نجم على الطريق

[أ. خضر عبيد]

النجم محمد نخال من مواليد سنة1991 من المتوقع أن يكون له مستقبلاً باهراً بكرة القدم رغم صغر سنه الا أنه يثبت نفسه بكل اقتدار أمام الكبار يتمتع بثقة عالية بنفسه الخوف لا يعرف ولم يجد لديه مكان أخلاقه روعة في كل مكان في البيت والشارع والمدرسة والنادي والملعب كم اكون سعيداً عندما أراه متوجهاً للصلاة في المسجد أتمنى أن أجد الكثير من الشباب يتمتعون بصفاته
نبارك له على تسجيله الهدف الخامس للفريق يوم أمس في مباراة شباب الرام
ادارة نادي العيسوية تتمنى له كل التوفيق والنجاح وتهنىء أهله على أخلاقه والتزامه

[محمد عطا]

السلام عليكم
كل التوفيق والنجاح لك يا اخي محمد نخال
http://www.esawiah.com/up/upload/wh_69243203.jpg

[باسل محمود]

كل الأحترام والتقدير للأبن محمد نخال وخاصة على اخلاقه في الملعب
أولآ وانتمائه لقريته وناديه العيساوية ....
أتمنى لك كل تقدم وأهم شىء طبعآ الدراسة ومن ثم اللعب....
اتمنى من جميع الشباب ان يكونوا مثل محمد اخلاقآ ولعبآ...

[خيّال البلد]

السلام عليكم ورحمة الله
بصراحة وهالمرة مش مجاملة يا استاذ محمد نخال

للامانة اني بهنيء اهلك فيك .. وبعتبرك واحد من الشباب المثقفين المحترمين الخلوقين
المحافظين على دينهم وادبهم واحترامهم بين الجميع ..

يعني والله مش عارف شو بدي احكيلك ...

بس بجد كل الاحترام والتقدير ..

وبد احكيلك شغلة
50 مرة حكيتلك اياها وبدي اعيدلك اياها . ..

دراستك اهم اشي .. انساك من اشي اسمه منتدى كبل ما تخلص كل دراستك والمنتدى خليه للاخر
سدكني ما تخاف .. اذا غبت عن المنتدى في مين يتابع .مش ناكصنا مشرفين والحمد لله بس ناكصنا ناس متعلمين
وانت واحد من اللي حاطين عليهم امال كبيرة ..
بحكيلك هيذ وما بدي اياك تغلط نفس غلطتي .. و (( السعيد من يتعظ بغيره والحزين من يتعظ بنفسه ))

بس في الاخير ومع كل هذا بتظل الدب المفضل عندي .. ههههههه تناقشنيش فيها هاي

والله بتمنالك كل التوفيق من قلبي ..

وبشكر أ.خضر على هذه اللفتة الكريمة منه
وحسب اعتقادي انها بتشجع على العطاء اكثر واكثر وبتخلي باكي الشباب يحاولوا يصيرو مثل نخال واحسن


وفي الختام تقبلوا تحياتي
اخوكم المحب
خيّال البلد

[العيساوي]

ابو حميد

حكوا كثير قبلي
وانت عارف كل اشي بدي اقوله

فاختصار الحديث

صدقني لو يرجعوني لورا

ممكن بس احب اصير زيك :)


وبدك الصراحه ههههههههههه يا زلمة اول مره بشوف خيال بحكي من قلبه ههههههههه وبيمدحك شوف العجب
شغله في حياتي ما كنت مصدق تصير ههههههههه

[خضر أبورميلة]

اااااااااااااخ

شو بدي احكي لأحكي

محمد نخال و اظن هو بيعرف معزته عندي

و الله (و هي يمين ) اني بفتخر بصحبتو

وخاصة اخر فترة

حتى هو كان سبب في تغيير بعض النظرات الخاطئة الي كانت عندي تجاه بعض الاشياء

محمد نخال

لو احكي عنده ما بخلص

ولكن اهم شي

خليك هيك و واصل تقدمك الي النجاح بحطوات ثابتة

(على قول ام كلثوم )

