|
باركولي خطبني واحد من اعضاء المنتدى
باركولي خطبني واحد من اعضاء المنتدى
:--) هذا العضو انسان راقي وخلووق انسان حنون ويحبني...... من اول ما سجلت في المنتدى وهناك شيء يجذبني اليه يجعلني ابحث من خلف ردوده ومشاركاته يجعلني اسارع واتسابق لأكون اول من يرد على مواضيعه وقبل فتره تفاجأت بانه ارسل لي رساله خاصه يطلب ايميلي تقدم لي وخطبني ما اريده منكم ان تدعووون لنا بالتوفيق وبتنمنى للكل يحظى بالسعاده اللي انا فيها اللي صدق كلامي يعترف بسررررعه أعترفوا بسرعه احم احم اسمعو القصه مش حقيقه ابدااااااااااااا بس حبيت أمهد للموضوووع اللي هو: ما هو رد فعلك إذا تقدم للزواج منكِ صديق فى المنتدى ؟ و كل علاقتك به عن طريق المواضيع و الردود فى المنتدى وبعد المسنجر ((مع ملاحظة أن سلوكه فى المنتدى و ردوده توحي بأنه إنسان ممتاز جدا )) السؤال هنا هل تقبلين أن يتقدم لك بهذه الطريقة ؟ هو يقول إنه لا يهمه شكلك و لكنه معجب بروحك وثقافتك وأدبك واسلوبك وتدينك و ...و... وهل تعطينه تفاصيل عن حياتك ؟ عنوانك مثلا ! وكيف تضمنين إن نواياه صادقه ؟ وما هي الضوابط التي تطلبيها لكي تحمي نفسك إذا لم يكن صادقا ؟ * * * * ماذا تفعل انت إذا تقدم شخص لإختك أو لإبنتك بهذه الطريقه ؟ لاحظ إنه يريد الزواج مباشرة . وإن رفضتم ما هي الأسباب التي تجعلكم ترفضون ؟ بانتظار مناقشتكم وارائكم ليل الهجر |
رد: باركولي خطبني واحد من اعضاء المنتدى
يسلمو دياتك خيتي
بس الصراحه اول شي ما بعرف ايش رايحه تكون ردت فعلي بس شغله النت انا ما بامنلها من الاساس ولوقتها الله بيفرجها وبحكيلك ايش بيصير معي *_* :5e565bcb: وشكرا ^_^ تقبلي رايي ومشاركتي // |
رد: باركولي خطبني واحد من اعضاء المنتدى
قي البداية يا ليل الهجر ان شاء الله بكون نصيبك من شاب من المنتدى لان جميع رواد المنتدى هم من صفوت المجتمع وانت طبعا تستحقين كل خير.
اما اذا تقدم شخص لاختي او ابنتي ،بكل صراحة اتقبل الموضوع بكل صدر رحب واطلب لقائه والتحدث معه طبعا بعد ان اعرف كل شيء عنه وعن اهله والقرار الاول والاخير للبنت اذا كانت الامور معقوله. وارفض في حالة واحدة وهي عندما ارى ان الشاب والبنت لم ينتهوامن التعليم الثانوي اي انهم ما زالوا في المدرسة. عقاب |
رد: باركولي خطبني واحد من اعضاء المنتدى
له له...وين كلمة مبروووووك؟؟؟
ههههههههه اختي ومشرفتي الخاليه نتالي بشكرك على مرورك الخفيف المتألق...وما تنسي...انتي قلتي قدام الكل انك ح تحكيلي لما تصر الشغله... مش اسمع من بره ههههههههه بالتوفيق يارب اخي عقاب...احيي فيك عقليتك المتحضره التي ركزت على الشاب واخلاقياته وعلى مرحلته الدراسيه قبل التركيز على الطريقه التي طرح فيها الموضوع.... اشكركم وبانتظار اراء الجميع ليل الهجر |
رد: باركولي خطبني واحد من اعضاء المنتدى
في البداية كنت بدي ادخل وابارك صدقت الخبر هههه
طالما الانسان خلو ق وممتاز وقصده ونيته واضحة فالف مبروك لمن يحدث معه هذا الامر اليميل والنت احدث طرق التعارف واسرعها |
رد: باركولي خطبني واحد من اعضاء المنتدى
و انا لما شفت المووضوع دخلت ابارك و ازغرت
مع اني ما سعمت زعاريت من جهه داركم و بالاخر مقلب طيب يا جارتنا المهم الموضوع غاية في الاهمية لأنه حقيقة صارت هاي القصة ولكن قد تكون ردة الفعل من الاهل غير التي المنعتاد و خاصة انها طريقة جديدة للتقدم للزواج و برضوا الواحد اذا بده يتجوز و نيتة صالحة ليش النت يسأل عن البيت و يتقدم على االاصول مش عيب ولكن العيب لما يعمل حالو منيح و خلوق و الا اخره و بالاخر على الفاضي ولي عودة قريبة في هذا الموضوع لأنه عندي كتير حكي |
رد: باركولي خطبني واحد من اعضاء المنتدى
اشكرك اخي سعد لمرورك واضافتك...
