اعترافات مدرسيه

[هدايه]

هذا الموضوع أعترافات مدرسيه :

الطريقة :بنزل عدد من الاسئلة واقومـ باختيار اسم عضو ليجيب عليها بمنتهى،،،

الصراحة وهو بدوره يختار العضو اللي يريد ان يجيب على نفس الأسئله عن طريق،

أرسال رساله خاصه للتبيه بان هناكـ جلسة استجواب بإنتظاره وإذا تأخر العضو،،

المختـار في بالاجابه سيتم إلغاء دوره واستجواب عضو آخر،،

واللعبة تعتمد بشكل اساسي على مبدا الصراحه فكونوا صريحين معنا .


::::::: الأسئله :::::::

1. كم مره عملت قالب بالمدرسين واحكيلنا منهم شوي ؟؟

2. هل سبق أن انطرديت خارج الصف ؟؟

3. هل كنت من الزوار الدائمين للإدارة ، وتعرف منيح شكل ورقة التعهدات ؟؟

4. بصراااااحة : عمركـ غشيت في الإختبار؟؟

5. عمركـ شردت من المدرسة ؟؟

6. عمركـ سويت مقلب في مدرس ؟؟

7. ما هي المواد التي تحبها / تكرهها / و هل كنت تحب مدرسها ؟؟

8. بكل صدق ... تتمنى ترجع طالب في المدرسة ؟؟

وتقبلوووو تحياتي وودي

والي بعدي هو الي بدو يبدى ويحل الاسئله ويختار عضو يحلهم بس يبعتلو مسج على ملفو عشان يفوت ويحلهم

[ليل الهجر]

1. كم مره عملت قالب بالمدرسين واحكيلنا منهم شوي ؟؟
من كترهم مش قادره اتزكر ههههههههه...لا والله محسوبتك دايما كانت تاخد شهاده الطالبه المثاليه جنب الشهاده المدرسيه...
بس لو بيرجع فيي الزمن لورا...والله الا اعمل اللي ما بينعمل ههههه

2. هل سبق أن انطرديت خارج الصف ؟؟
مش انظردت من الصف... بس مره خلتني المس اوقف عند الحيط....وانا بالصف التاني....لانو كنت قاعده جنب بنت قرده...وطول الوقت تتحركش فيي...لدرجه انو كنت اصيح فيها بالحصه منشان تسكت...والمعلمه ما كانت تشوف غيري وعععععععععع ...بس ما بتزكر غيرها...لانو ضليت ورا اهلي لغيرولي الدرسه...

3. هل كنت من الزوار الدائمين للإدارة ، وتعرف منيح شكل ورقة التعهدات ؟؟
اه والله كنت من الزوار الاكتر من دائمين للداره...بس مش لهادا السبب...عندي كان سبب عجيب...ما كنت بمدرسه الا وصاحبت المديره فيها... لدرجة انو المديره لما تلف ع الصفوف لما تيجي عيني بعينها تسألني شو اخباري....مهما كانت شدة المديره وحيونتها....(بس هادا ما بيعني اني كنت من جواسيس الصف ههههههه)

4. بصراااااحة : عمركـ غشيت في الإختبار؟؟
للصراحه...بالمدرسه لأ....لانو ع ايامي بالمدرسه كان الواحد يدرس...واذا ما درس الاختبارات كلها كانت يا دوب من 10....والاسئله معظمها من الشرح.... يعني ما بدها عبقري منشان يحلها...
بس بالجامعه الوضع اختلف...وبتزكر اول مره غشيت فيها كان عندي امتحان برمجه بلغة الجافا وكان نهائي ...وكان عملي...ف رحت اعطيت الفلاش للي جنبي واخدت الحل كامل... بس مش تحكو للمعيد ههههههه

5. عمركـ شردت من المدرسة ؟؟
بعرف ح تحكو عني مجنونه...بس والله كنت احب المدرسه...بس هلأ بشرد كتييييييييييييير من الجامعه...
يعني لما اروح ع الجامعه ويكون عندي محاضرتين والاقي الدكتور تبع المحاضره الاولى مش جاي...بحرد وبقول هوه بس هوه اللي بيعرف ما يحضر... انا كمان مش ح احضر المحاضره اللي بعدها....
صح بركب راسي...بس والله بالنهايه بتوقع ع راسي...لانو الحضور والغياب عليه 10 علامات من المعدل

