|
الخروف المحشي ..خطوات واضحة وسهلة
السلام عليكم لما الست بتسمع كلمة خروف محشي ..بتتخيله صعب وانه صعب عمله .. بالعكس ..طريقته سهلة ما على ست البيت الا ترتب خطوات العمل وتنظم وقتها وتحسبها صح .. وراح تكون النتائج مية بالمية .. المقادير خروف الوزن يجب ان لا يتعدى 18 كغم ..ممكن نختار وزنه اقل حسب حجم الفرن المتوفر بالبيت . بهار عادي ..هيل ناعم ..ملح ..ليمون الحشوة رز مفلفل مع لحمة بدون لوز ..لانه راح يكون اللوز طري مع الطبخ وبالتالي ما بكون زاكي . الارز يجب ان يكون حبة طويلة او مخلوط 2\3 حبة طويلة و1\3 حبة عادية . المقادير لخروف وزنه 18 كغم 2كغم رز قبل النقع طبعا + كيلو لحمة مفرومة خشنة . بهارات الارز طريقة العمل يجب تحضيره ليلا نغسل الخروف جيدا ونفركه بالملح والليمون ثم نفركه بالبهار والهيل من الداخل والخارج ونعمل شقوق باطراف الخروف ونلفه بكيس نايلون ونتركه حتى الصباح يجب وضعه بالثلاجة اذا كان الجو صيف . http://www.esawiah.com/hosting/files...zaeiqlj1pi.jpg في الصباح نحضر الحشوة بتقلية اللحمة واضافة الارز والبهارات والملح ونضيف له الماء .. نتركه حتى ثلاث ارباع النضج ..افضل شئ بعد ذلك نحشي الخروف بالحشوة ونقوس الخروف حتى لا يأخذ مساحة كبيرة بالفرن . بعد ذلك نجهز ورق القصدير بهذا الشكل وافضل ان نضيف ايضا راقة اخرى حتى يصبح اربع راقات من القصدير نضع على القصدير كما هو واضح جزر ..بصل ..كرفس (سلري) فهذه الخضار تعطي اللحمة نكهة محببة . وقبل لفه نضع كوبين ماء ثم نلف الخروف جيدا من كل الجوانب بعد ذلك نضعه في الفرن لمدة اربع ساعات على نار هادئة الى متوسطة . http://www.esawiah.com/hosting/files...toc3ac8puv.jpg طبعا نراقب الفرن بين الفينة والاخرى حتى نتأكد ان الماء لم يجف وفي حال جفافه ممكن نضيف كوب في السدر حتى لا يحترق . بعد ذلك نخرجه ونزين سدر كبير بأوراق الخس ونضع الخروف عليه http://www.esawiah.com/hosting/files...icxzqrvikj.jpg ] ونقدمه مع السلطة الخضراء واللبن . ممكن عمل كمية اخرى من الارز بنفس الطريقة حتى تكفي لعدد الاشخاص . والف صحة وعافية |
رد: الخروف المحشي ..خطوات واضحة وسهلة
مشكووووووووووووووووووووووووووووووووووووووووووووووو ورة
|
رد: الخروف المحشي ..خطوات واضحة وسهلة
اهلا اسيرة الالم ...حياااااااااااااااااااااااااااااكِ الله
|
رد: الخروف المحشي ..خطوات واضحة وسهلة
يعطيكي الف عافية شكلو بشهي كتير
ما شاء الله عليكي مشكورة ماما رويدة بس بدي اطلب منك تعملي عن سمك المحشي اذا ممكن مع تحياتي لكي ملك |
رد: الخروف المحشي ..خطوات واضحة وسهلة
اقتباس:
حياك وبياك ملك الله يعافي قلبك عزيزتي .. وشكرا لكلماتك اللطيفة ( ما تخيبي) ! *_* السمك عملت قبل فترة السمك المشوي وهذا الرابط http://www.esawiah.com/vb/showthread.php?t=33021 اما السمك المحشي .. حااضر بس اعمله ..بنزلك طريقته واذا بتحبي ممكن احكيلك كيف طريقته بدون صور حياكِ الله واهلا بكِ دائما تنوري مواضيعي |
رد: الخروف المحشي ..خطوات واضحة وسهلة
يسلمو هالديات ماما رويده ...
