للاعضاء الصريحين جدا اتفضلو للاهميه

[تاليا]

السلام عليكم ورحمة الله وبركاته


بسأل سؤال وارجوا انكم تجاوبوني بكل صراحه




لو انت كنت مثلا قاعد في المقهى وهالمقهى كان جنب الشارع العام بالضبط





وكان في شخصين يعبرون هالشارع..



جايين لك



الاول حبيبك او حبيبتك


والثاني صديقك او صديقتك


وهم ماريين بالشارع سياره بتصدمهم ..


وقالوا لك انك تقدر تنقذ واحد منهم بس..

فمن اللي راح يعيش ؟

الحب ولا الصداقه

تحياتي لاحلى اعضاء صريحين
تاليا

[SaMoOoH]

امممممم...

بالنسبة الي اناا وازا كان الحب حب حقيقي وجدي والصداقة كانت صداقة حقيقية
انا بختار التنين ما بختار واحد والتاني بتركوا
التنين غاليين اكيد

سوري ما قدرت اجاوبك على سؤال
بس هادا راي

مشكورة عالموضوع

[arabe jamed]

مممممم

انــــــــا مش عارف بس بحاول اجاوب صرت داخل الموضوع

انا في نظري بحاول انو الحب لأنو اذا فقتو مش راح تخلص تفكير

[abo basil]

انا بنظري بدشر التنين لانو مش راح اقدر اساعد واحد واد لاء فعشان هيك خليهم لالله شو بدو يسوي فيهم

ههههههههههههه

[SąddaM]

اختي تاااليا سؤالك محيرررررررر جدااا

بس بقدر اجاوبك عليه بطريقه وحـده ان كان الحـب حقيقي او الصداقه حقيقه

انا بختاار الصديق وبس

مشكووره على الموضوع

دمتي بود ,,:--)

[صمت الليالي]

يسلمو على الموضوع يا تاليا

موضوعك بجد محير زي ما حكى صدام

بس يعني بالنسبة الي كمان انا بختاار الصديق : هو الذي يرفع شأنك بين الناس و تفتخر بصداقته و لا تخجل من مصاحبته و السير معه وكمان اشياء كثير ازا بدي اعددها ما بخلص

سلامي ههههههه


: محمد المصري

[قـمـ الليل ـــر]

الحب


الصداقة الحقيقية هذه الايام قليلة ونادرة

........................

[3SOM...MOSTFA]

والله يا تاليا ----سؤال ذكي ومحير بنفس الوقت ههههههه---بس انا براي انه الحب بيجي بعد الصداقه--- وبما انه الحب بعد الصداقه مش قبلها راح يضل حب حقيقي وقوي----اما الصداقه بجوز تكون مش قويه متل الحب وتنتهي بعد فتره بسرعه---وبرضو لولا انه ما كنش في صداقه كان ما اتطورت العلاقه للحب-------وبترك الجواب الك يا تاليا---ويسلمو على الموضوع الرائع متلك--تحياتي عصوووووم

[مغرمة القمر]

سؤال حلو وبدو صراحة

أنا لو صار معي هيك بنقذ أو بختار حبيبي ...ليش؟؟ عشان الصديق بكرا بحب وبصير عندو مين يضحي عشانو والصداقة حلوة ومهمة ولازم نحافظ عليها برضو بس انا بشوف الحبيب أهم لأنو بالاخر هو اللي رح يضل معي ونكفي الطريق مع بعض اما الصديق مش طول حياتي ..... وميرسي يا تاليا على السؤال الحلو


تحياتي الك : مغرمة القمر

[OdAi]

انا بختار الصداقه
لانو مش كل يوم بتلاقي صديق

اما الي بتحبو يمن يكون مش لالك
فالحب بيجي وبروح
اما الصديق ادا راح
عمرو ما برجع متلو

مشكور اخت تاليا
ع طرحك للموضوع

[وسام الحرية]

يسلمو يا تاليا على موضوعك المحير
انا بنسبة الي بختار الصداقة لانو الصداقة مبنيا على الحب واذا ما في حب ما في صداقة
لانو الصديق او الصديقة بتقدر تلجألهم في كل اشي اذا كان عنجد صديق

وتحياتي اليك يا تاليا على السؤال


وسام الحرية

[حنظله]

الـــــــــــــــــــــــــــــــــــــــــــ صداقه

..........................................

[Ṁǎĵđ]

انا بخلي الجواب للقدر شو بحكم بوقتها
وبس ................

[جرح الزمن]

سؤاااال جداا في غايه الحلاوه وفي غايه سؤال نفسك ؟؟؟!!!!

اول شي من وين جبتي هالسؤااااااااال ؟ ههههههه

في خيرين : الخيااار الأول :: انو ممكن اسحب اللي انقذ مع اللي انصدم وكلنا نرووح مع بعض ونيجي مع بعض

الخيااار التاني :: الصاقه هالايااام ما عادت متل الأول ما في صداقه جديه صديق لصديقو .......في خيانه في مصلحه في وفي وفي ..........

