|
ظاهرة العنصرية في بعض اهل البلد
بسم الله الرحمن الرحيم
انا حطيت هل موضوع لأني كتير بنزعج من يلي بسير فل بلد عنا يا عمي انا مع كل شباب البلد انو الغريب لازم يحترم حالو فل بلد بس يا عمي ليش احنا دايما بنحط ضد الغريب يعني ازا شب غريب سكن جديد فل حارة عنا بنرتاحش الا لما نضربو عشان ما يتزعرن فل حارة وبلعكس في كتير شباب بديرو بالهم عليه وبحترموو يعني انا ما بحكي كل شباب البلد بس في كتير منهم عنصرية يا عمي يعني ازا بكون الواحد ألو صاحب صاحب يعني من سنين ازا بتسير مشكلة صغيرة بينو وبين واحد من عيلتو بنسا صاحبو وبنسا كل لسنين يلي أضوها مع بعض ليش مش فاهم ؟؟؟؟؟؟؟؟؟ .................................................. ............... انا ما بدي حد يفهم انو انا ضد شباب البلد ولا شي بلعكس بس يا عمي خلي عندك شوية رحمة على هل شباب الغربية ههههههه مع تحياتي "abo samra' |
رد: ظاهرة العنصرية في بعض اهل البلد
[align=center]السلام عليكم ورحمة الله وبركاته
بسم الله الرحمن الرحيم كل الناس مخلوقة من نفس الطينة.. أخـي الكريم لا يجـوز التميـز ضد اي انسان على اساس الجنـس او العمر او الاصل او اللغه او الديانه او العقيده او الراي بشـكل عام العنـصريه غير موجوده في دينا الاسلامي اكبر حرام التميز العنصري بينك وبين اخوك المسلم خصوصا في بلدنا العيسويه اصبح التميز شيء عادي بالنسبه للاهل البلد ينظرون للشخص الغريب كأنه شخص يهـودي عايش بالبلد يا عمي خلي عندك شوية رحمة على هل شباب الغربية ههههههه خلي عنـدكم شويه رحمه على شباب الغريبه ليش مين كاينين هما شباب يهـود واحنا مش عارفين !! يعني كل حد غريب بسكن بالبلد لازم ينعمل معه مشكله عشان شباب اهل البلد يضربوة بس يكون بعلمك انو كل فار بجحره أسـد يعني انت بتضرب الغريب في بلدك بكرة الغريب بضربك وبربيك وانت برا بلدك ما تفكر الدنيا هيك ماشيه على حسب مزاجكم ويعطيك الف عافيه [/align] |
رد: ظاهرة العنصرية في بعض اهل البلد
اخووي ما في شي اسمه غريب
(ما غريب غير الشيطان ) وهاي مش مشكله بتواجهه شباب البلد ما شالله عليهم شباب زي الورد واللي ما بتعرف بتجهله تعرف عليهم وانا بحكيلك راح تكون مبسوط كتير بالبلد تحياتي الك اخووي وبالنسبه ل حكي انهم يتحركشو ويضربو هاد حكي ولا صغار مش حكي شباب البلد يعني عيش كتير بتشوف كتير وانتا شوف هالدنيا وما فيها ما بتطلع خسران .... |
رد: ظاهرة العنصرية في بعض اهل البلد
[align=center] بسم الله الرحمن الرحيم [/align]
معك حق اخوي abo samra هادا حكي مزبوط وظاهرة منتشرة جدا في العيسوية تحياتي : سفير العذاب |
رد: ظاهرة العنصرية في بعض اهل البلد
بسم الله الرحمن الرحيم
ياعمي مش لهدرجه العنصريه في البلد المحترم كل الناس ابتحترمه مين ما كان ايكون ملاحظه: طريقة كتابتك ياعمي كثير مزعجه |
رد: ظاهرة العنصرية في بعض اهل البلد
