منتديات العيساوية - الحارة الفلسطينة

http://www.up07.com/up5/uploads/92a88e90c6.jpg

شوف كام سنه عدت وانا صاحي
اسم بلادي هوه سلاحي
والثورة بتسهر صباحي
في الحاره الفلسطنيه
****
الف سلامه... الف سلامه
يا علمي ياللي ظلموك ياما
حتى الدنيا ليها قيامه
في الحاره الفلسطينيه
***
اعلامي سوده من الهم
اعلامي حمرا وده
في الاجسام البيض نتلم
م الحاره الفلسطينيه
***
ياسلالم طالعه..ياثورها
اجسادنا سلم لقمرها
الاطفال خلعت اعمارها
في الحاره الفلسطينيه
***
يا ارض الرسالات...
يا ارض الرسالات باركينا
بنوفي الندر اللي علينا
الموت بيرفرف حوالينا
في الحاره الفلسطينيه
*http://www.up07.com/up5/uploads/22e1031bce.jpg**
الثوره ضد الصهيوني
هيه عقلي وهيه جنوني
واتقهقر لما يردوني
للحاره الفلسطينيه
***
ويسوع ماشي شايل خشبو
اللي يهينو.. واللي يسبوه
صلبوه همه ولا اتصلبو
في الحاره الفلسطينيه
***
يا حجارتي لسلاح الواطي
يا قنابل يا رصاص مطاطي
انا ماشي معدول وصراطي
الحاره الفلسطينيه
*http://www.up07.com/up5/uploads/9d6f1df4e2.jpg**
الارض اللي زارعها سنابل
واغاني شحارير وبلابل
اهو جاني اللي زرعها قنابل
في الحاره الفلسطينيه
***
والبنت اللي يدوب تيجي ورده
انفجرت في القدس وفارده ...دراعتها
ماتت وبتنده....
الحاره فلسطينيه
***
وبواجه كل ما بتقدم
الدوله ام بجيش متنظم
امريكا تحت المخيم
في الحاره الفلسطينية
***
يا عيون الدنيا يا شايفنا
عاميه ولا انتي عاميناه
عمرك ما هتبئي ويانا
في الحاره الفلسطينه
***
يا الاقصى يا شامخ في مكانك
متغمس في الحزن ادانك
بتعد اللي ماتو عشانك
في الحاره الفلسطينيه
**http://www.up07.com/up5/uploads/b611278199.jpg*
والقدس الحره المغصوبه
غالبه لكن... بتبتات مغلوبه
مش دي اللي تحررها الطوبه
في الحاره الفلسطينيه
***
كفي صراخك ما بيسمعنا
غير الدمع اللي في مدامعنا
احياء والقبر اللي جمعنا
الحارة الفلسطينية
***
ما احناش ضعفه ولا احنا غلابه
مهما عوت حولينا ديابه
واتردمت تحت الدبابه
الحاره الفلسطينيه
***
ولا بصراخنا ولا بنواحنا
ولا تخلق في العتمه صباحنا
الا ايادينا وسلاحنا
في الحاره الفلسطينية
***
انا اعلى ما في صوتي سكوتي
واحلى حياه بعشجها...موتي
انا ارضي وجوي وملكوتي
الحاره الفلسطينية

http://www.up07.com/up5/uploads/d0233f5d0a.jpg

وداعا ايوها الشهيد
ربيع البلد