|
انا وخالتي!!!!
السلام عليكم..
بصراحه مشكلتي انا احترت فيها ...وبدي منكم تساعدوني بلكي قدرت افهم سببها... بصراحه ومن البدايه ..مشكلتي مع خالتي... خالتي باخر العشرينات من العمر...ومثقفه جدا وبلشت تدرس بالجامعه لغه عربيه ...وبعد سنه وقفت لانو صار عندها ولاد.... وهلأ ما شاء الله عندها 4 ولاد وبنت....بجننو... وضعي معها وهيه ببيتها او حتى ببيتنا يعني لما نعمللها زياره او تعمللنا زياره ...كتيير ممتاز.... بتضل تنصحني ...وتحكيلي عن اخر الاشياء اللي نزلت ع السوق يعني من الموضه وخالفو.... وانو هادا بيلبقلك وهادا لأ.... وبتنصحني اروح على محلات معينه... وبخصوص الدراسه ..بتشجعني وفي حوار كبير بيني وبينها... بس لما نكون بمناسبه اجتماعيه... يعني...حفله او عزومه او عرس او...او.... بلاقيها انقلبت 180 درجه...بتصير تطلع فيي من فوق لتحت...وكأنوا ما في اشي فيي عاجبها... وبتضل تحكي مع الكل وبصوت عالي وبتتجاهلني تماما...يعني منيييح اذا بتقلي مرحبا... وبتمدح الكل...وبتبدي اعجابها بلبسهم وتصرفاتهم وبكل شي فيهم...(مع انو بكون كلو مجاملات بمجاملات)... وانا ما بتحكي معي ولا حرف... بتحسسني اني كلي مش شايلتني من ارضي... يعني الكل بكون عم يمدحني او يحكي عني اشياء منيحه قدامها بالمنناسبه اللي بنكون فيها...وهيه الوحيده اللي بتكون تطلع فيي من فوق لتحت وبتسحب حالها وبتروح... الموضوع اتكرر كتيييييييييييير... بالاول كنت مفكره انو يمكن انا دايئتها او...او...وهيه ماخده مني موقف... بس المشكله انو تاني يوم المناسبه بتكون عنا بالبيت وكل شي تمام التمام.. .... مش قادره احكي معها بالموضوع...يعني هيه بتضل خالتي...وبصراحه خايفه يكون في شي وكلامي يزيد الموضوع... انا بطلت تفرق علي...يعني المهم انو علاقتنا بين بعض كتير منيحه ... بس ليش لما نكون بين العالم والناس بتحسسني اني مش موجوده اصلا... كتير مرات حاولت اني اتحركش فيها ومرات اتغزل بلبسها او بأولادها او...او... يعني...ع امل انها تر علي بكلمه لو مجامله...بس بتفاجأ انها بتصير تعيد الكلام من وراي وتشرحلي ... يعني متلا اذا بقله والله فستان بنتك بجنن..(عمر بنتها سنه)...بدل ما الاقيها ع الاقل شكرتني او جاملتني.. بتصير تشرحلي عنو... وتحكيلي عن بنتها وانو بجنن لانو بنتها لابستو... ومن هالحكي... مش عارفه شو اعمل... بجد انا حاسه بمشكله كبيره...ما بعرف اذا انتوا فاهمين علي... بتمنى حد ع الاقل يفسرلي شو سبب هالتصرف؟ |
رد: انا وخالتي!!!!
حبيبتي انا بنصحك انك تروحي عندها وتتفاهمي معها وانا بشجعك بهادا الاشي لأنو لما تروحي تتفاهمي معها ما بتكوني عاملة اشي غلط بالعكس انتي رايحة تتفهمي الموضوع ليش هيك بتعمل
وانشالله التوفيق داليآ |
رد: انا وخالتي!!!!
\\
\ أختي Some one انتي ذكرتي بموضوعك انو ما بتقدري تحكي مع خالتك بهالموضوع هادا يكون اكبر غلط انتي بتعملي اذا كانت نقطة ضعفك انك خايفة تحكي معها هادا الشي بأثر عليكي بالمستقبل المفروض تكوني قوية وجريئة ع اساس تحلي مشاكلك بالتفاهم يعني ، لازم اذا استمر هادا الموضوع تحكي معها بهالشي ع اساس ما تحسي حالك مدايئة وما تخسري خالتك وممكن انو انتي كنتي تفهمي وجهة نظرها غلط بــس ما في شي بنحل غير بالتفاهم ونشالله موفقة اختك يارا |
رد: انا وخالتي!!!!
