ابو وديع في مميزون بإطلالتهم دوما ً علينا

[هدايه]

أعزائي ,,


http://tbn0.google.com/images?q=tbn:DHnCK4JiWAAVMM:http://abeermahmoud.jeeran.com/334-welcome.gif

مرحبا بكم ,,

لأننا هنا سنستضيف المميزين والمبدعين اخترت همس القوافي

قسم الإبداع لطرح الموضوع ..



http://tbn0.google.com/images?q=tbn:rZaPL2f0bswqgM:http://www.oman0.net/gal/data/500/hand_of_love.jpg





مميزون بإطلالتهم دوما ً علينا ... إبداعهم يفوق حدود الإبداع …

أحببناهم و أحببنا وجودهم معنا دائما ً …

مميزون بكتاباتهم … وبمواضيعهم التي زينت جميع أقسام المنتدى …

لفتوا الأنظار إليهم دائما ً وأثبتوا أنهم رواد التميز في هذا المنتدى …

اليوم نستضيفهم معنا يعرفون بأنفسهم أولا ً ..

نسألهم ما نريد , والأهم من ذلك نصفهم بثلاثة اسطر … << مهم ..

لنا الحق في مدحهم او نقدهم .. ( بصراحة ) ..

ولهم الحق في الاجابة على أسألتنا او عدم الإجابة ..


http://tbn0.google.com/images?q=tbn:d_iB4_QQdKx3pM:http://www.araby4design.com/gallery/data/media/20/1_2.jpg



سنتذوق شيئاً من تميزهم …

سوف تكون مدة كل شخص اسبوع ..

هيا فلنبدأ …


والعضو لهذا الاسبوع و لأول اسبوع ..


ولأول مرة ,,


شخص احببنا كتاباته واحببناه من خلالها ..

متميز , مبدع , يختلف عن غيره من الذين يكتبون ..

راق ٍ لأفاق ٍ تجاوزت حدود الخيال ..

لم يظهر لنا بوضوح ولم يعرف بنفسه ..

ولم يشترك معنا في أي من هذه المواضيع ..

ولكن اليوم سيشارك معنا وهو ضيفنا الأول ..



نذكركم ببعض أعماله :

منتديات العيساوية ..

عهدنا مع منتديات العيساوية ..

زمن الأحزاب والأحزان ..

حتى في رمضان سوف تستمرون ..

وغيرها الكثير الكثير من الروائع التي لا تجدها الا بقلمه

وفي منتديات العيساوية ..



نرحب :: برئيس القسم الثقافي ::



" أبــــــو وديــــــع "



http://tbn0.google.com/images?q=tbn:A7iJvbvCTgl-zM:http://jokes.maktoob.com/JokesImages/Jokes/23167/Feature.jpg

مســـــاء الـــــخـــــيـــــر

[ثائر ابو لبدة]

مساء الخير جميعا ً ..

مساء الخير يا هداية الخير ..

اهلا وسهلا بالجميع اللي بدو يدخل واللي بدو يشكر او يكتب

او يسأل اي شي ..


راح اقبل استضافتك هالمرة يا هداية ..

انا بانتظاركم اهلا وسهلا بكم جميعا ً ..



الاسم المستعار : - ابو وديع - ..

المرحلة الدراسية : طالب ثانوية عامة ..

العمر : 18 سنة واربعة اشهر ..

الهواية : الكتابة اولا ً , القراءة , الاستماع للشيخ عبد الباسط عبد الصمد

وأشياء كثيرة ..

الموقع المفضل :- منتدى العيساوية ..

قدوتي في الحياة :- الرسول عليه الصلاة والسلام ..


بحب اسمع ارائكم او اسألتكم او نقدكم ..

وتحياتي الكم والله يوفق الجميع .

