|
لماذا العنصريه بالمنتدى
بسم الله الرحمن الرحيم
ربما قد يكون العنوان فيه شي غريب لكنه والله هو الحقيقه .انا منذ يوم دخلت المنتدى ماشفت المجاملات والتمييز والعنصريه والتفرقه بين اعضاء المنتدى ووووووووووووووووووووووووو الا من قريب وهذه العنصريه ماهي من الاعضاء بل من المشرفين انفسهم مع الاعتذار ان هذه هي الحقيقه فقد ابتدو في اولا حيث قامو بحذف صورة طفلي الصغير ادم لماذا ولو كتبت ادم حبيبي فهو ابني اين الغلط واذا كانت هذه طريقتهم في التعامل مع الاعضاء فسوف يتعرض المنتدى الى الانهيار وهروب الاعضاء فارجوا من مشرفي المنتدى ان يتصرفوا بحكمه وعدل وهذا ليس تهديد انما نصيحه اومنوع النصيحه وتقبلوا خالص تحياتي ارجو نشر الموضوع وعدم حذفه اذا هناك امانه |
رد: لماذا العنصريه بالمنتدى
يا عزيزتي ... ولا عنصرية ولا شي ..ولكن نوعية المواضيع التي تُطرح هي التي تجعل العضو يرد ويتفاعل او لا بعدين انا ما حذفت توقيعك لانه في صورة ابنك ..ولكن انحذف لانه بتصير في كتابة تتحرك بشكل تصاعدي في الصفحة كاملة علشان هيك انحذف انت بتحبي ابنك بس ما بتفرضي على الجميع انه يشاركك هذا الاحساس ممكن تحطي صورة ابنك وتكتبي تحت الصورة اللي بدك اياه ما لم يكن مخالفا للادب وساعتها اذا حذفناه يحق لك ان تنزعجي وتتركي المنتدى ولكن هناك قوانين انت وافقتِ عليها قبل التسجيل .. وفي النهاية تمنيت يكون صدرك اوسع من هيك وحياكِ الله |
رد: لماذا العنصريه بالمنتدى
ممكن تحطي صورة ابنك وتكتبي تحت الصورة اللي بدك اياه ما لم يكن مخالفا للادب
هههههههه يعني لما اكتب ادم حبيبي وهو اسم ابني هدا مخالف للادب والله ما اقنعتيني اي مخالفه هاي يلا مش مهم اتشرفت بمعرفتكم وباستضافتكم الحلوه شـكــ وبارك الله فيك ـــرا لك ... لك مني أجمل تحية . |
رد: لماذا العنصريه بالمنتدى
السلام عليكم ورحمة الله وبركاته
اختي الكريمة خليلية وافتخر حذف موضووع او توقيع لا يعني العنصرية وخصوصا انه تم ابلاغك بسبب الحذف وايضا اختنا الكريمة ام زيد اجابتك بشكل كامل ووافي وما انا شايف اي خطأ في طرخ الموضوع مره اخرى بصورة مناسبة وبالنسبة للعنصرية اختي فأنت مخطأة وخصوصا اذا كنتي تعرفين مشرفي ومشرفات المنتدى... |
رد: لماذا العنصريه بالمنتدى
اي موضوع الي عم تحكو عنو انا ما جبت سيرة مواضيع انا عم بحكي عن صورة ابني شو دخل المواضيع بعدين ام زيد بعتتلي رساله لقد تم حذف توقيعك بدون اي توضيح وهذا الي اثار غضبي وما فسرتلي ولا وضحتلي سبب الحذف الا بعد ما انا بعتلها رساله التلها مش عاجبتكم صورة ابني بعد هيك هيه وضحتلي وانا مش شايفه اشي مخالف وخلص ما بدنا نسوي قصه وحكايه انا كتبت رائيي ما اظني في شي غلط لما اعبر عن رائيي واخذ تفسير شافي وكافي للي حصل ومو مشكله برجع بدخل صورة ادم واوضح كمان شـكــ وبارك الله فيك ـــرا لك ... لك مني أجمل تحية .