6. عمركـ سويت مقلب في مدرس ؟؟
كأنو هادا هوه نفسو اول سؤال؟؟؟

7. ما هي المواد التي تحبها / تكرهها / و هل كنت تحب مدرسها ؟؟
بحب الديزاين كتييييييييييييييييير يعني شغل تصميم المواقع والبرامج والبوسترز....وبشكل عام الهوم ورك تبعونا بكون على شكل جروب...
يعني الدكتور بقول انتوا ال4 بدي تعملولي ويب سايت...وبالعاده انا اللي بمسك شغلة الديزاين..

بكره اشي اسمو جافا وكالكولاس (رياضيات) مع اني بجيب فيهم علامات... بس لما يكون عندي امتحان فيهم بكون...............طووووووووووووط

8. بكل صدق ... تتمنى ترجع طالب في المدرسة ؟؟
يا ريت...والله نفسي... لاني ح اغير كتييييييييييير شغلات...
1- اكيد اكيد ح اكون الاولى بصفي... لانو بجد الدراسه اللي بالمدرسه مي
2-ح اكون شيطانه...بلا طالبه مثاليه بلا هم...اصلا الواحد ما بيعلق بذاكرتوا للمستقبل غير الطوش والمقالب والانذارات...
وبس بكفي هالقد....


هلأ دوري اختار صح؟؟؟ بختار هدايه.... لانو اكيد ح تيجي تشوفي المشاركه يعني ما في داعي ابعتلك مسج...ههههههههه

[هدايه]

ههههههههههههههه

معك حك يلا وئعتيني يلا انبلش فضايح هههههههههههههههه

1. كم مره عملت مقالب بالمدرسين واحكيلنا منهم شوي ؟؟
اوه متعدوش يعني ئولو كل يوم مقلب تعدوش مليان اشياء ههههههههه
اممم احكيلكم مرى كنت عطشانه وروحت على غرفه المعلمات وعبيت كاسه مي ساكعه وفي ومعلمه بحباش كانت هناك لسى بدها تدخل ما بتلائي الا كاسه المي بوجها هههههههههه ويومها شو صار ههههههههه انتو اعرفو لحالكم شو التكمله طبعا عارفين ههههه وئفت برى الصف شوي وبعدين دخلوني بس المسكينه اكلت هوى هههههه



2. هل سبق أن انطرديت خارج الصف ؟؟
تعدوش كل حصه تاريخ برى الصف


3. هل كنت من الزوار الدائمين للإدارة ، وتعرف منيح شكل ورقة التعهدات ؟؟
لاء الحمد الله ولا مرى وصلت الاداره هي امرات كانت تيجي هههههههههه

4. بصراااااحة : عمركـ غشيت في الإختبار؟؟
اممممم يعني امرات بس الامتحانات اليوميه اه كنت اغش اشي بسيط واخشش الي حولي ههههههههه

5. عمركـ شردت من المدرسة ؟؟
لاء ولا مرى بحب المدرسه من غير امتحانات


6. عمركـ سويت مقلب في مدرس ؟؟

مش بس في مدرس واحد في كل المدرسين

7. ما هي المواد التي تحبها / تكرهها / و هل كنت تحب مدرسها ؟؟
المواد الي بحبها هي التكنولوجيا عشان منروح علكمبيوتر بكون الشغل
وكل المواد بكرها بس معلمات المواد بحبهم

8. بكل صدق ... تتمنى ترجع طالب في المدرسة ؟؟

اممم منا لسى طالبه السنه لاالجاي توجيهي بس اخلص التوجيهي منشوف و بصير ههههههههه
بس بتمنى ارجع طالبه لاف الروضه لانو هي اسهل اشي

ههههههههههههه

يلا انشالله انكون انفضحنا علمزبوط هون
ههههههههه

وانا بدي اختار عضو يا عضوه هلاء ببعتلهم مسج وهم بفوتو وبتعرفو مين


وانا اخترت ندين
تحياتي

[ندين]

