الحلقة الخامسة من مسلسل شمس الحرية

[همسة الاحساس]

بسم الله الرحمن الرحيم
صبحكمــ ,, مسائكمـــ كما اشتهيتم

شمس الحرية


!|! الشخصيات !|!

أبو رامي: رجل كريم ,عصبي ,يملك بقالة حلويات.

رامي:ابن أبو رامي ,, شب جدع خلوق على قد حاله يحب وطنه.

نضال:شب مناضل اباه استشهد ،حاله ميسورة يعمل في إصلاح الأحذية (كندرجي).

ام نضال: امرأة تحتل مكان الأم والأب في أسرتها .

أبو شهاب:رجل مصلح في بلده ،يملك صالون حلاقة بجانب بقالة حلويات أبو رامي.

وردة:فتاة جميلة ,رقيقة بنت أبو شهاب

معتز(أبو العز) : شاب حياته مغمورة بالعز ,يعمل طبيب في المدينة.

صطيف:رجل خائن لوطنه يكرهه الجميع .

زهرة: فتاة جميلة يلقبونها بأميرة الحارة.

أبو حسن: مناضل .. مخطط ومشجع للجهاد

!|!|!|!|!|!

انتظرووووونا مع الحلقة الأولى من مسلسل

!|! شمس الحرية !|!

تأليف ،إنتاج وإخراج : همسة الاحساس
على قناة منتديات العيساوية
ترقبونا في نفس الوقت وعلى نفس المكان
بتوقيت العيساوية :36_1_24:

[حنظله]

وكأني قراءة وسأقراء لغسان كنفاني
همسه الأحساس بأنتظارك اشد الأنتظار
دوماً ودي

[FreE*SUn]

مرحبـــــــــــــــا !!

شو عملتيلنا مسلسل ..

بشبه اسمي هههه ...!

أحلى همسة ..

دائماً تأتين بإبداع جديد ...

أتمنى لكِ مستقبل مشرقاً بشمس مرصعة بالطموح ..!

بانتظارك ِ ... بتشوق لمتابعة الحلقة الأولى !!

دمتِ متألقـــة كما عهدناك ِ ..!

×!×!× ..~.. FrEe*SuN ..~.. ×!×!×

[ameret_alsamt]

ليـش في قناة اسمها منتديات العيساويه ؟؟
اختي همسه معلش استحمليني ما فهمت عليكي يعني انتي بدك تعملي مسلسل وشو دورك فيه .. ولا ئلك بلاها وجعة هالراس
كما قال الاخ اللي قبلي في انتظار جديدك .......
تحياتي ـــــ أميـرة الصمت ـــــ

[المعاقب]

مشكورة همسة الاحساس على الموضوع.....؟مشكوة........؟

[ريّانه]

أنا بستنى ها ..
وعلى أحمر من الجمر كتير باين عليه حلو
بدي أوصي على دور زهرة هه بدي أعمل دورها هه بنفع

يسلمو يا بطه ^_^ ..
دمتي زي ما شفتك أخر مرة ..^!^


صحبيتك بالزمناات

،،

[كلام الخير]

بسم الله الرحمن الرحيم
السلام عليكم ورحمة الله وبركاته

شيء جميل

[همسة الاحساس]

مشكووورين يا أحلا أعضاء منورين والله
ان شاء الله يعجبكم المسلسل
تحياتي لالكم
همسة الاحساس :36_3_11:

[همسة الاحساس]

الحلقة الأولى من
!|! شمس الحرية!|!

الجو جميل لكن الوضع مضطرب بالمشاكل السياسية
أبو رامي وابنه رامي في محل الحلويات
أبو شهاب في صالة الحلاقة
الجميع مشغولين في طلب رزقهم أبو رامي يصنع الحلويات و رامي يجول في الحارة يبيع سدر الهريسة وسدر البقلاوة
وأبو شهاب ينتظر زبائنه على احر من الجمر.
وفجأة ....

ام نضال تقف على الشرفة وتصرخ :أبو رامي ... أبو رامي إلحق إلحق يا أبو رامي

خرج أبو رامي من البقالة بسرعة : شو مالك يا ام نضال .. شو في ان شاء الله خير؟

ام نضال:من وين بدو يجي الخير يا أبو رامي ما اجو الاسرائيليين على دارنا وأخذو نضال وإبصر وين راحو فيه.

أبو رامي :شو بتقولي يا مرة !! حسبي الله ونعم الوكيل .. شو مسوي هذا الولد هو ناقصنا هموم و وجع راس.

