حلوياتي للعيد ..بالصور التوضيحية

[ام زيد]

السلام عليكم وكل عام وانتم بخير ..

حلوياتي لعيد الاضحى ..

العجوة بالمكسرات

http://www.esawiah.com/hosting/files/e86gg7bwrev6ptso7mg3.jpg (http://www.esawiah.com/hosting/)


المكونات

لكل نصف كيلو عجوة
نحتاج فنحان شاي من اللوز
= = = = كاشو
= = = = البندق
= = = = = فستق حلبي
100غم زبدة
15 حبة بسكوت الشاي السادة

ندق المكسرات حتى قطع اصغر مما هي عليه.

http://www.esawiah.com/hosting/files/kuhy1j58lzllratcbgr6.jpg (http://www.esawiah.com/hosting/)

انا بالصور ضاعفت الكمية

الطريقة
نضع الزيدة على النار في طنجرة ونضع العجوة ونقلبها حتى تصبح طرية
بعد ذلك نضع المكسرات ونقلبه جيدا
ثم نبعد الطنجرة عن النار ونضيف البسكوت المكسر ونخلطه جيدا


http://www.esawiah.com/hosting/files/wdr18kapnjsb8eqhx5t3.jpg (http://www.esawiah.com/hosting/)


بعد ذلك نأخذ كمية منه ونشكلها حتى تصبح اسطوانية الشكل
نضعها على ورق الزبدة او على كيس بلاستيك ونرشه بجوز الهند
وندحرجها عليه ونشكلها جيدا .ثم نضعها بالثلاجة حتى تتماسك جيدا


http://www.esawiah.com/hosting/files/oi6cmv9wxtjojfhn77so.jpg (http://www.esawiah.com/hosting/)


وبعد ذلك نقطعها وتقدم وصحة والف عافية ..

http://www.esawiah.com/hosting/files/hpwn3rrehsq7uim7a9oe.jpg (http://www.esawiah.com/hosting/)


هذه الطريقة بعملها من اكثر من 20 سنة وما زلت بعملها لانها زاكية
ومفيدة كمان .

[ام زيد]

كرات الشوفان

http://www.esawiah.com/hosting/files/xnxwdr2a1z1oqc5xiwjo.jpg (http://www.esawiah.com/hosting/)


المقادير

كوب شوفان
كوب حليب بودرة
كوب جوز هند خشن
علبة حليب مكثف ومحلى

http://www.esawiah.com/hosting/files/6v71bcix75lu00ec1e7s.jpg (http://www.esawiah.com/hosting/)


الطريقة

نضع المثادير الجافة في مقلاة او طنجرة على نار هادئة ونقلبها جيدا حتى يصبح لونه مائلا الى البني
لحظتها بتشمي ريحة زاكية ..انتبهي انه ما يحترق .
بعد ذلك بتضيفي الحليب المكثف والمحلى وبتخلطيه جيدا
بتكوريهم وبتدحرجيهم على جوز هند او كاكاو وبتشكليهم جيدا
وبتقدميهم والف هنا وعافية



http://www.esawiah.com/hosting/files/n0pu2ald5pizarwlmzdm.jpg (http://www.esawiah.com/hosting/)

[محمد نخال]

الله الله الله
كل عام وانتِ بخير خالة رويدة اول شي ..
ثاني شغلة انا اشتقت لزيد وحابب ازوره في العيد :p

بس الله يسامحك لو نزلتي الموضوع قبل بأسبوع كان عملت انقلاب على امي وخليتها تعمل مثلك هههههههههههه
طبعاً ست الحبايب عملت معمول ولا يعلا عليه بس حلو التنويع ^_*

والله يسلم دياتك على الموضوع وعلى الحلو كمان ^_^

[صمت العيون]

الخالة رويدة تسلم ايديكي اشي بشهي فعلاً

هالحلويات إجت بوقتها فعلاً..الله يعطيكي العافية

وكل عام وإنتِ بالف خير

وكل الإحترام والتقدير لكِ على مجهودك الرائع

دمتِ بود

تحياتي لكِ
صمت العيون

[pity]

يسلموووو ماما رويدة عالحلويات اللذيذة
تحياتى ............ pity

[ام زيد]

الله الله الله
كل عام وانتِ بخير خالة رويدة اول شي ..
ثاني شغلة انا اشتقت لزيد وحابب ازوره في العيد :p

بس الله يسامحك لو نزلتي الموضوع قبل بأسبوع كان عملت انقلاب على امي وخليتها تعمل مثلك هههههههههههه
طبعاً ست الحبايب عملت معمول ولا يعلا عليه بس حلو التنويع ^_*

والله يسلم دياتك على الموضوع وعلى الحلو كمان ^_^




اهلا فيك محمد نخال ..حياك الله ..شكرا كثير لكلماتك اللطيفة .
وسأكون سعيدة بزيارتك .
الله يخليلك امك ..وتفرحها بنجاحك يا رب طبعا احنا ما بنسعى للنجاح فقط ولكن للتميز والتفوق ان شاء الله .

وعلشان التنويع انا عملت هالحلويات هاي بالعيد ..

