سؤال لشباب والصبايا الي بقرأ الموضوع يعلق ويكتب الجواب بصراحه [الأرشيف]

المتحريه

19-07-2007, 05:49 PM

اول اشي شكرا كتيييير للي جاوبو وبنبش انرد عليكم

اول اشي اخوي فؤاد ليش هيك متلبك ومش عارف شو تقول هاد مجرد سؤال وبنعرف انك كل واحد حر وبعمل الي على خاطرو وسمك يا عمي حلو وبنعرف انك مش حاطه عشان يضفوك ل..
كل الاحترام الك على جوابك

تاني وحده اختي المصدومه

انو حكالك انك مفروض اتحطي ايميلك اتخفيش ازى في مشكله براسلوكي على الرسائل الخاصه وبعدين المدير ونائب بعرفو ايميلك ولا كيف بوقفو عضوية الواحد لما يسوي مشاكل من الايميل عشان هيك مش مفروض اتحطي
وانت مش حاططتي يعني برافو عليكي هاد الازم انو ما ينحط بس ليش ينجط على الدردشه الله يسامحك !!

المتحريه

19-07-2007, 05:52 PM

تالت واحد الخاندرو

هاد المزيوط والله يا اخوي كل الاحترام الك انك مش حاطط ايميلك

رابع وحده ريم الفلا

جوابك والله يا عمي عجبني
هاد الصحيح يعني الايميل لناس الي منعرفهم فيس تو فيس وللاهل والاصدقاء

كل الاحترام الك والله

*أحمد*

19-07-2007, 05:56 PM

مممممم

اسف كتير ع تدخلي مره تاني

بس اجيت احكي كلمه

وهي انا بحترمك يا اختي نرمين اشد الاحترام

لانو جد يعني من اللي شخصياتهم قويه بالمنتدى

والله يا رب يخلي كل بنات المنتدى متلك

ومتل كارين وندين وسوفت جيرل و ريم الفلا والمتحريه وليل الهجر و ......... كتير

وبحب اقول انو جوابك جواب بنت فهمانه

وهذا هو واسف ع التدخل

وشكرااااااا

بركان الغضب

19-07-2007, 05:58 PM

اوكي بس انا مش متلبك عادي هاد سؤال ما في شي لا هو عيب ولا غلط مزبوط

بعدين كل واحد بيمشي على راسو

وانا جوبتك على سؤالك

شكرا مع تحياتي

المتحريه

19-07-2007, 05:58 PM

الخامس احمد

شكرا على جوابك الصريح وانا معك في مشرفين بحطو عشان المساعده وفي منهم مش عشان المساعده
عشان يعملو متل باقي الاعضاء وكل الاحترام لنوع الاول بس الي بس عشان يساعدو
وبنسبه للبنات انا معك 100% بتراهن انو ولا وحده حاطه ايميلها راح اتجاوبني على سؤالي
وكل الاحترام الك انك مش حاطط ايميل يعني اتقيل انت على البنات والي بدها مساعده بتعطيها الايميل والي بدها تتعرف ادور على واحد تاني يا سلام عليك عجبني ردك كل الاحترام اخوي

السادس محمد يا هلا يا هلا كنت متوقعه الكل ايجاوبني الي انت لاني بعرفك ما بطيقنننننني من مره المهم

كل الاحترام الك ورايك يعني ايميل اسبير وايميل للاصدقاء فكره حلوه مش غلط موفق انشالله

كل الاحترام الك ولردك الصريح

almasdomeh

19-07-2007, 06:01 PM

اممممممممممم والله يا متحريه بعرف انو عندهم ايميلي بس السؤال هو ايميلي ولا لا ؟!!
ومرسي على ردك لالي
وكمان حطيت اميلي بالدردشه هيك اجا على بالي بس برضو اندمت !!!!!!!!!!!!

بس بدي احخكي ل نرمين انو مش عيب البنت تحكي مع الشب !!!!!!!!!!!! صح اما ازا بأشاء تانيه ف اكيد عيب وحرام و حكي من هون ومن عند الناس يعني متل امة لا اله الا الله !!

وانا من جهتي يا احمد مش عشان بحب اتصيع مع الشباب لا بس بحب اكسب صداقه من الصبايا والشباب وهاد الشي مش عيب !!!!!

المتحريه

19-07-2007, 06:02 PM

تسفيق لنرمين
يا سلام عليكي يا اختي والله انا بعرف اجوبتهم للاسئله بس بدي اعرف راي اشباب وخلي البنات الي حاطه ايميلها تعرف وتشوف شو الشب بوخد فكره عن هاي البنت كل الاحترام الك ولعقلك ومتل ما تفضل احمد انتي من البنات الي شخصيتهم قويه انتي وكارين وندين وسوفت جيرل وغيرهم كتير

شكرا

*أحمد*

19-07-2007, 06:03 PM

هههههه

والله يا اختي المتحريه بتقدري تروحي تشوفي ملفي الشخصي

والله قمت الرسائل الخاصه لانو جد راسي انفجر

مليون رساله تجيني باليوم هههههه

وقمت الرسائل الخاصه وبطلت لا بدي اساعد ولا بدي اتساعد

واللي بده اساعده مش ع الايميل

ازا شب اه ع الايميل اما ازا بنت في قسم اسمه الاقتراحات والشكاوي

على ما اظن

وانا كمان يا اختي المتحريه بحترم ردك عليي وطبعا انا ما حكيت كل المشرفين

وشكراا ع الاسئله الروعه

وجد انو موضوع حلو ههههه

وشكرااااااااااااااا

نسائم الايمان

19-07-2007, 06:05 PM

انا ما بحط ايميلي على المنتدى لانو رح يضيفوني وانا ما بحب احكي مع ناس ما بعرفهم
فليش احط ايميلي ؟؟؟

المتحريه

19-07-2007, 06:05 PM

منرجع لاحمد

شكرا كمان مره على تدخلك ودخل وانتا ما بدك طالما الحكي الي بتحكي صح وصح 100%

كل الاحترام الك يا اخوي

وشكرا

الطفله الصغيره

19-07-2007, 06:07 PM

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههه

ولله انكم بضحكوااااااااااااااااااااااااااااااا

المتحريه

19-07-2007, 06:09 PM

برجع لاختي المصدومه

وشكرا على ردك مره تانيه

بس انا بحكيلك البنت عيب ومية عيب تحكي مع شب ما بتعرفوا على الايميل اما اذا ابوكي راضي على بتعملي وراضي انك اتصادقي شباب على الايميل يا عمي هون احنا ما دخلنا وما بندخل اصلا اما انا ومن وجهت نظري عيب ونص البنت تحكي ومع شب على الايميل وكحادثات خاصه ببلشو يحكو حكي بريء بعدين ابصر شو بتتحول هاي البراءه

كل الاحترام الك مره تانيه

المتحريه

19-07-2007, 06:10 PM

اختي الطفله الصغيره صحيح احنا بنضحك بس انتي بضحكي اكتر منا

اصحي خلي الي جمبك يعطيكي كاسة مي بلاش يغمى عليكي من كتر الضحك

احنا عالم بضحك لما يكون بنا ناس ما بتعرف اتناقش

شكرا

-M7mad-

19-07-2007, 06:10 PM

شوووووووو هالحكي ياطفله صغيره عيب عليكي احنا بنحكي موضوع جد

وبعدين احنا كلنا هون اخوه وبنحب مصلحه بعض

يعني ازا الموضوع مش عاجبك ما تدخلي

المتحريه

19-07-2007, 06:12 PM

اختي ليدي ليدي

كل الاحترام الك ولردك الصريح والصحيح 100% ليش الوحده اتحط ايميلها ازى بتعرف انو الشباب راح اضيفها غير ازى كانت حابه تعمل هيك