1. كم مره عملت قالب بالمدرسين واحكيلنا منهم شوي ؟؟
وانا صغيره كنت استرجي اعمل وكنت اعجب بالمدرسه
بس بعد ما فتت ع المرحله الاعداديه صرت استحي ههه
ما صار يطلع مني الزايحه وان طلع فبكوون خفيف
بس بتزكر وانا بعاشر كانو بدهم يطردو بنات وانا منهم لانو روحنا معلمه وحكنالها انو في عيد ميلاد وفشي داعي اتضلي عنا روحي هههه

2. هل سبق أن انطرديت خارج الصف ؟؟
لا ولا مره

3. هل كنت من الزوار الدائمين للإدارة ، وتعرف منيح شكل ورقة التعهدات ؟؟
لا ولا مره . اما شكل ورقه الانذار بعرفها بس ولا مره روحتها معي

4. بصراااااحة : عمركـ غشيت في الإختبار؟؟
اه , الله يسامحني

5. عمركـ شردت من المدرسة ؟؟
مره وبأخر امتحان بالتاسع ما رضو يروحونا وما كان ضل شي حملنا حالنا وروحنا بهدوء

6. عمركـ سويت مقلب في مدرس ؟؟
\\\\

7. ما هي المواد التي تحبها / تكرهها / و هل كنت تحب مدرسها ؟؟
بحب الرياضه
وبكرهه الفيزياااا

8. بكل صدق ... تتمنى ترجع طالب في المدرسة ؟؟

لا لاني فيها ما اشتقتلها ههه

مشكوره كتيير هدايه ع استشافتك
بختااار نرمين

[نرمين]

1. كم مره عملت قالب بالمدرسين واحكيلنا منهم شوي ؟؟
ولا مقلب .. بخاف هههههههه
2. هل سبق أن انطرديت خارج الصف ؟؟
لاء ولا مرة
3. هل كنت من الزوار الدائمين للإدارة ، وتعرف منيح شكل ورقة التعهدات ؟؟
لا هاي ولا هاي

4. بصراااااحة : عمركـ غشيت في الإختبار؟؟
اه يعني على الخفيف .. كمان بخاف ابصر ليش

5. عمركـ شردت من المدرسة ؟؟
لاء

6. عمركـ سويت مقلب في مدرس ؟؟
لاء

7. ما هي المواد التي تحبها / تكرهها / و هل كنت تحب مدرسها ؟؟
مادة العربي بحبها كتير وما بحب مُدرستها
المادة الي بكرها الرياضياااات وبحب مُدرستها

8. بكل صدق ... تتمنى ترجع طالب في المدرسة ؟؟
لاء هههههههههه
يا رب يخلصو هلسنتين على خير وبدييييش المدارس كلها


بختار ريمونا

[ريمونا]

1. كم مره عملت قالب بالمدرسين واحكيلنا منهم شوي ؟؟

ولا مرة

2. هل سبق أن انطرديت خارج الصف ؟؟


الحمد الله ولا مرة *_^


3. هل كنت من الزوار الدائمين للإدارة ، وتعرف منيح شكل ورقة التعهدات ؟؟

لا بس مرة وحدة رحت عند الادارة


هادي قصة طويلة بعدين بحكيها :3eb4e7b3:

4. بصراااااحة : عمركـ غشيت في الإختبار؟؟


هههههههه بدهاش سؤال... هو في حدا بغشش ؟!!

5. عمركـ شردت من المدرسة ؟؟

ههههههه مرة وحدة كانت اخر السنة ونص البناات مش جايين شردت انا وشلة بنات


6. عمركـ سويت مقلب في مدرس ؟؟

لا

7. ما هي المواد التي تحبها / تكرهها / و هل كنت تحب مدرسها ؟؟

المواد اللي بحبها ( الرياضيات / الجغرافيا )

المواد اللي بكرهها ( التاريخ / العلوم )

المواد اللي كنت احب مدرسها الجغرافيا و التاريخ :3eb4e7b3:


8. بكل صدق ... تتمنى ترجع طالب في المدرسة ؟؟


لسة انا طالبة .........