بسم الله الرحمن الرحيم
اولا: يا أخي زمن العجايب انا ما حكيت انو الغريب يهودي ولا شي كل الغربية على عيني وراسي وكل الناس خير وبركة ثانيا: يا أخ رافي مزبوط حكيك انو الشيطان هو بس الغريب ويعني انا عايش فهل بلد وبعرف انو شبابها وكل أهلها احلا عالم وعلى راسي كل اهل البلد ثالثا: يا اخي احلا مان انا مش قصدي من الموضوع انو اهل البلد لا سمح الله مش مناح او شي زي هيك بس قصدي انو في بعض الشباب ومزبوط انو مش كل اصابعك واااحد بس يعني في اكم من شب مش فشي ملاحظة : مفهمتش يعني كيف طريقة كتابتي يعني مزعجة انا حكيت يلي بشوفو وهادا هو .......... ومشكورين جميعكم على ردوكم عل موضوع وما تفكرو انوا انا حاطت ضد شباب البلد |
رد: ظاهرة العنصرية في بعض اهل البلد
[align=center]السلام عليكم
هذا الموضوع على فكرة جديد قديم كل مدة يتم طرحه ونهاية الموضوع تكون اما اغلاق او حذف والخلاصة .. لا شيء مهما قلنا وكتبنا عن تلك الظاهرة فلن نستفيد الا الخصام والعداوة ، هي بلا شك موجودة لكن ليس بمعنى العنصرية كما ذكرت اخي ابو سمرة ، ما يقوموا به قلّة من شباب هذه القرية اتجاه السكان حديثي العهد ما هو الا سوء فهم وضيق في الفكر ، فتراهم يبحثون في اولئك السكان عن أي تصرف خاطئ او سمعة سيّئة "ربما تكون مختلقة" ليبدؤا بممارسة ظاهرة اسميها "إثبات القوة" ، حتى يضعو حداً لتمادي ذلك المستأجر في خطئه حسب اعتقادهم ، وهذا على أية حال ليس حلاً ولا طريقة للتعامل ، فالأناس جميعهم يفهمون لغة الحوار والأسلوب المهذب قبل اي اسلوب آخر . لن اطيل أكثر من ذلك لاني اعلم ان ما اكتبه لن يتأثر فيه المعنيين ، ولن يغيروا من تصرفاتهم ان بقينا نتكلم بعيداً عنهم ، لذا لابد من مصارحتهم ومحاورتهم بالأسلوب الذي يفهمه الجميع . لكني استطيع ان اختصر كلامي بهذه العبارة لو نظر كل واحد منا الى عيبه قبل عيب غيره لكان حالنا أفضل من ذلك بكثير إحترامي [/align] |
رد: ظاهرة العنصرية في بعض اهل البلد
hello everybody
والله يا اخوي اذا البلد مش عجبك طبعها ارحل لو انتى ما طبت فيهم ما في حدا بطب فيك و كول واحد في عندو اهل وهذا مش طبع اهل البلد يا صديقي العزيز و العساسوا اهل الكرم والجودة |
رد: ظاهرة العنصرية في بعض اهل البلد
بسم الله الرحمن الرحيم
اول شي مشكور اخي صوت الحق على الرد الجميل تاني شي يا الصخرة شو قصدك يعني ازا مش عاجبتك البلد أطلع منها اها شايف بس عشان تعرفو انو الصخرة عنصري لانو فكرني غريب بحكيلي هيك بس لازم تعرف انو انا عيساوي وما بتخلى عن اصلي يا حبيبي |
رد: ظاهرة العنصرية في بعض اهل البلد
السلام عليكم ورحمة الله وبركاته