كل الا حترام الك مره تانيه

وشكرا

المتحريه

19-07-2007, 06:13 PM

يسلم تمك يا محمد بس بدنا نتحملها صغيره

يسلمو يا محمد على تدخلك كمان مره وهي الي بفهمو

كل الاحترام الك اخوي

نرمين

19-07-2007, 06:15 PM

تواخدوهاش يا جماعة بضل طفلة وصغيرة

وشكرا لرأيكم الاجابي فيّ

كلامكم شهادة بعتز فيها

المتحريه

19-07-2007, 06:15 PM

منرجع لفؤاد شكرا لردك مره تانيه

واسفين اذا انزعجت من كلمة متلبك

كل الاحترام الك اخوي

وشكرا

-M7mad-

19-07-2007, 06:16 PM

لا لا يا متحريه ما بدها شكر احنا اخوه

وازا انا ما ناقشتك بنوضوعك وانت ما ناقشتيني بموضوعي

ليش انفتح المنتدى معناتوو

جد موضوعك كتير حلو

almasdomeh

19-07-2007, 06:16 PM

يا بنتي افهمي هاد الشي مش عيب بعدين لما يكون في اب بتيجي بتحكي عن ابوي
المهم نرجع للموضوع انو ليش عيب ؟؟ هاد شب مش كاين شي تاني بعدين انا بعتبر كل الشباب الي بالمنتدى متل اخوه لالي مش اكتر بعدين لليش يعني اتعرف انا اول شي بعرف كيف تصرفاتو معي بلأول بعدين تصرفاتو بالمنتدى وهيني بقولك انو كل الشباب الي بالمنتدى عسل وحبوبين بس متل اخوه لالي مش اكتر

تحياتي

المتحريه

19-07-2007, 06:16 PM

شكرا لمرورك اختي نرمين كمان مره

كل الاحترام الك وانك رديتي كمان مره

شكرا

المتحريه

19-07-2007, 06:19 PM

شكرا يا محمد صحيح انها الناس بتنعرف لما يصير معك مشكله وبتشوف انو بوقف معك وانو بوقف ضدك

كل الاحترام الك وانشالله بنضل عند حسن ضنك وبتناقشني في مواضيعي وبناقشك في مواضيعك كل الاحتراااااام

وشكرا

*أحمد*

19-07-2007, 06:21 PM

مممممممم

مع احترامي لصبايا المنتدى

بس حبيت احكي شي ما حكيته ازا ما عندكم مانع

والله كتييييييييييييييييير انا واخوي المدمر وبتقدرو تسالوه

بندخل وبنشوف شو الاعضاء بيعملو عن طريق

المتواجدين الان

مممم اللي ببعت رساله لوحده واللي بوخد بايميل وحده حاتيطه ع المنتدى

وجد يعني كانو كتير بنات يراسلوني بس معضمهم تعارف

وفي جد منهم بحترمهم لانهم طلبو المساعده وساعدتهم

ولحد هلء مبسوطين مني

وعشان قصة التعارف عن طريق الرسائل الخاصه

صارو جميع الرسائل مراقبه

وشكراااااااااااااا

تحياتي

ابو حميد

المتحريه

19-07-2007, 06:21 PM

منرجع للمصدومه لتالت مره

كل الاحترام الك اول اشي بعدينش انتي بتحكي انو الاعضاء متل اخواتك بس يا هل ترى الشباب الي بالمنتدى ببادلوكي نفس الاحساس اسالي حالك هاد السؤال وارجعلي منشان نتاقش

شكرا

بركان الغضب

19-07-2007, 06:21 PM

لا انا والله معك مو منزعج ولا زعلان انا معك وراح اضل معك

بعدين انتو شو بدكم في الحكي ما في حد بيخلص من حكي العالم

وبد اسأليك سؤال يا اختي ((المتحريه ))

1- ليش اخترتي هاد الموضوع ؟؟؟؟

2- شوفتي شي غلط ولا عيب من حد ومين هاد الي شفتي ؟؟؟؟؟

3- شو يعني هاد الشي عيب ولا غلط ؟؟؟؟؟

4- شكرا الك ونا معك وراح اضل معك وانا مو منزعج لا مبسوط على الموضوع حلو كتير

شكرا مع تحياتي

المتحريه

19-07-2007, 06:24 PM

منرجع لاحمد للمره الرابعه

شكرا كتير كتير يا اخي على الامثال الي بتعطينا اياه وبتورجينا شو الاعضاء بسو

وكل الاحترام لانك متابع الموضوع وبتقرا كل الردود

وانا يعني بعد ما شفت هاد الاشي حطيت الموضوع

وشكرا الك وكل اشي بخطر على بالك اكتبو خلينا نتناقش

شكرا

almasdomeh

19-07-2007, 06:28 PM

هههههه والله يا متحريه ازا هم ما ببادلوني هاد الشعور لبلاش بس الاهم يعرفو انو شعوري كأخوه مش اكتر وازا في بعض الاعضاء حابين يتعرفو مش متل اخوه مرحبابهم مش راح احكيلهم لا بس لو بتعرفيني كويس كان سألتي واحد من الاعضاء الي ضافوني ما اعتبرني متل اختو بتعرفي كيف طريقتي معو او كلامي معو حتى انو صار يقولي ليش بتحكي معي هيك !!
والله انا الي بيعتبروني اخت لألهم والله طريقتي معهم غير شكل اما مش متل اخوه ف شوفي كيف ما بتلاقي اجمد مني !!!!!!!!! بيكون كلامي جامد !! وووووووو متأسفه غلبتك معي بهالحكي

اما يا احمد اها كويس انهم براقبو الرسائل الخاصه !!!!!!!!

تحياتي !

المتحريه

19-07-2007, 06:30 PM

لا انو والله معك مو منزعج ولا زعلان انا معك وراح اضل معك

بعدين انتو شو بدكم في الحكي ما في حد بيخلص من حكي العالم

وبد اسأليك سؤال يا اختي ((المتحريه ))

1- ليش اخترتي هاد الموضوع ؟؟؟؟

2- شوفتي شي غلط ولا عيب من حد ومين هاد الي شفتي ؟؟؟؟؟

3- شو يعني هاد الشي عيب ولا غلط ؟؟؟؟؟

4- شكرا الك ونا معك وراح اضل معك وانا مو منزعج لا مبسوط على الموضوع حلو كتير

شكرا مع تحياتي

اهلا وسهلا فيك يا اخوي للمره التالته على التوالي

ابلش اجاوبك

1- ليش اخترتي هاد الموضوع ؟؟؟؟

انا اخترت هاد الموضوع اول اشي عشان اعرف اجوبت الاعضاء وخصوصي الي بحطو ايميلاتهم
ونفس الاشي عشان بدي البنات يشوفو شو الشباب بوخدو فكرا عنهم طبعا البنات الي بتحط ايميلها على المنتدى

2- شوفتي شي غلط ولا عيب من حد ومين هاد الي شفتي ؟؟؟؟؟

الي شفتا مهزله بكل معنى الكلمه رسائل خاصه ايميلات وغيرها لشو كل هاد ؟؟؟؟

3- شو يعني هاد الشي عيب ولا غلط ؟؟؟؟؟

والله انت شو رايك عيب ولا غلط طبعا عيب وغلط كمان وكل واحد اله رايو

4- شكرا الك ونا معك وراح اضل معك وانا مو منزعج لا مبسوط على الموضوع حلو كتير

شكرا مع تحياتي

شكرا الك انت كمان

المتحريه

19-07-2007, 06:32 PM

شكرا لردك يا مصدومه

وكل الاحترام الك وكل واحد عقلو براسو بعرف خلاصو

وكل الاحترام كمان مره الك وشكراااا

almasdomeh

19-07-2007, 06:33 PM

لا ولو لشو الشكر العفو يا حبيبتي !!!!!!
.................................................. ................

