بدنا نحكي بصراحة شوي

[ابو العاصف]

السلام عليكم للكل الاعضاء والزوار
انا بدي احكي في موضوع مهم لكل انسان فلسطيني وبدنا عنجد نحكي بصراحة
لانو عنجد صار لازم نحكي بصراحة لانو هاي الي بصير كتير بين فتح وحماس
وانا بطلب منك يعني ازا ممكن تحكي لمين انتماءك من هدول التنين ومش ضروري يكون انتماء رسمي يعني بتكون تدعم لالهم وتحكي ليش بتدعمهم وشو بتحكي انهم غير يعملو للشعب وازا البلاد بتحرر على ايدهم وازا هم غير الي ينجو الشعب من المصايب الي هو فيها
يعني بصراحة كل الي فيك احكيلنا اياه
وبهمنا البنات بحكو لانو اكتر البنات ما بنتمو لاشي لانو الواحد يعني بقصد الشب اكيد غير يدعم المنظمة الي هو فيها ولو كانت غلط علشان هيك بدنا نشوف اراء البنات بصراحة


وما بنفع التنين مع بعض بس واحد منهم لانهم مع بعض ما بنعفو وما بعمرهم غير يصير مع بعض علشان هيك بس واحد الي لازم يكون حاكم العشب وبدو مصلحتو

ومشكورين

[ابو العاصف]

انا مش ر اح احكي علشان الكل بعرف انتماءي وبعرف شو بدي احكي
ولمين بدي اصوت

[ஜღSaLLyஜღ]

بدك الصراحة انا ما بحب السياسية وما بعرف شو يعني فتح وشو يعني حماس
عشان هيك بفضل ما احكي ولا اصوت
وبعدين كيف بدها تتحرر اذا هما بقتلو في بعض وانا بفضل انهم التنتين يكونو ايد وحدة احسن
مشكور ابو عاصف على موضوعك

[ابو العاصف]

ما بعمرهم غير يصيرو ايد وحدة
بس واحد الي لازم يكون في الي يحررها ولازم نكون حركة وحدة كلنا مش ضرور اربعميت حركة علشان نحررها
بننسا اشي اسمو تحرير وبنصير بس نتفرج على بعض وبتقتل في بعض

[أميرة فلسطين]

انا الحمد لله ولا مع حد بس يصيروا متفقين مع بعض بالاول
المهم انهو يصيرو ايد وحده عشان وطنهم والله الواحد حاسس انو كل واحد في بلد

[ابو العاصف]

دخيل الله ولا واحد بدو يصوت
يعني انا هاد الموضوع هاطو علشان تحكو عن واحد منهم والكل بتهرب وبحكي ولا مع حد والله ما بصير
بترجا من الكل يفوت ويصوت

[محمد نخال]

... للأسف هذه لعبة صهيونية امريكية بأيدي محلية ..

بالنسبة لإلي ... انا من ناحية الإنتماء .. بنتمي لوطني بغض النظر عن الفصيل .. اما بخصوص التأييد .. بعد مشاهدتي للتلفاز والتكلم مع أقربائي في غزة .. تبين لي أن الأمن قد ساد بعد تولي حماس سيطرتها على القطاع ، ولا أحد ينكر ذلك ، فقد تكلمت مع أحد الشباب المنتمين لفتح في غزة وسألته عن الأحداث الأخيرة .. قال لي بأن الامن قد حل بعد تولي حماس السيطرة ..
أظن أصبحت وجهة نظري واضحة ....

سؤال يدور في ذهني ...لماذا طلب الرئيس محمود عباس من إسرائيل الحماية و التدخل لحل الأزمة القائمة في غزة ؟؟ ..
الكلام مش من عندي الكلام من وسائل الإعلام ..

أرجو انو يكون النقاش في هذا الموضوع هاديء دون اللجوء للعصبية .. بل باللجوء الى الدليل والحجة المقنعة

تحياتي

[دعاء الكروان]

السلام عليكم ورحمة الله وبركاته
اخي ابو العاصف
هذا الموضوع قد يثير الكثير من الاعضاء ونحن لسنا بحاجه الى اثارة النزعات الموجوده لدى الاعضاء
لان هنالك الكثير منهم لم يتقبلوا الحقيقه مع انها واضحه وجليه امام اعينهم
وليس للكثير من الاعضاء معلومات كافيه حو لتلك الحركتين للحكم عليهما فهم ينقادون وراء المشاعر التي تحركهم
ووراء الامور السطحيه الظاهره لهم من احداث يوميه يرونها على شاشات التلفاز ولكن هذا لا يكفي فهنالك الكثير من الامور التي يجب معرفتها قبل الحكم عليهما مثل ....
سبب نشوء هذه الحركات
من الذي انشاء هذه الحركات
الفكره الاساسيه لنشات هذه الحركه
غاية هذه الحركه من اعمالها
طريقة هذه الحركه بالعمل
الفكر الذي يسير هذه الحركه
امور كثيره وكثيره اتمنى من الجميع ان يعي هذه الامور حتى لا يكون حالنا كما هو عليه اليوم
فلامر ليس هو من توالي او تناصر من هذه الحركات
وانما هو اجل من ذلك واعظم بكثير
اخي ابو العاصف
سابدي رائي في هذا الموضوع لاحقا بعد سماع اراء باقي الاعضاء لاوضح للجميع واقع هذه الحركات
املا ان يكون النقاش في هذا الموضوع هادقا وبناء بين الاعضاء
كي لا نطر الى........مثل ذلك المواضيع
تقبل تحياتي
اخوك


