..... أدخل وأعطي رأيك بمخيم نادي العيساوية .....

[محمد نخال]

السلام عليكم ورحمة الله وبركاته

هذا الموضوع هو عبارة عن إستفتاء لأهالي طلاب المخيم واهالي المرشدين و أهل البلد عموماً ..

وأتمنى من الجميع الدخول لهذا الموضوع وإبداء رأيه بالمخيم من كل جوانبه وإذا كان هناك سلبيات أن تكتب لكي نتجاوزها في الأعوام القادمة وما هي الإيجابيات لكي نعززها ...

تحياتي _ محمد نخال :5fc0f220:

[SąddaM]

بــشكرك اخي محمد نخااال على الموضوع الجميل

وانا بحكي مخيم نااجح وجميل والاولاد أنبسطوو كثيررر فيه

ومخيم ناادي العيسويه انشاءالله دائماا في المقدمه والنجاااااح

وبحب أشكر جميع المرشدين ويعطيهم الف عااااااافيه يااارب

تحــياتــيـ،،،،

[ضياء المجد]

يعطيكم ألف عافية، وأنا بالنسبة إلي بحب أشكر كل من ساهم في إنجاح المخيم من أعضاء ومشرفي منتديات العيساوية، والصراحة كان بودي أشارككم بس ما صارش مجال، ربما لبعض الالتزامات والظروف، وإن شاء الله خيرها في غيرها

وأكيد مخيمكم كان ناجح والأولاد انبسطوا فيه، والمرشدين أنا ملاحظ إنهم انبسطوا أكثر هههه

تحياتي

[جرح الزمن]

بسم الله
حابب احكي كلام مو كلمه وحده
1:: اول شي بشكر الاستااذ خضر على تنشيط مخيمااات جديده وباسم جديد ومرشدين جدد والاحلى طلاب حلوين


2:: المخيم كااان عباااره عن ترفيههه وتعليم زي ما حكى الاخ نخاال والتفاااصيل والأخبااار اللي كانت أول بأول هو اللي نجح المخيم ، فلولا ابداااع اخي محمد نخال لكان المخيم متل اي مخيم لكن هاد المخيم امممممممممم كتيييييير كتير حلو

3:: كان في نهفاات وحركاتتت من المرشين ببعضهم وكمان عمل مقالب في الطلاب
كان كماان سر من اسرار المخيم اللي اعتادو المرشدين فيها على بعض

4:: في نقطه حابب اذكرهاا محمد راجحه (أبو علي ) الصراحه قدم وافاد للمخيم وقف معهم وعاونهم وكان كمان سر من نجاح المخيم

طبعاا من بنسى الرحل اللي كل اسبوع بروحو بجد روعه ومخيم ولا أحلى

ومشكووورين للمرشدين كتييير مهضومين كلهم قدمو وكلهم استمتعو

تحياتي
أمير الحب

[Anas-3baid]

الف شكر الك أخي محمد نخال على هذا الموضوع الرائع

والمخيم كان كثير كثير حلو وأكيد انبسطو في كثير انتو المرشدين والطلاب كمان

أرجو انك تتقبل مروري لأني ما علقت كثير بسبب (التعب والنعس)
والسلام عليكم ورحمة الله وبركاته

[no love]

ألف شكر لجميع من ساهم في نجاح هذا المخيم ابتداء بالاستاذ خضر عبيد والمدير مراد محمود والى جميع المرشدين والمرشدات والف تحية لكم
تقبلو مروري no love

[محمد نخال]

أشكر جميع من صوت وشارك بالموضوع .....

وأتمنى من الجميع التصويت وإبداء رأيهم بالكتابة وليس بالتصويت فقط .. ولمن صوت بالفشل ارجو منكم كتابة سبب هذا الفشل ، لتصحيحه والتعلم منه ..

تحياتي ^_^

[العيساوي]

اممممممممممممممممم

اول قبل ما اعلق بدي اعرف شغله مجننتني ؟؟؟!!!

