منتديات العيساوية - إهداء لكل الشرفاء في فلسطين..( مات الختيار....مات )

منتديات العيساوية (http://www.esawiah.com/vb/index.php)

- قــــــــضــــيـــتــــــنــــــا (http://www.esawiah.com/vb/forumdisplay.php?f=15)

إهداء لكل الشرفاء في فلسطين..( مات الختيار....مات )

مات الختيار......مات

مات الختيار ..مات

وترك إلنا شوية عصابات

وكل واحد منهم مستنّي

يبنيله قصر في الجَنّي

من دم شعب الشتات

ومات الختيار.. مات
**************

مسك الكرسي البيك عباس

وحالف لَيذبح "حماس"

ويشلح شعبه" اللباس "

ولا واحد رح يرفع راس..

هذا الوسواس الخناس

بحكي إنه غير الناس

لا بِبوس ..ولا بِنباس

شكله عامل زي الواوي

معجب بسياسة علاوي

وما بعشق غير الدولارات

ومات الختيار........ مات
****************

وواحد ثاني اسمه دحلان

وناس بتقول اسمه َقشلان

أجا عالسُّلطة مشلِّط حافي

ما بعرف شكل الإسكافي

وصار يلعب بالملايين

من دم الشعب المسكين

فتح سجون وزنازين

وعباهن بالمعتقلين

عامل لي دايما غُرّة

وما بستجري يطلع برة

الا بوجود الحراسات

ومات الختيار ...... مات
*****************

ويا عيني على هيك شعوب

عاشت في مآسي وفي حروب

ومن تسفير ومن تهجير

وكل أنواع التدمير...

حكمونا شوية لصوص

من ختيارنا لأصغر صوص

واحنا والله الغلطانين

لإيمتى بنظل ساكتين !!!

لازم نحكي ولازم ُنصرُخ

لسياستهم مش رح نرضخ

لا لشعث... ولا لقريع

ما بِسْووُا غير كلمة " هيع "

زمرة اوسلو تِطلع برّة

ما رح نغلط مليون مرة

بكفينا يتامى وشهداء

من هالسُّلطة و هالسفهاء

هذا بِسرق..هذا بِنهب

هذا بِسْكَر .. وهذا بِشرب

واحنا يا عيني علينا ازلام

ساكتين من غير كلام

وبنتفرج دايما عالدِّش

لا بنهِش ولا بِنْنِش

وعاجبيتنا هالمَذَلاّت

مات الختيار...مات
**************

قوم يا شعبي إرفع راسك

لا تآمن لُه يّللي باسَك

حق العودة ضَرَبُو بفاسُو

ما خَلاّ واحد ما باسُو

شبعنا منها سياسة البوس

وشبعنا عِبَر ودروس..

ما رح نوقف عالحياد

لازم نقضي عالفساد...

ومن اليوم بنوضع خطة

لا لأوسلو ... ولا للسُّلطة

بدنا شباب يرفع رايتنا

ويرجّع أمجاد أمتنا

دم جديد يبني دولتنا

ويمسح أحزاننا ودمعتنا

ونرتاح من زمرة عرفات

ومات الختيار........ مات

مع تحياتي لكم اخوكم

(صقر الأقصى)