حياك وبياك

[ثائر ابو لبدة]

ما شاء الله عنك خالتي إم زيد ..

الله يعطيك ِ الصحة .. شي كتير حلو ..

بس فكرك جيل هالأيام ( البنات ) بعرفوا يعملوا هيك !!

قصدي إلهم خلق لهيك شي !! أكيد مش فاضيين ههه ..

يعطيك ِ العافية أفكار حلوة وبسيطة تكسر الروتين التقليدي لضيافة العيد ..

لكن , لا تنسي القهوة السادة خالتي إم زيد أهم شي ههه ..

ههه لو الإسنان فيهم حيل , كان قلتلك بدي حصتي ههه ..

تحياتي الك والله يوفق الجميع .

[ام زيد]

الخالة رويدة تسلم ايديكي اشي بشهي فعلاً


هالحلويات إجت بوقتها فعلاً..الله يعطيكي العافية

وكل عام وإنتِ بالف خير

وكل الإحترام والتقدير لكِ على مجهودك الرائع

دمتِ بود

تحياتي لكِ

صمت العيون


صمت العيون ...وايديكي عزيزتي ..

اجت بوقتها ...انا خصوصي نزلتها بهالوقت ..يلا شدوا حيلكم يا صبايا وفرجولي ابو وديع
انه فيكم خير وانكم بتعملوا احسن من هيك كمان ...لولا الدراسة بتمنعكم ..

شكرا على كلماتك الحلوة ..يا حلوة
اهلا فيكِ

[dandoon]

كتير زاكية والله احنا بنقولها ( حطبه ) ويعطيكي العافيه وانا بقول لأبوا وديع ما بتقدر تحكم على كل البنات أنهم ما بيعملوا هيك اكلات زاكي يمكن بيعملوا وما في ناس بتقدر يعني ما تحكم وهيك يمكن دايقتني ودايقت كل الصبايا صح انتا جمعت كل بنات هالأيام يلا شو بدي اقلك ال فينا مكفينا الله يسامحك ابو ديع

[خضر أبورميلة]

وااااااااااااااااااااو

من الصور جعنا !!

ما شاء الله عليكي خالتي ام زيد

والله يسلم هالايدين على الاكلات الطيبة كتير

و زي ما قال محمد لو نزلتي الموضوع قبل فترة على شان نعرف نتصرف هههههههههههه

[ام زيد]

يسلموووو ماما رويدة عالحلويات اللذيذة
تحياتى ............ Pity

الله يسلمك بيتي .........شكرا الك عزيزتي

حياكِ الله ودمتِ

[ام زيد]

ما شاء الله عنك خالتي إم زيد ..


الله يعطيك ِ الصحة .. شي كتير حلو ..

بس فكرك جيل هالأيام ( البنات ) بعرفوا يعملوا هيك !!

قصدي إلهم خلق لهيك شي !! أكيد مش فاضيين ههه ..

يعطيك ِ العافية أفكار حلوة وبسيطة تكسر الروتين التقليدي لضيافة العيد ..

لكن , لا تنسي القهوة السادة خالتي إم زيد أهم شي ههه ..

ههه لو الإسنان فيهم حيل , كان قلتلك بدي حصتي ههه ..


تحياتي الك والله يوفق الجميع .

ابو وديع ..الله يسعدك ويرضى عليك ويحلي ايامك ..

يعني انت بدك تفتح جبهة عليك من الصبايا ..هيك زعلت dandoon

يلا تلقى عاد .

البنات فيهم خير ..بس الام لازم تعطيهم فرصة ..ولو خربت اول مرة معلش ..من الثانية بتتعلم .

الوصفة الاولى تعلمتها وانا بالصف العاشر وما زلت بعملها وامي الله يعطيها الصحة كانت تخليني اخبص واعمل
والحمدلله بالنهاية ما في اشي خسارة ..

ابو وديع سعدت بمشاركتك ..حياك الله

[ام زيد]

كتير زاكية والله احنا بنقولها ( حطبه ) ويعطيكي العافيه وانا بقول لأبوا وديع ما بتقدر تحكم على كل البنات أنهم ما بيعملوا هيك اكلات زاكي يمكن بيعملوا وما في ناس بتقدر يعني ما تحكم وهيك يمكن دايقتني ودايقت كل الصبايا صح انتا جمعت كل بنات هالأيام يلا شو بدي اقلك ال فينا مكفينا الله يسامحك ابو ديع

اهلا فيكِ دندون .. اي واحدة فيهم العجوة بالمكسرات والا كرات الشوفان اللي بتقولولها حطبه ..

وبعدين لا تزعلي على ابو وديع ..كلامه صحيح ولكن اكيد ما بيشمل الكل ..في هيك وفي هيك ..

سعيدة بمرورك ومشاركتك

[7amdaneya]

ya salaaaam

masha2allah :D benf3esh a3yed 3aleke bs 3al net hhhh lazem aji 3endek

yeslmo 2edeke 3ala hal 7alaweyat el shaheya
hhh ana baktob w ana sayma ya jama3a


y36eeki alf 3afya
domti be wod

[ام زيد]

وااااااااااااااااااااو

من الصور جعنا !!