واثق الخطوة يمشي ملكا

فخليك ملك

و ما تنسى دراستك الي هي راح تكون سبب في انه تكون خطوتك ثابتة في الدنيا من ناحية علمية و عملية

و ان شاء الله هالشباب الي في جيلنا يتعظ منك

[محمد محارب]

كل التوفيق والنجاح للاخ محمد نخال والى الامام
تحياتي

[أ. خضر عبيد]

شباب جداً بشكركم على مروركم الذي يؤكد نظرتي ل نخال بأنها في محلها بس صدقوني ما كنت بحاجه للتأكيد وبالنسبة لموضوع الدراسة والنجاح الموضوع بديهي جداً لأن قدرات محمد التعليمية كبيرة وان شاء الله من الأوائل
بالنسبة ل خيال البلد أتوقع بأنك أخطأت لأن
النخال يعرف تماماً ما معنى توزيع الوقت واذا كنت أنت بتستغني عن ابداعات النخال في المنتدى فنحن لا نستطيع ولكن نقولها تحت عبارة ""ليس على حساب دراستك"" من هنا نطلب من النخال اعطاء وقت قليل للمنتدى لكي لا يحرمنا من طلّاته

[محمد نخال]

السلام عليكم ورحمة الله وبركاته

آآآآآآآآآسف جداً لتأخري في الرد على الموضوع .

أستاذي القدير خضر عبيد ، أبداً لن أنسى ما تقدمه لي من تشجيع وتحفيز سواء لدراستي او في لعبي لكرة القدم ، فأذكر في الصف الثالث أ عندما خرجت لشرب الماء ، حيث كان صفي مقابل لغرفة الإدارة ، حينها ناديت علي وقدمت لي انت ومدير المدرسة الإبتدائية عدنان دعاس هدية لتفوقي في دراستي كانت هذه الهدية بمثابة تشجيع كبير لي .. لم أنسى ولن أنسى ما قدمته لي ، شكراً لك أستاذ ، ولجميع من أفادني ولو بمعلومة واحدة ..

أخي محمد عطا ، أشكرك جزيل الشكر على ردك هذا وعلى تلك الصورة ^_^

مدربي باسل ، تحية تقدير لك لما أفدتني به في مجال كرة القدم ، وأشكرك على هذا الإطراء ^_^

اما خيال البلد ، فردي عليك هو بتقبل نصائحك التي لا تقدر ثمن ، وسأعمل بهذه النصيحة ..... ماشي يا دب :3eb4e7b3:

العيساوي ، أخي الكبير ، كم تعجبني حكمتك في التعامل مع الأمور ، شكراً على مرورك الجميل ^_^

بالاك : خضر ، تتفاجأش إذا بقلك عندك إمكانيات ومواهب كثييرة ، إعرف كيف تستغلها ^_* .. شكرا حبيبي على ردك الجميل

محمد محارب .. على ما أعتقد لاعب رجال الأعمال ^_^ ،، ( احلى ريد بول :) ) .. شكراً على ردك الجميل

أستاذ خضر ، إن شاء الله سأعمل بهذه النصائح


شكراً لكم جميعاً :36_3_14:

تحياااااااااتي :10_12_9[1]:

[Natalle]

اسفه ع تأخير



بالاول مشكور يا استاذنا ع موضوعك

ثانيا وبالنسبه للنجم محمد نخال : :--)
بصراحه مشالله عليه اللهم لا حسد .مبدع بكل شي لازم يتبخر هههه :3eb4e7b3:
وعنجد استمار يا محمد في بناء شخصيتك ع هيك اساسات خلابه وبنفس الوقت قليل ما بنلاقي شب متلك مبداع بكل شي

وبتمنالك التوفيق بكل شي

وان شالله تحقق طموحك بالعالم الرياضه:20f27c58: وبكل شي



مع تحيات
بنت من بنات فلسطين
أميرة العاشيقيـــــــــــــن

[محمد نخال]

السلام عليكم

أختي Natalle ، تسلمي على كل كلمة قلتيها بحقي ، وبتمنالك التوفيق كمان ^_^

حابب أضيف شغلة ذكرتها الأخت وهي الأساسات اللي الواحد يبني عليها شخصيته .!!