المتحريه

19-07-2007, 06:34 PM

وبحب اشكر كل واحد قرا الموضوع وما علق كل الاحترااام

بس مش عارفه ليش ما علقو معكول ضعف شخصيه

على كلاً شكرا

7amdaneya

19-07-2007, 06:35 PM

mashkoora o5ty 3ala so2alek

so2alek 7elo wallah o ana 7abba aja^^^

bsra7a ana ma 7a6ee6 emaily bel montda 3shan heek heek ana eza be6l3ly 7ada 3al email ma be3rfo basaweelo block o delete 6awaly...
b3den ana fel montda lal mosa3ada o lal mosharaka bel mawadee3 mish la 3ard emaily lal ta3arof
welle bedo menne eshi momken 3al rasa2el el 5assa

المتحريه

19-07-2007, 06:40 PM

يسلم تمك يا حمدانيه

كل الاحترام الك يا اختي والله هاد الي لازم يصير الي ما بنعرفو بلوك ودليت على طول ما بدها حكي
ومتل ما حكيتي احنا هون عشان المشاركه في المواضيع الهادفه مش الكلام الفاضي كل الاحتراااااام الك

وشكرا

بركان الغضب

19-07-2007, 06:41 PM

بس بدي احكي اخر شي عندي
يا اختي ((المتحريه)) ,, اذا انا ازعجتك ولا اغضبتك ولا ازعلتك فانا اسف جدا جدا و للكل انا اسف ازا ازعجتكم ,,

وما تاخزوني على الازعاج

شكرا مع تحياتي

المتحريه

19-07-2007, 06:45 PM

يا اخوي فؤاد ليش انت حاسس انو السؤال هاد موجه الك
وليش حاسس انو هاد السؤال انا كتبتو عشان اسمك الي في المنتدى هو اميلك

ازا انت بتفكر هيك انت غلطان

انا هاد الموضوع كتبتو عشان البنات والشباب الي بحطو ايميلهم على المنتدى مش شرط يكون اسمهم هو ايميلهم لا الاشخا الي بتحط اميلها بشكل عام في المنتدى

وانت يا اخوي من الاشخاص الي بحترمهم كتير وما شفنا منك الى كل خير وما ازعجتنا اصلا عشان تتاسف

كل الاحترام الك اخوي واذا ازعجك الموضوع انا الي بتاسف

وشكرا

almasdomeh

19-07-2007, 06:48 PM

اوك اختي متحريه متأسفه ازا ازعلتك بشي او قلت كلام مش كويس

......................................

SaNdRa

19-07-2007, 06:50 PM

أول اشي شكرا لطرحك الموضوع
بس هلء لو جيتي سألتي اي عضو او عضوة حاطط ايميلو بالملف الشخصي بيحكيلك لا ما كان قصدي عشان
التعارف وما بعرف شو وما كنت اعرف
يعني بصراحة زي الي بحط البنزين جمب النار وبيقول ليش صارت الحريقة
وبعدين المنتديات ما بتخلا من اعضاء (ما انتو عارفين ) يعني مع احترامي للجميع
ومتل ما قالت نرمين احنا ببلد عربي عندنا عادات وتقاليد اما الي (خالف تعرف ) هو حر بالاخير ما حد بيخسر غيرو واهم شي في البنت سمعتها اما اذا بطلت سائلة عنها ف على الدنيا السلام
وشكرا الك كمان مرة

بركان الغضب

19-07-2007, 06:53 PM

لا انا عادي وبحكي كمان مره انا معك وراح اضل معك
انا فاهم الموضوع 100000% بس
انا ما بحب حد ينزعج مني او يزعل بس
ونا مو زعلان منك عادي ما انتي زي اختي

شكرا مع تحياتي

المتحريه

19-07-2007, 07:18 PM

له يا مصدومه انتي بتعرفي منيح قديش انا بعزك وبحبك وبحترمك وبلعكس ما ازعلتيني في اشي

وكل الاحترام لمتابعتك اختي

المتحريه

19-07-2007, 07:20 PM

اهلا وسهلا فيكي اختي ساندرا شرفتي

وكل الاحترام الك ولردك الرائع متل ما اتفضلتي احنا في عنا هيك وهيك وبدهم يبلشو يبررو

يلا بدنا نتحمل وشكرا لردك الطيف والصريح

كل الاحترام الك

المتحريه

19-07-2007, 07:23 PM

الله يخليك يا اخوي فؤاد واكيد انت كمان زي اخوي وبلعكس انت من الاعضاء الي كتير محترمين وما بزعجو حدا وما بتتخالط بالاعضاء كتير

وبالعكس كمان انت ما ازعجتنا ولا حدا بزعل منك كل الاحترام الك اخوي وبتمنى انك ما اكون ضايقتك في ايشي لا سمح الله

وشكرا لمتابعتك ومناقشتك واسئلة الرائعه

وشكرا

-M7mad-

19-07-2007, 07:33 PM

مرحبا يا متحريه الله يعطيك العافيه

شو فكرك انت بهادا الموضوع راح تفتحي عنين الاعضاء على مشكله ما كانو يعرفوها

او الشباب والبنات الي بضيفو بعض على الايميل راح يبطلو يضيفو بعض بعد هادا الموضوع

انت حاطه الموضوع يعني للنقاش ولا ئصدك التصليح... ؟؟؟؟

المتحريه

19-07-2007, 07:45 PM

يا هلا يا محمد

الله يزيدك عافيه يا رب اهلين فيك مره تانيه

هينا يا محمد اتناقشنا وما بتعرف يمكن الاعضاء يصلحو حالهم وبعضهم يرتدع عن هاي الاعمال

ويمكن انا حاطه الموضوع لاني بدي اعرف شو بدهم يعلقو البنا ت الي حاطات ايملاتهم بس للاسف وزي ما انت شايف ولا وحده منهم ردت على الموضوع قولتك خجلو او انو هاد النوع من البنات ما بخجل؟؟

وكل الاحترام الك يا محمد

-M7mad-

19-07-2007, 07:52 PM

تسلمي يا متحريه ........

لانو في كتير عالم شباب وصبايا بحكو عن المنتدى

انا مرات بمرئ من جمب شباب وبسنعهم بحكو انا حكيت مع هديك وهديك حكت معي عالمنتدى

وهديك بتكون بنت الخ..