بجد ناقص اني ادوقو بس :):) بس الخروف صغير؟ولا انا اللي جوعانه؟؟؟بس والله يا جماعه عنا بالبيت بكون اكبر :):):) شكلي انا جوعانه :) |
رد: الخروف المحشي ..خطوات واضحة وسهلة
[align=center]
مشكوره ماما رويده ويسلموا هالأيدين الي عملو هيك اكله انا بحبها كتير بس ما بصير هيك شم ولا دوق بس انا شايفه انه شوف ولا دوق وانا بأنتتظار المزيد من هالاكلات الذيذة مع تحياتي دمعة الفراق......... [/align] |
رد: الخروف المحشي ..خطوات واضحة وسهلة
اقتباس:
وايديكِ يا رب ....ان شاء الله تعزمينا بعرسك الخروف مش صغير ..انتِ نعسانة وجوعانة !! 18 كغم مش صغير .. ما بعرف الا اذا انتِ ما بكفيك 18 كغم بوقتها بنعملك اثنين ..وان شاء الله يكفيكِ |
رد: الخروف المحشي ..خطوات واضحة وسهلة
شرح مفصل اختِ
لوجبه شهيه ولذيذه كثير:36_1_51: مشكوره ع فكره بديت اشعر بالجوع بعد الاطلاع |
رد: الخروف المحشي ..خطوات واضحة وسهلة
بجد مجهود رااااائع
الله يعطيك العافية خالة رويدة بس للأسف أنا ما بحب الخرفان ههه بانتظار كل جديد ورائع منك تحياتي همسة الاحساس |
رد: الخروف المحشي ..خطوات واضحة وسهلة
اقتباس:
الله يسلمك ويبارك فيكِ خلص لازم نحكي مع العيساوي ..انه يعمللنا نسخة منتديات عندها المقدرة على ارسال عينة من الطبق المشارك لكل عضو قام بالرد على الموضوع .. والا بنبطل من المنتدى .. شو رأيكم ؟؟؟ |
رد: الخروف المحشي ..خطوات واضحة وسهلة
انا موافق وضم صوتي لصوتكم
لانه بهالأكلات والحلويات اللي بتحطيهم يا خالتي الواحد بتنزل ريالته من شوفتهم سلم دياتك على هالأكلة ، ولو عملوا مسابقة أجمل طبق بالتأكيد الفوز من نصيب خروفك ... بدون شك لو انه عايش رح ينال شرف هاد الفوز ههههههههه .. احترامي |
رد: الخروف المحشي ..خطوات واضحة وسهلة
اقتباس:
اهلا حنظلة ...حياك لله ما دام حسيت بالجوع معناه الموضوع اعجبك ...تمام سعدت بمرورك ..اهلا بك اقتباس:
اهلا همسة ...حياكِ الله خلص بنعملك جاج محشي ..مليح .. ولا زعلك ...بس لازم تتعلمي كل شئ ما في شئ بيضر ..اهلا فيكِ |
رد: الخروف المحشي ..خطوات واضحة وسهلة
اقتباس:
حياك الله محمد ...انت مصلحجي يا محمد .. لما عرفت في توزيع حصة للي بيرد عالموضوع رديت على طول !!!! شو هالسياسة هاي .. وشكرا لاطرائك وانا بحط طرق العمل لحتى الصبايا يتعلموا وبحط الصور حتى يكون العمل واضح وسهل ومشجع للتطبيق ! حياك الله سعيدة لمشاركتك وردك الطريف . |
رد: الخروف المحشي ..خطوات واضحة وسهلة
masha2allah masha2allah
6ab3an zay ma e7na shayfeeen ....el 5aroof el ma7shi 3end el 5ala em zaid asr3 men breek shaai men 7amdaneya :D:D allah y5aleeke elna w yeslmo 2edeeke ya rabb |
رد: الخروف المحشي ..خطوات واضحة وسهلة
اقتباس:
هههههههه الله عليكِ يا حمدانية ضحكتيني عن جد ... انا سريعة مزبوط ...بس مش لهالدرجة .. بعدين هاي دعاية مش حلوة عشانك ... حمدانية تسلمي على الرد الحلو زيك ... خلص بدي اعزمك على خروف محشي .. بس الشاي عليكِ |
رد: الخروف المحشي ..خطوات واضحة وسهلة
مشكوره خالتي ام زيد على الصور الي بشوفها بصير نفسه مفتوحه هههههههههههههههههه وانا بحكي ليش زيد بنزلننا ككس اثريتها بكيا واكعه عندكم بس ما حكالي انا بفرجي هههههههههههههههه بضحك علينا بقطعتين ككس:36_1_4: هههههههههه ههههههه مشكوره خاله ان شاء الله بنجاح زيد يا رب بس بدك تسويلنا زيهه بزبط:36_1_4: ربيــــــــــ البلد ـــــــــــــع |
رد: الخروف المحشي ..خطوات واضحة وسهلة
اهلا فيك ربيع حياك الله ..
ان شاء الله بعرسك يارب بنعمل خرفان محشية بدل المناسف .. وبعدين الكيك راح عليك حكالي زيد انك ما اكلت منه .. قال بتحبش الحلو !!!! في حدا في الدنيا بحبش الحلو .. والا حاسس حالك حلو و مش بحاجة .. اذا هيك بيطلعلك ..حياك الله |
رد: الخروف المحشي ..خطوات واضحة وسهلة
السلام عليكم
خالتي ام زيد واضح انو كتير زاكي مشكورة على الصور الي بتفتح نفس الواحد على الاكل بس لما تعزمينا لازم يكون اكبر ولا شو رائيك مشكورة خالتي وشكرا الك يا متألقة انتي |
رد: الخروف المحشي ..خطوات واضحة وسهلة
اهلا يا راما
لا بنعمل تنين لانه الفرن ما بيوسع واحد اكبر .. اوك ...حياكِ الله |
رد: الخروف المحشي ..خطوات واضحة وسهلة
ممممممممممممممممممممممم شكرا الك ام زيد بس انتي شهتينا كثيرررررررررررررررر هههههههه
تحياتي دودو |
رد: الخروف المحشي ..خطوات واضحة وسهلة
السلام عليكم ورحمة الله وبركاته
موفق بإذن الله ... لك مني أجمل تحية . |
رد: الخروف المحشي ..خطوات واضحة وسهلة
مشكورة خيتو ام زيد على الوصفة الجميلة منك
يعطيكي العافية تحياتي |
رد: الخروف المحشي ..خطوات واضحة وسهلة
shokran kteeeeeeeeeeeeeeeeeeeeeeeeeeer
.................................................. ................................... |
رد: الخروف المحشي ..خطوات واضحة وسهلة
السلام عليكم ورحمة الله وبركاتة
شكراً الك على هاي الوصفة مع اني ما بحب الخرفان بس منزرو كتير زاكي تحياتي... AnGeL |
| الساعة الآن 08:24 AM بتوقيت العيساوية |
Powered by vBulletin® Copyright ©2000 - 2026, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author