|
دمنا والله بغلي غلي ....ودم العدو ميه
بسم الله الرحمن الرحيم
انا اخوكم ابو ماهر محيسن ارجو ان تتفاعلو مع هذه القصيدة المتواضعة وتتفهموها وتتأثرو بها وتقرؤها اكثر من مرة ومرات فهذه منكم واليكم وين .. وين ... وين ....وين وين البرية ام القمح والشعير ام القلية دمنا والله بغلي غلي ودم العدو ميه وين المقثاة وين البقيع تتلاقى الحبيبة وبتلاقى الحبيب وين الروابي وين عراق الخزيرة ماتت حسرة ماتت ولّ ماتت غيرة وين السعيسعه وين الجولاثان ريحتو والله ريحتوا لهان وين الزيانبة وين الحصينينة خذها لك حبيبي ........ خذها لك هدية وين العرقوب وين الخلة المشمش فيها استوى والعنب على مهله وين بليشة ... وين العجوز ويلو الي بعاند في راسه قنوة في راسه دبوس بلشي يا بليشة ... وهاتي معاك خيشة حصدتت شمال مية كيلو على القبان وينك ابو عبد الله العطش يا خوي قتلنا وينك ابو يعقوب هات المنجل والشعوب شوفو غمرها ثقلوا حجار الهوا بطيرو الهوا طيار هاتو القوادم شدو على البغال المشوار طويل ..همة ...همة يا رجال لا تطولو علينا فداكم دمنا ...فداكم عينينا ادرس ابو مشعل ..ادرس على اللوح والصديق فرحان ..... والعدو بنوح وينك احمد حسن ... وينك عيد وين الناي ..وين المجوز واليرغول اطربنا وسمعنا خيّ .......والتعب بهون جهزوا العرايس ....جهزو العرسان الخوابي مليانة .....مليانة غلال وينك ابو حسين ...وينك ابو عدنان السهرة والله ما تحلى ..الا وانتو هان يوجد في هذه القصيد بعض الكلمات التي كانت تستعمل قديما في الحراثة والحصاد الشمال : هو اشبه بباقة من الورد من الحصاد شعير وقمح الغمر : هو مجموعة من باقات الشعير والقمح وكانت دائما معرضة لرياح ويوضع فوقها الحجارة لتحميها الخابية : كان يصنع من الطين وهو مخبىء للحبوب بأنواعها وتوجد فتحات سفلية لاستعمالها عند الحاجة من قمح وشعير بليشة: المرأة القوية التي لا تعاند ( المرأة الحديدة ) * العرائس والعرسان كانو لا يتزجون عادة الا بعد جمع الحصاد والغلال * الروابي والحصينية والبقيع الزيانبية البقيع ................ اسماء تطلق عادة على الشعاب والوديان والجبال الفلسطينة وهي كثيرة ارجو ان تنال اعجابكم وقد رجعنا بكم كثير كثيرا الى الوراء وين ...وين .....وين ...وين تحياتي ابو ماهر العيساوي |
مشاركة: دمنا والله بغلي غلي ....ودم العدو ميه
والله وين يا احلى ابو ماهر
والله القصيدة حلوة بنستنى كمان قصائد منك يا احلى سيد بالعالم |
مشاركة: دمنا والله بغلي غلي ....ودم العدو ميه
هي مواهب دار محيسن بلشت تطلع
والله منور المنتدى ابو ماهر |
مشاركة: دمنا والله بغلي غلي ....ودم العدو ميه
احلى سيدو كتيررررررررررررررر حلوين
ويا ريت يا مجدولين تنزالي كمان اشعار الى سيدو اوكي حبيبتي كل شعرو حلو تحياتي الى احلى سيد بالعالم |
مشاركة: دمنا والله بغلي غلي ....ودم العدو ميه
شكرا الك اخي ابو ماهر على الكلمات ويعطيك الف عافيه,,
&&&&&&&&&&&&&&&&& تحياتي,, |
مشاركة: دمنا والله بغلي غلي ....ودم العدو ميه
اولا الله يرحمهم واحد واحد ويكون مثواهم الجنه الناس الي اجا ذكرهم في القصيده وفارقونا
ثاني اشي صحيح رجعت فينا لورا ورا .......... اهلا وسهلا باجدع ابو ماهر في العيساوية ابو القصائد الحلوة والممتعه والي ما بيمرق بجوز حدث الا وبيلاقي ابو ماهر بانتظارة بقصيدة وشكرا مجدولين على نقل القصيده وبننتظر قصائدة وكتاباته اخرى لحبيبنا ابو ماهر وان شاء الله ما تطمعوا علينا نسمع الكلام الحلو يا رب الف شكر |
مشاركة: دمنا والله بغلي غلي ....ودم العدو ميه
شكرا حبيبتي مجدولين على القصدة الحلوه
بستنى منك جديد والله منور يا ابو ماهر تحياتي الك |
مشاركة: دمنا والله بغلي غلي ....ودم العدو ميه
والله بالتوفيق يا احلى عم بالحياه وانشالله بتضلك بتقدم وانشالله بنشوف منك كل جديد
|
مشاركة: دمنا والله بغلي غلي ....ودم العدو ميه
والله يا سيدو مشكور ومرسي
واانا بحكيلك بتمنا انك دائما طلعهم على النتدى والي انا بسمعهم منك يا جماعه الله سيدو بكتب اشياء روعه شو روعه والله انها لا توصف وهي والله مرسي سيدوووووووووووو |
مشاركة: دمنا والله بغلي غلي ....ودم العدو ميه
والله حلو الشعر يا ابو ماهر سلموووووووووووووو كتيرررررر بتمنالك التقدم انشاء الله تحياتي (صقر الاقصى)
|
| الساعة الآن 08:32 PM بتوقيت العيساوية |
Powered by vBulletin® Copyright ©2000 - 2026, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author