!i!i اكتب نكتة عن عضو ببالك !i!i

[ДŁ-мoĐąмЄR]

السلام عليكم

اللعبة واضحة

ممممممم

اكتب نكتة او مزحة خفيفة عن اي عضو ببالك
بس بشرط ها..
انو تكون النكتة او المزحة او الي بدك تكتبها بقمة الاحترام
وعدم جرح مشاعر الاخرين
تكون مزحة تضحك وحلوة مش تعمل مشاكل وحزازيات
عدم استخدام الالفاظ الغير لائقة ..

يلا نبلش؟؟

راح ابلش انا

ممممممممم

بدي احكيلكم نكتة عن مشرفة القسم

:: همسة الاحساس ::

مرة شفتها كاعدة باب الجامع وانا طالع من الصلاة كانت تبيع ترمص وتنادي بأعلى صوتها يلا موز مولود جديد..بحكيلها شو بتحكي موز مولود جديد؟بتحكيلي اه هاد بفكس تفكيس

ههههه

[همسة الاحساس]

هههه

طيب أنا بورجيك يا المدمر

شوفو شو صار مرةخينا المدمر كان واقف في الشارع و بيتكلم في الجوال و عمالو يصيح و يقول:

بس دوري تاني ، دوري كويس. آم مرق فادي في الشارع راحلو وقاللوله: في إيه ؟؟؟؟ راح واخد

الجوال منه وبيسمع ... لقى .... (الرقم الذي طلبته غير موجود في الخدمة)!!!!

ههه بسيطة علئت معي جايييية الأيام يا مدمر خخخ (بمزح)

[ДŁ-мoĐąмЄR]

هههههههه امزحي على راحتك ولو

بس انا مرة شفتك بتعطي نصائح لجحا وجحا كان مستفكعك عالاخر متزكره ههههه

[كـانـت حـبـ Love]

اسمعولكم ع النكته
هاد مره المدمر كان مروح مسطول ع البيت اجو الجيش
وقفو حكولو اطلع معنا حكالهم شكرا بيتي قريب

[حنظله]

خدلك هاي بس مسروكه من هالواحد
ميزوو يا ميزوو يسعدلي طولك تكع في العسل وصوص ما يطولك
hhhhhh

مشكور مدمر

حنـــــــظله

[همسة الاحساس]

هههه مالكم عالمدمر ..حرام عليكم ارحموا ههه

طيب شوفو هالخبر

*
*
*
ممممم

مرة 7andala اشترى مسجل رجعو ليش؟؟؟

لأنه السماعتين بطلعوا نفس الصوت!!

هههه مسكين يا 7andala

[IkEr_CaSillAs]

ههههههههههههههه حلووو

إسمعو

مره همسة الإحساس كانت كاعد بتشحد بتكول للله يا محسنينين كنت انا ماشي دكت

في كلتلي بحيات إولادك هات شيكل كلتلها خودي مش إخصاره فيكي ولا لما أعطيطها

الشيكل كالتلي باااااااااس شيكــــــــــــــــل هههه

تحياتي إلك

[ДŁ-мoĐąмЄR]

له يا كانت حب له يا حنضلة
له يا همسة

جاية الايام بس افضالكم شوي هههه

اكتبو وفضفو كل الي جواكم راح اردلكم الطاق طاقين

مرة شفتكم انتو التلات منشورين على حبل غسيل ليش لانكم شربتو ديتول ضد اشعة الشمس

بايخة بس حلوة

[حنظله]

هده مره اخونا المدمر شرب الدوى كبل موعدى ؟؟تعرفو ليش ... حب يفاجئ الجرثيم ,.,.
ههههه

.........................

[همسة الاحساس]

شو يا مدمر بتورجيني آه ..لا والطاق طاقين ...ههه تنشوف مين بدو يورجي التاني هههه

راجعتلكم بعد 5/6

ادعولي...

تحياتي
همسة الاحساس

[arabe jamed]

ميرسي يا مدمر على الموضوع الحلو

عشان الموضوع منك للأيام الجايه بننكش عليك

//

هادي مره همسة الأحساس اول مره بتاكل مسكه حلفت يمين ما تنام غير لتخلصها

ههههه

[ДŁ-мoĐąмЄR]

هع هع

بس افضى شوي

بعد الامتحانات بلعب معكم
وبتشوفو اللعب على اصوله

هههه

[همسة الاحساس]

شو وينكم يلاااا

طيب هاد مرة ميزو كل ما يغسل راسه بشمبو يحط معه دوده ليش؟

مكتوب على الشامبو ضعه لثواني معدوده

بايخة هع هع

تحياتي ^

[ДŁ-мoĐąмЄR]

ههههههههه
حلوة منك

مرة همسة الاحساس كانت تغني صيني لحالها بتعرفو ليش؟؟
كانت واكعة على راسها وهي زغيرة

ههع هع

[همسة الاحساس]

ههه

مرة المدمر .......! مش عارفة شو أكتب هع هع

اوكي انا فضيتلكم هلاء لانوا بكرا عطلة يعني زهزهة ههه

يلا بااااي

[صمت الناي]