ما شاء الله عليكي خالتي ام زيد

والله يسلم هالايدين على الاكلات الطيبة كتير

و زي ما قال محمد لو نزلتي الموضوع قبل فترة على شان نعرف نتصرف هههههههههههه

اهلااااااااااااا خضر ..منور الموضوع والله

الله يسعدك وشكر على اطرائك اللطيف ..
بسيطة اذا فات العيد اعملوهم بالايام العادية ..لانه بيتاكل في كل الاوقات مش بس بالعيد (+_+)
شكرا لمشاركتك وحياك الله

[ليل الهجر]

والله يا ماما رويده ...هيك ما بيمشي الحال ...يعني شم ولا تدوووووق؟؟؟؟؟!!!!!!!!!
المره الجاي اي موضوع يتعلق بالحلويات او الاكل قبل طرحو بالمنتدى لازم تعرضيه على الاداره وتدوقيهم الطبق:p ...بلكي ما كان زاكي!!! لازم نحكم بعدين بتحطي الموضوع:36_1_3: ....طبعا هادا كلو حرصا مننا على مصلحة الاعضاء مش اكتر هههههههههههههههههههه:cool:
طبعا بمزح....اكيد اطباق وحلويات اكتر من شهيه ....
بس بدنا حجه حتى ندوقها من ايدك:36_1_12:

[ام زيد]

ya salaaaam

masha2allah :d benf3esh a3yed 3aleke bs 3al net hhhh lazem aji 3endek

yeslmo 2edeke 3ala hal 7alaweyat el shaheya
hhh ana baktob w ana sayma ya jama3a


y36eeki alf 3afya
domti be wod

اهلا حمدانية ..وكل عام وانت بخير وصحة وسلامة ..

وايديكِ يا عزيزتي ..وصلني معمولكم زااااكي كثير وطري ..يسلموا ايديكم

وان شاء الله صيامك مقبول ..واهلا وسهلا فيكِ باي وقت

حياكِ الله

[I LOVE YOU]

السلام عليكم ورحمة الله وبركاته وعليكم السلام ورحمة الله وبركاته الحمدلله والصلاة والسلام على رسول الله وعلى آله وصحبه أجمعين شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . كيف حالك إن شاء الله دائما ب'''''''''*eخير ؟ ألف مبروك .. لقد سعدت بهذا الخبر

[ام زيد]

والله يا ماما رويده ...هيك ما بيمشي الحال ...يعني شم ولا تدوووووق؟؟؟؟؟!!!!!!!!!

له له له ..ليش صوتك طالع وبتصرخي شو في ؟؟


المره الجاي اي موضوع يتعلق بالحلويات او الاكل قبل طرحو بالمنتدى لازم تعرضيه على الاداره وتدوقيهم الطبق:p
احنا تحت امر الادارة ولوووو ما بنقدر نقول لا !

...بلكي ما كان زاكي!!!

معك حق والله ..وجهة نظر منطقية !


لازم نحكم بعدين بتحطي الموضوع:36_1_3: ....طبعا هادا كلو حرصا مننا على مصلحة الاعضاء مش اكتر هههههههههههههههههههه:cool:

اه ..اكيد بعرف ..الحرص والخوف على مصلحة المنتدى اهم اولوياتنا !
ليل الهجر انتِ ناوية ترشحي حالك للانتخابات ..؟؟:4_12_12[1]:


طبعا بمزح....اكيد اطباق وحلويات اكتر من شهيه ....
بس بدنا حجه حتى ندوقها من ايدك:36_1_12:


خذي راحتك ..احكي قديش بدك ..ما دام الحكي ببلاش ..طيب شو رأيك نعمل
الطبق الخيري ..فرصة ..شو رأيك؟؟
ليل الهجر سعدت بمرورك وحياكِ الله

[ام زيد]

السلام عليكم ورحمة الله وبركاته وعليكم السلام ورحمة الله وبركاته الحمدلله والصلاة والسلام على رسول الله وعلى آله وصحبه أجمعين شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . كيف حالك إن شاء الله دائما ب'''''''''*eخير ؟ ألف مبروك .. لقد سعدت بهذا الخبر

حياكم الله ...مشاركتكم كلها تحيات واهداءات ..ذكرتني ببرنامج اذاعي كان يُبث في الاذاعة الاردنية
رسائل شوق للاهل في الارض المحتلة ..... وسلامي لكم يا اهل لارض المحتلة يا منزرعين بمنازلكم
قلبي معكم وسلامي لكم !

[ام زيد]

هههههههههههههههههههههههه
يالله ما أزكاهم علي كل حال كل عام وأنتي بخير ماما رويده
جد اكلات طيبه وزاكيه بدي ياكي تسويلي هاد طيب وينته بكون جاهز
ما تنسيني طيب
مع تحياتي
جبهويه ؟؟؟؟؟؟؟؟؟؟؟؟؟؟؟؟؟؟؟؟؟؟
اهلا فيك ...وحياك الله ..

ان شاء الله ..راح افتح محل حلويات عن قريب ..والتوصيل حسب الطلب !!!

شكرا لمشاركتك