[محمد نخال]

السلام عليكم
رائعة يا هداية بهذا الإختيار الموفق للموضوع ولضيف الشرف أبو وديع

لن أطيل عليكم ولن أسال الضيف اليوم ، فمقابلته في قسم عضو تحت الأضواء لم يحن وقتها بعد
وأكتفي بالمرور والإشادة بمستوى أبو وديع الرائع بكتاباته وبرسوماته أيضا وغيرهاً الكثير (وما يخفى أعظم وأكبر ههههههههه)

إحترامي ^_^

[هدايه]

يلا ابلش
ابو وديع
عضو مميز نشيط رقيق قلمه راقي لا يكتب الا الراقي كلماته
تذهب مباشرة إلى القلب بلا حاجز او رقيب مشارك متفاهم
متميز وخصوصاً قي قسم المناقشات فهذا يدل على شخصيه
ورقته وان كلامه ينبع من قلب صادق صافي


اما اسئلتي هي1_احكيلنا عن حالك اكتر يعني كيف بتحب يكون شخصيه الي بتحكي معهم
2_شو ناوي تعمل لما اتخلص انشالله السنه هاي
3_شو اكتر شي بعجبك بالمنتدى وبالاعضاء
4_مين هو العضو المقرب الك والي اتعرفت عليهم
تحياتي

[اميرى العرب]

اسلام عليكم

مشكورى اختي هدايه على الموضوع الرائع

واسمحولي اشارك

ابو وديع
مهما كتبت ومهما قلت لن أوفي هذا الإنسان حقه من الشكر
أخي القدير مشرف ساحة النقاش ( ابو وديع )
لك شكر خاص يصل عنان السماء
على مابذلت وتبذل في سبيل إنجاح هذه الساحة
التي تميزت بين المنتديات حتى وصل صيتها في كل مكان
وجزاء معروفك وكهدية بسيطة من أختك هدايه اصبحت الان بين ادينا لنقول عما نريد ونسئل ما نريد معرفته


ابو وديع
شو اكتر شي بتحبو
واكتر شي بتكرهو
هل انتى بتحب
ان بتحب شو شخصيه الي بتحبها
وكيف انتى عصبي او لاء

تحياتي وشكر مرى تانيه علموضوع

[بحر النجوم]

اوه شو هاد يا اعمي دايما مميزه بمواضيعك

جد يسلمو كتير وشكرا كبير لالك
استني علي الا احط موضوع الك خص نص ههههههههه

ابو وديع





شخصيه رائعه ومحبه للجميع يشاركنى المواضيع الرائعه للنقاش
يعطي رئيه بكل صراحه
هادا الي بعرفو لحد هلاء

انشالل منعرف اكتر عنك بهلاسبوع








متى بدأت رحلة ابو وديع مع القلم ؟
لو خيرت بين صداقة طويلة أو حب قصير ماذا تختار؟

مالذي يختلف فيه ابو وديع خارج النت عن داخل النت؟

صفة تتمنى أن تختفي منك وتزعجك ؟
حينما يغيب ابو وديع أين يكون ؟

عضو يعجبك أو عضوه ويسترعي أهتمامك بشدة ؟

وشكر كبير مرى تانيه للاخت هدايه

[شذىآ ـآليَآسَميُِِِنّ]

اسعدني كثيرا ان اول المميزون هو *~*ابو وديع*~*

الذي طالما بهرتني سطوره و نزفه و كنت أقرأ نبضه مرة و مرتين و ثلاث

و احب العودة لها في المرة القادمة لعلي أستطيع مجاراة روعة فكر

هذا الكاتب و عذوبة أسلوبه


ابو وديع

اسمحلي ان اسئلك



متى يكتب ابو وديع؟ و لماذا يكتب ؟

ماهي المجالات التي تحب الكتابة فيها ؟
قصة قصيرة – رواية – مقالات .... الخ ؟

ما هي طقوسك عند الكتابة ؟

متى يغضب ابو وديع؟

متى يضحك ابو وديع ؟

[OdAi]

اشكر الاخت هدايه ع هذا


الموضوع الرائع



والمميز


اما لضيفنا العزيز


كيف تعرفت ع منتدى العيساوية ؟؟؟


لماذا اخترت هذا الاسم ؟؟


ماذا ينقص المنتدى بنظرك ؟؟

هدول بكفو

[ثائر ابو لبدة]

اخي محمد نخال اشكرك ..

و انتا عارف رأيي فيك ..

بتمنى الك التوفيق والنجاح ..