ظاهره ليست بالجديده ولكن الجديد اني لمست في هذه القريه قد ازيلت هذه الظاهره ولكن قد ظهرت تفرقه في شي ما وهو المتخلف الفكري ولكن لو رجعنا لديننا السمح لم نجد تلك التفرقات حيث شجع الاسلام محاربة التفرقه العنصريه ونحن بدورنا يجب علينا ان نزيل هذه الاشياء من انفسنا قبل ان ندعو بها لا حول ولا قوة الا بالله الناس سواسية كاسنان المشط ولا فرق بين عربي او اعجمي الا بالتقوى دينا الحنيف ورسولنا دعونا على عدم التفرقة بين الناس الا بعملهم الصالح االله لا يبلانا بما ابتلوا به http://esawiah.com/hosting/files/tvv...qv8r6a8kfd.jpg كلمه اخيره من كتب هذا الموضوع لايشمل كل القريه كل واحد يتكلم عن نفسه لان هذه القريه يوجد فيه من خيرت الشباب لا يتطلعون الى هذه التفهات اقول كلمه من هم ليس من هذه القريه كلمه صادقه نحن هنا كلنا اخوه لافرق بيننا وسنكون عند حسن ضنكم وبارك الله فيكم وجزاكم الله كل خير |
رد: ظاهرة العنصرية في بعض اهل البلد
بسم الله الرحمن الرحيم
مشكور يا قاهر الاعداء على مرورك الجميل وانا بعرف انو شباب البلد احلا شباب واحسن شباب ......... انا مش عارف ليش جميعكم فهمتو الموضوع انو لا سمح الله مسيئة لشباب البلد ؟؟؟؟ |
رد: ظاهرة العنصرية في بعض اهل البلد
[align=center]السلام عليكم ورحمة الله وبركاته
بسم الله الرحمن الرحيم the-rock أخي استهدي بالله شو اطلع وما تطلع هـاي بلاد الله الواسعه ما حدا الو بالدنيا يحكي اطلع من البلد وادخل بالبلد هاي ظاهره العنصريه موجوده فيك استخدمها ضد اليهود مش ضد اخوك المسلم واكيد اهل العيسويه على عيني وراسي بس مش كلهم كل بلد فيها الفهمان وفي الجاهل بس بححب احكيلك خليك بعضويتك الاصليه ورد بالكلام الي بدك ايا ما تكون متخفي زي الي عامل جريمه وخايف حدا يعرفو خخ واكيد انت فهمني [/align] |
رد: ظاهرة العنصرية في بعض اهل البلد
بسم الله الرحمن الرحيم السلام عليكم و رحمة الله و بركاته أبو سمرة بسكـّرة يا أبو ضحكة منوّرة حيـّاك ربي يا أخي الحبيب و الكلام للجميع أتابع موضوعك منذ وضعته و قبل أن يرد عليه أحد لم أولـَد في العيساوية و لست من أصل عيساوي أنا مستأجر و قد سمعت و أسمع و سأسمع كلمة غريب عادي أخي الحبيب صدقني يا عزيزي أفهم تماما ً ما تقصده و أوقن تماما ً أنك لم تقصد الإساءة إلى أحد من أهل البلد أو التعميم قطعة القماش البيضاء و الناصعة البياض إذا وقعت عليها بقعة سوداء صغيرة جدا ً يسارع الجميع ليقولوا أنها وسخة و هذا أمر طبيعي هناك جهلة في كل مكان و كل زمان يشوّهون من ينتمون إليهم مع الأسف و لوسمعتم كلمة أخي الحبيب الشاعر مصطفى حمدان حيث قال أنزعج عندما يقول بعض الناس أنا أسكن العيساوية و لست عيساويا ً أي أنـّه يحاول أن يبرئ نفسه من تهمة فظيعة بنظره و سانده أخي الحبيب الشيخ جمال مصطفى بأن كل من يسكن العيساوية فهو عيساوي له ما لهم و عليه ما عليهم أشكرك أخي الطيّب على النصيحة الطيّبة و التي أوقن أنها جاءت للخير و للدل على الخير و النصح بالخير لمصلحة الجميع من قلب صادق معطاء نسأل الله أن يغيّر الحال لأحسن حال لنلتزم تعاليم ديننا الذي يحل كل مشاكلنا كما أثرانا حبيبنا قاهر الأعداء شكرا ً لكل من علّق على الموضوع وبما فيهم الصخرة فهو يعبّر عن نفسه و يضع نفسه في مواقف ****** ( يعني بايخة بس ما تحكوا لحد ههههه بلاش يزعل ) و له ذلك عادي الكرة التي ترميها للأعلى ستعود , إلى أين ؟ هذه مشكلة من رماها . أخي الحبيب أبو سمرة أسأل الله أن يرزقك الخير لما تتمتّع به من روح راقية و صبر جميل بالرد على المواضيع و لا أخفي إعجابي بطريقتك المميزة و الراكزة أعرف أنني أطلت و لكن لأهميـّة الموضوع و صاحبه *_^ سامحوني اللهم صل ِ و سلـّم و بارك على الحبيب سيدنا محمد و على آله و أصحابه أجمعين |
رد: ظاهرة العنصرية في بعض اهل البلد
|
رد: ظاهرة العنصرية في بعض اهل البلد
بسم الله الرحمن الرحيم
اولا : مشكور يا زمن العجايب على مرورك الجميل ثانيا : يا ابو النون كلامك كان لي بمثابة دعم ولن انسا لك هذا الرد الجميل وانت تفهم كل عضو ما يكون قصده في موضوعه وهذه صفة رائعة في مشرف رائع كحضرتك اشكرك مرة على اخرة على مرورك ثالثا : مشكور يا شهيد الاقصى على مرورك |
رد: ظاهرة العنصرية في بعض اهل البلد
السلام عليكم ورحمة الله وبركاته
شكرا الك على الموضوع بس انا مش شايف اشي من البتحكيه مزبوط ليش ؟ .. انا بحكيلك ليش لانه اغلبيه من صحابي غربيه واصلهم مش من البلد زي ما حكو قبلي الي بيكون محترم كل شباب البلد رح تحترمه ومحدا رح يطب فيه اما ازا داخل مفكر حاله اسد على البلد هاد ما بضل الا دقيقتين اسد والباقي يمكن نعامه بس الي بدي اوصلك اياه وصله غيري من الشباب المحترمين يعني .. شباب البلد ما في زيهم |
رد: ظاهرة العنصرية في بعض اهل البلد
بسم الله الرحمن الرحيم
اها والله مزبوط كلامك يا اخي big boss وكلامك مزبوط يا ابو لافي عرفتني ههههههههههههههههههههههههههههههههه |
رد: ظاهرة العنصرية في بعض اهل البلد
اسمعو يا جماعه ابو سمرا عيساوي
واللي بحكي هو من شبه ما شاف هو صح في من هالحكي بس يعني بين ولاد صغار ما وصلت لكبار الله يهدي الكل يا رب تحياتي :Rafe |
رد: ظاهرة العنصرية في بعض اهل البلد
والله يا rafe انا مش عارف ليش الكل مفكرني غريب يعني هههههه
بس عشان تشوف يا زلمتي انو حتى لونك عيساوي وتحكي كلمة الحق بسيرو بدهم يسكتوت ولا انا غلطان ههههههه........... |
رد: ظاهرة العنصرية في بعض اهل البلد
ان غريب وله مش غريب ؟
\\\\\\\\\\\\\\\\\\\\\\\\\\\\\\\\\\\\\\\\\ |
رد: ظاهرة العنصرية في بعض اهل البلد
والله معك حق ابو سمره كلامك صحيح 100% النا سنين عايشين بالعيسويه والتمييز عينك عينك الكل بيوقف ضد الغريب ولو كان على حق بس انت دايما خلي ببالك انو الله اكبر من الكل وانو هو الي بياخدلك حئك مهما طال الزمن دائما احكي لمن ظلمك حسبنا بالله ونعم الوكيل على من همنا وغمنا وسعى بأذينا وشوف ربنا سبحانه وتعالى كيف بيوقف معك وبياخدلك حئك وبينصفك ولو بعد حين .
