ست الحبايب [الأرشيف] - منتديات العيساوية

jar alqamar

20-03-2009, 08:16 PM

ســت الحبـايــب

http://t.farok.googlepages.com/T460.jpg

ست الحبايب ياحبيبة
يا أغلى من روحي ودمي
ياحنينة وكلّك طيبة
يارب يخلّيكي ياأمي
*******
زمـــان
زمان سهرتي وتعبتي
وشيلتي من عمري ليالي
ولسة برضه دلوقتي
بتحملي الهمّ بدالي
أنام وتسهري
وتباتي تفكّري
وتصحي من الآذان
وتيجي تشقّري
يارب يخلّيكي يا أمي
ياست الحبايب ياحبيبة
*******
تعيشي ليّا ياحبيبتي ياأمي
ويدوملي رضاكي
دانا روحي من روحك إنتي
وعايشة من سر دعاكي
بتحسّي بفرحتي
قبل الهنا بسنة
وتحسّي بشكوتي
من قبل ماحسّ أنا
يارب يخلّيكي ياأمي
ياست الحبايب ياحبيبة
*******
لو عشتْ طول عمري
أوفّي جمايلك الغالية عليّا
أجيب منين عمر يكفي
و ألاقي فين أغلى هدية
نور عيني ومهجتي
وحياتي ودنيتي
لو ترضي تقبليهم
دول همّا هديتي
يارب يخليكي ياأمي
ياست الحبايب ياحبيبة
ست الحبايب ياحبيبة
*******
ست الحبايب ياحبيبة
يا أغلى من روحي ودمي
يا حنينة وكلك طيبة
يارب يخلّيكي ياأمي
*******
كلمات: حسين السيد
ألحان: محمد عبدالوهاب
غناء: فايزة أحمد
*******