ام نضال:طيب وشو نسوي يا أبو رامي؟

أبو رامي ساكت قاعد بتلفت شمال ويمين مرة بتطلع على دكانته ومرة بتطلع على ام نضال.

ام نضال: ولك يا زلمة أنا في مصيبتي وقاعد بسألك شو بدنا نسوي وانت قلقان على دكانتك.

أبو رامي: قاعد بستنى في رامي عشان يدير باله على الدكانة.

ام نضال: طيب هي أبو شهاب بدير باله عليها بس يلا شو بدنا نسوي؟

أبو رامي :شو بدنا نسوي يعني .. انزلي انزلي خلينا نروح على المخفر نسأل عنه وعن مصيبته وانت يا أبو شهاب اصحى تاكل الهريسة والعوامة وانت بتذوق فيها .

ذهب أبو رامي مع ام نضال إلى مخفر الشرطة ليسألوا عن نضال
وبقي أبو شهاب ينتظر زبائنه ويحرس بقالة حلويات أبو رامي
وبعد بضع دقائق جاء رامي وهو ينادي: هريسة ... هريسة ... يا ناس ... بقلاوة طازة من عند أبو رامي يا ناس...

نظر رامي بناحية بقالة أبيه فاستغرب بوجود أبو شهاب بين صالونه وبقالة أباه.

بالكم شو صار بعد ما وصل رامي عند دكانة أبوه ؟ وشو صار معه ومع أبو شهاب؟؟
بالكم أبو رامي وام نضال شو صار معهم؟
بدكم تعرفو؟؟
لعاد استنونا مع الحلقة الثانية
بنفس التوقيت وبنفس المكان

فااااصل و نواااصل
مزمز ماريندا يا لزيز يا رايئ :goodmood:

[همسة الاحساس]

الحلقة الثانية من مسلسل
!|! شمس الحرية !|!

رامي يضع سدر الهريسة والبقلاوة على السور : السلام عليكم عمي أبو شهاب.

أبو شهاب: وعليكم السلام أجييييت والله جابك يا أبو الشباب.

رامي: خير يا عمي شو في ؟ وين أبوي وليش الوضع مكركب.

أبو شهاب: ليش يا رامي ما سمعت انه الاسرائيليين اجو اليوم ع الحارة ولمولهم أكم من شب.

رامي: شو بتقول يا عمي .. طيب وأبووووي ؟ وينه؟ شو صار فيه؟

أبو شهاب : لاء يا ابني اتطمن أبوك ما صار قي اشي بس ابن أبوك نضال اجو وشحطوه على المخفر.

رامي ونار الغضب اشتعلت في نفسه: نضاااال!! ومرت أبوي وينها شو صار فيها ؟

أبو شهاب: ام نضال راحت مع أبوك ع المخفر تسأل عن نضال .

رامي : طيب يا عمي وأنا كمان رايح ع المخفر ومش راح أروح إلا ونضال معي.

أبو شهاب يمسك بيد رامي: له يا أبو الشباب وين بدك تروح .. ناوي تنحبس انت كمان ماهو مش ناقص أبوك مصايب و وجع راس إلا شوي.

رامي: بس ياعمي ...

أبو شهاب يقاطع حديث رامي: لا بس ولا اشي خليك هان داير بالك ع الدكان .

جلس رامي في الدكان وذهب أبو شهاب إلى صالونه.

رامي وهو قاعد بصب القطر على سدر الهريسة: أي بعدين يا الله شو بدي أسوي هي نضال راح بعد ما خطب زهرة اللي كنت أحبها وهيها صفت لحالها في دار أهلها وأنا صفيت لحالي في هالدكان ... ياا ربي بعدين هو انا بدي أضلني بين سدورة الهرايس وفوق هالعوامة لبين ما تستوي أي وينتا بدو أبوي يفكر انه يجوزني والله مليت وقرفت.

دخلت وردة إلى الدكان أثناء حديث رامي مع نفسه بصوت عالي دون أن ينتبه عليها رامي.

شو صار بعد ما دخلت وردة على الدكان؟؟
بدكم تعرفو ؟؟؟؟
لعاد استنونا مع الحلقة الثالثة
في نفس المكان "قناة منتديات العيساوية"

خليكم هووون ولا تروحو بعيد
جلاكسي عندما تعشق الشوكولاتة :goodmood:

[همسة الاحساس]

بعدما أن دخلت وردة للبقالة.

وردة: السلام عليكم يا رامي

رامي وقد قفز من مكانه متلعثماً بكلامه: و و و عليكم السلام أهلين يا وردة.