اقدر لك وجهة نظرك الصحيحه على الاقل من وجهة نظر ديننا الحنيف...اهم ما في المرء دينه واخلاقياته |
رد: باركولي خطبني واحد من اعضاء المنتدى
له له يا خضر...انت الوحيد اللي المفروض ما يمشي عليك المقلب...ولو الكرت بيوصل لبيتكم...اذا مش عن طريقك ف عن طريق مرت عمك....
خلص خلص انا خليت الموضوع دردشه هههههههههه ما علينا وانا معك اكيد الاهل ح يلاقو صعوبه في تقبل الموضوع... بحبو التعرف عن طريق الشوارع والصالوانات والاعراس اكتر... يللا مش مشكلها كلها كم سنه وبصير الانتر نت شي طبيعي ...وببطل التعارف عن طريقو هالشي المستهجن.... |
رد: باركولي خطبني واحد من اعضاء المنتدى
الف مبروووووووووووووك
بعترف أني صدقت وحبيت افوت وابارك بالنسبة لرأئي بالموضوع فأغلب حالات الزواج بالنسبة للجيل الحالي هو عن طريق النت وبنظري طريقة الزواج عن طريق النت ما بتختلف عن طريقة الزواج التقليدي كلهم بوصلوا لنفس الطريق وهي (( الزواج )) ومش مهم عن اي طريق يتم الزواج المهم ما بعد الزواج فأهم ما في الموضوع يكون الشخص نفسة مقتنع بشريك حياتة من جميع النواحي من ناحية الاخلاق والثقافة والدين وبتمنى للجميع حياة سعيدة وأولهم كاتبة الموضوع (( ليل الهجر )) دمتِ بحفظ الله ورعايتة الوردة البيضاء |
رد: باركولي خطبني واحد من اعضاء المنتدى
بشكرك يا احلى وردة بمنتدانا...ومعك حق ...النت ما بيفرق كتير عن الزواج التقليدي...لانو بالحاتلين ما بنكون نعرف الشخص اللي قدامنا مزبوط ومع الايام ببلش يتكف قدامنا...