عشان هيك انا ما بدي احكي مين انا ولا راح احكي مع انو انا شب ما بتفرء عندي

بس خلص

بعدين بتعرفي انو صار مشاكل كتير بين الشباب ووصلت لمد الادين بين الشباب

و ليش يا متحريه بتحكي انو انا ما بطيئك اااه ؟؟

المتحريه

19-07-2007, 07:56 PM

والله يا محمد معك حق يعني وانا ما بسمع هاد الحكي والله بسمع بس شو بدك تعمل مع هيك ناس

طيب بدي اسالك سؤال وجاوبني عليه بصراحه هالحين انت البنت الي بتحكي وبتمزح مع شب ما بتعرفو وبتظرلها نظره زي البنت المحترمه حاله ولا نظرتك بتختلف من وحده لوحده جاوبني بصراحه

ابصر هيك انا بحسك ما بطيئني ابصر ليش ههههه يلا مش مشكله

-M7mad-

19-07-2007, 08:21 PM

انا رايي انو في بنات كتير محرومات من الطلوع من البيت وهادا الحكي

بخليهم لما يشوفو شب يبطلو يجمعو مش انو بدهم يتعرفو بس بتعرفي البنات بتحب تلفت نظر الشباب ط

انو يطلع عليها

والمنتدى في بنات بستغلو فرصه عشان يحكو مع الشباب

وانا بعرف انو اغلبيه البنات الي بئعدو يحكو مع بعض بموضوع بكون الموضوع عن شب

ننوش

19-07-2007, 10:08 PM

انا مني وعلي بشوف انو البنت الي بتحط ايميلها بنت فاضية لتسليه وبنت مش مقتنعة بحالها يعني لو ان شب بنفول الشب مهو شب يعني بس البنت شو بدها ما اظن حاطتو يتهوى عشان ما عندهم بلكون اكيد في ورا كل شي شي يعني ورا كل فعل ردة فعل وهي بتستنى ردة فعل الشب واكيد الاضافة
اما بالنسبة لشب فهو حر لانو دايما بمجتمعنا الشب ما بنعاب عنا البنت الي بتصير سمعتها كتير بالمرة

هادا رأي بس انا ضدد كل هشي لانو احيانا البنت بتحطش ايملها بتاخد ايميل

شكرا هادا راي

*أحمد*

19-07-2007, 10:11 PM

مممممم

بس انا بدي اقلك يا اخوي محمد انو نص شباب المنتدى بحبوني انا والمدمر للمصلحه

بتعرف ليش لانو شعبيتنا بالمنتدى كتيره ومليان بنات حابين يتعرفو علينا

انا ما بحكي هيك انو يعني بتكبر بحالي او شايف حالي

انا بحكي هيك لانو انا الصراحه حبيت هذا الموضوع واناقش عليه

وبخصوص بكلمة (( وانا بعرف انو اغلبيه البنات الي بئعدو يحكو مع بعض بموضوع بكون الموضوع عن شب ))

والله لانو البنت بتعطي الشب عين بمجرد يقلها يا قمر او من هدول الكلمات والله هذه البنت بتكون مش محترمه وبكره هذه النوعيه

وفي شب بيعطي للبنت عين بمجرد حكتله عسل ولا ابصر شو وصار يسمحلها تمسح بكراته الارض

واغلبيتهم عارفين حالهم على ما اظن وبدون ذكر اسامي

وانا الحمد لله عمري ما اعطيت للبنت عين لغير اكم من بنت بحترمهم بالمنتدى

ولغينا الدردشه مشان قصة التعارف والكلام الفاضي

اللي صار يتغزل واللي صار يتعرفي واللي صار يقاتل .........

وكمان رجعناها مشان في اكم من عضو محترم طلب انو يرجع الدردشه

ورجعنالهم اياها بأنها اخر فرصه

وفي كتير اعضاء بعرفهم داخلين يتعرفو

وفي كتير شغلات بقلبي مخبيها

وع كل حال

((هدف المنتدى مش للتعارف هدف المنتدى للأستفاده ))

وشكرا

هاتو كاسة عصير بارده نشفتولي ريكي هههههه

وتحياتي ابو حميد

ننوش

19-07-2007, 10:17 PM

انا بدي احكي كلام احمد مزبوط بس زي اكنك مغرور يعني نفهم انو الشباب متل البنات بردوا بالاخير كل نفس بدور على الشي الي بتحبوا وكل انسان بدور على الحب والعطف بس مش عن هاي الطرق

ننوش

19-07-2007, 10:20 PM

مع اني ما بنكر طلبت المساعدة من اكم من مشرف يعني زي خيال وادم طلبت حكيت معهم لمجرد المساعدة وكمان شخص لحل مشكلة مش لتعارف
بس هلء عندي مشكلة لازم اوصل لشخص بس سكرها من كل النواحي مش عارفة كيف احكي معو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

*أحمد*

19-07-2007, 10:21 PM

ههههههه

والله يا راشيل اللي بدي اقلك اياه

انو البنت الفهمانه وقرأت جوابي

ما بظن انها تحكي الحكي اللي حكتيه

اقرأي وافهمي

وشكرا

المتحريه

19-07-2007, 10:42 PM

شكرا لتفاعلك يا احمد مع الموضوع

بس قبل ما اشكرك خلينا انشوف راشل

اول اشي شكرا يا راشيل لردك

تاني اشي هاي المشكله الحقيقيه الي احنا بنعاني منها الشب حر اما البنت لاء مش حره طيب ازى الشب حط ايميله على المنتدى يعني بدو بنات يحكو معو واز فرضنا انو الشب جط ايميلو فكرك البنات ملائكه ما راح يضيفو بضفو وبضيفو ابوه مع احترامي لنوع التاني من البنات البنات المؤدبات طبعا

وانا والله مني وعلي اهلي حطين في الثقه وحطين في الدار نت ليش اخذلهم واصيع واضيع في هاد العالم لكبير لا بضل محترم حالي ومحترم ابوي وامي وهيك بكون كبيره في عين الي حولي وعين امي ابوي

وشكرا

المتحريه

19-07-2007, 10:46 PM

نرجع هالحين ل احمد

والله يا احمد كلامك جواهر يعني والله هاد الكلا م الي لازم انحكى من اول النقاش انو في المنتدى متل مل بتحكي الولد هو الي بعطي للبنت عين تتمادا معاه والبنت هي الي بتعطي الشب عين يتمادا معاها

يعني هاي عسل وقمر وابصر شو لشو هالكلام الفاضي اكيد شباب المنتدى ما بقبلو على خواتهم هيك يحكي صح كلامي ولا لأ

وشكرا كتير لردودك المحترمه يا اخي المحترم

*أحمد*

19-07-2007, 10:47 PM

والله يا اختي متحريه

انا شفت هذا الموضوع بدو مساعده من شخص بفهموه الاعضاء

وانا قررت اقف جنبك بالموضوع هذا

طبعا ازا ما في مانع

وشكرااااااا

وتحياتي

ابو حميد

المتحريه

19-07-2007, 10:50 PM

حياك الله يا احمد

بس زي ما انت شايف في اعضاء زي ما بحكو دق المي وهي مي بس بدهم يناهدو فيك ويا ريت بغيروا فكرهم لاء بشوفو الغلط وبتمسكو في

بعين رب العباد

ما عندي اي مانع اخوي بالعكس

وكل الاحترام الك

محمد نخال

20-07-2007, 01:02 AM

السلام عليكم ورحمة الله وبركاته

بدايةً .. أشكر أختي المتحرية لطرح هذا الموضوع ولفتَ نظري طريقتها المميزة بالرد على الموضوع ...

قبل ما أدخل بالموضوع بحب أحكي .... يا ريت كل واحد بيحكي كلمة في المنتدى تكون نفسها على أرض الواقع ...