يلاا وانا بختار


YaRa

[YâŖâ]

1. كم مره عملت قالب بالمدرسين واحكيلنا منهم شوي ؟؟

ممممم .. ولا مرة

2. هل سبق أن انطرديت خارج الصف ؟؟

مرة وحدة بس بحصة التاريخ كان سوء تفاهم هههه *!*

3. هل كنت من الزوار الدائمين للإدارة ، وتعرف منيح شكل ورقة التعهدات ؟؟

مم لاء مش دايما .. بس مرة وحدة زرتها

4. بصراااااحة : عمركـ غشيت في الإختبار؟؟

اه الله يسامحني ويسامح صحباتي .. همه جروني ع هالشغلة

5. عمركـ شردت من المدرسة ؟؟

لاء

6. عمركـ سويت مقلب في مدرس ؟؟


لاء

7. ما هي المواد التي تحبها / تكرهها / و هل كنت تحب مدرسها ؟؟

المواد الي بحبها انجلش بحبب مدرسها كتير

وللي ما بحبها علوم ورياضيات وما بحب مدرسهم ^!^

8. بكل صدق ... تتمنى ترجع طالب في المدرسة ؟؟

انا اصلا لسه طالبة مدرسة

\\
\


وهلء انا بختار المدمر ..

[ДŁ-мoĐąмЄR]

1. كم مره عملت مقالب بالمدرسين واحكيلنا منهم شوي ؟؟
والله كتير لانو صحابي كانو يحكولي نكشاتك حلوة سويلك نكشة كنت اعمل
منهم كنت لما الاستاز يطلع شوي برا الصف كنت اوقف محلو واكلدو ولما يزكطني بسوي زيو وبتمسخر ..وقتها اوكل هوا..

2. هل سبق أن انطرديت خارج الصف ؟؟
بصراحة..3 مرات...مرة وانا بالتامن كنت اطلع صوت زكطي الاستاز انطردت ورجعت ومرة بالتاسع لما وقفت محل الاستاز وكلدتو بس برضو رجعت..ومرة بالعاشر بس هاي ظلم صحابي كانو يعجبو وانا وكعت بالشبكة...

3. هل كنت من الزوار الدائمين للإدارة ، وتعرف منيح شكل ورقة التعهدات ؟؟
الاداره مرة وحدة زرتها وانا بالـ11 بس ظلم كنت اغشش بواحد سحب وركتي نزلت عالاداره حكيت معهم ورجعولي اياها..

4. بصراااااحة : عمركـ غشيت في الإختبار؟؟
مممممم..احكيلي عمرك مغشيتش! ههههه فش حدا بغشش بس برضو اشي ومنو يعني مكنتش اركن عالغش بس بالورطات..

5. عمركـ شردت من المدرسة ؟؟
مرة وحدة بس كان علينا سادسة شردت 5
مرة وحدة وكانت غصب عني ومش راح اعيدها

6. عمركـ سويت مقلب في مدرس ؟؟
اها حكيت فووك..

7. ما هي المواد التي تحبها / تكرهها / و هل كنت تحب مدرسها ؟؟
بحبها..تاريخ انجليزي
بكرها حسااااب

8. بكل صدق ... تتمنى ترجع طالب في المدرسة ؟؟
لسا طالب بس بتمنى نعيد الطفوله *!*

بختار همسة الاحساس بعدي

[Ṁǎĵđ]

ههههههههههههههه
الله يهديكم يا شباب صبايا
ويهدينا معكم
تحياتي

[همسة الاحساس]

هههه الله يسامحك يا ميزوو ورطتني.
ثانكس هداية ع الموضوع الحلو.

****

1. كم مره عملت مقالب بالمدرسين واحكيلنا منهم شوي ؟؟

والله نكشاتي لا تعد ولا تحصى هههه يعني هم كتار وشو بدي أتزكر تأتزكر بس في مقلب يعني بمساعدة صاحباتي لما دخلت الإبرة في فخدة معلمة الرياضيات هههه .

2. هل سبق أن انطرديت خارج الصف ؟؟
ممم لاء مو متزكرة مرة وحدة في الحياة طلعوني ع الحيط ثانية ورجعت.

3. هل كنت من الزوار الدائمين للإدارة ، وتعرف منيح شكل ورقة التعهدات ؟؟
هئة ... أصلاً المعلمات بنزلو معي البنات يعني حافظة ورقة التعهدات عن طريق البنات اللي بنزلهن بس مرات بنادي معلمات يتوسطن لهالبنات والمديرة بتبطل الطول هالورقة. هههه

4. بصراااااحة : عمركـ غشيت في الإختبار؟؟
ايوى ... ولو بصراحة غشيت يعني الا ما تروح العين هون ولا هون بس أكتر شي أنا بغشش مو بغش0

5. عمركـ شردت من المدرسة ؟؟
ههه هاي ولا مرة صارت معي . بس مرة في حصة الرياضة صار سوء تفاهم وشردنا كلنا كانت أخر حصة بس يعني ما أخدت انذار ولا بهدلة لانه كل الصف شرد.