اسمعي someone كلمة الحق عمرها ما بتزعل الا ازا خالتك حابه تزعل من اشي تاني بس انتي روحيلها واحكيلها واجهيها ما تخافي ولا تزعلي عادي اصلن ازا اليوم سوت معك هيك بكرة بتسوي اكتر عشان هيك انتي روحيلها واحكيلها ليش هيك بتسوي؟؟؟
**مع تحياتي** ** البنت الفلسطينية** |
رد: انا وخالتي!!!!
اخواتي اشكركم...
لكن بصراحه بتقدرو تقولي اني مرعوبه من ردة الفعل... يعني انا متأكده انها ح تضحك وتقلي انو هالشي مجرد اوهام وانوا ما في شي.. منشان هيك انا مش حابه اني اواجهها بالموضوع... بس ع الاقل حابه تعطوني اسباب ممكنه لهاي التصرفات... يعني ع الاقل احاول افكر بحلةل لهاي الاسباب...واشوف اذا هيه منطقيه او لأ... الموضوع ما تكرر مره ولا مرتين...وبنفس الوقت مش قادره اواجه لانو حاسه اني متأكده من ردة الفعل... اكيد ح تكون النفي ويمكن الاستفقاع كمان... |
رد: انا وخالتي!!!!
للاسف هذا بكون مرض حب التميز عند خالتك نصيحه اول اشي امشي معها بنفس الطريقه الى بتستعملها طنشيها في المناسبت والافراح ولاتبدي اي اهتمام فيها او في اولادها بترجع هي وتنتقد نفسها ليش بنت اختي بتعمل هيك تحياتي جوهرة القدس
|
رد: انا وخالتي!!!!
المشاكل ما بتخلص عمر الانسان بخلص والمشاكل ما بتخلص الواحد يختصر احسن شي ابعد عن الشر وغنيله
|
رد: انا وخالتي!!!!
اظن ان قارئة الفنجان كانت قريبة من حل المشكلة
في اشي بقول وداوها بالتي كانت هي الداء يعني اعطيها بالمثل ممكن تفهم هذا الحل طبعا اذا انت ما حابه برضوا تكلمي مامتك قوليلها احساسك خليها تشوف شو هي رأيها بالموضوع او بلكي لمحت لاختها بشئ بدون ما تكوني انتي بالصورة |
رد: انا وخالتي!!!!
اخوتي اشكركم على افكاركم ومقترحاتكم...
بعتقد انو بجد افضل حل التطنيش زي ما اتفضلتو يمكن هالشي صعب لانو بكون مستفز...خصوصا قدام الناس ..يعني بتحس حالك صغير قد النمله لما يصير معك متل هيك موقف... بصراحه صعب احكي مع خالتي لانو ما بعرف ردة الفعل وبخاف تأثر على العلاقه المستقبليه وكمان ح يكون صعب احكي لماما لانو يمكن ما تفهمني...او تقول انو هالشي تهيؤات.. ما بعرف اذا ح اقدر اعاملها بمتل الطريقه...بس اكيد افضل شي هوه التطنيش.... بشكركم على المقترحات.. |
رد: انا وخالتي!!!!
اختي some one احترم اولا كل مقترحات اعضاء المنتدى لكن عندي حل صغير ممكن تستفيدي منه اولا ما بتقدري انك تنطشي خالتك السبب هو انو هي انسانه او شخص مهم الك واكبر منك في العمر فهيك راح تزيدي المشكله اكتر وممكن ما يكون في مشكله اما انك تحكي معاها بردو هذا الامر خطأ بل بلعكس عليكي الا تحسسيها بزعلك منها اما حلي هو انك تهتمي اكتر فيها زيارات اكتر تحكي معها اكتر وضلك متل ما انتي تاخذي برايها حاولي انك تستشريها باشياء اكتر اكيد لما تعملي هيك راح تعرفي اكتر واكتر ليش معامله خالتك لالك بهاي الطريقه . هذا حلي ^_^ اختك الورده الحمراء |
رد: انا وخالتي!!!!
الحل هو الصراحه لازم تصارحها وتقعد وتحكيلها ليش و ليش وليش وازا ما بتحكي هي حره
|
رد: انا وخالتي!!!!
شوفي انت بس حسسيها انك زعلانه منها وطنشيها بس يعني لما تحكي معك احكي معها وبس انتي اتخلصي الحكي ما ترجعي تحكي معها عشان اتحس انك انت زعلانه هادا بالعزايم ولما تيجي عندكم نفس الشي اعلي فيها وهيك بتحس انك انت زعلانه منها كتير اوكي
|
| الساعة الآن 12:00 AM بتوقيت العيساوية |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author