شو صار في البمبا والبسلي :4d6161fd:

واذا اجينا للجد:
اعتقد ان ما بيصير نسأل الاعضاء عن اذا ما كان المخيم ناجح ام لا
السبب بسيط

ارجعوا الى الصور
صور المخيم بكاميرة محمد نخال
لاحظوا البسمة عل الوجوه
هل من دليل اخر على النجاح ؟؟؟

والان كلم ةالشكر بحق كل من قام على انجاح هذا المخيم كما سبقوني وقالوها الكلام لا ولن يعطيكم حقكم
فبصراحة قدمتم شئ انتم انفسكم بجوز ما تكونوا عارفينه للنهاية وقديش هو كبير
بسمة طفل بتسوى الدنيا وانتوا عطيتوا لكل طفل بسمه وهذا بحد ذاته يجب ان يشعركم بالرضا وبعدها لا كلام سيفيكم حقككم
الله ينحجكم ويوفقكم

وصحيح كاميرة محمد نخال اعطت المخيم النكه المميزة
وايضا لا ننسى ابو معن على الدعم المتواصل بالتواجد والتفاعل والادارة
الف شكر لكم جميعا ويعطيكم العافية


بس شو صار بالبمبا .؟......:33c4b951:

[محمد نخال]

والله يا العيساوي البمبما والبسلي قصتهم قصة :33c4b951: .. الصراحة هو الإشي الوحيد اللي منكد علي في المخيم .. يمكن مش مستاهلة بس والله كل ما اتذكر بتنكد مش عارف ليش :33c4b951:... والحق علي انا لاني ما وزعتهم على الطلاب اول ما جبتهم ،، خلص السنة الجاي بوزعهم على طول ^_* هههههههههههه

تحيااتي :-(

[العيساوي الصغير]

السلام عليكم
أتسأل ان كان الأولاد فرحون
أنظر على البسمة انها تنساب من العيون
أما البنبا و البسلي فهي مخبئة في البطون
salamat

[العيساوي]

أما البنبا و البسلي فهي مخبئة في البطون

ههههههههههههههههههههههههههههههههههههههههه

نخاااااااااااااااااااااااااااااااااااااااال
شو بدكم توزعواالعاد السنة الجاي؟؟؟ ههههههههه
بمزح
صحتين وعافية وانكشف المستور هههههه

[Ali-3baid]

انا صوتت المخيم فاشل

اي احكيلك ليش فاشل لانو اول شي ولا واحد معو شهادة مرشد ثاني شي هذا كلو الشباب الي سجلو على شان بنات

وثالث شي انو انا لما روحت بدي اسجل مرشد كلهم صارو ضديييييي كاني قاتل ابوهم

انا على شان هيك حكيت فاشل

بس ما بعرف همي كيف حسو المخيم وان شاء الله كانو فرحنين ومبسوطين

[محمد نخال]

هههههههههههههههههههههههههه الله يسامحك ..

بس رح اعترف واحكي ، انه كيس واحد طلع من نصيب المرشدين ، والباقي من نصيب _________ ؟؟؟؟؟؟

هههههههههههههه

[دمار]

مشكور على الموضوع الروعه وعلى تصوت بشكرك يا محمد نخال مع تحياتي دمار

[خضر أبورميلة]

المخيم كان ناجح لدرجة كبير

نظرا

المرشدين الي اول مرة بيشاركوا بمرشدين

وو قدرو يقدم فعاليان و مسؤليه

من الصعب اصحاب الخبرات تقديمها


و الف شكر لكل للمرشدين و المرشدات
و لأستاذ خضر

و احلى سلام بعمي ابو علي على وقوفه بجانبنا بكل يوم بالمخيم

و كان أب و أخ و صاحب

للكل

و الف شكر يا محمد نخال على تعبك معنا



و لو بدي اكمل و اعبر عن احساسي و شعوري الي عشته بالمخيم

ما بخلص

لأنه بالفعل انه تشتغل مع ناس غربة و تصير علاقة ممتازة و نيصر عيلة وحدة

هاي شغلة كتير منيحة

و خاصة مع الشباب و الي بالمخيم

الي ما بيقدروا يقعدوا يوم واحد بدون ما يشوفو بعض

. بيتصلو على بعض و بيتفقوا على وقت و مكان محدد

على شان يشوفوا بعض

[ملكة في المملكة]

السلام عليكم ورحمه الله وبركاته

مشكور محمد نخال وانا صوتت انو ناجح لانو بالفعل ناجح بكفي تشوف الفرحه على وجوه الصغار