ابدأ بهداية اشكرك على كلامك الرائع بحقي ..


واجاوبك على اسالتك .. يا رب ..

احكيلنا عن حالك اكتر يعني كيف بتحب يكون شخصيه الي بتحكي معهم ؟

هه ما بحب احكي عن حالي كثير .. فما بالك اذا قلتيلي احكي عن حالك اكثر !!

ما في شخصيات معينة بحكي معها - الكمال لله - ..

بحكي مع الكل بس ما بثق بالكل .. الناس بطبعتها بتختلف عن بعض ..

الثقة تمنح لناس معينين فقط ..


شو ناوي تعمل لما اتخلص انشالله السنه هاي ؟

انشالله بعد ما اخلص واحصل على معدل يا رب , راح اكمل جامعة و حابب

اتخصص بالحقوق ..

ولو ما صار مثل ما بدي كل شي من الله حلو مثل ما بقلوها " اللي من الله يا

محلاه " الحمد لله ..


شو اكتر شي بعجبك بالمنتدى وبالاعضاء ؟

اكثر شي بعجبني .. وجود شباب ( شباب / بنات ) يملكون هذا الكم الهائل من الابداع ..

الابداع اللي ما بنشوفوا بأي مكان أخر الى بالمنتدى ..

لأنه المكان الوحيد الذي يجذب الشباب في هذا العصر - الإنترنت - ..


مين هو العضو المقرب الك والي اتعرفت عليهم ؟

اعضاء اتعرفت عليهم محمد نخال - ما شاء الله عنه - ..

و يمكن قليل اللي بعرفهم شخصيا ً مثلك يا هداية , واعضاء كانوا معنا

وهلا تركوا المنتدى ..

و ناصر دين الله , شب ما في منه ..

و فادي اتعرفت عليه و فؤش و كثار ..

و كل الأعضاء خير و بركة ..



هلا يا اميرة النجوم - مش هيك اسمك - ..

شكرا الك اكثير .. واهلا فيكي ..

يلا ابدأ اجاوبك على اسألتك .. بسم الله ..


شو اكتر شي بتحبو

اكل امي هه ..

بحب كل شي حلو بالدنيا الورد مثلا ً , المطر , اشياء كثير حلوة بالدنيا ..

بحب الناس - بس مش كل الناس - ..

و بحب الاطفال الصغار ..


اكتر شي بتكرهو

بكره الإنسان المغرور المتكبر ..


هل انتا بتحب ؟

بالنسبة للحب .. رأيي انه الانسان بقدر كل ساعة يحب ويهوى ..

بس ما بكون مقتنع بالحب .. ولا بكون صادق في حبه ..

طبعا ً انا من الرافضين لرأي ما في شي اسمه حب ..

بس انا من الناس الذي لا يستعجل الحب .. وبستنا الله يجمعني بالانسانة التي تستحق حبي ..

ويكلل هذا الحب بالزواج طبعا ً .. هلا بكير شوي يعني 18 سنة ونص لسا بدي " فت عدس " مثل ما بقلوها ..

انتي ادعيلي ..


ان بتحب شو شخصيه الي بتحبها ؟

طبعا ً الانسانة اللي راح احبها ..

بتصور انها تكون حنونة , صادقة , مخلصة , حلوة من الداخل قبل الخارج , وفية ..


كيف انتا عصبي او لا ؟

ما في شي بالدنيا بستاهل العصبية .. الحمد لله لا مش عصبي ..

الدنيا بحاجة لإنسان هادئ متروي .. ومعلومة الإنسان العصبي قدرته على التفكير متدنية جدا ً


واهلا ً وسهلا ً بالجميع وسأكمل بعد قليل انشالله ..

[همسة الاحساس]

ثانكس هداية ...اخترت العضو المناسب

أبا وديع..عضو فعال...أفادنا بمواضيعه ...أبهرنا بتأليفاته..

