جـــرة الـــغـــاز !!

[ثائر ابو لبدة]

ابو وديع : احم احم اح اح اح احم ..

الأعضاء : طلعت روحو ولسا ما حكا ولا كلمة ..

ابو وديع : احم ,, الدنيا مسا الله يمسيكم بالخير يا جماعة :36_1_39: ..

الأعضاء : هلا هلا ,, يسعد مساك ابو وديع ..

ابو وديع : اليوم احنا مجتمعين هالجمعة الكريمة بوجود وجوه الخير والأجاويد والناس الطيبة ,,

من شان نحكي بموضوع اختطاف " جرة الغاز " لأخونا العيساوي ..

عضو 1 : بارك الله فيك ابو وديع ..

عضو 2 : الغاز ,, الغاز ,, الغاز ... هوووهووو ما في نكت ..

عضو 3 : اتفضل ابو وديع احكي اللي عندك يا عمي ..

ابو وديع : مع مين جاي هادا ( عضو 2 ) !!

يا ولد هات هالقهوة ..

شو بدي أقول ..

الأعضاء : قول يا ابو وديع ,, ولا تهون ..

ابو وديع : انا حابب اطمن أخونا العيساوي ,, وبقله متقلقش ,, " جرة الغاز " بأمان بإذن الله ..

احنا مش نايمين هالموضوع ..

وبحب اقله يعني همنا واحد ,, وجرتك جرتنا ,, وكلنا في الهوى سوا ..

وانا من موقعي من أول ما وصلني خبر عملية السطو واختطاف جرة الغاز لأخونا العيساوي ..

انا تحركت فورا ً واعلنت حالة الإستنفار وما غمضتلي عين ..

وعلشان تكونوا في الصورة .. انا بحكم علاقاتي ,, يعني قمت باتصالات مع الرئيس الأمريكي أوباما

وشرحتله الموضوع ,, واتعهدلي ان الجرة راح ترجع لصاحبها ,, وان اختطاف الجرة عمل ارهابي

ويمكن تكون القاعدة وراه ,, وأوباما من أول ما سمع الخبر مني شخصيا ًَ سكر كل الملفات ,,

والشغل الشاغل للرئيس الأمريكي جرة أخونا العيساوي ..

وما وقفت القصة عند أوباما ,, انا برضه حكيت مع أخونا بان كي مون وانا بحكي معه قطع الخط ..

وبعد شوي إلا هالتلفون برن إلا هو بان كي مون راجعلي بتلفون ,, ومحسوبكم قبل السلمات

والمعاتبات وهالدواوين ,, بلشت بقضية اختطاف جرة الغاز لأخونا العيساوي ,, وبان كي مون

وعدني أنه يشحنلنا من الصين مليون جرة غاز ,, وأنا رفضت .. وأنا لما أرفض بتعرفوا كلمتي زي

الليرة الذهب .. قلتله بدنا الجرة تبعتنا واحنا ما بنفرط بجرتنا لو شو ما صار ..

بان كي مون ما لحقت أكمله الموضوع ,, وما بفتح هالتلفزيون إلا هو على التلفزيون

بخبر عاجل بستنكر عملية الإختطاف وبقول أنه الحادث عمل مدبر ..

ما علينا وخلينا في المرجرين .. مواصفات الجرة وصلت للمخابرات الأمريكية والبريطانية

وتوزعت على كل مراكز الشرطة وعلى المسشفيات وعلى شركات الغاز ..

ووزعنا مناشير بتحمل مواصفات الجرة وصورة الها ,, احتياطا ً ..

وحطيت رقم تلفوني شخصيا ً على المناشير .. فــ إن حدا بشوفها بتكزدر هون ولا هون راح يرن علي ..

والحدود حاليا ً مسكرة حتى نلاقي الجرة حتى لا تتهرب الجرة لبلاد برا ..

و حالة الإستنفار معلنة من يوم حادث الإختطاف ..

فيا أخونا العيساوي إطمن إحنا كلنا معك .. وجرتك بتهمنا كلنا ..

ولحتى نلاقي جرة الغاز ويصلني خبر احنا ما راح نتخلى عن اخونا العيساوي ..

وكل واحد منكم ,, منكم هااا ,, راح يحط اللي الله بقدره عليه ونشتري جرة لأخونا العيساوي ..

جرة ستانلس ستيل من النوع الفاخر والغالي وما بتصدي وضد الرصاص ..

وهي صورتها من الكتالوج ..

http://tbn2.google.com/images?q=tbn:6BMafTBXnh5dJM:http://www.alarab.co.il/pics/1/dream119662.jpg

يلا يا شباب همة ,, همة خلينا نروح نشتري جرة لأخونا العيساوي ..

الأعضاء : يلا يلا ,, هاا هاا يا ابو وديع ..

احنا كلنا مع العيساوي ..

ابو وديع : ايوه ,, ايوه :36_1_12:..

سلامة خيركم ,, المبلغ اكتمل ..

وانا هلا رايح اشتري الجرة لأخونا العيساوي ,, وراح ألفها وأزبطها ..

يعني مش حلوة ناخدها هيك مش ملفوفة .. انا عشر دقايق زمان وبكون عندكم ..

يا الله ادعولي ..

