منتديات العيساوية - مشاعر انسان

جار الزمن ثم صك من دوني البـاب
زولي شباب وداخلي جـوف شايـب
وكنت الغريب الي نشا وسط الأغراب
طفل ٍ جميع النـاس عنـده حبايـب
وربانـي الـي للطويـلات كـسـاب
الشايب الـي مارمـى غيـر صايـب
عند الدلال ومبخـرة زيـن الأطيـاب
وعند الصحون الي عليهـا النوايـب
ودل الرجال الي على الطيب وأصحاب
وسوالف الفرسـان وقـت الحرايـب
وغيري يربيه الخدم وسـط الألعـاب
لين إختلف عقلـه يبـاري الهبايـب
لا هرجة ٍ سنعـة ولا مكـرم أجنـاب
وسوالفه لاجـات جـات المصايـب
إخته تقول وخالتـه وجههـا عـاب
وأمـه تـزاور كـل يـوم ٍ قرايـب
مير أشهد إن الطيب من طيب الأنساب
والعرق طيب ٍ نصفه ونـص خايـب
بس البلا من علـة ٍ مالهـا أسبـاب
خلت جروح ٍ في ضميـري عطايـب
القلب منها شاب والـراس ماشـاب
وأعيش في وقت ٍ عن الناس غايـب
تحياتي عصوووووم---