خيي أبو وديع لن أطيل عليك..بنبتدي بالسلام عليكم

شو رأيك بالمنتدى؟

أكيد في المنتدى بعض السلبيات ممكن توضحها؟

شو رأيك بمادة الفيزيا والأحياء؟

برأيك كيف شايف الموضة هالأيام؟

شو بتعنيلك كنية(أبو وديع)؟

شو رأيك بمديرنا (العيساوي) ومديرنا (ناصر دين الله)؟

مين ؟أكتر عضو بترتاحلو؟

شو رأيك بموضوع(مميزون باطلالتهم دوماً علينا) ورأيك في اللي كتبته؟

برأيك حلوة العيساوية ولا لاء؟ وشو رأيك بالناس اللي فيها؟

طولت عليك ولا شو؟؟ سامحني
ما تحرمنا من طلتك البهية

[ثائر ابو لبدة]

اهلا وسهلا فيك يا بحر النجوم ..

وشكرا الك كتير ..

ابدأ بالإجابة على أسألتك .. يا رب ..


متى بدأت رحلة ابو وديع مع القلم ؟

الرحلة بدأت بــ :

موهبة الله عطاني اياها - موهبة الكتابة - ..

بدأت تقريبا ً في مرحلة مبكرة وتقريبا ً وعمري 12 /13 سنة كنت بالصف التامن ..

كنت اكتب أفضل مواضيع التعبير وأجملها وهيك بديت اكتب واكتب ..

كتبت في صحيفة القدس ودنيا الوطن ومجلة مدرستي ومنتديات العيساوية ..


لو خيرت بين صداقة طويلة أو حب قصير ماذا تختار؟

طبعا ً سأختار صداقة طويلة ..

مالذي يختلف فيه ابو وديع خارج النت عن داخل النت؟

بصراحة والصراحة راحة ..

احيانا ً اكتب بالقسم الإسلامي اشياء ما بعملها ..

مثلا ً : اكتب احيانا ً عن اهمية الصلاة والصلاة والصلاة ومش عارف شو ..

وانا مش ملتزم التزام كامل بالصلاة ..

هون في تناقض بين الكلام بالمنتدى والواقع - بصراحة - ..


صفة تتمنى أن تختفي منك وتزعجك ؟

قلة الكلام هه ..


حينما يغيب ابو وديع أين يكون ؟

دراسة - او خارج البيت - عند احد الأصدقاء ..

عضو يعجبك أو عضوه ويسترعي أهتمامك بشدة ؟

ما في عضو محدد كل الأعضاء مناح وطيبين ..

بسأل عن كارين وعن امتحاناتها .. عن اعضاء كتير ..

روعة الاحساس بتكتب كتير حلو ..

عقاب عضو نشيط ..

والله يوفق الجميع .





روعة الإحساس يا شاعرة العيساوية ..

اهلا بك ِ .. وشكرا الك كتير ..

أبدا اجاوبك .. بسم الله ..

متى يكتب ابو وديع؟ و لماذا يكتب ؟

انا الكتابة عندي الهام بس احس في فكرة براسي ..

بسرعة بحاول اجمع المفردات وارسم صورة عن هالفكرة ..

يعني ما في وقت معين ..

بكتب لاني بعشق الكتابة وبحلم اني اصير بكرة كاتب او شاعر او مفكر ..

واسمي يكبر يا رب ..

ماهي المجالات التي تحب الكتابة فيها ؟

قصة قصيرة – رواية – مقالات .... الخ ؟

- الخاطرة - ..

بكتب خواطر يعني نثر موزون تقريبا ً ..

وبكتب قصص قصيرة وبكتب مقالات بس روايات ما جربت لاني لسا ما عندي هالتجارب بالحياة ..

وما عندي هالمقدرة اللغوية الواسعة ..

ما هي طقوسك عند الكتابة ؟

اهم شي الهدوء .. وانا بكتب ما بحب اسمع اي صوت ..

وبحب اكون لوحدي .. وعلى الأغلب بغرفتي ..

متى يغضب ابو وديع؟

مع اني ما بغضب كتير .. بس لما يكون في داعي للغضب ..

متى يضحك ابو وديع ؟

لما يكون في داعي للضحك والموقف بنفس الوقت مناسب لصدور الضحكة ..

[ثائر ابو لبدة]

هلا عدي .. انتا شكلك بتحبني مش مكتر علي ..