6. عمركـ سويت مقلب في مدرس ؟؟
له له له ما تسألي هو بس مقلب عدة مقالب.

7. ما هي المواد التي تحبها / تكرهها / و هل كنت تحب مدرسها ؟؟

ههه أنو بحب اشي في هالمدرسة بس يلا بنحكي المواد اللي بحها :انجليزي /رياضيات/عربي/دين والمعلمات ولا مرة احبهن ههه هم مناح معي وبعاملوني كطالبة مثالية واحسن بس أنا من النوع اللي بتشائم من شوفة معلمة حتى لو كانت بتقربلي هههه.والباقي يعلم الله . مو قصة اني مش شاطرة فيهن بالعكس شاطرة بس لاء ما بحبهم.

8. بكل صدق ... تتمنى ترجع طالب في المدرسة ؟؟
أنا كماتني طالبة والحمد لله.


دوري أختار صح
طيب أنا بدي أخلي محمد نخال هالمرة يعترف

[محمد نخال]

هههههههههههههههههههه
جد موضوع في غاية الرووعة وإعترافات صريحة لو دخل أي استاذ على هالموضوع رحنا فيهااااا .. وما تنسوا في معلمين معنا في المنتدى ومنهم سناء فرحات وخضر عبيد ...... خذوا حذركم وانتوا داخلين هان :36_1_3:

. كم مره عملت قالب بالمدرسين واحكيلنا منهم شوي ؟؟
هو إذا بدكم الصراحة عملت مقالب ، لكن مش لدرجة إني احرج الأستاذ وأهينه ، مزحة على الخفيف ، بس مش دايما يتقبلوها :) ، يعني بتذكر مرة في الصف الـ11 استاذي الفيزيا ابراهيم لافي صار يحكيلنا "انا بخدمتكم وأي سؤال بساعدكم فيه" ، الا انا نطيت وحكيتله "لافي في خدمة الشعب" ، كل الصف فرط ضحك ، ومسكوها علي لآخر السنة هههههههههههه ، والأستاذ بقلكم بعدين شو عمل في :*_*: ...


2. هل سبق أن انطرديت خارج الصف ؟؟
... طردني الأستاذ برا الصف وكان الطقس بااااااارد بس الحمد لله كانت الحصة بآخرهااا ، "محسوبكم بعرف وينتا ينطرد :36_1_12:" ..... طبعاً انطردت في صفوف ثانية والأغلب إني ما اكون حالل الوظيفة ههههههههه ومرات جكارة في أساتذة .

3. هل كنت من الزوار الدائمين للإدارة ، وتعرف منيح شكل ورقة التعهدات ؟؟
لا لا ما وصلت لهاي الدرجة ، يعني إن طارت بروح على المدير بهدلة على الماشي وبرجع الصف ، طبعاً هالحكي في الإعدادي وتحت ، هلكيت عقلنا ههههههههههه:36_1_41:

4. بصراااااحة : عمركـ غشيت في الإختبار؟؟
طبعاً وبكل فخر :36_1_11: .. فش حد فينا ما غش بس يا جماعة هالشي ما بتسمى غش ، اسمه تعاون ، طبعاً لما اكون عارف أجوبة كل الإمتحان بعرفش حد وقتها ( صمٌ بكمٌ) هههههههههه ، ( تقولوش عني نذل بس هاي سياسة بعملوا فيها الشاطرين والمتفوقين حتى يحافظوا على الصدارة) ، طبعاً التعاون قائم على مبدأ هات وخذ ، الا معي هات وما تخذش ههههههههه ، إنّما ما كنت اعتمد على الغش ولا بأي صف من الصفوف ، جل من لا يسهو ، كلمة اكون ناسيها ويذكروني فيها بس ، والأغلب إني اساعد .... ^_*