يعطي العافيه لكل المرشدين والمرشدات واستاذ خضر

عقبال السنه الجاي انشاء الله

تقبلو مروري

مع تحياتي al katkota

[أ. خضر عبيد]

اسمحوا لي أن أرد على تيمور ببعض الأسئلة البسيطة :
هل أنت لديك شهادة مرشد؟

لماذا لا تقول الحقيقة بأنك أتيت لتعمل كمرشد في المخيم والكل رفض؟ هذا كلام غير صحيح
هل نظرت الى فرحة الأولاد في المخيم ؟
ان تقييمك بأن المخيم فاشل لأسباب خاصة بك ونحن نبحث عن السلبيات الحقيقية لكي نتفاداها
أما بخصوص المرشدين حضروا للمخيم بسبب البنات هذا الكلام يعود عليك لأن العلاقة الأخوية التي كانت بالمخيم بين الجميع وأركز هنا على العلاقة الأخوية وتحتها عشرون خط هي من أسرار نجاح المخيم ورأيك يعبر أن
كل اناء بما فيه ينضح

[فادي]

طبعا واكيد انا صوتت انو المخيم ناااااااااااااااااااااااااااجح تقدروا تتأكدوا من خلال كاميرة نخال شوفوا كيف الاولاد مبسوطييييييييييين والضحكة والفرحة دايمن ع وجوههم ......

اما بخصوص تيمووو اللي هو صاحبي فبحكيلك يا صاحبي مش لازم تحكي هالحكي انو اتسجلنا عشان بنات ابو معن رد عليك وزيادة ما بدي اكمل واكتر حكي

انا متأكد 100% انو انتا صوتت فـــاشل عشان ما دخلت فيه صح ؟؟؟ بس عشان هيك

بعدين ما حد كان ضدك يا تيموووو كل القصة انو ما يف وساع انحطك مرشد لانو كان العدد كبير ...... بس مش اكتر


يلا بااااااااااااااااااااااااااااااااااااااااي

[Ali-3baid]

هل أنت لديك شهادة مرشد؟
طبعا لاء

لماذا لا تقول الحقيقة بأنك أتيت لتعمل كمرشد في المخيم والكل رفض؟ هذا كلام غير صحيح
هل نظرت الى فرحة الأولاد في المخيم ؟

والله يا استاذ خضر انا اتصلت عليك وحكتلك حابب اكون مرشد او مساعد وحكتلي انزل ومنشوف وانزلت وبعدين لما نزلت صارو كلهم ضدهم واذا مو مصدقني اسأل امجد محمود او احمد ابراهيم واتصلت عليك كمان مره حكتلي انك ما راح تقدر تيجي وانا حملت حالي روحت ولكن ولا احد شعر في المشاعر الي صارت معي انتو شو بعرفكو يمكن انا انجرت يمكن انكسفت يمكن اي شيء صارلي لانو الكل هيك ما بدهم ياني فحملت حالي وروحت
هل نظرت الى فرحة الأولاد في المخيم ؟

والله بصراحها قبل الرحلة اجيت على شان اشوف محمد ولقيت الولاد اكثير فرحنين ومبسوطين وان شاء الله يضلهم هيك طول حياتهم
انا لما حكيت المخيم فاشل مش انو المخيم في المشاركات والعب والاطفال والرحل والصور فشلين لاء ما تفهمني غلط
انا حكيتها بس لانو شغله واحد على شان رفضوني وبصراحها لانك جبت سيرت الصراحها وانا بحبها للصراحها انا اتحججت في كلمة وراح اعترف فيها انو ولا واحد ما معو مرشد هذه انا اتحججت فيها

ان تقييمك بأن المخيم فاشل لأسباب خاصة بك ونحن نبحث عن السلبيات الحقيقية لكي نتفاداها
أما بخصوص المرشدين حضروا للمخيم بسبب البنات هذا الكلام يعود عليك لأن العلاقة الأخوية التي كانت بالمخيم بين الجميع وأركز هنا على العلاقة الأخوية وتحتها عشرون خط هي من أسرار نجاح المخيم ورأيك يعبر أن
كل اناء بما فيه ينضح

والله بصراحها يا ابو معن او يا استاذي الواحد بكون مع البنت اخوي بعدين صداقة بعدين ......