بالنسبة للسؤال الأول .. ليش الشب بحط الايميل تاعو في المنتدى ؟؟

السؤال مخصص للشباب ... والشباب أنواع وطباع كل واحد بختلف عن الآخر .. بس بتجمعهم شغلة وحدة اللي هي الرغبة في التعرف على النبات ... يعني مش معقول شب تيجيه إضافة من بنت وما يقبلها لو كان أعقل الشباب !! ... بس الدور على طريقة الحكي اللي بدور بيناتهم ..... و الشب بحط ايميله لأسباب .. انا مثلاً عامل ايميل خصوصي للمنتدى وللرسائل اللي بتجيه .. وتقريباً كل أسبوع بفتحه .. وأي إضافة سواء من شب او بنت طبعاً ما برفضها حتى أشوف شو بده ... والسبب للمساعده .... في أسباب أخرى من قبل شباب آخرين بكون هدفهم التعارف أو التسلية أو أو أو .. الخ

السؤال الثاني .. ولي ما بحط ايميلو في المنتدى كمان ليش؟؟

يا اما بعرفش الطريقة ههههههههه وكثير بتصير ... أو عنده بنات كفاية مش فاضي يفتح مشاريع تعارف كمان ... أو هاد العضو مشكلجي فما بخلي أي دليل حتى ينعرف انو هو .. أو أو أو ......... الخ

السؤال الثالث والرابع .. ليش بتحطي ايميلك في المنتدى ؟؟
ولي ما بتحط ايميلها بالمنتدى برضو ليش؟؟

أول شي انا مش بنت حتى أعرف كيف بتفكر :36_1_5: .. بس من طريقة مشاركاتهم وتصرفاتهم في المنتدى خصوصاً ، بستنتج أنه التفكير بين البنات بختلف 360 درجة .. في منهم بياخذوا الشباب كأخوة لهم والله أعلم الشب إذا ببادلها نفس الشعور وأنا بحس هاد النوع من البنات مساكين .. وفي بنات ما الهم بهالشغلات وأول ما يشوفو إضافة من شب بلوك ودليت على طول .. ( يا عمي هيك البنات ولا بلا ) ..:36_1_11: .. وفي عندك بنات ما بصدقوا وتيجيهم إضافة حتى ينكشوا راس على الشباب ..... الخ الخ

انا شخصياً بحتقر أي شب بتذلل لبنت بطلب إيميلها أو في الشارع مثلاً بيكعد يرمي كلام .. ولو أختو محل هالبنت كان الله وأعلم شو بصير ؟؟..!! وكل هاد بعود لتربية الأهل والأصدقاء اللي بمشي معاهم ( قل لي من تصاحب أقل لك من أنت ) ..

هلكيت بخصوص وضع إيميل البنت في المنتدى .... الأعضاء القديمين اللي بكوا في المنتدى بتذكروا قصة سرقة إيميلات البنات وإذا ايميل بنت إنسرق بتجر معاها باقي إيميلات صحباتها .. وهات لحك إضافات ...!! .. وبتوقع كل بنت حاطة إيميلها في المنتدى مش أقل من 10 إضافات في اليوم ( يمكن ببالغ .. بس ما تنسوا مش بس العساسوة بخشوا على المنتدى ) ..

والبنات اللي ما بحطوا إيميلاتهم في المنتدى .... بحكيلهم كلمتين .. كل الإحترام :36_1_39: .....

آسف إني طولت عليكم بالرد .. بس والله إختصرت قديش بقدر لانه الموضوع بحر ما في اله شاطيء ... الشاطيء الوحيد ( انه الشبكة العنكبوتية تدمر هههههههههه بالنسبة الكم كارثة .. والي كمان :36_1_14: )

يلا سلاااام :36_1_39:

ليل الهجر

20-07-2007, 06:21 AM

اولا اختي اشكرك على طرح السؤال....
طبعا انا من الاعضاء اللي ايميلهم مش موجود بالبروفايل...والسبب اكيد معروف........
اول شيء انا ما بأمن بالعلاقات التي تتم من خلال الايميل او النت بشكل عام....(بعد تجربه)...
لانو برأيي بكون الشخص مضغوط من حياته اليوميه وعم يدور على مخرج منها...بلاقيه ع النت...بانو يعيش شخصيه تختلف عن شخصيتو او ع الاقل انو يجمل شخصيتو... وللأسف دائما اتجاهنا نحو الجنس الاخر...
يعني سمعت كتير تعليقات هلأ وقبل وح اسمعهم بعدين...انو الايميل بكون للمساعده وهيك قصص...(سبحان الله المساعده ما بتكون غير بين بنت وشب)؟؟؟؟ ليه ما في شب بضيف شب وبنت بتضيف (الا من رحم ربي)؟؟؟؟

انا مش نبي...انا بحكي مع شباب... وعندي شباب ع الايميل.... بس طبعا كلهم من الجامعه وكلهم من نفس تخصصي وفي منهم دكاتره عندي بالجامعه ... كلامنا بكون عن مشاريع وبرامج المفروض انو نعملها لانو معظم عملي ميداني وبكون مع شباب....

اللي بدي اقولوا اني مش رافضه فكره انو حد يضيفني من الشباب....انا رافضه موضوع الاضافه بحد ذاتو يعني مش معقول اضيف شب منشان يقعد يحكيلي عن القمر والسهر ......(للأسف معظم شبابنا على هالسيستيم ما بحكي عن الشباب بس... البنات مش احسن)...

لو الشب بيفتح عيونوا وبشوف ابعد من منخارو ب 2 سانتي بيتأكد انو البنت اللي بتحكيلو كلمه اكيد حكتها ل10 قبلو... والصبيه نفس الشي... هيه مش او ولا اخر صبيه ح يتعرف عليها الشب على الايميل...

وبخصوص الحب وغيرو... سمعنا عن الحب من اول نظره... بس بحياتنا ما سمعنا عن الحب من اول مسج او كونفيرساشن....

اتمنى ما اكون تقلت دم عليكم...
تقبلو مروري
اختكم ليل الهجر

ندين

20-07-2007, 09:35 AM

ولي ما بتحط ايميلها بالمنتدى برضو ليش؟؟

اول شي بشكرك كتييير ع السؤال
انا ليش نا بحط ايميلي بالمنتدى اول شي لانو ما بدها تفكير احنا كلنا عرفين بعض وعارفين عاداتنا وتقاليدنا بالبلد الشب مسموحلو اكتر من البنت هون عنا بالمنتدى مبينه البنت بدها تحط ايميلها لمين بزبط البنات الي ما بتعرفهم شو بدها فيهم ! او حتى ازا بدهم يتعرفو اول شي بتطلب ايميلها من البنت .. بتغلب حاليها برساله زغيره وبتطلبو مش تاخدو وتحكي معها وخلصنا

وانا بحترم كل بنت ما بتحط ايميلها بالمنتدى
لانها بنت بتنحط ع العين والراس

*-* متعجــرفه *-*

20-07-2007, 10:18 AM

بسم الله الرحمن الرحيم

ليش بتحطي ايميلك في المنتدى ؟؟

انا مش حاطه ايميلي بس حطيتو ضمن تسجيل ليكمل تسجيلي بالمنتدى

ولي ما بتحط ايميلها بالمنتدى برضو ليش؟؟

مممم وليش مش حاطيتو لانو بحب احكي مع جميع بشكل عام وما بتعرفي مين راح يضيفك يعني متل ما في

بالمنتديات المحترمين في مش مناح ,, وما بحب احكي مع ناس مجهولين الهويه بالنسبه لالي ما بعرف اصلهم

ولا فصلهم , فهيك انا برتاح على انو شخص بيوم يتعرضلي بكلمه ,,

سؤال كتير حلو اشكرك

مع التحيه

المتحريه

20-07-2007, 10:56 AM

وعليكم السلام ورحمة الله وبركاته اهلين باخوي والمشرف محمد نخال نورت الموضوع

المهم هات لنتناقش اول اشي والله يا عمي ما انت مقصر كفية وفيت في الجواب المهم

انت بتحكي انو بتحب اتساعد وهاد الحكي لازم يصير بما انك مشرف وبتفهم انا براي الشب يساعد الشباب الي زيه

والبنت بتساعد البنات الي زيها ولا ما في بنات بفهمو بهيك شغلات !!