|
رد: ظاهرة العنصرية في بعض اهل البلد
مشكورة يا زهرة الخليل على مرورك الجميل وبدي احكيلك
دائما اتوكلي على الله وما تهتمي لحد انا عيساوي وأصلي عيساوي وبفتخر انو انا عيساوي بس بحكيلك ما تهتمي لحد ... وسكراا |
رد: ظاهرة العنصرية في بعض اهل البلد
[gdwl]
والله يا ابو سمرة حكيك مزبوط بس لما يكون هاد الغريب داخلك في بلوز cut او شباح او شلحة ولابسك شورط وبيتمختر وحاملك في ايده سيجارة او بيدوين على التلفون وبيعلي صوته ازا انتا بتقبل هيك يمشي من عند داركم غيرك بيقبلش وبعدين في ناس ازا بتعطيهم عين بيتمادوا فكل واحد لازم يعرف حدوده بعدين في ناس غربية كتير بيجوا في سياراتهم وبيبقى طاير ومعلي المسجل وافرض دعس واحد وضل شارد شو بدك تسوي بعدها ؟؟؟؟؟؟؟؟ بانتظار ردودكم [/gdwl] |
رد: ظاهرة العنصرية في بعض اهل البلد
والله يا زلمتي انتا بترعفني وبتعرف انو انا برضاش هادا الحكي على البنات الغربية
كيف بدي أرضاه على بنات بلدي ...... وعلى فكرة من حكيت فهمت انو قصدك عن "الخلفاوي" هههههههههه |
رد: ظاهرة العنصرية في بعض اهل البلد
[align=center]DaRk_AnGeL
يعني بدك تقتنعني انو شباب الغربيه بس الي بعملو هيك انهم بعلو التلفون على الاغاني وبمشي بالشلحه والشورت القصير مهو انت روح شوف ولاد البلد في منهم كتير بعملو هاد الحكي الي انت كاتبو بس ياريت كل واحد يشوف عيبو قبل غيرو كان حالنا احسن من هيك ومن الاخر الي بحكي عن مواضيع زي هاي بكون جاهل لانو لا في غريب ولا في ابن بلد كلنا اخوة بالاسلام ولازم نكون لبعض هاي الاشياء كلها حرام وعيب خليكم واعيين شوي [/align] |
رد: ظاهرة العنصرية في بعض اهل البلد
كلامك يا زمن العجايب عن الحكي يلي حكاا dark angel مزبوط
انو يلي بحكي بهاي المواضيع بكون جاهل ما حبيتها منك وانا ضليت محترم الجميع لأخر حد بس ما بسمحلك تحكي عني جاهل اوك وازا كتير شايف الموضوع بس للجاهلين ما تدخل عليه يا مثقف ماشي .............. |
رد: ظاهرة العنصرية في بعض اهل البلد
[align=center]والله يا سيدي انت فش زيك وفهمان وبدكش 2 يحكو فيها بس الي بفرق بين اخوة المسلم بالجنس
او باللغه او باي شي تاني بكون جاهل وستين جاهل وبعدين اعرف كيف تناقش غيرك بالكلام مش هيك تزت الكلام زت اتعلم الله يرضى عليك اما ازا انا غلطان بالكلام الي حكيتو بتقدر تحكيلي هلا فش عساسوة بعملو نفس الكلام الي حكاه السيد DaRk anGel ? والله بدك تحكيلي شباب الغربيه هما الي خربوهم والله يا حبيبي كل بلد في الخربان وفي المننيح سلام [/align] |
رد: ظاهرة العنصرية في بعض اهل البلد
اول شي يا حبيبي انا ما حكيت انو ما في شباب من البلد خربانين
وأحكيلك انا اول واحد يا عمي شو رايك المهم متزعلش .... وتاني شي انتا ييل لازم تعرف كيف تحكي مع غيرك مش انا وتخلنيش احس انك بتستفزني يا اخي زمن العجايب ... اوك |
| الساعة الآن 05:15 PM بتوقيت العيساوية |
Powered by vBulletin® Copyright ©2000 - 2026, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author