الأعضاء : الله يفتحها بوجهك ( قصدهم الجرة ) !!!

وغاب ابو وديع ساعة ساعتين ثلاث ساعات ..

:36_9_4:

عضو 1 : وين ابو وديع مش مبين ..

عضو 2 : معقول لهلا بلف بالجرة !! خخ ..

عضو 3 : في " إن " بالموضوع ..



:36_1_21:


والباقي عندكم ..


:36_1_3:


......

[ام زيد]

قلي ابو وديع ..اظن انهم علقوا الاضراب وراح يداوموا الحمدلله بالجامعة ..
يعني ما راح تفضى ..الله يخرب بيتهم قعدت يومين بالبيت وصارت القضية ارهابية ..
وبان كي مون واوباما ..
ونيالك يا العيساوي ...هذا كيف لو انها جرة جديدة ..
عتيقة والصدا ماكلها ...انا مشفتهاش هو حكى
احسن لا تبلونا فيها ..
بعدين سمعت خبر عالطاير ان الطائرات عادت الى قواعدها سالمة او على امل هيك !!!

ابو وديع خياااااالك واسع ..يعطيك العافية

[ثائر ابو لبدة]

اها انتهى تعليق الدوام بكفي ..

هه الفاضي بعمل قاضي ااه خالتي ام زيد ..

بس انا ما كنت اعرف انه في طيارات بالموضوع ..

هه تحياتي الك والله يوفق الجميع .

[وئام العمر]

يسلمو ابو وديع
..................
.....................

[العيساوي]

السلام عليكم ورحمة الله وبركاته
هههههههههههههههه

والله يا ابو وديع قصة الجرة وصلت قرى القدس وضواحيها شايف مش بس بالبلد

مال الحلال ما بروح

وصحيح الجرة باب الدار والله هيها محل ما سرقوها تنشوف بخذوها كمان مره ولا لا

بس القصة طويلة ومش واقفه بس عى جرة العيساوية وانما انفضح فلم السرقات لوا وصلت العيساوي سبحان الله

الجرات الي انسرقت من مده طويلة وشله ما شاء الله وراها وخصوصا هالواحد بدون تشهير ولا ذكر اسماء كل شئ محفوظ لوقته
والحمدلله انكشف كل اشي وجرتي رجعت وغيري بس واحد اما الباقي لاسفي كل واحد وشطارته للاسف
والقصة حقيقية للاسف للي بفكر انها مش حقيقية

----


:) بس بحب اشكر كل الي وقفوا معي بهالمحنه :) خصوصا الاعضاء الي تبرعوا لابو وديع ( روحوا اتأكدوا من مصاريكم :) )
بس من وين وصلك الخبر يا زلمه يا ابو وديع عاد مش عارف لاني وصيت ما يخبروك لاني عارف انك راح اتئلف مجلد بالموضوع والله يستر من كلمه يتبع :) ..

اه خيتي ام زيد الجرة الي رجعت تشبة الجرة الي راحت بس مش نفسها وعلى فكرة ملانه ...
وانا بلف بالبلد وبدور على جرتي معلمها وعليها جهاز انذار مبكر :) لما اقرب عليها بتنفس فديروا بالكم الاقيها عند حدا
فيها شطب عضوية اقل اشي :)
ههههههه

[ROOZ]

هههههههههههههههههههه
يعني ابو وديع عمل من الحبه ئبه ههههههههه
بس العيساوي بستاهل انو ينعملو اكتر من هيك كمان ولو هاد العيساوي
الحمد لله على رجوع الجره خيي العيساوي
تحياتي

[محمد نخال]

هههههههههههههههههههههههههههه
صدقني يا العيساوي هلكيت اي حرامي بحسب الف حساب لما يسرقلك شغلة هههههههههههههه
صاحب حق والزلومية على اصولها ، يعني الجرة راحت فاضية و رجعت غيرها ملانة ، لا ومش عاجبه ! ،، بده جرته كمان ههههههههههههه

على كل حال الحمد لله ان جرة العيساوي بالذات انسرقت حتى يتم كشف هاي العصابة وأكيد السكوت على هيك عملة غلط وتشجيع على تكرارها ......

أبو وديع الله يعطيك الف الف عافية ، فعلاً الفاضي بعمل قاضي ، يومين فراغ رجعلتنا بشي مميز ، الله يخليلك هالموهبة وهالخيال الواسع اللي عندك


وبرجع ببارك للعيساوي مرة ثانية على عودة جرت الغاز وعقبال ما تفرح فيها زي الفرحة اللي بهالفيديو ..

http://www.youtube.com/watch?v=ArMgSTxfCsA

[خضر أبورميلة]

ههههههههههههههههههههههههههههههههههههههه

مال الحلال ما برووح
و يهنيك بسلامتها للجرة

و دير بالك عليها و دفيها منح ( دفيها بتدفيك ) و عند اللزوم بتسوى زلمة بحاله



ههههههههههههههههههههههههههههه

اخ على نهفاتك يا نخال و الله صبابا الفيديو و ان شاء الله بطلع انا و ايك و بنعمل زفه للجرة تبعت العيساوي
هههههههههههههههههههههههه

[ثائر ابو لبدة]

يعطيكم الف عافية ..

تحياتي الكم والله يوفق الجميع .