السلام عليكم

مرة سوبر ناني عملت ببريق الشاي شاي وطلعت تشربو على السطح عشان يبرد اسرع

هههه


سوبر ناني عملت شاي ببريق القهوة ليش؟؟!!!! عشان نسيت بريق الشاي عسطح


ههههههههه


كمرور اول

والجاي اعظم

انتظرونا

[arabe jamed]

مره مذيعه عملت مقابله مع المدمر و محمد نخال

سألت المدمر شو بتعنيلك العيسويه

قال العيسويه هيه امي

وسألت محمد نخال وانت ايش بتعنيلك العيسويه

قاللها متأسف ما بحكي عن ام صاحبي

هعهعهعهعهعه

[super nanny]

السلام عليكم

والله كاعدة بقرأ ومنسجمة الا راما جابت سيرتي يلا ما دامك بلشتي تلقي الي جاييكي على الطريق..

يا جماعة الخير >احكي ولا بلاش < راما هديك اليوم جننتني معهاش مصاري تشتري علبة بندورة تكمل الطبخة(للعلم :كانت عاملة محشي بتنجان على بندورة) وفضحتنا مع الجيران ماخلت حدا الا وسئلتوا من عمارة لعمارة ومن جارة لجارة عبين ما لقتلها حبتين بندورة سلكت الطبخة ,ودايما ياسوبر ناني كيف هاي الطبخة وكيف هديك ,,,,

الله يعينها معلش بسيطة جديدة على الطبخ ,,,,,,,,,

[صمت الناي]

السلام عليكم

مدام انك انتكشتي مني اتلكي تكولك

مرة اتهمو سوبر ناني بالذكاه الحمدلله طلعت براءة

[arabe jamed]

اول مره المدمر بدخل على الحمام شافلك الكشاطه وقال ,.....,,.., قل هادي شفرة حلاقه


هعهعهعهعههعهعهعهعهعه

[ДŁ-мoĐąмЄR]

ملعوبة منك عربي جامد ههههه بس حلوة

ممممممم

مرة عربي جامد اشترى ثلاث برتقالات، قطع الأولى لكاها معفنه رماها قطع
الثانية لكاها معفنه رماها طفى الضو وقطع الثالثة واكلها.

[arabe jamed]

حلوه مدمر

///////////

مره المدمر كان سنه يوجعه مش عارف ايش يعمل

المسكين عصب ونقهر ولعت معو ...... كتر ما وجعو راح خلع كل سنانو

وقال خلي لحلو زي الكلب

هعهعهعهعهعهعهعه

[ДŁ-мoĐąмЄR]

كيف arabe jamed بيشتري حليب ؟
بروح عند البياع وبيحكيله عمو اعطيني عصير بقر

مرة arabe jamed اكل موز اتزحلك لسانه

مرة arabe jamed لقط حشيشة اعتقلوه تعون الطبيعة

مرة arabe jamed شرب مي اتبخر

..

[arabe jamed]

مره ‏ДŁ-мoĐąмЄR كان يبيع علكة عند الأشارات وانا بلصدفة كنت مارق من هناك شافني وقلي
اشتري مني علكه الله يوفقك الله يخليك الله ينجحك مشان اغلى حاجة عندك بالدنيا الله يوفقك بعدين انا حكيت خلص بجبر بكيت مسكه يعني يا ‏ДŁ-мoĐąмЄR مش كل ما تشوفني مارق من غاد تبيعني لأنو كترانه روحتي لهناك عندي اعمال .....


هعهعههعهعهعهعهعهعه

[صرخات]

هههههههههههههههههههههه ما اخف دمكم جد حلووين اكثر شي عجبتني
مره مذيعه عملت مقابله مع المدمر و محمد نخال

سألت المدمر شو بتعنيلك العيسويه

قال العيسويه هيه امي

وسألت محمد نخال وانت ايش بتعنيلك العيسويه

قاللها متأسف ما بحكي عن ام صاحبي
أخوكم صرخات

[الدلوعه]

مسا الخير للجميع مشكورين على النكت الحلوه ميرسي

[pity]

هههههههههههههههههههههههههههههههههههههههههههههههههه ههههه
نكت حلوة

[نيرفانا]

وهذه من أجل راما

مرة كانت راما تسير بالشارع وتقول يارب يااااارب أضع يدى في جيبى الاقى 10شيكل

يااااارب ، وضعت بوسي يدها في جيبها وجدته مخروم رجعت تبحث عن 10 شيكل لتكون وقعت
بايخه
مشكورين
تحياتي
نيرفانا

[ابـــــو رانــــي]

مرهـ [ همسة الاحساس ] آغرقت بالبحر جآء وآحد ينقذهآ قآل لهآ : آعطينيـ آيدك .. قآلت: روحـ آطلبهآ من آبوي ..!؟

[SoFt G!rL]

هاي
انا اول مرة بشوف الموضوع<<<دايما جاية بعد الهنا بسنة. ههه
انا بدي اكتب عن ممم المدمر متل ما احنا بنعرف انه رقم الشرطة100 الاخ معاذ اتقاتل مع شرطي وقتله وبعدين اتصل عالشرطة وقلهم صرتو 99هههه بايخة !!بس فش غيرها