وانا معك المهم ما هو بعد الزواج..وليس طريقه التوصل للزواج دمتي لنا بكل تألق |
رد: باركولي خطبني واحد من اعضاء المنتدى
الف مبرووووووووووك
بصراحه اول ماشفت العنوان اعرفت انو مزحه بس اول مابلشت اقرأ بالموضوع فكرتو جد بعدين لنزلت تحت اعرفت الباقي الكلام على كل حال هي مباركه سلفا بصراحه انا مابأمن بشغلات تعارف على الايميل وهيك بس اذا كنت اعرفو ايشي تاني بعدين ابصر بهداك الوقت شو راح يصير وشو راح اعمل شكرا الك اخت ليل الهجر على مواضيعك الرائعه |
رد: باركولي خطبني واحد من اعضاء المنتدى
رغم انو موضوع قديم بس انا قارو جديد ولما قرأة عنوانو ما بعرف شعرة شعور غريب ولما عرفة تفاصسلو تفاجأة بكيف توافق عليه مع احترامي طبعا بس بحب اقول انو يمكن موضوع متل هذا يحمل الاعضا لمتاهات احنا بغنى عنها رغم انها الفكرة لو كانت بمجتمع ثاني كان الها معنى اكبر وبتحدث متل هيك حالات واحتمال تنجح واحتمال العكس رغم انو احنا بقرية صغيره وكلنا تقريبا بنعرف بعض بغض النظرعن المشاركات وبالعادة الردود والمواضيع مو دايما بتكون صادقه وما نقدر من خلالا نقدر شو شخصية الانسان الي بكتبها, احترامي للجميع صرخات
|
رد: باركولي خطبني واحد من اعضاء المنتدى
اكيد ما بقبل لانو اكيد ازا تعرف علي عن طريق النت والمنتدى والماسنجر اكيد بكون متعرف على بنات كتااار غيري
وبعدين اكيد ازا البنت بتعطي اميلها لشب ممكن تعطي لاكتر من واحد ويسلموووووووووو كتير على الموضوع .......... |
رد: باركولي خطبني واحد من اعضاء المنتدى
بصراحة أنا ما مشت علي لأنه حكيت مش معقول ازا صار هالشي مع ليل الهجر هي تتقدم لنشر هادا الموضوع ليش ما خطيبها يتقدم لنشره ههههههههههههههه المهم مزحة حلوة *** و برأيي انه ازا تم التعارف عليه على النت بعدين اجا يطلب ايد البنت في بيت اهلها ساعتها البنت بتقرر ازا بدها اياه او ما بدها اشي كتير طبيعي انما الخطر في الموضوع ازا الأهل ما تقبلو الامر لانه التعارف تم من النت و البنت اعطت موافقتها للشب يمكن انهم يلجؤا لأساليب خاطئة مثل الزواج العرفي و الغلط هون من الأهل *** على كلٍ شكراً الك على الطرح المميز تقبلي مروري صدى الكتمان |
رد: باركولي خطبني واحد من اعضاء المنتدى
هههههههههههههههه
السؤال هنا هل تقبلين أن يتقدم لك بهذه الطريقة ؟ اذا زواج مباشر واكد صدق نيته اوك هو يقول إنه لا يهمه شكلك و لكنه معجب بروحك وثقافتك وأدبك واسلوبك وتدينك و ...و... الصراحه الرجال مو كلن واحد فيه اللي بحب الصفات اللي ذكرتيها و في بهمه الشكل وهل تعطينه تفاصيل عن حياتك ؟ عنوانك مثلا ! بعد التاكد ممكن وكيف تضمنين إن نواياه صادقه ؟ هادي صعبه وللاسف ما بتبان الا عند الموقف وما هي الضوابط التي تطلبيها لكي تحمي نفسك إذا لم يكن صادقا ؟ السلوك السليم من اهم الضوابط وما بتحتاج الحمايه لانه ما رح يكون ضدها شي * * * * ماذا تفعل انت إذا تقدم شخص لإختك أو لإبنتك بهذه الطريقه ؟ المهم الصدق لاحظ إنه يريد الزواج مباشرة . اكيد صادق وإن رفضتم ما هي الأسباب التي تجعلكم ترفضون ؟ اكيد بعد ما يتقدم لانه بكون على ارض الواقع وربما تظهر امور غير متوقعه او لم تكن كما صورها للفتاه شمس الحياة |
رد: باركولي خطبني واحد من اعضاء المنتدى
والله يا جماعه...ابسطوني لسببين ...