وردة: شو مالك يا رامي ليش كنت قاعد بتحكي مع حالك.

رامي و قد بدت عليه علامات الخجل: من وينتا إلك هان يا وردة.

وردة: قبل أكم من ثانية.

رامي ضاحكاً وبصوت منخفض : طيب والله منيح ولا كان روحنا فيها.

وردة : ولك شومالك شو قاعد بتحكي.

رامي: لاء ولا اشي .

وردة: انا اجيت أسألك عن نضال شو صار فيه ما إجت خالتي ام نضال وأبوك؟

رامي: والله يا وردة علمي علمك ما وصلتني الأخبار ولسا أبوي ومرت أبوي ما روحو.

وردة: طيب ان شاء الله خير أنا بدي أروح بس حبيت أسأل عن نضال.

رامي: استني شوي يا وردة.

وردة: ايش مالك يا رامي ؟

رامي: وردة أنااا .... أنااااا...

وردة: ولك احكي شو مالك.

رامي : لاء ولا اشي بس بكيت بدي أقولك هالإشي.

وردة : طيب احكي هيني بسمع

رامي: خلص انسيكي يا وردة

وردة : طيب على راحتك يا رامي أنا بدي أروح يلا سلام.

رامي: الله معك يا وردة.

رامي بعدما ذهبت وردة مخاطباً نفسه: يحرق حريشك يا رامي كان نطقت هالجوهرة وتريحت أي وينتا بدك تقولها اياها وتريح راسك.

وبدأ بتجهيز الحلويات .

وبعد بضع دقائق دخل ابو رامي وام نضال إلى البقالة.

ام نضال والدموع تطرد على وجنتيها: يا حسرة عليك يا ولدي روحت وخليتني لحالي الله يسامحك يا نضال.

أبو رامي: حسبي الله ونعم الوكيل بعدين معك يا مرة هو مش مكفيني هم ولك خلص ان شاء الله بطلع كلهن سنتين غيره بنحكم عليهم مؤبدات.

صمتت ام نضال وجاء رامي مسرعاً بناحيتها: شو صار معكم يا خالتي وين نضال؟

ام نضال نائحة: نضااااال راح يا رامي راااح وخلاني لحالي .

رامي: شو بتقولي وين راح فهميني يا خالة؟

أبو رامي: ولك اسكت انت الثاني أنا ما صدقت وأنا أسكتها وانت رجعت فتحتها حسبي الله ونعم الوكيل.

رامي: طيب يابا قولي شو صار معكم؟

أبو رامي متذمراً : نضال انحكم سنتين

رامي صمت وشد على يديه الاثنتين بغضب وخرج خارج البقالة.

بدكم تعرفو شو صار بعد ما طلع رامي برا الدكان؟
طيب بالكم رامي وين راح؟
وشو بدو يسوي؟

بدكم تعرفو ؟؟؟
لعاد ترقبونا مع الحلقة الرابعة
من مسلسل
| شمس الحرية |

فاااصل ونواااصل
خليكم هوووون ولا تروحووو بعيد

اشرب ريد بووول بصيرلك جوااانح :36_1_41::)

[همسة الاحساس]

عاااااجبكم المسلسل ؟؟

يعني بدكم أكمل ولا خلص ؟؟؟؟

اذا بتقولو مش حلو لأطخكم :d :d

[ربيع البلد]

هههههههه هههههههههه ههههههههههههه هههههههههههه

أطخكم
لا مشكوره والله يعطيكي العافيه
ومبروك على الأشراف همس ة الأحساس


تحياتي الك

ربيــــــ البلد ــــــع

[زهرة الأقصى]

ههههههههه
عاجبنا كتير كتير بس كلو ولا الطخ ها !!
بكفينا الطخ الي برا...!!
المسلسل زي ما تقولي حلو بس كتير قصار الحلقات طولي شوي بالحلقة ليخلص المشهد !!

سانكيووو
يعطيكي العافية،،

بانتظار الحلقة الي بعدها،،،

[همسة الاحساس]

هههههههه هههههههههه ههههههههههههه هههههههههههه

أطخكم
لا مشكوره والله يعطيكي العافيه
ومبروك على الأشراف همس ة الأحساس


تحياتي الك

ربيــــــ البلد ــــــع






ههههههههه
الشكر إلك ربيعووو :p
والله يبارك فيك
ما تحرمنا من هالطلة الحلوة
تحياتي لالك
همسة الاحساس

[همسة الاحساس]

ههههههههه
عاجبنا كتير كتير بس كلو ولا الطخ ها !!
بكفينا الطخ الي برا...!!
المسلسل زي ما تقولي حلو بس كتير قصار الحلقات طولي شوي بالحلقة ليخلص المشهد !!