هه اجاوبك .. يا رب ..


كيف تعرفت ع منتدى العيساوية ؟؟؟

من خلال ورقة اعلان عن المنتدى شفتها في احد المحلات في العيساوية ..

لماذا اخترت هذا الاسم ؟؟

بالبداية اول ما اتسجلت حطيت الأسم هيك يعني مش لشي معين ..

اللهم اني بحب كنية ابو وديع ..

وضل الاسم وما حبيت اغيره ..

ماذا ينقص المنتدى بنظرك ؟؟

بعض التجديد .. مش بالشكل بعض التجديد في المواضيع ..

لانه بالفترة الاخيرة صارت اكثر المواضيع مكررة ..

ولما تصير اكثر المواضيع مكررة بمرق المنتدى بحالة ملل ..



هلا يا همسة الاحساس ..

اهلا وسهلا فيكي وشكرا الك ..


شو رأيك بالمنتدى؟

المنتدى عمل رائع جدا ً .. ونطاق مهم للتواصل بين الشباب ..

وكلمة شكر لمؤسسه كلمة عاجزة عن اعطاءه ما يستحق ..

انا سعيد بأني من أعضائه ..

أكيد في المنتدى بعض السلبيات ممكن توضحها؟

سلبيات في المنتدى تباين الثقافة بين الأعضاء ..

يوجد أعضاء يحسنون التكلم والنقاش ويفيدون الأخرين ..

وأعضاء مزح ومسخرة ومجرد عضوية عابرة ..

شو رأيك بمادة الفيزيا والأحياء؟

بما اني كنت علمي وشردت على الادبي هه ..

الفيزيا مادة تحتاج الى انتباه وتركيز خاصة داخل الصف ..

ومن ينعدم عنده الانتباه والتركيز فلا يتوقع انه يدرس علم الذرة هه ..

الأحياء مادة ممتعة وبنفس الوقت مملة ..

برأيك كيف شايف الموضة هالأيام؟

والله موضة هالأيام مهترئة لانه احنا بزمن مهترئ ..

للشعر موضة وللملابس موضة - أصفر وأحمر وشي مفتوح وشي مرقع - ..

أنا عارف الله يفرجها ..


شو بتعنيلك كنية( أبو وديع ) ؟

كنية بحبها كثير بس ..

شو رأيك بمديرنا (العيساوي) ومديرنا (ناصر دين الله)؟

العيساوي : فيه الخير ..

ناصر دين الله : قلتها و بعيدها من خيرة الشباب و ما شاء الله عنه الله يوفقه ..

مين ؟أكتر عضو بترتاحلو؟

فيه كثار .. محمد نخال , صاحبة الدمعة الحزينة ,

شو رأيك بموضوع(مميزون باطلالتهم دوماً علينا) ورأيك في اللي كتبته؟

موضوع حلو كثير ..

هداية : بنت طيبة ومنيحة والله يوفقها ..

برأيك حلوة العيساوية ولا لا ؟ وشو رأيك بالناس اللي فيها؟

العيساوية لما سكنتها بال 96/97 كانت حلوة هلا لأ ..

الناس في هيك وفي هيك في المنيح وفي المنيح ههه ..

مش كل أصابعك واحد ..

طولت عليك ولا شو؟؟ سامحني ما تحرمنا من طلتك البهية

انتي طولتي .. بس يلا روحي مسامحة ههه ..

[ثائر ابو لبدة]

تسلمولي جميعا ً يا رب ..

شكرا الكم ..

وانا سعيد بأسئلتكم وبتواجدكم ..

وبنستمر للأسبوع القادم ..

تحياتي الكم والله يوفق الجميع .