تاني نقطه جوابك هاد
أول شي انا مش بنت حتى أعرف كيف بتفكر

ما انا عارفه انك مش بنت وبعرف انك ما بتعرف كيف بفكرو عشان هيك حطيت سؤال الشباب نفس سؤال البنات

مع هيك كل الاحترام الك انك جاوبة على اسئلة البنات كمان

قولتك يا محمد هاي البنت الي بتجيها اضافه من شب وبتكون عارفه انو شب وبتقعد تبرم هي وياه قولتك لو ابوه عرف

بسمحلها تحكي مع شب لا والله ما بسمحلها هاد غير انو بقيم النت طيب ليش البنت تحتقر حالها وتحط حالها في مواقف هي بغنى عنها

ومتل ما حكيت كل الاحترام للبنات الي مش حاطاط ايميلهم ونفس الاشي لشباب

ما الواحد سبحان الله بتلاقي البنت بتطلب من الشب المساعده وبتلاقي الشب سبحان الله هيك بعتبر البنت فهمانه

وبروح يطلب مساعدتها قال يعني

وشكرا الك وكل الاحترام لردك الكامل المتكامل وشكرا

المتحريه

20-07-2007, 11:04 AM

يا ميت اهلا وسهلا وبالمراقبه العامه ليل الهجر شرفتي موضوعي

والله يا اختي بشكرك على جوابك الصريح وبدون لف ودوران واعترافك انو في ايميلك شباب وبتحكي وعاهم على

اساس شغل وتعليم يعني والله يا اختي في هاي الحاله انا معك واكيد اهلك كمان ما بعرضو على هاد الاشي

لانهم واثقين فيكي وعارفينك قد هاي الثقه عشان هيك كل الاحترام الك وردك الرائع كمان والله حكيتي اشي انو

احنا بعادتنا بنميل لجنس الاخر وخاي هي المشكله الرئيسيه والي بتحكيلك بلشناها متل اخواه وبعد اسبوع بتصير

صداقه وبعد اسبوع بتنقلب الايه وبتصير حب وعشق وغرام وبصير الحكي عن القمر ويا مسهرني الليل على قولت فضل شاكر

وكل الاحترام الك ولردك على موضوعي

وشكرا

محمد نخال

20-07-2007, 01:04 PM

أشكرك أختي المتحرية للتعليق على ردي .....

انت بتحكي انو بتحب اتساعد وهاد الحكي لازم يصير بما انك مشرف وبتفهم انا براي الشب يساعد الشباب الي زيه

والبنت بتساعد البنات الي زيها ولا ما في بنات بفهمو بهيك شغلات !!

المساعدات أنواع يختي .... مثلاً البنت إذا بدها مساعدة أول اشي بتحكي لصحباتها مش معقول يعني تروح لشب على طول ... وإذا صحباتها ما قدروا يساعدوها بتضطر تطلب المساعدة من شب أو الأفضل من مشرف في المنتدى .... والعكس تماماً عند الشباب عنا الشب بستغل الفرصة بده مساعدة وبطلب من البنات بهاي الحجة .. وبيقعد يتمادا بالحكي .. بالآخر بقوللها خذي إيميلي ضيفيني علشان تفهميني كيف أنزل الصور مثلاً..طيب وبعد ما تفهمه معقول رح يمحيها ؟؟ .. ممكن يمحيها بس رح يضيفها على إيميل ثاني .. لذلك الشب اللي بطلب مساعدة من بنت بكون هدفه إشي ثاني .. ولو بده المساعدة فعلاً بطلب من صحابه او من المشرفين !!

انا بحب كثير المساعدة وبفرح كثير إذا هالمساعدة أثمرت ... و إذا بدي أي مساعدة بطلب من العيساوي .. أو بدور في الإنترنت وفي جوجل عن هالإشي ...

تاني نقطه جوابك هاد
أول شي انا مش بنت حتى أعرف كيف بتفكر

ما انا عارفه انك مش بنت وبعرف انك ما بتعرف كيف بفكرو عشان هيك حطيت سؤال الشباب نفس سؤال البنات

مع هيك كل الاحترام الك انك جاوبة على اسئلة البنات كمان

هههههههههههه الله يسامحك يختي انا من باب المزح بس وانت شكلك بتحبيش المزح .. جدية على طول ... جاوبت على كل الأسئلة حتى أعطي رأي بالموضوع ... رأي خطأ ويحتمل الصواب ورأيك صواب ويحتمل الخطأ ... انا ماشي على هاي المقولة ^_^

قولتك يا محمد هاي البنت الي بتجيها اضافه من شب وبتكون عارفه انو شب وبتقعد تبرم هي وياه قولتك لو ابوه عرف

بسمحلها تحكي مع شب لا والله ما بسمحلها هاد غير انو بقيم النت طيب ليش البنت تحتقر حالها وتحط حالها في مواقف هي بغنى عنها

ومتل ما حكيت كل الاحترام للبنات الي مش حاطاط ايميلهم ونفس الاشي لشباب

بقلك شغلة اختي .. معظم الآباء متخلفين عن عصر العولمة .. يعني زمانهم ما كان في نت وعلى الكبر صعب يتعلموا .. لذلك البنت أو الشب بستغل هالفرصة وبياخذ راحته .. وإفرض كان أبوه بعرف للنت ، في عدة طرق البنت تحكي مع شباب فيهم وذلك عند صحباتها مثلاً والشب كذلك .. ولو عرف أبوها انها بتحكي مع شب طبعاً ما رح يسكت .. وكمان الشب إذا بحكي مع بنات كمان ابوه مش لازم يسكتلو ..
بس الأقطع الأبو اللي بعرف انه بنتو بتحكي مع شباب غربة وبسكت !!!! .. والكلام يطول ...

وشكرا الك وكل الاحترام لردك الكامل المتكامل وشكرا

عفواً يختي :36_1_39: .. لسا ما خلصتش في كمان كلااام .. خليني أعبر عن رأيي :36_1_11:

تحياتي

المتحريه

20-07-2007, 01:07 PM

يا هلا بالمشرفه ندين شرفتي

كل الاحترام الك ولردك الواعي وهاد بدل على انك بنت واعيه ومثقفه

وانا كمان بحترم كل بنت ما حطت ايميلها من مره على المنتدى

وشكرا ان جاوبتي على السؤال تحياتي

يا هلا بالعضوه المتعجرفه

نورتي موضوعي وكلامك صحيح 100% وكل الاحترام الك وللي زيك من البنات

وشكرا على جوابك الصريحه وشكرا

المتحريه

20-07-2007, 01:18 PM

اهلا وسهلا كمان مره يا اخوي محمد نخال

وعبر وكل الاحترام انك بتعبر عن شعورك وعجبني كتير ردك وهاد اذا دل على اشي بدل على قديش انت شب مثقف وعاقل بس بدي اقلك شغله

هههههههههههه الله يسامحك يختي انا من باب المزح بس وانت شكلك بتحبيش المزح .. جدية على طول ... جاوبت على كل الأسئلة حتى أعطي رأي بالموضوع ... رأي خطأ ويحتمل الصواب ورأيك صواب ويحتمل الخطأ ... انا ماشي على هاي المقولة ^_^

وانا عارفه انها من باب المزحه عشان هيك حبيت اكمل المزحه معك وانا والله مش جديه من مره وبالعكس بحب المزح كتير وانت معك حق في الاجوبه الي جاوبتهم ان كان السؤال الي موجه للولاد او للبنات وكل الاحترام الك وازى زعلت فانا بعتذر

