|
هل يحق للاخ ضرب اخته مهما كانت الاسباب
هل يحق للأخ ضرب أخته مهما كانت الاسباب ؟ للأسف هذه الظاهرة موجودة بيننا رغم التكتم عنها. هذه الظاهرة بدأت تظهر على السطح بسبب وعي المرأة ورفضها إلى القهر والظلم والاستبداد من قبل الرجل. هل يحق للأخ ضرب أخته مهما كانت الأسباب وهل تؤيد ذلك؟ هل يريد الاخ أن يبرهن لنفسه ولاخته على انه سيد البيت المطلق في ضل غياب الاب.. والاخت ليست سوى جاريه تطيع أوامر السيد ؟ هل الاخ الذي يضرب أخته أخ غير ناضج وضعيف الشخصية؟ هل الاخ الذي يلجأ إلى وسيله الضرب ..هو إنسان سوى وواعي و فاهم و متعلم ؟ هل يستمدّ الرجل جبروته من قوّته، أم من ضعف المراه؟ هل المرأة لا يجب ضربها على الإطلاق، مهما كانت الظروف أو الأسباب؟ اسئله للمناقشه ولاستطلاع ارائكم muntaser |
مشاركة: هل يحق للاخ ضرب اخته مهما كانت الاسباب
صحيح كلامك اخي صار عند المراءة نوع من الوعي والتفتح على الحياة
وبعدين المراءة الها حقوقها وهي مش نوع من انواع الدواب تتنضرب او تجبر على اي شي بس احنا الي بنعاني منو انو بطل النا حقوق مسموح لشب كل شي وللبنات ممنوع زي حجز او حظر وهادا اشي بجد بغيز اخي منتصر ازهلني موضوعك انتظر المزيد من المشاركات والاطلالات المميزة اختك راما |
مشاركة: هل يحق للاخ ضرب اخته مهما كانت الاسباب
طبعاً ما بحقلو
مهما كانت الظروف ومهما كنت المرأه بس شو بدنا نعمل ازا التخلف أثر ع عقل شبابنا المزيد من أبداعك \ \ \ |
مشاركة: هل يحق للاخ ضرب اخته مهما كانت الاسباب
مشكور منتصر على الطرح
وفعلا لا يحق لاخ ان يضرب اخته الا في ضروريه جدا ... |
مشاركة: هل يحق للاخ ضرب اخته مهما كانت الاسباب
هل يحق للأخ ضرب أخته مهما كانت الأسباب وهل تؤيد ذلك؟
طبعا لأ ومش بس الاخ وكمان الاب والام بصيرش يضربو بناتهم .. الضرب بس للحيوانات مش للبني ادمين.. وازا غلطت البنت غلط كبير فهادا مش ذنبها هي هادا بكون ذنب الاهل الي ما ربوها منيح وما فهموها الصح من الغلط وحتى ازا كانت البنت مربية وغلطت.. ما بحق لحد يمد ايده عليها.. وازا بده يربيها يربيها بس في ستين الف طريقة للتربية غير الضرب.....! هل يريد الاخ أن يبرهن لنفسه ولاخته على انه سيد البيت المطلق في ضل غياب الاب.. اه لانه كل جنس ادم بحبو يستعرضو عضلاتهم على الي اضعف منهم والاخت ليست سوى جاريه تطيع أوامر السيد ؟ فشر ما عاشت الي بتقبل على حالها تشتغل خدامة في بيت اهلها هل الاخ الذي يضرب أخته أخ غير ناضج وضعيف الشخصية؟ اه اكيد هل الاخ الذي يلجأ إلى وسيله الضرب ..هو إنسان سوى وواعي و فاهم و متعلم ؟ طبعا لااا فش حدا واعي وفهم ومتعلم بستخدم عضلاته قبل عقله..... هل يستمدّ الرجل جبروته من قوّته، أم من ضعف المراه؟ حكيت من قبل انه من ضعف المرأة هل المرأة لا يجب ضربها على الإطلاق، مهما كانت الظروف أو الأسباب؟ طبعا لانها بني ادمة زيها زي اخوها هي بتغلط وهو بغلط بس الشطارة في تصليح الغلط "وتصليح الخطأ مش يعني ضرب..." هادا هو رأيي بكل صراحة .. واعذروني يا شباب من كلامي عليكم ... بس هاد الواقع هالايام وازا مش كل الشباب بستعرضو عضلاتهم ع الي اضعف منهم .. 3 ارباعهم هيك,,,,,, ميرسي |
مشاركة: هل يحق للاخ ضرب اخته مهما كانت الاسباب
طبعا مش من حقو شو ماكان سبب انو يضربها
لانو هاده بتسمي اعتداء وهاده شي طبعا راح يأثر مش بس عليها هي وهو كمان لانو هي بتصير تحاول الاغلاط لبتعملها تكررها عن طريق الجكر وكل ماكبر جكر كل ماكبرت مصيبتو وهاتو لتلقو حل وانا ضد كل اخ بضرب اختو وهاد بسمي بنسبه ئلي هاده انسان بحاول يفرض وجودو وشخصتيو وانو جدع وماحد قدو مع انو بكون شخص مريض بدو من يوعي لكن في طريقه هادي قصة ضرب خليها للحيوانات مش للبني ادمين لانو الحمدالله الله خلقيلنا عقل وبنستوعب في يمكن اوقات يضرب اختو من باب خوفو عليها لكن مش طريقه يتعامل فيها في طريقه اسمها تفاهم والمناقشه يحاول يكون قريب من اختو يتفاهم معها باي سبب ليش هيك بتعمل وطبعا اذا شافت اخوها بتعامل مع هيك هي نفسها بتستحقر حالها وبتبعد عن الغلط شكرا منتصر على الموضوع |
مشاركة: هل يحق للاخ ضرب اخته مهما كانت الاسباب
السلام عليكم .. اول اشي بدي اعلق على رد الاخت nauty girl
اقتباس:
بحب احكيلك انه الضرب اسلوب من اساليب التربية والتعليم .. والدليل قول رسول الله صلى الله عليه وسلم (علمو اولادكم الصلاة لسبع واضربوهم عليها لعشر ) اما بالنسبة لضرب الاخ لاخته فانا اؤؤيده في بعض الاحيان ولاسباب معينة بس مش دايما .. في حالات الواحد بيصل لدرجة انه لازم يضرب واذا ما ضرب الوحدة بتتعلمش ... مثلا اكثر من مرة صارت معي .. ابكى كاعد بحكي مع اختي وهي صغيرة عمرها 6 سنين يا شاطرة ويا بنت الحلال سوي هيذ وبالمنيح بنحكي ابدا بتردش .. اذا ضربتها بترد وبتعاودش تعيد الشغلة .. بس طبعا مش دايما الضرب .. يعني بحكي حالات معينة .. مع احترامي لجميع الاراء لكن هذا رايي وانا جاهز اناقش اي حدا بحب اناقشه مع احترامي وتقديري للجميع |
مشاركة: هل يحق للاخ ضرب اخته مهما كانت الاسباب
mshkoren kteer 3la mrorkm wunakshetkom elr2e3a.....
|
| الساعة الآن 04:52 AM بتوقيت العيساوية |
Powered by vBulletin® Copyright ©2000 - 2026, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author