انا بخلي الجوااب هو الحب .......؟ فالحب هو احساااس صادق بالنسبه لالي ،،لانو الحب بغيرلك حياتك ممكن اذا انقذت الحب يزيد حبه ليااا يزيد اخلاصه انو انا انقذتو من موت محتم فبكون انا مدين له بحياته فأكيد الحب هو بغلب الصداقه لان الصداقه كمااان يمكن من صديقك لوحدك صديق الجميع يمكن يتركك فيوم ولا يضحك عليك .........

مع كل احترامي للجميع واسف اذا رأييي ما عجبهم .........

مع تحيات

أمير الحب

[وسام الحرية]

طيب يا تاليا السؤال الي سألتينا ايا انا بدي اسالك انتي شو بتختاري الحب او الصداقة

[ربيع البلد]

أكيد انا بختار الصديق
تعرفو ليش لئنو الصديق وقت الضيق
اما الحب ولا مره كان صادق رح يجي يوم ويتكبر عليك
اما الصديق بلعكس بحس فيك وبيزعل على زعلك وبيفرح وقت فرحك
فى اكيد انا بختار الصديق
مشكوره على موضوعك
تاليا
.
.
خووووك
ربــيــعــووو

[just fofo]

مممممممممممممممممم

صراحتا

صراحتا

انا بختار الحبيب لانو الحبيب مابجي كل يوم ..... والحب تضحيه ومبني على اشياء لازم نفعلها لكن صداقه بتجي وبتروح ومافي صديق بها الايام قصدو منك خير الا كل فتره وفتره تلاقي حالك صار عندك صديق جديد مابضل نفسو لانو الا الايام تبعدكم ونفس شي لو صديقتي انحطت بهل موقف طبعا راح تختار الي بتحبو .. بعدين اذا الحبيب راح مابجي غيرو وصعب انك تفارق شخص حبيتو شو يعني هو الواحد لازم كل يوم يحب الي بحب حب جدي وحقيقي طبعا بختار هاده الخيار لانو مابقدر يستغني عن الي بحبو


هاده رأيي

[3ashka bsm6]

سؤالك كثير محير بس بختار الصداقة وليش؟ اذا بدي احكي ليش لبكرة ما بخلص سلام jack

[تاليا]

عنجد مشكورين كتير على مروركم وصراحتكم الحلوة كتير
مع انو في كتير وجهات نظر عجبتني وكانت مختلفة بس عنجد كل رايي صريح ومقنع وانا بشكركم كتير على صراحتكم الحلوة والمتناهية
مشكورين كتير يا احلى اعضاء
تاليا

[تاليا]

مشكور وسام على ردك الحلو اما انا شو خترت
بس الصراحة
انا مش ملائية جواب للسؤال هههههه مع اني طرحتو بس كنت حابة اسمع
رايكم او يمكن البعض من تجاربكم
بس شفت انو الحب لانو ازا انت حبيت انسان مش راح يكون نفس حبك لصديقك اكيد الي بتحبو الي حب خاص هادا
ازا كان حب حقيقي وجدي

ومشكورين الجميع على مروركم الحلو
تاليا

[عفريتة المنتدى]

ممممممممممممممممم شوي بحير الواحد بختار الحب والصداقة
ال2 مع بعض بس اكتر اشي الصداقة لانك اذا فقدتها مش ممكن ترجع
شكرا على السؤال الحلو
العفريتة

[LoNa]

يعني اول شي يا توتو بتشكركـ كتير ع موضوعكـ الحلو
لانكـ انتي دايمن بتفاجئينا بمواضيعك الحلوة متلكـ
بس انتي هالمرا سئلتي سؤال بجدددد محير
وراح اجاوبك ع السؤال
يعني انا من ناحيتي لو تعرضت لهيك موقف فبختار حبيبي ,,, لانه هو اللي راح يبئى ويضل معي واكمل حياتي معو للاخر على العكس من الصديق لانه الصديق حتى لو كانت صداقتنا قوية وكبيرة مستحيل تكون متل حب الحبيب لحبيبته ,,,واكيد تضحية الحب بتختلف تماماًََ عن تضحية الصديق لصديقة وبخصوصي بوئتنا الحاضر نادرا ما تلائي تضحية بين اصدقاء لانه بيكون الحب بينهم ائوى من التضحية,, وبعدين يعني اولن ع اخرن الصديق مش راح نبئى معه طول حياتنا ولا راح نكفي معو مشوار حياتنا فعشان هيك بختار الحبيب !!