5. عمركـ شردت من المدرسة ؟؟
شردت لكن بعلم الأستاذ وإذنه ، هههههههه يمكن تستغربو بس في مدرستي كلشي بصير ، وخصوصاً إذا كانت آخر حصة والدنيا نااااااار :36_1_47:بحكيلنا الأستاذ اشردوا بس تحكوش لحد (سامحني يا استاذ حكيتلهم :36_1_13:) ، طبعاً ما تطلع اجري من الصف الا لأتأكد انو فش حد وراي . اما إني اشرد بمجرد إني زهقان او تعبان لا لا لا وقتها بنام بالحصة ههههههه

6. عمركـ سويت مقلب في مدرس ؟؟
بنعدو على الأصابع ......

7. ما هي المواد التي تحبها / تكرهها / و هل كنت تحب مدرسها ؟؟
مهو إذا حبيت مدرسها تلقائي رح احب حصته ومادته ، بحب كل المواد بإستثناء الإنجليزي والسبب الأستاااااذ (الله يصلحه) ويمكن اكون الله (الله يصلحني :36_1_21:) طبعاً هالحكي في صفي الـ11 ، متذكر في التاسع كانت احلى حصة عندي الإنجليزي ... وهكذاااا

8. بكل صدق ... تتمنى ترجع طالب في المدرسة ؟؟
يعني إذا بدكم الصراحة الواحد بحس بقيمة المدرسة لما يبعد عنها ، احنا هلكيت في عطلة صيفية ، وأشعر بالحنان والشوق الى مدرستي :*_*: ، والعكس لما اكون في المدرسة بحكي في عقلي وينتا العطلة *_* ........ كلكم هيك تحاولوش تقنعوني ....


يا خسارة خلصوا الأسالة :36_1_38: ، شكراً همسة على الإختياااااااار
وبختار بعدي ممممممم RaYaN

[همسة الاحساس]

ههههه

بينت على حقيقتك يا نخال

ايوى ههههههههههه حلوة هاي هات وما تخدش

يلا بنستنى في ريان

[هدايه]

هههههههههه

احلى اعترافات سمعتها بحياتي ههههههههههه

ههههههههه
والله يا نخحال وئت المدرسه وينتى العطله وئت العطله ويتنى المدرسه
هههههههههه

يلا منستنى ريان

[هدايه]

والله يا نخحال وئت
.................................................. ......................................
اسفه اصدي يا نخال

[ريّانه]

1. كم مره عملت قالب بالمدرسين واحكيلنا منهم شوي ؟؟

اها مره وانا بالابتدائيه كان في معلمه انا بكرهها كتيير اتفقت مع صحباتي انحط ع كرسيها مناكير
وحطينا وبس أجت تقعد اتوسخ بنطلونها الابيض *_*

2. هل سبق أن انطرديت خارج الصف ؟؟

اها ..

3. هل كنت من الزوار الدائمين للإدارة ، وتعرف منيح شكل ورقة التعهدات ؟؟

هه اها كنت وبعرف شكل الورقه كتيير منيح

4. بصراااااحة : عمركـ غشيت في الإختبار؟؟

اها ..

5. عمركـ شردت من المدرسة ؟؟

لاا ولا مره

6. عمركـ سويت مقلب في مدرس ؟؟

اه كتيييييييييير

7. ما هي المواد التي تحبها / تكرهها / و هل كنت تحب مدرسها ؟؟

المواد يلي بحبها الرياضيات وبحب مدرستها والانجليزي بس بكره مدرسته
المواد يلي ما بحبها تااااريخ وبحب مدرسته

8. بكل صدق ... تتمنى ترجع طالب في المدرسة ؟؟

طبعااا ما انا لسا بدرس


بختاااار من بعدي black *cat

[هدايه]

مشكوره ريان على تلبيه الدعوه

وكانت الاعترافات حلوى

وهلاء منستنى black *cat

[black*cat]

1. كم مره عملت مقالب بالمدرسين واحكيلنا منهم شوي ؟؟
اكييييد كتيير ....مره كنت مقهوره من معلمه وبدي انتقم شوي منها فروحت كتبت على طبعه(حماره مرخصه)ولزكتها على ظهرها من دون ما تحس وكل البنات شفوها وانكلبت المدرسه بس طبعاً ما حدا عرف الا بنات صفي هههههه فهي انحرجت المسكينه كودام البنات لما عرفت وفرجوها اياها (بس بتستاهل):36_1_12:


2. هل سبق أن انطرديت خارج الصف ؟؟
لا...بس في مرات على وشك أنطرد بس أساير لمعلمه وأهدا....