سلامات يا استاذي

[cristiano]

انا أول شي بحيي هاد المخيم بس في مشكلة وحدة وهاي المشكلة بتمنى ما حد يعلق عليها وهي عن المرشدين ما حد معوشهادةارشاد الا ........ مراد محمود والباقي ما معو بس لما خلص المخيم اخدوهم بس هدول الشهادات ما بتاخدو هيك لازم اول اشي يدرسوهم شهادة قيادة شابة وارشاد ...................................




وشكرا وبتمنى ما حد يزعل

[دمار]

البسلي عندي مشاكل في البسكوت

هههههههههههههههههههههههههههه

[Ali-3baid]

بدي احكي الحكي الي انا كتبتو كان خاص فيا انا شخصي
وانا اسف لانو كتبت هيك مش لانو انا خايف من حدا لانو رجعت حالي ولقيت ضالم المخيم لانو بصراحها اكتشفت انو المخيم جميل بشكل رائع من كل النواحي من ابو معن ومن ابو علي ومن المرشدين ومن محمد نخال خاصتاً لانو كان يصور وكانت الاخبار اول في اول واريد ان اشكر ابو معن على هذا المخيم واتمنى ان يقدم اكثر من مخيم في السنوات القدامة

[أ. خضر عبيد]

الى الأخ الهكير لك كل الاحترام واننا ندرس هذه الناحية باهتمام كبير ولو أنك تابعت الموضوع (موضوع المخيم) أعلنا بأننا سنستمر مع المرشدين من خلال اقامة دورة للقيادة الشابه
ملاحظتك مقبولة وتشكر عليها

[FreE*SUn]

مرحبـــــــــــــــا

المخيم فعلا ناجح يعني انا كتير حبيت اشترك فيه بس ما في فرقة لعمري :(

وانا بشكر الاخ نخال والاشتاذ خضر والمرشدين والمرشدات على جهودهم الطيبة

وان شاء الله بصير في فرقة للبنات لصف تامن وتاسع لاني يجد حابه اشترك فيه يعني

وبكفي الصغار والكبار بكيفوا وشو بدنا اكتر من صو ر الكاميرا تعيت نخال انو الواحد بس يروح

من المخيم بشوف حالوا هاد كتير منيح ومن الايجابيات الف شكر للجــــــــمــــــــــيـــــــــــــع^___*

تحياتي \

FreE*SUn

:)

[أحلى توتو]

انا و الله المخيم اعجبني
بس عندي اقتراح يمكن بحسن المخيم في السنوات القادمة
و الاقتراح:
ان يتم فصل البنات عن الاولاد بكون افضل
انا بس منهادي الناحية حسيت في السلبيات
اما في باقي الامور فكان المخيم ناجح تماما
و بتمنى ماتنزعجو مني لانه مجرد اقتراح
تحياتي
^_*

[محمد نخال]

أشكر جميع من صوت وأبدا برأيه وإقتراحاته ..

وأقول لهؤلاء ( ღஜ¸¸MUNTASER¸¸ஜღ, &قاهر النساء&, أبن الخروبة, ابو الزمن (فتح), تيموو, دمار, يابوس, u s a, عاشق اليل والضلام, عاشق الصحراء, عاشق رونالدو, عاشق_العنود, فارس العيساوية )

الذين صوتوا بالفشل ..يجب عليكم المشاركة والتكلم عن هذا الفشل الذي تتحدثون عنه .. لعله إذا كان منطقي التعلم منه وتفاديه بالمستقبل


الى ===> FreE*SUn

أشكرك اختي على مشاركتك ... اما بالنسبة للفرقة ذي الصفوف الثامن والتاسع .. فهي موجودة واسمها فرقة الأسود .... أشكرك مرة أخرى على مرورك الجميل ^_^

الى ===> أحلى توتو

أشكرك اختي على مرورك الرائع وعلى إقتراحك المنطقي .. وسوف يتم أخذ هذا الإقتراح بمحمل الجد ومناقشته بين المرشدين والإدارة


تحياتي

[abo 3zab]

والله مبين من انجح المخيمات الصيفه
باكي
نادي العيسويه من انجاز لانجاز