برجع بتشكركـ ع الطرح الرائــــــــــــــــع
صديقتكِـ
لونا

[تاليا]

هلا حبيبتي لونا مشكورة على مرورك الروعة متلك
وعلى ردك العسل وانشالله ما حد بتعرض لهلموقف لاني شايف صعب
وبعدين انشالله كل واحد بيضل للي بحبو وما بتعرض لانو يختار بين الصديق او الحبيب
تحياتي الخالصة الك يا احلى لونا
صديقتك
تاليا الامورة

[تاليا]

مشكورة عفريتة على مرورك وردك الحلو
تحياتي الخالصة لالك
تاليا

[almasdomeh]

يسلمو اختي على الاسله الجميله

واح جاوبك عل قد الاسؤال :

اولاٌ : انا بختار الصداقه لانه ازا كان صديق حقيقي و وفي وقد كلمة الصداقه فسعتها بنقذو لانه الصديق ما بيتعوض وما اح اتلاقي متلو وخصوصاٌ لو كنت محل واحد من الاتنين ف الصديق بيكون سعيد ومتأكد انو اح ينقذو لانو صديقو .

اما لش ما انقذت لالي الحب لانه الحب مجرد كلام حتى لو كان حب حقيقي لانه الحب بوح وبيجي مع اي شخص بتلاقي مناسب او غي مناسب . .....


بس بلاكتر كيف لو صار هاد الشي معي حقيقي فأنا بودي انقذ الاتنين واموت حالي .. بس الله لا يورينا هاد اليوم امين



سوري على الجريده بس هاد رأيي


تـــحــــيـــ المصدومه ــــاتــــي

[ابو العاصف]

اول اشي بسوي برمي يمين الطلاق على حبيبتي علشان ما حدا يقول ماتت وهي حبيبتو وبنقذ صاحبي وبلخي يزبطلي وحدة غيرها مش مشكلة
البنات ملينات والحب كل يوم بنعيشو بس الي ما بنلاقي كل يوم هو الصداقة الحقيقة والصديق الي بحب صديقو بعيد عن المصالح الشخصية
شكرا كتير

[BaShAr MuStFa]

ازا كان صديقي وفي وصديق الي بحبو طبعا صديقي وبنسبة لحبيبي بنقذو انا كان وفي ولا لا هه مشكورة توت على السؤال الحلو وهاي مش اجابتي ولكن مطر هه تحياتي بيشوووووووووووووووووو

[black*cat]

ما بختار ولا واحد لأنو الا اكون ظلمت واحد فيهم
وازا كان واحد فيهم او لتنين الهم عمر بعيشو غصبن عني


تحياتي:black*cat

[meshooo]

ممممممممممممم
من جهتي ازا كان الحب حقيقي والداقة حقيقية
انا بختار التنين...
توتو ثانكس ع الموضوع الرائع
...
..
.
تحياتي لألك

[صمت الناي]

سؤال محير ومن جوانب عديدة
لو اجيت اختار الحب : الحب بهاي الايام ما الو غير معنى واحد انو حب يتسلى ويرمي بالاخر ويضحك على بعدك
لو اجيت اختار الصداقة: الصداقة بردوا بهاي الايام نادرة وما بتحمل اشي من الصداقة غير صداقة المصالح والمظاهر

اما مني وعلي ما في حب والحب كلو حب كزابي سوري هاي وجهة نظري
بعد هالرد الطويل حختار صديقي \صديقتي
مشكورة مشكورة يا بطة
مع انو سؤاللللللللل بحير

[تاليا]

هلا فيكم يا احلى اعضاء ومشكورين على مروركم الروعة
وصرحتكم الحلوة وانشالله ما حد بيتعرض لهلموقف
تحياتي الخالصة للجميع
تاليا

[razan]

ميرسي توتو
الصداقة طبعا
razoooooooooooooooooooooooon

[الامبراطورة]

يعني الصراحة انا مش عارفة شو بدي اجاوب لانو سؤالك محرج كتييييييييييييييييير
بس انا بدي اجاوبك
المثل بقول ( الاصدقاء شموع تحترق لاجل الصداقة)
وايضا في مثل بقول ( رب اخ لك لم تلده امك)
اما بالنسبة للحب الحب قليل ونادر هذه الايام لانو ما في شب بحب لاجل الحب او بنت يعني كلو واحد
حب اليوم مش حب هاد اسمو تسلية ولعب واحتياجات شخصية مش الكل طبعا
فانا راح اختار الصديق لانو الصديق الوفي مكانه قرة العين
ومشكورة اختي تاليا على سؤالك المحرج والصريح
مع تحياتي للجميع اختكم ............

( الا مــــــــبـــــراطــــــــــــــــورة )

[abu samra]

اول اشي مشكورة تاليا
من جهتي اكيد بختار حبيبتي وصديقي
بنفس الشي
لانو اذا كان الحب والصداقة حقيقية
مش راح اتخيل حياتي من دون واحد فيهم
مشكورة كمان مرة
تحيتي