[شذىآ ـآليَآسَميُِِِنّ]

بدي اسئلك كمان 5 اسئله

اذا ما في عندك مانع طبعا

بعرف اني ازعجتك باسئلتي بس يلا بدك تستحملني


1-الكثير من الكتاب يطالبون بحرية الكتابة

ما مفهوم تلك الحرية و ما حدودها في الأدب ؟

2-شو موقفك من الحب ؟؟ وهل جربته؟؟هل تؤمن بوجوده

3-في اي قرار تتخذه هل تحكم عقلك ام قلبك ؟؟ ومن الاسبق في التحكيم

قلبك ام عقلك

4-هل ندمت في حياتك على شيء معين

5- ما الفرق بين الحب و الصداقة ؟؟

مع احترامي وتقديري لك

اختك

روعة الاحساس

[عاشقه الحياه بما فيها]

كل الشكر والاحترام لكي اختي هدايه
دائما مميزه دمتي لنا وللمنتدى

ابو وديع

عشان جديد ما الي فتره بالمنتدى بس حسب ما لاحظت انك انسان محترم

ومحب للاعضاء قلبك كبير تحب من كل قلبك

تعطي بدون حدود


اسئلتي الك
مين اكتر عضوه بتحب تحكي معها وبتعرفها شخصيا

مين العضو والعضوه الي بنظرك بستحقو يعينو مشرفين او ما شابه

بتأمن بشي اسمو حب ولو اجتك فرصه وحبيت هلاء راح اتحب من قلبك ولا بس تتسلى

كيف بتبح تكون انتى على طبيعتك ادام الناس وبرى ولا بس ادام الناس

تحياتي

[ثائر ابو لبدة]

بدي اسئلك كمان 5 اسئله

اذا ما في عندك مانع طبعا

بعرف اني ازعجتك باسئلتي بس يلا بدك تستحملني


طبعا ً ما عندي مانع يا روعة الاحساس ..

لا مين قال انك ازعجتيني ..

سعيد بتواجدك ..

ابدا اجاوبك .. يا رب ..


1-الكثير من الكتاب يطالبون بحرية الكتابة

ما مفهوم تلك الحرية و ما حدودها في الأدب ؟

الحرية بالكتابة هي التخلص من القيود والضغوط على الكُتاب ..

وهذه الضغوط تمارسها جهات معينة اتجاه أرباب القلم ..

حدودها تختلف من كاتب إلى أخر ..


2-شو موقفك من الحب ؟؟ وهل جربته؟؟هل تؤمن بوجوده

الحب شي حلو كتير .. وما بتخيل الحياة من دون حب ..

طبعا اؤمن بوجوده .. وأعارض نفيه عن الحياة ..

جربته !!! ما بعرف ..

3-في اي قرار تتخذه هل تحكم عقلك ام قلبك ؟؟ ومن الاسبق في التحكيم

قلبك ام عقلك

احكم الاثنين معا ً .. احكم العاطفة والعقلانية واتخذ القرار ..

و في بعض الأوقات يغلب أحدهما على الأخر ..

4-هل ندمت في حياتك على شيء معين

لا شئ اندم عليه .. الحمد لله ..

5- ما الفرق بين الحب و الصداقة ؟؟

الصداقة لها حدود مهما كانت قوية ..

لكن الحب ليس له حدود ..

والصداقة مهما كانت قوية لا تكون بقوة الحب ..




اهلا وسهلا فيكي ..

عاشقة الحياة بما فيها ..

اتمنى لك ِ اسعد الأوقات تقضيها معنا ..

مين اكتر عضوه بتحب تحكي معها وبتعرفها شخصيا

بقدر اقول pass ..

مين العضو والعضوه الي بنظرك بستحقو يعينو مشرفين او ما شابه

روعة الاحساس ..

بتأمن بشي اسمو حب ولو اجتك فرصه وحبيت هلاء راح اتحب من قلبك ولا بس تتسلى

طبعا ً الحب شي ضروري بحياة البشر .. البشر مفطورين على الحب ..

لهون بكفي ..

كيف بتحب تكون انتى على طبيعتك ادام الناس وبرى ولا بس ادام الناس

انا على طبيعتي وين ما كان .. طبيعتي حلوة ليه لغيرها واتظاهر بغير اشي ..

[ثائر ابو لبدة]

شكرا على كلامكم الجميل ..

تسلموا يا رب ..

تحياتي الكم والله يوفق الجميع .