[BlAcK RoSE]

هاي نكته حلوة

في واحد من خفة دمو

طار فالهوا

هههههههه


black rose

[pity]

انا ما رح احكي نكتة عن عضوو معيــن بس

النكتة هي

انو مرة رحت على مهرجان يوم الطفل فشفت تقريباا كل الاعضاء هناك

ههههههههههههههههه

(ماحد يزعل )

تحـــــــــ,, ,, يــــاتـــــــي

[ديالا]

خد مني هالنكتة ؟؟؟؟؟؟؟مرة واحد بحكي لواحد يتصل على رقم 111برد عليك واحد بحكيلك انو الله واحد ؟؟؟؟؟؟؟؟؟؟هههههههههههههههههههههههههههههههحلوة ومش حلوة

[جرح الزمن]

طيب شو رأيك يا ديالا احكي اللي صار معك ؟؟

يا جماعه ديالا كانت ماشية بالطريق هيا وامها فلما مرت على دكان صارت تبكي وتبكي
ماما ماما بدي بسلي فراحت اشترتلها بسلي وتاني يوم حكت لامها يما حلمت انك اشترتيلي بسلي
هههههههههههههههه

اممم
جرح الزمن

[حلااااا]

مرحبااااااااااا يا جرح الزمان شو هاد الي حكيتا
عن ديالا عادي وما بضحك هههههههههههههه بس مره بعتتا امه يجيب حليب
راح جابلها البقره بحالها هاد الي صار معك صح هههههههههههههههه

[ديالا]

برافو عليكي يا حلا دير بالك يا جرح الزمن في عندي مدافع اول ههههههههههههههههههههههههههه


هههههههههههههههههههههههههههههههه
اكيد جابلها البقرة بحالهااااا هههههههههههههههههه

[جرح الزمن]

له يا حلا يعني صفيتي معها وراح تشوفي شو بدي احكيلهم ياا اها مش ناسي برضوو

هاد يا جماعه حلا ركبت على الفرس بتاع الشيخ صالح وكانت خايفه كتييير عملتها على الفرس هههه
ههه

ديالا اسحك بعدين ئصصك كتااار بنعدينش ههه

تحياتي
جرح الزمن

[حلااااا]

ليش هيك عصبت يا جرح الزمن؟؟؟؟ ولوووووووووو احنا بنمزح روء شوي ههههههههه
طيب كمان ما راح افشلك وراح احكيلهم شو صار معك في المدرسه اكيد انتا ما بتنسا
هاد يا جماعه الخيررر كان جرح الزمن من الاولاد الي دايما بيوخدوا زيرو يعني صفرر في كل دروسو
وكان دايما ينام في الحصه واكيد في الاخر ما بصحلو الا البهادل والطرد من المدرسه ....... وبوصيكم لا تحكو لجرح الزمن انها حلاا
كتبت عنو هههههههههههههههههههههههه ههههههههههههههههههه ههههههههههههههههههههههههه

جرح الزمن ما توئع معي كل دفاترك مكشوفه عندي هههههههههههههههههههههههه
هههههههههههههههههههههههه ههههههههههههههههههههه
شكرا ويسلمووووووووووووووووووووووووووووووووو وبنصحك ما تدخل ديالا بينا لانها اكيد لاح تكون معي واسئلهااااااااااااااااا ههههههههههههههههههههههه

[ديالا]

والله يا حلا الحكي اللي حكتي على العين والراس

بجد انها دفاترك مكشوفة شوف هالنكتة عليك ؟؟؟؟؟؟؟؟؟
يا عالم يا ناس ياهو اسمعو قصة جرح الزمان ؟؟؟
مرة كان يحلب في بقرة ابو مجيدي اللي هو تعب ونام تحتها قابت عملتها علي هههههههههههههه
المرة الجاي خد بالك اكتر لما تتعب اقعد على جنب اوكي هههههههههههههههههههههههههه
هههههههههههههههههههههههههههههههه
تحياتي ديالااااا ؟؟؟؟؟؟؟؟؟؟؟؟؟؟؟؟؟؟

[جرح الزمن]

هههه حلا مش مشكلة مش معصب وعادي دفاتري خليهم عندك مكشوفه بس مش اكتر من الدفاتر اللي عندي هههه
ماشي يا ديالا
يا جماعه يا ناس يا هو اسمعوا شو صار مع ديالا وحلا هاد يا سيدي حلا شاطرة بالانجليزي وديالا ما بتعرف انجليزي فأنا بعتهم على أميركا يجيبولي امانه هناك حطيتها عندار ابن عمي فحبت حلا انها تاكل في مطعم هناك وفي نفس الوقت عملت مشكله مع ديالا ودخلن المطعم حلا محل وديالا في محل جوا المطعم
فحلا طلبت من الجرسون( chicken ) يعني جاج فشافتها ديالا بتاكل جاج فنادت الجرسون وحكتلو بدي لحمة جابلها مركت عدس هههه لمن حلا خلصت الجاج حكت للجرسون( again )يعني كمان مرة يجيبلها جاج ، فراحت بسرعه وديالا حاكية( again ) علشان يجيبلها جاج ، فرجع وجاب معاه مركت عدس هههه صارت تحكي هو أجينها أحسن من أجيني ههههههه هههههه