3. هل كنت من الزوار الدائمين للإدارة ، وتعرف منيح شكل ورقة التعهدات ؟؟
من ناحيه الاداره:يعني كل ما اشتقلهم أروح...اما ورقه التعهدات:ما بعرفها !!

4. بصراااااحة : عمركـ غشيت في الإختبار؟؟
أكيييييييييييد بلا شك ....يعني إلا ما الواحد ينسى شغله...او تصدف مره بسنه مش دارس ايمتحان

5. عمركـ شردت من المدرسة ؟؟
مممممم هي مش بزبط بشرد من المدرسه مره صدفت حصه ومش حابه احضرها اطلعت وارجعت بعد مطلعت لمعلمه....بس اكييييد احياناً مش دايماً بتسير .....

6. عمركـ سويت مقلب في مدرس ؟؟
اها اكيييد وقولتلكم فوق شو مره سويت....

7. ما هي المواد التي تحبها / تكرهها / و هل كنت تحب مدرسها ؟؟
المواد الي بحبها:تاريخ وجغرافيا المفضله عندي... والباقي عادي يعني زي اي ماده...اما الي بكرها:الرياضيات (بعيد عنكم جايب أجلي):36_1_2:

8. بكل صدق ... تتمنى ترجع طالب في المدرسة ؟؟
اها اكييييد.....والحمد الله انو لسه في سنتين كودامي عشان أخلص التوجيهي والمدرسه وكلها ....وانشالله ما بمرقو بسرعه


تحياتي
:
:
:
black*cat

والي بعدي ....صمت العيون

[صمت العيون]

1. كم مره عملت قالب بالمدرسين واحكيلنا منهم شوي ؟؟

والله ما بتذكر انو مرة إعملت مقلب في معلمة للأسف:3eb4e7b3:

2. هل سبق أن انطرديت خارج الصف ؟؟

لا ولا مرة انطرديت بس مرات يمكن كانت توصل انها تطردني

بس بعرف وقتها كيف اخليها تتراجع وما تطردني :36_1_12:

3. هل كنت من الزوار الدائمين للإدارة ، وتعرف منيح شكل ورقة التعهدات ؟؟

لا طبعاً بس مرة أخذت ورقة بنت في الإعدادية و قرأت شو بكون مكتوب فيها :36_6_3:

4. بصراااااحة : عمركـ غشيت في الإختبار؟؟

ضروري هالإحراج يلا على كل حال اه بس ما بنفع نحكي عنه غش اسمه مساعدة وبعدين بزيد المحبة بين البنات والعلاقات الودية من خلال المساعدة في الإختبارات :5fc0f22

5. عمركـ شردت من المدرسة ؟؟

من المدرسة ما شردت بس من الصف اه كنت اعملها

في الحصص الي بكرهم وبزهق فيهم:36_1_2:

6. عمركـ سويت مقلب في مدرس ؟؟

كتبت فوق ما بتذكر مرة إعملت مقلب في معلمة:36_1_5:

7. ما هي المواد التي تحبها / تكرهها / و هل كنت تحب مدرسها ؟؟

بحب العربي والرياضيات وبحب معلماته

والمواد الي بكرها العلوم العامة والانجليزي وبكره معلماته:8f337f1c:

8. بكل صدق ... تتمنى ترجع طالب في المدرسة ؟؟

لا ما بتمنى لانو لساتني طالبة :36_6_3::36_6_3:

والي بعدي alm5loq alarde almzdahr

[ساره من قلبي]

ممكن اشاركم في زكرياتي في المدرسه كانت زمان الي بحب يبعتلي مسج بحكبلم زكرباتي المولمه من الضحك....................

[همسة الاحساس]

شو يا وينو alm5loq alarde almzdahrكتيييير اتأخر
.
.
.

.
.
.

.
.
.

[سفير الأقصى]

شكرا الك على الموضوع الروعة وانا حابب اشارك ازا ممكن حد يبعتلي مسج

تحياتي "سفير الحب"