[نرمين]

مساء الخير
موضوع مميز .. وعضو مميز
رائعة الاختيار هدايه

ابو وديع
حابه اسأل بعض الاسئلة عن تجربتك بالكتابه....
ذكرت انو موهبة الكتابه ظهرت عندك بسن معين
واكتشفت نفسك فيها من خلال التعبير المدرسي ومؤكد كتابات جميلة مثل التي نرى
تعرض صاحبها للاهتمام من قبل بعض المدرسين..
ممكن تجربتك لوقت لا بئس فيه دفعتني لأسألك بعض الاسئلة الي حابه اوجدلها جواب.. ولضيق وقت من يجب عليّ بالتوجه لإلها لقيتها فرصة اسألك اذا ما في مانع ...
التعبير او المقال اذا جاء على شكل خاطرة .. انتهج الكاتب فيها اسلوب الخاطرة .. برأيك بجوز هاد الشيء في كل الاوقات؟ .. ما بمل المٌدرس من قراءةنفس النمط من التعبير؟ .. هل هناك انتقادات بتعرض لالها صاحب هادالاسلوب؟
هناك احتمال وقوع صاحب هاد الاسلوب في اخطاءنحويه كثيرة؟
بتوافق الانسان الواثق من نثر قلمة ولا يقبل اي تنقيح لكتاباته؟


طولت عليك :confused:

&
شكرا على الاجوبه سلفاً:--)

[ثائر ابو لبدة]

نرمين ..

أسعد الله اوقاتك ..

مرحبا ً بوجودك ..

اجاوبك يـــارب ..


التعبير او المقال اذا جاء على شكل خاطرة ..

برأيك بجوز هاد الشيء في كل الاوقات؟

طبعا ً الأديب عليه ان ينوع في إيصال مشاعره الى الناس ..

فإتباع نهج واحد في التعبير يؤدي الى ملل القارئ ..

فمثلا ً الشعر احيانا ً .. الخواطر احيانا ً اخرى .. القصة , القصة القصيرة وهكذا ..

ما بمل المٌدرس من قراءة نفس النمط من التعبير؟

طبعا ً النمط نفسه في كل مرة يؤدي الى ملل القارئ مثل ما قلت ..

بس احيانا ً الشخصية تلعب دور كبير بالكتابة ..

فمثلا ً انسان يسيطر الحزن على حياته يكتب دائما ً بنمط حزين ..

ولكن يمكن في كل مرة ان يستخدم صورا ً ويوظف معان ٍ جديدة تجذب القارئ ..

هل هناك انتقادات بتعرض لالها صاحب هادالاسلوب؟

طبعا ً .. ممكن يتعرض لانتقاد مثل ضعف القدرة على الابتكار ..

ضعف المقدرة اللغوية .. وضعف الحس المرهف بالكتابة ..

هناك احتمال وقوع صاحب هاد الاسلوب في اخطاءنحويه كثيرة؟

نعم هناك احتمال ولكن استخدامه نفس النمط يعني استخدامه مفردات متشابهة في كل مرة ..

وهذا يعني تفاديه لكثير من الأخطاء اللغوية ..

بتوافق الانسان الواثق من نثر قلمة ولا يقبل اي تنقيح لكتاباته؟

النقد و التنقيح موجود شاء الكاتب أم ابى ..

فهذه وظيفة النقاد الذين ينقدون ولا يسشيرون أحد ..

طولت عليك ..

هه طولتي علينا كلنا لأنه ما بنشوفك متواجدة مثل قبل ههه ..

يلا الله يوفقك ..

شكرا على الاجوبه سلفاً ..

العفو .. انا واجبي اشكرك على اسألتك الممتعة وحضورك المميز ..

[ليل الهجر]

انا جيــــت
********
والله ويا هلا بعمو ابو وديع (بعرف اني اكبر منك بسنه ونص...مشيها) ههههههههه

نبلش؟؟؟

عندي سؤال محير نوعا ما...
اجمل خواطرك تلك التي عن الحب ...