تحياتي
جرح الزمن

[جرح الزمن]

ما تنسي يا ديالا شو حكيتي للاستااذ علي
سألها الاستاز عمرك خليتي شخص يفرح ؟
حكتله اه ـ لما رحت عندار عمي ونمت عنده 3 ايام ولما سافرت كان فرحان كتير ههههه
هههههه ههههههههههه
له يا ديالا شو ثقيله هههه

تحياتي
جرح الزمن

[حلااااا]

ههههههههههه فكرك راح بعيد يا جرح الزمن ووصل على اميركااااااااااااا
قال الي بسمع بتحكي هيك بقول لغتك تيوا ني هههههههههههن مش عربي ولا انجليزي
وبعدين تالااا مش تقيله تالااااا خفيفه متل الريشه بس
يبدو تقيله على البك ههههههههههههههههههه

[جرح الزمن]

يا حلا في عندي صفحه سودا كتير لالك خليني ضببها احسن !!! هههه
شوووو كترت صفحاتك ممممم واحلى وحده الصفحة الزرقه ههه

تحياتي
جرح الزمن

[ديالا]

في خبر عاجل اسمعوووو اسمعوووووووووو ؟؟؟؟؟؟؟؟؟؟؟
انا اسمعتو في العربية والجزيرة وكل قنوات الاخبار ؟؟؟؟؟؟؟؟؟؟
الخبرر هو انو اول شب في العالم بيعرف لهجة اسمه سنسكريتي واسم الشب جرح الزمان ؟؟؟؟؟؟؟؟ههههههههههههههههه

ديرو بالكم منو وحطو الاقنعة يمكن يأذيكم ؟؟؟؟؟؟؟؟؟؟؟؟؟؟

ويا افاندي انا مش تئيلة انا متل خف الريشة بتير وين ما بدي في سانية وحدة هههههههههههههههههه


فدير بالك مني اجي اضربك شلوت واخليك بالمقلوب وانتا ابتحكي مين اللي ضربني ههههههههههههههههه


مع تحياتي ديالاااااااااااااااااااااااا

[حلااااا]

حرج الزمن انت بتقول في الي عندك صفحه سودا على كله
هاي مشكلتك مش مشكلتي لانهاااااااااااااااااا عندك مش عندي هههههههههههههههههه
وبعدين ما بهمني شيييييييييييييييي بعدين ضبيتها ولا ما ضبيتهاااااااااااااااا ما بتفرء معي
ههههههههههههههههههههههههههههههه ه ههههههههههههههههههه هههههههههههههههههه

[جرح الزمن]

ديالا كتير بتنكتي بدك نضحكلك ؟ !!!
يعني ما بتعرفي حالك لما تحكي مع حدا بتسيري تلغي أحرف وتزيدي احرف يعني بالعربي ئرطه يختي واللي في تمك بطلع بالحكي يعني غيري عادتك شو هاد ؟؟؟؟ هههههههه

يا حلا انتي بتعرفي اني مش خايف احكي اللي عندي ؟؟ بس انا خايفعليكي احكي كل الئصص اللي عندي
نجيبلك الاسعاف هون تحملك هههههههه

تحياتي
جرح الزمن

[حلااااا]

طيب احكي ما تخلي اشي في البك احسن ما تروح فيها وبعدين انا الي بدي اجيبلك
الاسعاف مش انتا تجيبلي اياه هههههههه بعيد الشر يعني
وبعدين الحكي الي حكيتا عن تالا اكيد مش مزبوط بس انت علشنك صغيرون انت مش فاهم هي بتحكي ايه
وشكرا الك
ويسلمووووووووووووووووووووووو

[ديالا]

اصلا الحكي اللي معلقو علي ما اللو فهم اصلا فروح اعرف اكتب واحكي بعدين تعال اوكي؟؟؟؟؟؟؟؟؟؟؟؟؟يا شاطر



تحياتي ديالاااااااااااااااااااااااااا؟؟؟؟؟؟؟؟؟؟؟؟؟؟؟ ؟؟؟

[جرح الزمن]

هاد يا جماعة رحنا رحلة انا وكمان اعضاء من المنتدى ومنهم حلا على يافا
فحضرنا العشا هنااك ولا مين جاي واحد صاحبنا فحكناله اتفضل على العشا
ردت حلا وحكت أكيد متعشي فطفش منها ..، خلصنا أكل وبدنا نضب الأكل
وهاي وظيفة بنوتات المنتدى اللي طلعن معنا ، فطلبت حلا تروح على الحمام وما رجعت
وتركت البنوتات لحالهن ومنهن ديالا يلمين الأكل ييييي يا حرام
هههههههه