ومعك حق يا اخوي محمد بالشغله الي حكيتها عن الاباء ومزبوط وانا معك 100% انو في اهل ما بفهموا بهيك شغلات وانو البنات بستغلو هاي الاشياء فيعني والله اذا ما بدها اتخاف من ابوها وعرفتو ما بعرف بهيك شغلات لازم اتخاف من الله وتعملوا حساب صح كلامي ولا لأ
وكل الاحترام الك يا اخوي واي اشي بخطر في بالك تحكي احكي وعبر وخد راحتك ولا ليش انحط الموضوع انحط على شان النقاش

وكل الاحتراااااام الك كمان مره

وشكرا على متابعتك

فادي

20-07-2007, 02:34 PM

اول ايشي انا ولا عمري حطيت ايميلي ع المنتدى

تاني ايشي انا ما بحب احط الايميل ع المنتدى لانو غير يصيروا بدهم يتعرفوا ويحبو وهيك بس انا عندي رسائب كتيير من بنات من هون طالبين ايميلي وبدهم يتعرفوا ما بعطيهم اياه

شكرا ع اسئلتك

فادي

20-07-2007, 02:35 PM

اول ايشي انا ولا عمري حطيت ايميلي ع المنتدى

تاني ايشي انا ما بحب احط الايميل ع المنتدى لانو غير يصيروا بدهم يتعرفوا ويحبو وهيك بس

شكرا ع اسئلتك

:--) :36_3_14:

محمد نخال

20-07-2007, 02:53 PM

وانا عارفه انها من باب المزحه عشان هيك حبيت اكمل المزحه معك وانا والله مش جديه من مره وبالعكس بحب المزح كتير وانت معك حق في الاجوبه الي جاوبتهم ان كان السؤال الي موجه للولاد او للبنات وكل الاحترام الك وازى زعلت فانا بعتذر

لا يختي ما زعلت ولا شي .. وشو تعتذري ؟؟ تحكيهاش ثاني مرة :36_1_30: ...

ومعك حق يا اخوي محمد بالشغله الي حكيتها عن الاباء ومزبوط وانا معك 100% انو في اهل ما بفهموا بهيك شغلات وانو البنات بستغلو هاي الاشياء فيعني والله اذا ما بدها اتخاف من ابوها وعرفتو ما بعرف بهيك شغلات لازم اتخاف من الله وتعملوا حساب صح كلامي ولا لأ

كلامك صحيح 100% ... الله يهديهم ...

SąddaM

20-07-2007, 02:58 PM

المتحريه

20-07-2007, 03:22 PM

شكرا على مرورك يا محمد

وتسلم يا رب وانشالله الله بهديهم

شكرا كتير كتير الك و النقاش كتير حلو معك والله يوفقك

وكل الاحترام

المتحريه

20-07-2007, 03:24 PM

يا هلا ب فادي نورت

يسلمو على ردك الصريح ومنيح انك ما بتعطي ايميلك للبنات والك كل الاحترام على صراحتك

وحكيك انو البنات بطلبو يتعرفو عليك وانت ما بتقبل

شكرا على ردك ومرورك

وشكرا

المتحريه

20-07-2007, 03:29 PM

والله بجااوبك بصرااحه ....

انا حاطتت اميلي على المنتدى ليش .؟
بلكن واحد من الشباب حابب يضيفني يتعرف علي انكون صحااب اصدقااء
مش عيب صح ولالا ولو كانت بنت او شب الصدااقه في الدنيا مش عيب
تاني شي ...هم اخترعو الاميل مش عشان انخبيه اخترعوه
عشان نقدر نتوواصل مع بعض في العاالم اوكي
وشكرا الك على السؤااال .

اهلا وسهلا يا صدام

انا حاطتت اميلي على المنتدى ليش .؟
بلكن واحد من الشباب حابب يضيفني يتعرف علي انكون صحااب اصدقااء
مش عيب صح ولالا

صح والله يا عمي مهو عيب تتعرف على شباب متلك وتصير بناتكم صداقه لا عيب ولا غلط

في هاي الحاله وكل الاحترام

ولو كانت بنت او شب الصدااقه في الدنيا مش عيب
تاني شي ...هم اخترعو الاميل مش عشان انخبيه اخترعوه
عشان نقدر نتوواصل مع بعض في العاالم اوكي
وشكرا الك على السؤااال

كيف الصداقه بين الشب والبنت مش عيب طيب بدي اسالك سؤال ازى عندك خوات بتقبل يحكو مع شباب على الايميل بتقبل يعملو صداقه على الايميل بحياة صدام تكتب بصراحه بتقبل عليهم ؟؟؟؟؟؟

وبعدين الايميل مش عشان انخبي عشان نحكي مع الناس الي بنعرفهم وبعرفونا وشيفينا فيس تو فيس مش لتسلاي والبنات والشباب الي ما بنعرف والكلام الفاضي

وشكرا وكل الاحترام الك ا

ضياء المجد

20-07-2007, 03:58 PM

السلام عليكم ورحمة الله وبركاته

أولاً أشكرك أختي (المتحريه) على كتابة الموضوع، وهذا النقاش الهادف الفعال

أما بالنسبة إلي، يعني الشباب كفو ووفوا، ما ضل حكي أحكيه، يعني محمد نخال الله يجزيه الخير، دايماً إذا برد هو عالموضوع بخليليش اشي أحكيه، وكأنه بقرأ أفكاري وبكتبها، وأنا بشكره من كل قلبي، الله يخليك محمد

ويعطيكم العافية وشكراً كثير إلكم

تحياتي

SąddaM

20-07-2007, 04:23 PM

مشكوره اختي على اجاابتك معي في المشااركه

بس بحكيلك اشي واناا بحكيلك بصراحه
احنا الشعب العربي متعقد من هيك اشيااء يعني الاميلات والي بصااحب
او بتبقى عندو صديقه ...الخ ..

بس انا بحكيلك في جهاات من هاي النااس الي بتقبل ولا ما بتقبل
لانو ازا بقبل على اختو هيك ..يمكن بتكوون صدااقه حقيقه
وهادا الاشي مش عيب ولا حراام .
يعني بس كلام على المسجر بس
اما ازا حكيتي يروح يشوفهاا هادا الاشي ما حد بقبلوا
صح كلامي ولا لا

وبعدين على قصه الاميل انخبيه ولا ما انخبيه
ولا نحكي مع ناس فيس تو فيس
كلامك صح . يعني قصدك نحكي مع صحاابناا بس
مع ابن عمتي بنت عمتي ..الخ
بس في نااس بتزهق حالها
وفي ناس ما عندها قرااايب
يعني بتحب تتخاالط في النااس الي برا الدووله الي هو فيهاا
...............
وشكرا الك ..وانشاءلله بكون جااوبتك على قد سؤاالك

المتحريه

20-07-2007, 05:44 PM

شكرا كتير الك صدام على المتابعه

وعلى ردك مره تانيه

ومش من هاد الموضوع توخد فكره عني اني بنت معقده لا بالعكس وانا كمان بحب اتخالط مع كتير ناس ومن بلدان مختلفه

بس اكتريت الي بتعامل معهم همه بنات وكل الاحترام اخوي على طريقة في النقاش

بس عنا احنا قليل اكتير من الناس الي بتسمح لبناتهم انو يحكو مع شباب على الايميل يعني بضلو اهليهم تربيتهم شرقيه واحنا بنفتخر انو احنا ناس شرقين وفي ناس بتحب تتبع طريقة الغرب في المعيشيه يعني عندهم كل اشي فري

ويعني لو ضلينا اناقش الموضوع من هون لصبح ما راح انخلص لانو متل ما حكى محمد حاد موضوع بحر ما الو شاطىء

وكل الاحتراام الك مره تانيه اخوي صدام

المتحريه

20-07-2007, 05:47 PM

وعليكم السلام ورحمة الله وبركاته

اهلين اخوي ناصر دين الله نورت الموضوع

وشكرا كتير الك ومتل ما حكيت انو محمد نخال كفى ووفى وهاد لانو انسان مثقف ومحترم

وكل الاحترام الو ولطريقة الحلوه في النقاش

وصراحتو

شكرا الك اخي وكل الاحترام الك انت كمان

SąddaM

20-07-2007, 05:47 PM

العفووو اختي المتحريه ولوووو
انا موجود ايمتى بدك بس جيبي اسئله وتعاااالي
ههههههههههههه

وكل الاحترام لكي
............................