1-كيف لا تكرر نفسك بالمعاني او التعابير...خاصه انو تجربتك بالحب(....)-يعني من اين لك هذا_

2-عندك وصفه نشربها او ناكلها وتطلع معنا الكلمات والمعاني اللي بتطلع معك(ههههههههه)

3-انت قلت انك وانت بتكتب بتحب يكون الجو هاااااادي وتكون لحالك...ياترى هاي الفتره من التوحد اللي بتكون عايشها مع اعماقك بتكون طويله؟او انوو الكلماتت تنساب من قلمك بسرعه...

4-شخص تتمنى ان يقرأ كتابتك...بس صعبه شوي؟؟؟

5-شخص قرأ كتاباتك دون انتباهك وسبب لك الحرج ؟؟؟

6-شخص اثنى عليك لطريقة كتابتك وقوه تعابيرك وعمق احساسك ولن تنسى كلامه؟؟

بانتظار جديدك دائما

[همسة الاحساس]

هههه

ثانكس أبو وديع عردك الرااائع لأسئلتي
*****************************

[ثائر ابو لبدة]

انا جيــــت

أهلاً فيكي ليل الهجر ..

والله ويا هلا بعمو ابو وديع

اهلين فيكي عمو .. هه

(بعرف اني اكبر منك بسنه ونص...مشيها) ههههههههه

الكبير كبير بقيمته .. :36_1_12:

نبلش ؟؟؟

يلا يـــا رب ..


اجمل خواطرك تلك التي عن الحب ...

1-كيف لا تكرر نفسك بالمعاني او التعابير...خاصه انو تجربتك بالحب(....)-يعني من اين لك هذا_

ههه الله دخيله من فوق اعطاني هالموهبة ..

وبعدين انا متحفظ على الكلام بتجارب الحب .. مع العلم اليوم ابن 10 سنين صار يحب وينحب ههه ..

واذا ما حب الله ببلاه وبنحب هه .. والشاطر عامل حاله روميو ههه ..


2-عندك وصفه نشربها او ناكلها وتطلع معنا الكلمات والمعاني اللي بتطلع معك(ههههههههه) ..

الك !! انتي بدون هالوصفة وكلامك حلو .. ما شاء الله عليكي ..


3-انت قلت انك وانت بتكتب بتحب يكون الجو هاااااادي وتكون لحالك...ياترى هاي الفتره من التوحد اللي بتكون عايشها مع اعماقك بتكون طويله؟او انوو الكلماتت تنساب من قلمك بسرعه...

سؤال جميل جدا ً عفكرة ..

احيانا ً بقعد فترة طويلة .. واحيانا ً بكتب بلمح البصر ..

يعني التركيز العقلي بلعب دور كبير بالكتابة ..


4-شخص تتمنى ان يقرأ كتابتك...بس صعبه شوي؟؟؟

**** ما في شخص محدد ..

بس بقدر اقلك شخص بحب كتاباته كتير : الشاعر احمد مطر ..


5-شخص قرأ كتاباتك دون انتباهك وسبب لك الحرج ؟؟؟

هه اشخاص كثير .. احيانا ً بكتب اشياء ما بحب اي حد يقرأها ..

احيانا ً والدتي بتقرأ من وراي ..


6-شخص اثنى عليك لطريقة كتابتك وقوه تعابيرك وعمق احساسك ولن تنسى كلامه؟؟

جمال الباشا - مدرسي اللغة العربية بالمدرسة والمحاضر في جامعة القدس المفتوحة

والكلية الابراهمية والمدقق اللغوي في مسرح الحكواتي ..

كاتب في مجلة هدى الإسلام - بلا ذكر اسمه ..


شكرا الك ليل الهجر سعدت بوجودك ولطفك ..

الله يا ربي يوفقك ..

تحياتي الك والله يوفق الجميع .

[ثائر ابو لبدة]

همسة الاحساس ..

العفو ..

تحياتي الك والله يوفق الجميع .

[ثائر ابو لبدة]

اكتفي بهذا القدر ..

3 ايام زيادة ..

اترك المجال لغيري ..

و القرار الآن لصاحبة الموضوع ..



اشكر كل من ساهم هنا ..

لا اتميز الا بوجودكم ..

اشكر هداية على هذه الإستضافة ..

اشكركم جميعا ً ..

تحياتي الكم والله يوفق الجميع .