تحيااتي
جرح الزمن


ههههههه
تحياااتي
جرح الزمن

[ديالا]

مسا الخير اول شي
تاني شي اسمعولكم هالقصة قراتها في كتب التاريخخ هههههههههههههههههههه

مرة كنت ئاعدة انا وجرح الزمن الا هو نضرنا على السما كانت الدنيا ليل الا انا بحكيلو شوف ما احلى القمر
الا هو بحكيلي هاي نجمة مش قمر فئلتلو روح على دكتور العيون على البدري فهاي نصيحة من ديالا الك هههههههههههههههههه
ما تنسى تروح يوم الاربعا بتكون فاتحة مستشفى العيون هههههههههههههههههههههه
ههههههههههههههههههههههههههههههههههههههههههههه ه
دير بالك تنعكش بزيادة ههههههههه

سلاممممممممممم
تحياتي ديالااااااااااااااااااااااااااااااااااااااااا اااا

[جرح الزمن]

هههههههههه
له يا ديالا لما حكيتلك شوفي العصفور هيو طاير صرتي تحكيلي هاد مش عصفور هاي بسه هههه هه

يعني مش عارفه العصفور من البسة حرام عليكي ركبي نظرات انتي التانية ويوم الاربعاء في مستشفى عيون بروح انا واياكي ههههههه

تحياتي جرح الزمن

[ديالا]

اصلا البسة ما بطير هههههههه شكلم ما ابتعرف مين اللي بطير ومين لا هههههههههههههههههههه
روح اتعلم انها البسة ابتمشي ما بطير اوكي


وبعدين تعال احكيلي ما بشوف هههههههههههههههههه

صحيح انك نكشة ؟؟؟؟؟؟؟؟؟؟؟؟؟ظ
تحياتي ديالاااااااااااااااااااااااا

سلامات

[حلااااا]

صباحووووووووووووووووووو لالالالالالالالالالا ماء الخيرررررررر هههههههههههه
المهم جرح الزمن يا بعد عيني انتا اكيد اخدت بنصيحه تالاا ورحت على دكتور العيون طلع عنده يا جماعه الخيرر
ضعف نظر الله يصلح حالك حول 100/100 الله يصلح حالك قصر وبعد نظرر الله يصلح حالك هههههههههههه
ومعافا انشاء الله وشايف ما احسني انا نظارتك على حسابي ولووووووووووووووو جرح الزن صديق ولوووووووووو
شكرا ويسلمووووووووووووووووووووووووووو وعلى فكره الصوره الي في التوقيع الجديده ما بتخوفني بس بشعه ومش حلوه
الصوره الي كانت قبل كتيرررررررر احلى ويمكن بتمثل شخصيتك

[جرح الزمن]

والله يا ديالا يومها كنت نعسانه وشايفه بسه بمنامك هههه
بس شكرا على التعليم وانو البسه ما بطير ههه لانها بتمشي على الارض وفهمك كفايه هه


يا حلا حكيتلك 100 مره قبل ما تحكي اشي عدي للمليون ولا ما بتعرفي تعدي هههه
وبعدين بالنسبة للتوقيع فانا شايفك بمنامي فطلعتي اممم بتخوفي فخفت منك كواع كواع كواع

هههه
تحياتي
جرح الزمن

[حلااااا]

مرحبا جرح الزمن ليش بتتاخر في الرد اكيد علشان بتفكر تكتب ايه ولا علشان بتعد للمليون انت ما بتكتب اي حاجه انت بتحسبلي حساب بعرف ههههههههههههههههههههههههههههو وبالنسبه للصوره كتير بشعه ادا ما في عندك صور حلوه انا ببعتلك صور حلوه الا ادا كان ذوئك هيك مش حلووووووووووووووووو
شكرا ويسلموووووووووووووووووووووووووو

[جرح الزمن]

انا اللي بحسبلك 100 حساب اها الا يختي
بعدين ازا في عندك صورة حلوة حطيلي اياها اممممم بس تكون تتحرك
اممممم مره كانت حلاا نايمه فائت الصبح وجهزت حالها وطالعه على المدرسة وبدها تشوفني
فلبست اواعيها وزبطت حالها فصحت امها وحكت لامها يما هاتي مصروف حكتلها ليش اليوم في مدرسة ؟ اليوم الجمعه هههههههههههههههههههه


تحيااتي
جرح الزمن

[حلااااا]

على كل حال انا ما بروح عى المدرسه هههههههههههههههههههههه
يبدو انت صاير فيك هيك والله اعلم
اه في عندي صور حلوه كتيرررررررررر

[جرح الزمن]

طيب هاتي نشوف الصورة متحركه تكون بس

اممممم مره حلا سألها استاز شو معنه كلمة حلا ؟؟
حكتلو ح : حلاوة ، ل : لبنه ، أ : ايس كريم هههههه

تحيااتي
جرح الزمن

[حلااااا]