أساس واحد لا بديل له "" ديننا الإسلامي ""

تـــــحـــــــــيــــــــاتــــــي

[صمت الناي]

محمد نخال
اخي الكبير في عقله وادراكه للامور
من كل النواحي تدل على علمه وفهمه وادراكه للامور
وانا بعتبروا اخوي الكبير مع انو صغير بسن
وانا بتمنالو الخير والتقدم بدارسته واكيد يطل على االمنتدى لانو المنتدى بحاجة لانسان مثلو بصغر سنو وكبر عقلو وعلى ردود الي الها معنى ثاني بتحمل بين سطورو كثير من التشجيع
والله يخليه لاهلة وانشالله البلد بتزيد بشباب مثلو
(-_-) ,, (T_T)
دمت بكل خير

[أ. خضر عبيد]

نخال مساء الخير
بالنسبة للدين الاسلامي أنا ذكرت الموضوع بطريقة واضحة وهي بذهابك الى الصلاة

[ДŁ-мoĐąмЄR]

اخي نخال بتمنالك كل خير وان شاء الله تحقق كل الي ببالك وتصل للي بدك اياه
وان شاء الله كل الابواب تنفتح بوجهك يا نجم ساطع بزمانك..

تحياتي الك

وعكبال ما نشوفك اشي كبير ومهم بالبلد..

/

[صمت الليالي]

ميرسي يا استاذ خضر على الموضوع

وبجد نخال يستحق كل جدارة

واكثر من هيك

اتمنى لك كل التوفيق بحياتك

وانشاء الله حياة ملئية بسعادة

والى الامام يا بطل

وتحياتي : محمد المصري

[محمد نخال]

أشكركم من جديد على هذا الكلام الذي يشجعني أكثر فأكثر

تحياتي

[حنظله]

انشاء الله بالتوفيق والنجاح للاعب والمشرف المميز محمد نخال
انشاء الله تحقق هدفك في الحياه وتصل للمرحله الي بدك ايه


مشكور ابو معن


دمتم بود


تحياتي

[خيّال البلد]

السلام عليكم ..

واذا كنت أنت بتستغني عن ابداعات النخال في المنتدى فنحن لا نستطيع ولكن نقولها تحت عبارة ""ليس على حساب دراستك""

أ.خضر ... انا ما حكيت اني بستغني عن محمد ..
بس انا اللي حكيته انه
انساك من اشي اسمه منتدى كبل ما تخلص كل دراستك والمنتدى خليه للاخر
يعني بعد ما يخلص دراسته يكعد على المنتدى ويشاركنا المواضيع والردود المميزة منه ((يعني ما استغنيت عنه)) .. وانا حكيت هالجملة لانه بصراحة مرات ببكا احكي معه .. فبحكيلي بدي اروح اخلص دراستي اجيت بس اشوف المنتدى .. يعني قدم المنتدى على دراسته .. بس بالعادة يعني ببكا مرتب حاله انه يخلي وكت للدراسة . فنصيحتي لاله بكت انه ما ياجل الدراسة لبعد ما يكعد على النت كله مش بس المنتدى ..


اما بالنسبة

اذا غبت عن المنتدى في مين يتابع .مش ناكصنا مشرفين والحمد لله

انا حكيت اذا .. واذا ما بتعني اننا بنستغني عنه .. يعني فيما لو اضطر وغاب اكم يوم عن المنتدى عشان دراسته .. فبطلب منه انه يركز في دراسته وما يخاف على المنتدى خلال هالغيبة الاضطرارية ...

وانا ما حكيت انه ما بيعرف يوزع وكته .. لانه 50 مرة حكالي بوزع وكتي منيح .. وانا بعرف هالاشي ..


هذا اللي انا كتبته وهذا اللي انا كصدته ..

واذا بكى في لبس في ردي ومش واضح .. فبتمنى انه الان هو اوضح ..

وشكرا الك استاذ خضر على هذه الملاحظة

مع الاحترام التقدير ..
خيّال البلد

[أ. خضر عبيد]

عزيزي خيال البلد
أنا أتفق معك وأتفهم تماماً مدى حرصك على مصلحة النخال
اقبل احترامي لاهتمامك بأصدقائك