|
رد: لماذا العنصريه بالمنتدى
اقتباس:
اذا انتِ حطيتِ صورة ابنك وكتبتِ تحت اسمه ادم حبيبي ..ما فيها مخالفة .وما راح ينحذف التوقيع يتم حذفه عندما يحتوي كلاما مخالفا للادب ..ساعتها بينحذف التوقيع .. وبما انك فتاة انهينتِ المرحلة الجامعية ..بتوقع تكون الفكرة وصلتك . وليس على المشرف تبليغ العضو بأي تصرف يقوم به .ولكن حتى ما تتفاجئي وتكرري وضع التوقيع بعثت لك لقد تم حذف توقيعك ..يمكنك اعتماد توقيع اخر . وكل انسان بيعتبر كلامه صحيح .. والا لما قاله ..هيك كل واحد فينا بفكر . واخيرا يا اختي الكريمة .. نحن نسعى دائما لرضى الجميع وللرقي بالمنتدى ضمن الحدود والقوانين التي يوافق عليها العضو حال تسجيله . وحياكِ الله |
رد: لماذا العنصريه بالمنتدى
اسمحيلي يا ام ادم انتي لما كاتبة اسمك (خليلة وافتخر) انو انتي بتجاكري في حدا او هيك هم بحسو العضاء انا بحكيلك عشان انا حاسس في هشغلة اسمعي مني ععشان انتو الخلايلة بحسو انو الفلاحين بكرهوهم او ما بحبوهم في نفس اشي بحسو الفلاحين على الخلايلة
فهمتي علي شو انا بقصد بنسبة للعنصرية احنا ليش ما بنحب الغربة مش بس الخلايلة بس احنا عشان العيسوية بنحسها زي دارنا واكتر فاهمة كيف عشان انتي تخيلي كيف واحد يجي شاركك في دارك وهو لا بعرفك ولا انتي بتعرفي عشان هيك بس كلو برجع على اهل البلد يا ستي انا عيساوي بقول اهلا وسهلا فيكم كلنا فلسطينية تقبلو مني التحيا عيساوي اصيييييل |
رد: لماذا العنصريه بالمنتدى
لا حول ولا قوة الا بالله كل واحد بيغني على موالو والله يا اخ سالتك حبيبي احنا بنحكي بموضوع بعيد كتير عن الي انت بتحكي فيو يلا شكرا لمرورك لا حول ولا قوة الا بالله
|
رد: لماذا العنصريه بالمنتدى
السلام عليكم ورحمة الله وبركاته
ولله انو في عنصيريه في المنتده او انا ابين البلد مع تحيات ابو الفارس |
رد: لماذا العنصريه بالمنتدى
اذا ابن البلد بيحكي هيك شو ضل احكي انا شكرا ابو الفارس وانا بحترم كل الاعضاء بدون استثناء لاني ما شفت منهم شي
|
رد: لماذا العنصريه بالمنتدى
اولا يسعد مساكم جميعاااااااا
من خلال قرأتي للموضوع .. انو فعلا فيه تميييز في هالمنتدى وهذا الشي مابصير لانو التوقيع والكلام مافيه شيء ابدااااااا ادم ابنها والكلام موجه لطفلها مو اكثر .. وبعدين يا اخ سالتك حبيبي لافيه مجاكرة بالاسم ولا شي لانها خليليلة وكل انسان حر في الاسم الي بدو ياه .. ونحن كلنا بشر وسواسية ومافي فرق بين خليلي وفلاح وهذا المنتدى بيت الجميع .. الله يصلح حالكم بس تمنياتي للجميع بالتوفيق وعدم التمييز .. اختكم اسيل |
رد: لماذا العنصريه بالمنتدى
[align=center]
مزبوط يا عمي بس شو المشكلة هو من ناحية ما في فرق ابدا ما في فرق وشكرا اللك اسل حياتي على لفت الانتباه في هذا الموضوع [/align] |
رد: لماذا العنصريه بالمنتدى
شكرا كتير الك يا اسيل ولتفهمك ولفهمك للموضوع ولوقوفك مع الحق يا ريت كل الناس متلك كان الكون عمر من زمان عنجد والله انتو يا اعضاء خجلتوني كتير انتو اهلي واخواني وما في متلكم شـكــ وبارك الله فيك ـــرا لك ... لك مني أجمل تحية .
|
| الساعة الآن 09:37 PM بتوقيت العيساوية |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author