اولا لانكم من وجهه نظري...(طبعا ما بفرضها على حد بس بأيدها)...العالم بتتعرف على بعض وجه لوجه وبكونوا عم يلفو ويدورو ويخدعو ببعض...وبكونوا بفتره الخطبه ما احلاهم... وبعد العرس ...بيكتشفو ال2 انو ولا واحد منهم اتجوز خطبتو او حتى حطيبها....فما بالكم وانوا في بينكم جهاز...هوه اللي بوصل مشاعركم وكلماتكم وافكاركم .... بالنسبه الي الفكره مش منطقيه.... اما عن السبب التاني اللي ابسطوني منشانو..هوه انوما صدقتوا الخبر مع اني انا اللي كاتبتو...(((يعني مستحيل تصدقو اي اشاعات بتطلع عني)))خخخخخ وبخصوص فكره ليش انا اللي كتبت الخبر مش اللي خطبني ...ف هاي غابت عن بالي والله...هههههه يمكن انا كنت فرحانه بالخطبه اكتر منو هههههههههههه بشكركم على مروركم...ومساهمتكم... اللي بدي اقولو انو الواحد بالعاده بكون فكره كامله عن الشخص من اول كلمه الو او من اول موقف... ومن هاي الفكره او الصوره بتنشأ مشاعرنا تجاهه ...بالصداقه او الاخوه او الحب او حتى الحب.... حاولو تكون الصزره اوالفكره اللي بناخدها عن الشخص صحيحه وماخدينها بالطريقه الصحيحه ... ما بعتقد انو الكيبورد والشاشه ح يسمحولنا انو نكتشف هوية اللي قدامنا بجد... ليل الهجر |
رد: باركولي خطبني واحد من اعضاء المنتدى
wowwwwwwww
embarrassing position with regard to the topic, but something negative, something positive هل تقبلين أن يتقدم لك بهذه الطريقة ؟ قبل ان اقبل لازم احكي معو واشوف كيف وجهة نظرو في نواحي الحياة اشوف كيف بفكر كيف عقليتو نفسو وهيك شي هو يقول إنه لا يهمه شكلك و لكنه معجب بروحك وثقافت وأدبك واسلوبك وتدينك و ...و... وووووووووووووووووووووووويت دقيقة فشي شب بدنيا كلها ما بحكيلك ما بهمني شكلك الا ازا كان مفكر حالو انو مش كل هلئد فبتالي بصير يدور على بنت مش ولا بد بعدين عجبو اسلوبي حكي بلكو كلو تمثيل بلكي بدي اسوي عليهم فهمانة مش كل ايشي بتقال بتصدق وهل تعطينه تفاصيل عن حياتك ؟ عنوانك مثلا ! اكيد بعطيه عنواني وايميلي وكلشي عشان يعرف كيف عايشة وكيف بحكي وكيف بناقش واصغر تفاصيل بعطيها لازم يعرف كل ايشي عشان ما يشك في يوم من الايام انو في تمثيل وفي لعب وكيف تضمنين إن نواياه صادقه ؟ فش ايشي ضمان بالحياة الضمان الوحيد الكلام الكلام والنقاش وتبادل الحكي هو الي بعبر ازا كان الانسان صادق اولا طبعا بتالي البنت ما تركن انو حكي وبس لازم دقق بتفاصيل وتشوف شو الي جوا وشو الي ورا وما هي الضوابط التي تطلبيها لكي تحمي نفسك إذا لم يكن صادقا ؟ ضوابطي اني اكون اتصرف كا بنت مسؤولة بنت راشدة بالغة عاقلة وما تنسي في بالقصة طلب خطبة لازم اكون بنت مسؤولة واتصرف تصرف مسؤول اكيد ما بدي اعطي رقمي وتلفوني واحكي معي وهل قصص ازا اخد عنواني اكيد كل يوم كل يوم راح احكي معو وبعرفني وبعرفو واحيانا في الانسان بكون ايام مزجات هيك وهيك * ماذا تفعل انت إذا تقدم شخص لإختك أو لإبنتك بهذه الطريقه ؟ اكيد ما بقدر افرض رأي على اختي واحكي لا هادا مش منيح كل واحد الو حريتو شخصية ولازم يكون على ئد مسؤولية وبتنتهي حريتك عندما تبدا حرية الاخرين اكيد ازا كان في غلط بالموضوع بكتشفو وبلمح لاختي او لابنتي وهي بتكتشفو بنفسها لاحظ إنه يريد الزواج مباشرة . noway اكيد لا لازم اقعد اعرف كيف بفكر كيف بتعامل مع اهلو قبل ما بيتعامل مع ناس لازم اشوف كيف بقعد كيف بقوم عقليتو نفسيتو فكرو اراءو بالعالم بالناس وإن رفضتم ما هي الأسباب التي تجعلكم ترفضون ؟ برفض في حال ما اقنعني بحكيه ما دخل مخي بالاخير هي مسالة زواح واصعب قرار في دنيا الزواج لانو البنت بتقعد عند زوجها اكتر ما بتقعد في بيت اهلها واحيانا بصير تصرفات غير مسؤولية طيشنة مشاكل مع الزوج او الحماة لازم الواحد بيعرف كيف بتصرف ولازم تكون في عرفت تتعامل وتتطلع من المشكلة باقل الاضرار لانها بتكون عارفة عنو كلشي في فترة الي تعرفت فيه عليها وانا من مؤيدين الزاوج الي بعطي مهلة او فترة انهم يتهرفو على بعض وبرفض رفض قاطع الزواج التقليدي لانو بكون ما بعرف ايشي عن الموضوع بس راس مالها بشهرين ويلا تجوزو بعدين هاتي المشاكل تخلص اكيد انا بأيد ان اكون مع الشب الي بخطبني ئبل ما يفاتح اهلي اكون عارفو منيح طريئة تفكيرو وكلشي عنو ادق تفاصيل وبعدين ما حدا بمانع لانو بنهاية بكون طريق للزواج فاصعب ايشي بقرار الزواج وشو ما كان الموقف ع النت ع المنتدى بشارع حتى بأبن عمك صعب اسفة على اطالتي الموضوع بس انا ما بشرك كتير المواضيع الي بتجذبني هي الي برد عليها وشكرااا الك تحياتي |
سوري نسيت اضيف شي بدي اعلق على الي كتبتو راما مش بضروري تعطي تفاصيل حياتك تلفوناتك ارقامك وكلشي ونتا بطلعي ونتا بتروحي راس مالها الايمل هادا اقل ضرر ممكن طبعا ازا ما صار تصرف مش مقبول من البنت متل نشر صور صوت صورة مواضيع تافهة لقاءات انا بقصد عن مراسلة الحقيقة المراسلة الجدية المواضيع الي بحكو فيها بهدف انهم يشوف شو اليب ربطهم في بعض شو الرابط شو صفة المشتركة كيف نظرتو ونظرتها كيف بتفكر وهو بتالي وهاداا لي بقصدو بينما ازا كانت طايشة واختارات تلفونات بتالي طلعات ودخلات وبتالي حكي كتير لا بودي ولا بجيب وهو بصير يحكلي انتي هيك هيك هيك بس يوم تدخلي جد بالموضوع وكلام بيطلع من بنت واعية مسؤولة اكيد بوخد الامر بجد
هادا رائي |
رد: باركولي خطبني واحد من اعضاء المنتدى
ليل الهجر
الف الف مبروك ....... ياعروسه المنتدى ياحلوه الف مبروك مقدما وبس ههههههههههههههههه مستحيل اقبل هيك طريقه وتقبلو مروري.... تحياتي..................... جـــريــحـــــــ الــــحـــــــــــب ـــــــــــة |
رد: باركولي خطبني واحد من اعضاء المنتدى
معك كل الحق اختي سيدة الشرق ...اشكرك على اطلالتك المميزه ورأيك الفريد
اختي القلب الحالم بالمستحيل ...هيك فولتي علي؟؟؟ لسه كتيييييييير بكير.. ع العموم بشكرلك مشاركتك واكيد كتيييييييييييييييييييييييييير عالم من رأيك واولهم انا ليل الهجر |
| الساعة الآن 08:37 PM بتوقيت العيساوية |
Powered by vBulletin® Copyright ©2000 - 2026, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author