سانكيووو
يعطيكي العافية،،

بانتظار الحلقة الي بعدها،،،

هههه ولو ما بتهوني علي يا عبوورة بطخهم كلهم ولا بطخك هههه
مممم بالنسبة لاني أطول الحلقة فأنا بالعامد بقصرها عشان ما تزهقو وانتو تقرأو :p
ثااانكس حبوووشتي على مرورك
ولا عدمني حضورك

[حنظله]

متابع بشغف
وليتها نهايه سعيده هههه

\\\\\\\\\\\\\\
\\\\\

ودي

[همسة الاحساس]

متابع بشغف
وليتها نهايه سعيده هههه

\\\\\\\\\\\\\\
\\\\\

ودي

هههه لاء ما تخاف نهاية أسعد من السعيدة هههههههه
مشكور على المتابعة
تحياتي لالك

[همسة الاحساس]

الحلقة الرابعة من مسلسل
|شمس الحرية|

بعدما خرج رامي من البقالة ذهب مسرعاً باتجاه الأحراش إلى (أبو حسن)
وبعدما وصل كان أبو حسن جالس تحت الشجرة هو ورجاله وحالما رأى رامي وقف مهللاً.

أبو حسن : يا هلا ... يا هلا برامي أبو الشباب.

رامي: السلام عليكم يا بطل السلام عليكم يا شباب.

رجال أبو حسن : وعليكم السلام ورحمة الله وبركاته يا هلا برامي .

أبو حسن : اتفضل ... اتفضل يا ابني اقعد وشربلك كاسة شاي معنا.

جلس رامي : لا يا عمي أبو حسن أنا مش جاي أشرب شاي.

أبو حسن : ليش شو في يا رامي ان شاء الله خير.

رامي منهداً : من وين بدو يجي الخير يا أبو الحسن ما اجو الاسرائيليين على دار نضال وأخدو وحكمو علي سنتين.

أبو حسن: شو بتقول يا أبو الشباب ... نضاااال!!

رامي: والله زي ما اسمعت يا أبو الحسن وأنا جاي أوصلك هالخبر وأوصلك انه الوضع مكركب عندنا وكل يوم ذل وكل دقيقة هدم بيوت وكل ثانية بستشهد واحد ... اجيت لحتى أفضفض أجيت لحتى أبرّد النار الشاعلة جواي.

أبو الحسن ضارباً كتف رامي بشدة: اصبر... وما راح يجيكم إلا الفرج بإذن الله .

وقف أبو الحسن : حضرو حالكم يا شباب هالأكم من يوم بإذن الله.

وفي هذه الأوقات كان صطيف في بقالة أبو رامي جالساً مع أبو رامي وأبو شهاب.

صطيف: وين رامي أنا مش شايفه هان.

أبو رامي متأفأفاً : شو بدك في هالولد خليه في حاله وما تدخلش فيه.

صطيف: شو مالك يا أبو رامي أنا قاعد بسأل عنه لاني بخاف على مصلحته.

أبو شهاب: مصلحته !!! ولك يااا خاين .. بقص إيدي إذا مش انت اللي وزيت عن نضال.

وقف صطيف قابضاً يداه مكشراً عن أنيابه: شو بتقول .. ولك بعدين معك ومع عقلك .. ولك أنا ابن بلدكم .. وولادكم هم ولادي فكيف بدي أكون السبب في حبس نضال .

أبو رامي :اقعد يا صطيف وهدي.. أبو شهاب ما كان قصده هو بس عشان معصب شوي طلعن هالكلمتين من ثمه.

أبو شهاب: لاء يا أبو رامي .....

أبو رامي مقاطعاً كلام أبو شهاب: ولك اسكت يا زلمة وروح على شغلك.

صطيف: ولكم الحق علي اللي قاعد بخدم هالوطن ... هاي آخرتها تشكو في.

أبو شهاب وهو مترجلاً خارج بقالة أبو رامي ذاهباً إلى صالونه: هااا .. ماهو مش ناقصنا لغير عصافير يقعدو معنا.

لم يجاوبه صطيف بينما ابتسم أبو رامي ابتسامة مصطنعة مصفرة في وجه صطيف: بدك أسويلك فنجان قهوة ؟

أبو صطيف: لاء مشكور وكثر الله خيرك أنا بدي أروح أشوف شغلي.