تقبلي مروري
SaDDaM

ريّانه

20-07-2007, 09:37 PM

بسم الله الرحمن الرحيم .

اختي المتعجرفه .. مشكوورة كتييير ع موضوعك الحلو

وانا بدي اجاوبك ع سؤالك ..
ليش البنت بتحط ايميلها بالمنتدى ؟

انا مش حاطه ايميلي بالمنتدى لأنو ازا حطيتو راح يصير علاقات وانا ما بدي تصير هالعلقات

ليش البنت ما بتحط ايميلها بالمنتدى ؟
لأنو انا بنت محترمه وفي عنا عاداتنا وتقاليدنا وانا بحترم هذه العادت

وشكراً الك لطرحك هالسؤال

سلامات

BaShAr MuStFa

20-07-2007, 09:45 PM

انا حطيتو وبكل صراحة عشان في الو محل
مع تحياتي بيشو

محمد نخال

21-07-2007, 01:30 AM

أما بالنسبة إلي، يعني الشباب كفو ووفوا، ما ضل حكي أحكيه، يعني محمد نخال الله يجزيه الخير، دايماً إذا برد هو عالموضوع بخليليش اشي أحكيه، وكأنه بقرأ أفكاري وبكتبها، وأنا بشكره من كل قلبي، الله يخليك محمد

ويخليك أخوي ناصر دين الله ... بتعرف الأخوة بفرقوش عن بعض في التفكير .. :36_3_10:

وشكرا كتير الك ومتل ما حكيت انو محمد نخال كفى ووفى وهاد لانو انسان مثقف ومحترم

وكل الاحترام الو ولطريقة الحلوه في النقاش

وصراحتو

شكرا الك اخي وكل الاحترام الك انت كمان

على فكرة يا المتحرية .. الحكم على الشخص من طريقة كلامه مش دائماً بتكون صائبة .. لذلك معظم البنات اللي بحكو مع الشباب على الإيميل بقيموا الشخص من طريقة كلامه .. وبتصير علاقة حب ، ولما يشوفو بعض شخصي ويحكو مع بعض .. بتكتشف انه متغير كلياً عن ما كان يحكي معاها في الماسنجر ... لذلك معظم علاقات الإنترنت فاااشلة ..

كمان مرة بشكرك أختي المتحرية والصراحة انت أكبر من عمرك بكثير من طريقة كلامك وفهمك للأمور ..

تحياتي :36_1_39:

*أحمد*

21-07-2007, 10:24 AM

اسمحولي اني اتدخل

والله يا اخوي نخال انو ردك مزبوط 100% وانا طبعا حكيت بردي السابق

انو في مشرفين حاتطين ايميلاتهم لأفادة الاعضاء وانت منهم والله

اما في منهم فاضيين اشغال للتعارف زي بعض الجماعه هههههه

وانا كنت حاتط ايميلي بالمنتدى بس صار معي مشاكل كتيره

فغيرت ايميلي وحطيت بس اللي بعرفهم وما فيه ولا بنت الا 2 او 3 والحمد لله متل اخوه

وصدف بنحكي مع بعض يعني بس ازا بدي شي منهم او ازا بدهم شي مني

اخوي محمد نخال ردك بعبر عن انك انسان واعي وفهمان وبحييك على هذه الخبرا

وشكراااااااااا

تحياتي

ابو حميد

رومنسية الحب

21-07-2007, 03:28 PM

ان ما بفكر اني احط اميلي لا بهاد المنتدى ولا بغيروا لانوا ازا حطيتو اكيد في شباب راح يضيفوا وانا ما بحكي مع شباب بس مع صبايا وما بظمن اذا حطيتو انو بس صبايا راح يضيفو وانا بحترم حالي

ابن فلسطين

21-07-2007, 03:40 PM

ولي ما بحط ايميلو في المنتدى كمان ليش؟؟
والله انا بالنسبة الي كافي في التعارف عندي

تحياتي

المتحريه

21-07-2007, 03:46 PM

شكرا يا شباب وصبايا على تفاعلكم مع الموضوع وكل الاحترام الكم كلكم

بس لفت نظري رد اكم من بنت انهم اعترضو على البنات الي بتحط ايملاتها ونقدوهم في وقت هدول البنات كانوا من البنات الي حطت ايميلها في المنتدى وانا كنت اشوف

بس يلا منيح انهم عرفوا هاد الاشي غلط وقاموا ايميلاتهم من المنتدى

كل الاحترام الهم

المتحريه

21-07-2007, 04:04 PM

اهلين يا صدام واكيد اذا في اساله بتخطر في بالي راح اجيبها ونتناقش فيها ولا ايهمك

شكرا

اهلين يا دودو نورتي الموضوع بس انا المتحريه مش المتعجرفه يلا حصل خير المهم

كل الاحترام الك اختي على ردك الصريح وكل الاحترام الك لاني بحسك من البنات الي بفهمو في المنتدى

وبتحطي مواضيع حلوات مشاركات دايماً في محلها كل الاحترام الك اختي

اهلين يا بشار نورت الموضوع

وشكرا على صراحتك وشكرا انك حطيت ايميلك في محلو وما خليت المحل فاضي

كل الاحترام هههه

شكرا الك يا محمد نخال على متابعتك وكل الاحترام الك واكيد العلاقات الي عن طريق النت احيانا او معضمها فاشله
لانو البنت يمكن تعجبها طريقة حكي الشب معاها وتحبو على اساس حكي بس لما اتشوف شكلو بتكتشف انو مش الفارس الي بتحلم في عشان هيك بتزحلقو عشان اتشوف واحد احلى ويكون يلبقلها ويكون جنتل مان
وشكرا الك كتير واكيد الحياه هي الي بتخلينا نفهم اشياء اكبر من عمرنا عشان نعرف انعيش فيها واكيد لازم نفهم اكتر ما الناس بتستوعب واكيد مش راح اكون اشطر منك في فهمك للامور كل الاحترام الك

اهلين يا احمد كمان مره

واكيد هاد الاشي بدل على فهمه وطريقته الحلوه برضو في النقاش ومش بس محمد نخال اعجبتني طريقتو في النقاش كمان ليل الهجر هاي البنت برضو عجبتني ردودها كتير وهاد اذا دل على اشي بدل قديش واعيه هاي البنت وكل الاحترام الها

اهلين اختي رومنسية الحب

بشكرك على ردك الصريح واكيد ازى البنت بتحط ايمالها ما بضمن ازى يضفوها بنات ولا شباب عشان هيك الاحسن ما انحطو

وكل الاحترام الك اختي وعلى ردك

اهلا وسهلا يا ابن فلسطين

شكرا على مشاركة في الموضوع

وكل الاحترام الك