. ولا يعني ذلك ان رأيي صحيح 100 % .. تقبلي رأيي .. تحياتي الك والله يوفق الجميع . |
مشاركة: معا وسويا لرقي المنتدى لدخول القلوب لا لزياده المشاركات .........
يعطيكي الف عافيه اختي على الموضوع
والافادة للاعضاء هو كلامك مزبوط كان زمان هيك في المنتدى العيساوي انو نص الاعضاء كانو في قسم الالعاب ولزياده المشاركات وانا منهم كنت بس الحمدلله بطلنا هادا الاشي من زمان لانو فهمنا لشو المنتدى وافهمنا كمان انو الفايده من القرائه مش من زياده المشاركات وهادا بفضل اخواتنا الموجدين معنا وشكرا يسلمو دمتي بود |
مشاركة: معا وسويا لرقي المنتدى لدخول القلوب لا لزياده المشاركات .........
أنتِ دائماً مبدعة بمواضيعكي الرائعة والمميزة
تقبلي مروري MeSHaL |
مشاركة: معا وسويا لرقي المنتدى لدخول القلوب لا لزياده المشاركات .........
مشكورين على مروركم
بس انا بالنسبه الي يا ابو وديع مزبوط بفوت على المسابقات وبلعب بس انا بحط مواضيع بكل الاقسام لانو انا ما في الي قسم محدد لاحط بس فيه صح ولا لاء انا بالنسبه الي بفوت وبحط مواضيع مش عشان ازيد مشاركاتي عشان انا بدي احط مواضيع للي يقرئها الاعضاء ويستفيدو منو مش عشان ازيد عدد مشاركاتي يا ابو وديع |
مشاركة: معا وسويا لرقي المنتدى لدخول القلوب لا لزياده المشاركات .........
شكرا الك
بس يا ابو وديع مزبوط اكتر مواضيعي من الانترنت وهيك احسن عشان يكون مزبوط ومش المهم منين بجيبو المهم اني بحط اشي يفيد الي بالمنتدى صح ولا لاء بعدين انا مش فارقه معي انو مواضيعي اتكون من النت لانو ازا انتو يا مشرفين بتكون مواضيعكم من الانترنت صح كلامي ولات لاء مش المهعم منين منجيبو هئيت المهم انو احنى منحط اشي الي انفيد فيه التانين الي معنى وهم اخوتنى اعضاء المنتدى بس الحمد الله انو مواضيعي الي بحطها معظمها مني انا مش ككلها من الانترنت والكم كل احترامي |
مشاركة: معا وسويا لرقي المنتدى لدخول القلوب لا لزياده المشاركات .........
اسمحلي اخي ابو وديع بس اعلق على كلامك
بالنسبه ل هاديه انتا بتحكيلها انو ازود مواضيعها copy and paste طيب ما كل الاعضاء وكل المشرفين مواضيعهم هيك يعني بدك تقول انو قليل قليل جدا الي الي بكتبو مواضيع من افكارهم وبتكون مواضيع قليله يعني لاحظ على كل عضو بتلاقي عندو موضوع واحد او موضعين كاتبهم من عقلوا ويمكن مرات ناقل الموضوع وبحكيلك بقلمي مع احترامي للجميع بس هادا الواقع ,,وبعدين مش غلط الواحد ينقل مواضيع من منتدى ل منتدى تاني ,,لانو في مواضيع بتعجبو وفي مواضيع للافاده , وياريت يا ابو وديع ما تزعل من وجهة نظري لانو انا حسيت هدايه زعلت من الكلام وشكرا |
مشاركة: معا وسويا لرقي المنتدى لدخول القلوب لا لزياده المشاركات .........
شكرا يا هدياه على كلامك الصحيح والرائع واكيد لازم الواحد يكتب علشان الاخرين يستفيدوااااا مو لللهبل
تحياتي سالي |
مشاركة: معا وسويا لرقي المنتدى لدخول القلوب لا لزياده المشاركات .........
وجهات نظر ما في أي اشكال ..
بالعكس .. هدا الحوار و وجهات النظر هي اللي بدل على رقي المنتدى .. وكلامك مزبوط يا صدام .. بس في فرق بين ما ينقل الواحد الموضوع مثل ما هو وفي فرق ما بين يتصرف فيه .. طيب في اعضاء بتنقل مواضيع من منتديات خليجية باللهجة الخليجية .. طيب احنا كيف بدنا نفهم اللهجة ؟!! تنقل الفكرة مش غلط وانا معك ما في عضو كل مواضيعو كتابة قلمو .. بس اللي بكتبوا بأقلامهم معروفين واللي بدعوا هالشي معروفين .. وشبكة google ما بتخلي حدا يكزب .. وهداية اكيد فهمتني وما زعلت انا بعرف هالشي .. وهداية عضوة منيحة وقلبها طيب وبتمنالها كل خير .. وبحكي هالكلام مش من خلال معرفة المنتدى << .. تحياتي الكم والله يوفق الجميع . |
| الساعة الآن 02:51 AM بتوقيت العيساوية |
Powered by vBulletin® Copyright ©2000 - 2026, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author