حكيتلك ما بروح المدرسه وانت مصر توديني المدرسه هههههههههههه
وبالنسبه للصور عندي بس ما بعرف ليش ما عم تزبط معي والله
اما نتا يا جرح الزمان مره كان بالسوق ال دخل على المطعم يوكل ولما اكل وشبع يا ريتا صحتين طلع ما في معى مصاري
وانا كنت بالصدفه في نفس المطعم طبعا واعرفت الي صار معا وطبعا اعملت في الواجب ودفعت عنه لابن ابلادي و هو شكرني طبعا وصار يشكرني على طول ههههههههههههههههههههههه
شكرا الك ويسلمووووووووووووووووووووووووووووو

[جرح الزمن]

هههههههه عملتي الواجب وأكتر يخلف عليكي
بس يا حلا متزكره لما كان عندك حمار وكنت تمشي جمبو بدل ما تركبي عليه ؟؟ ويومها حكيتلك ليش هيك حكتيلي ما بدي أتعب لحمار هههههههههههه

امممم
جرح الزمن

[حلااااا]

ههههههههههههههه وانت اكيد متذكر لما كان عندك ساكن جنب دارنااااااا وانتا مارر من
تحت بلكون بيتنا انا كبيت عليك سطل ماء واعملت حالي مش شايفتكههههههههههههههههه صح متذكر جرح الزمااااااااااان
شكرا ويسلمووووووووووووووووووو

[جرح الزمن]

ههههههههه اممم مش لازم حكيتي هيك لاني يومها لميت عليكي العالم هههه

بعدين ما تنسي المره اللي فاتت لما رحتي عندار اختك وحملتي ابنها لصغير البيبي وعملها عليكي اممم يا حرام ههههه وصرت تبكي

تحيااتي
جرح الزمن

[حلااااا]

ههههههههههههههههههه طيب وشو اعملت لما ضربتك في البيض وانا واقفه على البلكون
وانت واقف تحت البلكون هههههههههههه وقتها كل الناس التمت لحالها تتفرج عليك هههههههههههههه
وبالنسبه للبيبي مش مشكله عادي انا بحبهم الاطفال كتيرر كتير شو ما يعملو لانهم بظلوا صغاررررررررررررر
شكرا ويسلمووووووووووووووووووووووووووو

[جرح الزمن]

مش مشكلة بس كمان ديالا لما كانت على البلكون صارت تنادي عليكي حلا حلا حلا حلا

صرت تحكيلها ولك حلا وحده بكفي هههههه

تحيااتي
جرح الزمن

[جرح الزمن]

ومره ديالا دخلت الدكان واجت حكتلك حلا هاي الشكلاته زاكية بدي اياها حلوة كتير
صرتي تحكيلي طيب بوسيها ورجعيها ههههههههههه

تحياتي
جرح الزمن

[ديالا]

اسمعو هالقصة عن جرح الزمن مرة كنا طالعين على الجبل الا هو جرح الزمن بحكيلي والله يا ديالا انا جعان
الا انا بحكيلو معي حبة تفاحة خد كلها الا هو حكالي ما بحب التفاح الا هو اتمدد على الحشيش ومرق عصفور اعملها في تمو
يعووووووووووووووووو يعووووووووووووو هههههههههههههههه صار يحكي اجت منك ما اجت مني ما انا جعان ؟؟؟؟؟؟؟؟؟؟؟


هههههههههههههههههههههههههههههه مع تحياتي ديالاااااااااااااااااا

[حلااااا]

هههههههههههههههههههه ههههههههههههه
ههههههههههههه ههههههههههههههههههههه هههههههههههه
هاي اويه منك يا ديالااااااااااا

[جرح الزمن]

اوك يا ديالا
يا جماعه هاد رحنا على الغابة ولا في أسد شاف ديالا حكتلو ارجوك لا تاكلنا حكالها لا تخافي ما باكل نواشف ههههههههه

[جرح الزمن]

هاد مره كانت ديالا في حكورتنا اجتها بسه خافت منها صار شعرها شايب هههه
ههههههه بايخه زي ديالا ههههه


تحياتي
جرح الزمن

[عزيز عيني]

بسم الله الرحمن الرحيم انا كل ما اتذكر هالنكتة بضحك من غير وعي مرة واحد راح يطلب ايد وحدة المهم اجت حاملة صينية الشاي وعليها كاسات شاي وبكيتات الليبتون جوا الكاسات المهم لما شاف العريس بكيتات الليبتون صار يقول لابو عروةس بلشنا بشغل الحجابات ههههههههههههههه يسعد مساكم جميعا

[عزيز عيني]

واحد دلوع كتير ابوه جبله شريط اسلامي عشان ينصلح حاله تاني يوم الاب رجع البيت لقى ابنه متحجب
واحده ست اشتركت فى من سيربح المليون جارهاب

قام بعض من الإرهابيون باختطاف طائرة مصرية وقاموا بتهديد جميع من في الطائرة بالقتل إذ لم ينصاعوا لأوامرهم وبعد فترة تقدمت امرأة لرئيس الإرهابيين وقالت

أنا لست بمصرية أنا صوماليه وحضرت لمصر للعمل والآن أنا عائدة لبلدي لكي أطعم أولادي وأنت تعرف المجاعة في الصومال قاتلة فأمر رئيس الإرهابيين بإنزالها من الطائرة