خرج صطيف من البقالة.

أبو رامي مخاطباً نفسه : درب يسد وما يرد يااااا رب.

وبعد هذه الأحداث كان قد وصل رامي إلى الحارة .

*!*

بدكم تعرفو شو صار بعد ما وصل رامي؟
بالكم البطل أبو الحسن شو بدو يسوي هو ورجاله ؟
بدكم تعرفو ؟؟

لعاد استنونا مع الحلقة الخامسة
فاااااااصل ونوااااااااصل
على قناة منتديات العيساوية
خليكم معنا وعييييينكم ما تشوف إلاااا النور

أكسلهاااااااا مع إكسل إل :woohehe:

[ندين]

يا ريت كل المحاكم زي محكمه نضال بسرعه طلع الحكم هه
||
متابعه بصمت

[همسة الاحساس]

شايفة شايفة يا ندين ما أحسني ما غلبت ام نضال وأبو رامي في انهم يستنو إصدار الحكم سلختهم اياه سلخ سنتين مرة وحدة هههههههههههههههههههه

ثانكس حبوووشتي على المتابعة

[همسة الاحساس]

الحلقة الخامسة
من شمس الحرية


بعدما وصل رامي إلى الحارة كان أبو رامي في البقالة يترقب مجيء رامي على أحر من الجمر.

رامي وقد وصل الى البقالة: السلام عليكم يابا

أبو رامي: الله لا يسلم فيك لا عظمة ولا لحمة ياااا رب ولك وين روحت ودشرتني لحالي هيك ضيعت علينا رزقة اليوم.

رامي: شو مالك يابا هيذ اللي برد السلام.

أبو رامي: اسكت أحسنلك هو انت خليت فيا عقل .

رامي: طيب يابا خلص حصل خير.

أبو رامي: فهمني وين بكيت و وين روحت.

رامي: ولا محل يابا بس روحت لعند صاحبي.

أبو رامي: ولك أنو صاحب .. كل هالوقت وانت تشوف صاحبك..

رامي: خلص يابا انسى هيذ الظروف

أبو رامي : ظروووووف!! اللي بسمعك يابا بقول انك شايل كل هموم الدنيا ع كتافك.

صمت رامي وبدأ بصب القطر على الهريسة الذي أعدها أبوه وخرج أبو رامي متافأفاً خارج البقالة متذمراً من حال رامي.

رامي : يا الله .. يااا رب تنصر أبو الحسن وتبعد عنه كل شر ان شاء الله يقدر يطلعلنا نضال ويرجعه لمرت أبوي قبل ما تبدا طلباتها اللي ما بتخلص.

وفي هذه الأثناء كان أبو الحسن قد أرسل مجموعة من رجاله إلى الرجال الذين يساندونه في المال والعتاد في وقت الشدة وفي لحظات الجهاد لكي يأتو ويخططوا للهجمة المفاجأة!!!


انتظرونا مع الحلقة السادسة
وأعتذر لانه حلقة اليوم قصيرة

[رقيب]

السلام عليكم ورحمة الله وبركاته مبين عليك يا اخت همسة احساس انك كثير بتحبي المسلسل شمس الحرية شـكــ وبارك الله فيك ـــرا لك ... لك مني أجمل تحية .



مع تحياتي:رقيب؟؟؟؟؟؟؟؟؟؟

[محمد نخال]

صراحةً ، بهنيكي اخت همسة الإحساس على خيالك الواسع وموهبتك الشعرية والقصصية ، شاهدت الإعادة على قناة منتديات العيساوية! ، وكثير عجبني المسلسل ، وأنتظر الحلقات القادمة بفارغ الصبر

احترامي

[همسة الاحساس]

هيهيهيهيه جد شاهدت الإعادة هيهيه!!
مشكور خيو محمد
لكن توقفت عند الحلقة الخامسة لمهلة
لأسبابي الخاصة
وان شاء الله عن قريب سأطرح الحلقة السادسة
تحياتي الك
همسة الاحساس

[عيساوي اصيل]

السلام عليكم ورحمة الله وبركاته

والله هالمسلسل هاد بجنن
بانتظار الحلقة الثالثة
♂♂l|][Ξ¯▪ـ‗_عيساوي اصيل_‗ـ▪¯Ξ][|l♂♂

[أأسي]

السلام عليكم ورحمة الله وبركاته ههههههههه مش لو نحضر احسننن ما نقرأأأأأأأأأ