الحقوا حالكم يا جماعة .. قرارات عاجلة ..

[ثائر ابو لبدة]

مرحبا ,,

لما تنزنق تنزنق عالآخر بتبطل تجمع يا عمي وصعب اكثير إنك تحكي بالفصحى ..

و خاصة أنه كل الكبار و المافيات بالبلد ما بحبوا الفصحى ..

علشان هيك بدنا نحكي بالعامية ..

آآآخ شو بتريح العامية !!


القرارات العاجلة :


قرار 1

تمليس وتنعيم كل الخوازيق ..

قرار 2

شطب هالاكم من سنة من التاريخ ..

قرار 3

نبذ الصغار , اما كل واحد كبير فملعون ابو ... اللي بدو يفتح ثمو عليه بكلمة ..

قرار 4

نبذ الديمكراطية وكل الفصايل اللي مش ماشية مع (اللوك) الجديد ..

قرار 5

تخفيظ الرواتب تخفيظ نسبة الناس الفهمانين تخفيظ الراس وخفظ السروال !!

قرار 6

نبذ المكاومة الشرعية نبذ حق الحرية رفظ الاستكلال ..

قرار 7

تغيير السلام الوطني من فدائي لـَ ... يا سيدي امرك يا سيدي ..

قرار 8

المهجرين مكييفين بَرَه شو بدهم ييجو يتسخموا في البلد ..

قرار 9

نبذ الشراكات (الغير صديكة) والتعاون بس مع خميشات حسكل الجدع وابو عكال وكفية !!

قرار 10

رمي الكرامة والاستعانة بأربع خشبات وصندل !!

قرار 11

تركيب المسجان وتوفير المحشيف لكل مواطن فقير ..

والسهر (بس للكبار) في تل افيف وبيتاح تيكفا ورفظ كل اسم فلسطيني (في الزمنات) ..

قرار 12

اموال الشعب مال عام وايا واحد بسحب منها وبشرد ابو وسيدو زمان باقيين شرفا ..

قرار 13

لو اجا يوم وامرونا انو الاكل ارهاب فالرئاسات العربية كلهم صايمين من زمان ..

قرار 14

ايا اسير طلع (هاظ اذا طلعوا) لازم يعلن ولائو للي لاحكين النِجَم مشان يسلك اموروا ..

قرار 15

ايا واحد كبير او حتى اتباعوا بحق الهم يسووا اللي بدهم ايا ( سركات تطكيس خطف زعرنة طخ في

العراس وفي الشوارع ) واللي بفتح ثمو... بفتحولوا جيبة خامسة !!

قرار 16

ممنوع تدخين السجاير المحلية , دخنوا المستورد المغشوش ..

لانو اللي بستوردوا واصل , ولازم ندعم ولاد البلد وبعدين الاجنبي بجلط اسرع والله لا يردكوا عمي ..

قرار 17

اميركا الها حق ترفع فيتو , واذا اجو عنا لازم نرفع علامهم , نرفع شمسيات مشان ما يتطرطشوا ..

قرار 18

لازم نظحك للصورة , والدولار رخصان ..

وبما انو القصة فيها دولار .. فمعهم حق الجماعة في كل اللي بسووه ..


كل واحد مالو ظهر .. هالقرارات بتتطبك عليه وعلي خلفوه ..

والحكي للمسخمين بس .. واذا انت حاسس حالك مش اهبل .. فروح دورلك على بلد ثانية عمي ..

تكرفناش عمي ... لانو اللي بدو يسكت على هيك قرارات بكون .... انتو أدرى !!


" منقول من شبكة مخيم "

[نسمه]

له له له له له له له له له له له له له له له له له له له له له له له
ازا الكل عمل هيك ما بضل في حدا بالبلد
بس عندي استفسار بصيط وهو القرار ال3 حكيت نبذ الصغار والكبار ملعون ابوه
طيب اللي متلنا احنا يعني الشباب والصبايا
شو نعمل
موضوعك حلو كتير تقبل مروري Nsma Rqeqa

[SoFt G!rL]

بصراحة اول مرة بضحك هيك

لا تعليق!!
دمت بكل خير

[ثائر ابو لبدة]

أشكركم على المرور ..

نسمة رقيقة : شو بدنا نعمل ؟! بنعمل شاي هه ..

سوفت جيرل : الله يبسطك .. والله واقعنا مضحك جدا ً ..

تحياتي الكم والله يوفق الجميع .