وبعدها بقليل تقدمت امرأة أخرى لرئيس الإرهابيين وقالت

أنا لست بمصرية أنا إندونيسية وقد أصابنا إعصار تسونامي و توفي كل أقربائي ولم يبقى إلا أنا فأمر بإنزالها من الطائرة

بعدها تقدم رجل متوسط العمر وقال أنا مصري وأنا من مشجعي نادي

الزمالك

فبكى رئيس الإرهابيين وبكى جميع من في الطائرة على حال هذا المشجع فأمر رئيس الإرهابيين بالإعفاء عن جميع المحتجزين وأعطى المشجع مكافأة مالية وسلم نفسه
وزها طلقها عشان اتصلت بصديق

[عزيز عيني]

http://www.moveed.com/img9292.htmhttp://www.moveed.com/img4426.htm

[ديالا]

طيب ابتتذكر لما كنت تعد للعشرة كنت تحكي واحد تنين تلاتة ستة عشرة ههههههههههههه

ههههههههههههههههه
صحيح انك نكشة راسسسسسسس

مع تحياتي ديالاااااااااااااااااااااااااااااااااااااااااااااا اااااااااااااااااااااااااااااااااااا

[جرح الزمن]

يا ديالا بتزكر هاد لما كنت بصفك ههههه

بس انتي متزكرة لما اجيتي تشربي شاي كبتيها على اوعيكي هههههههههههه

تحيااتي
جرح الزمن

[حلااااا]

مرحباااااااااااااااا انا ارجعت انت اخدت راحتك بالحكي بس انا رجعت ارد عليك المشكله كان الكمبيوتر مريض وانا هلئ جاهزه ارد عليك وبعدين اكيد ما نسيت لما اخدت من ابوك شيكل ومن كتر الفرحه الزايده عليه ضيعتا وصرت تبكي انا هيك بتزكز لما كنت في نفس المدرسه ههههههههههههههه
هههههههههههههههههه شكرا ويسلموووووووووو

[جرح الزمن]

ههههههه يا حلا سلامته المريض والله انك متعبه اتعبتي الجهاز شربي اكمول ونيمي جمبك بالليل احسن ما يقوم لحاله ويصير يمشي
وبعدين يا حلا انا متزكر شغله حلوة لما اجيت باب بيتكم شفت الممسحه على الشباك ليش ؟ علشان الذبان لما يدخل البيت يمسح اجريه ههههههههه امممم

تحيااتي
جرح الزمن

[حلااااا]

اخدت بنصيحتك ووديتا الدكتور بس هو هلئ كويس طيب وانت دير بالك على عيونك علشان انتا لون عيونك عسلي يعني بخف نظرك على البدري روح الدكتور والله معاك
شكرااااااااااا ويسلموووووووووو

[جرح الزمن]

ولو حلاا يعني كل اللي عندي ولسه ما خلصو ههه هه هه هه

هاد مره حلااا كانت لاحئة ترك محمول خشب ليش ؟ فكرتوا بسكوت هه هه هه

كل هلأد نزرك ضعيف ههه هه هه هه

تحياتي
جرح الزمن

[ابراهيم]

هاي كيفكم بدي قول نكتة :_ في مرة واحد طاحونة بتوجعو راح على دكتور قلو بدي اخلع طحونتي قلو ادكتور طيب بس اول عد بلانكليزي للاربعة الو 1234 سكر تمك يا دكتور

[السهم الجارح]

مرة واحد اصلع مات ابوه نتف شعر رجلي هههههههههههههههههه تحياتي السهم الجارح

[*منار*]

الله يوفئك يا همسة الاحساس
مــــــــع تحيـــــــــــاتي
مــــناااااااار

[رقيب]

السلام عليكم ورحمة الله وبركاته
المعاقب قرد بلا دنب ههههههههههههههههههههههه
حلوة الا يكسر المنتدى على راسي ههههه
شـكــ وبارك الله فيك ـــرا لك ... لك مني أجمل تحية .

[*لين*]

ههههههههههههههههههههههههه


انا بدي احكي عن رقيب نكته

هاد يا جماعه
رقيب ابوه رقيب كان في الشغل
رقيب بيسأل أمو رقيب بحكي ماما وينتا بابا بيجي صارت تحكي ام رقيب هلكيت بجي
رقيب فك امه وهو يحكي ماما وين بابا
ام رقيب صارت تحكي هلكيت الحمار بيجي
أله في ترك حمير مركت من باب دار رقيب
صار يحكي رقيب الأمه ماما ماما
بابا أجه هو وعمامي
ههههههههههههههههههههههههه


ما تزعل هبل نكت عادي
ههههههههه
مع تحياتي
جبهويه

[برنسيسة الحب]

هاااااااااااي اسمعوا هاي النكتة



مرة اتنين هبايل هم الرومنسي الحزين و المدمر



الرومنسي الحزين ساْل المدمر لو صحيت و لقيت حالك ميت شو بتعمل


قال المدمر: والله بنهبل


هههههههههههههههههههههههههه

[زهرة فلسطين]

مرة المدمر بحكلي لابراهيم اطلع اسكي الزراعة
حكالو ابرهيم بس الدنيا بتشتي
صار يحكي المدمر ما تعملها حجة خد شمسية واطلع
هه

[شينو]

هاد
يا جماعه
زهرت فلسطين اجاها عريس
سالها
العريس اديش عمرك صارت تحكيله 41سنه
العريس
صار يحكليها والله قد نمرت اجري
ههههههههههههه
ما تزعلي
مزح
هههههه
مع تحياتي
شينو

[توتو]

واحد بغازل وحدة سمرة :
مرة رقيب بغازل في برنسيسة الحب بكولها ولي يا بيبسي يا كولا
الا هي تفت عليه صار يحكيلها كمان بتفوري هههههههههههههههههههههههه

[*لين*]

هههههههههههههههههههههههههههههههههههههههههههههههههه ههههههه
ممممممممممممممممممم
مره توتو عبرت علي الحمام ما طلعت ليش
؟؟علقت في اليفه
هههههههههه

[رقيب]

حلوة عنجد حلوة فضايح
عالمزح هههههههههههههههه
مشكور على موضوع

[سفير الأقصى]

ههههه لعبة حلوة ...

مرة المدمر حل يتفلسف في العزا ...
قام صار يحكي : والله يا جماعة الأنسان زي البني آدم لما بيتوفى بيموت هههههههههه


تحياتي : سفير الأقصى

[توتو]

اللللله على العساسوة
وخفة دمعهم ههههههههههههههههههههههههههههههه
عساسوة شو بدنا نحتشيلكم ههههه

[أميرة الأحزان و الأوهام]

و الله أنا رأيي يا توتو نفتح مطعم عشان ( نحتشيلهم )
و القائمة لهذا المطعم .... List :

المأكولات :
1. لبنة .
2. زيت و زعتر .
3. حمص .
4. فلافل .

المشروبات :
1. شاي .
2. قهوة .
3. حليب .
4. كبوتشينو .

الحلويات :
1. بسكويت ( ما في عنّا غيره )
2. كيك ( cake ) بس مش من عنّا هذا اختياري للي بحب يجيبوا من بيت أبوه .


هههههههههههههههههههههههههههههههههههههههه

[أميرة الأحزان و الأوهام]

عفوا يا توتو :
أنا كنت فاهمة شة ئصدك بكلمة ( نحتشيلهم )
بس حبّيت أمزح معك

.....................................
ههههههههه

[توتو]

فداك امزح او امزحي كد ما بدك المهم احلى نحتشيلهم انا وياك نحكيلهم

[أميرة الأحزان و الأوهام]

مرحبا يا توتو :
شكرا ليك ....
بس و الله فكرة المطعم حلوة ... صح ؟
ههههههههه ....
تسلم يا رب


تقبل مروري .
مع تحياتي ....

[أميرة الأحزان و الأوهام]

مرحبا :
نسيت أحكيلك ....
أنا بنت .

تحياتي

[سفير الأقصى]

مرة Medo For Ever (لما كانت حولة) سألوها شو امنيتك في الحياة قالت :
اشوف واحد ماشي لوحده
هههههههههههه

تحياتي : سفير الأقصى

[سفير الأقصى]

مرة المدمر وقفوه الدوريات قالوا له : "ليش ماربطت الحزام"
قال : "أصلآ مش لابس بنطلون ...!

هههههههههههههههههههههههه

تحياتي : سفير الأقصى

[سفير الأقصى]

همسة معها ارنب بدها تشوف هو ذكر ولا انثى . .......

سألت منار هو ذكر والا انثى الا هي بتحكيلها : "اتركيه اذا هرب فهو ذكر واذا هربت فهي انثى"
هههههههههههههههههههههههههههههههههههههههههههههههههه ههههههههه

تحياتي : سفير الأقصى

[نسمه]

ههههههههههه يقطع شرك يا سفير
مره سفير مشتهي لبن راح للثلاجه لقى تاريخه منتهي قام زور التاريخ وشربه

هههههههههههه
اشبع

[أميرة الأحزان و الأوهام]

مرحبا :
طيب ماشي يا سفير الأقصى ..

مرة سفير الأقصى حكتلوا إمه روح اشتري ( ثلاثة ) بيبسي
و هو ما بيعرف يحكي ( ثلاثة ) , راح قال لصاحب الدكانة :
عمو , أعطيني ( اثنين ) بيبسي , و ( واحد ) بيبسي .

ههههههههههههههههههههههههههههه

طلعت ما بتعرف تحكي يا سفير الأقصى ... يعني لسا الحول أهون شوي
هههههههههههههههههههه:36_11_6:

[Sky~~Angel]

مرة اميرة الاحزان والاوهام الحوله

ماشيه بالطريق بنادي حد عليها ... ما ردت ..

لما قرب وسألها ... حكتلووو سوووري

مأنا حولة بسمعش.....هههههههههه

احى اميرة الاحزان والاوهام ...

تحياااتي