دعاء الكروان

[قلب المحيط I]

موضوعك رائع بس للاسف ما في تفاعل,,انا راح احكي راي

انا راي انو حماس ما عملت ااشي غلط لانها قتلت كتتير عملاء وريحتنا منهم طبعا ,,وهاني الحسن المستشار الاول ل ابو مازن ,حكى انو حماس بس قتلت العملاء ما قتلت المدنين وطبعا ابو مازن انجنن فطرد هاني الحسن عشانو حكى الحق ,,

وشكرا ابو عاصف على الموضووع الرائع

[ندين]

ابو العاصف
.
.
ما راح اقدر اجوابك ع سؤالك لانو قبل شهر نزلت موضوع عن فتح وحماس وعن الاقتتال الداخلي الي صار فا مش معقول اجاوبك ع هاد السؤال ولو جوابتك راح احكيلك انو انا بدي انكون ايد وحده .. واكيـــــــد انتا راح تجاوبني متل دايما انو ما راح يصير هاد الشي .. ومع كل هالحكي انا بتمنى اتغير حكيك وانصير ايد وحده

أسفه .. ما لقيت جواب لسؤالك
وطبعا ما تحرمنا من مواضيعك الحلوه والجريئه والي بدهم برم :36_7_9:

[ابن فلسطين]

اول اشي مشكور حبيبي ابو العاصف على هالموضوع الروعة


انا من ناحيتي بأيد فتح لاني انا بحبها وابنها
وبحب الي اسسها حبيبي وسيدي وتاج راسي ابو عمر رحمك الله وادخلك فسيح جناته
وزي ما قرأت فى الردود بدهمش يجاوبو وبدهم الوحدة
هادا المشاكل كلها في الضفة وهدول ضفوية كفولة طناجر
اما هون في القدس فشي مشاكل متل عاد
والحمد لله رايكة


تحياتي

[صقر الأقصى]

مشكووووووور يااا ابو العاصف على موضوعك بس للاسف وزي ما حكالنا اخونا قلب المحيط I على ردو حماس قتلوهم ليسى فتح بلا قتلوا الخونه الا باسم فتح وانا ما راح اصوت لانو لونك كنت حاطط تصويت فتح وحماس وحدة طنية كان اخترت وحدة وطنيه وانتا بتحكي صعب هيني جوبتك بس لو قتلوا بعض ودبحوا بعض لو ماتو كلهم احنا بدنا فلسطين فلسطين فلسطين ورغم انف الصهاينة (اليهود) وشكرا الك ابو العاصف على موضوعك

تقبلوا مروري

(صقر الاقصى)

[MOORY]

ايشي اكيد حركة فتح لانو عنجد بين مين حامية المشروع الوطني الفلسطيني ومين مدمرت المشروع الوطني الفلسطيني مين الانقلابين ومين الدمويين ومين حامين المشروع الوطني

فتح فتح فتح

[وجدي محمود]

حركة التحرير الوطني الفلسطيني فتح بس
فتحاوي حتى النخاع

[المارد]

هههههههههههههه مشكور للكول باس بلا مو اخذ يا فتحوي الحك على مين يعني اه عليكم انتو يا فتحوية وانا رائية باس حماس
وتنسوش انو القوة التنفيدية
كان فية كتائب شهداء الاقصى (جماعة أبو الموسى) وكتائب أبا علي مصطفى وعز الدين القسام ورجال الشعبية

وانا بحكي العدم لا تحلان وابو مازن وتنسوش ( انو كتائب الاقصى مالهاش في فتح لنهم شلفوهى

يعني زي جماعت ابو الموسى تعون كتائب الاقصى هدول ارجال بس وبعدين خرة خرة على كول واحد مشا من تحت ايد دحلان وابو مازن الجبهة الشعبية راغم أنف الجميع

[ابو العاصف]

مشكورين الكل على ردودك الحلوة بس انا شايف الكل بتبع طريقة دبلوماسية علشان يتهرب من الجواب
ويجاوب جواب بعيد عن السؤال يا جماعة سؤالي واضح وما بدو مين يترجمو واحد من التنين
بس واحد التنين مع بعض ما بنفعو وما بعمرهم غير يصيرو
وانا بحترم كل الي حكو وحدة وطنية بس والله ما راح تصير يا جماعة
بس مشكتلنا ما بعمرنا غير نصير وحدة ازا جو البيت الواحد ومع الاخوة ما في وحدة كيف بدك تسوي وحدة
علشان هيك بتمنى يكون جوابكم واحد من التنين وليش

[ابو العاصف]

بدي ارد على تعليق الاخ قلب المحيط
يا اخي يا قلب المحيط انت لو شفت الموضيع الي انا حطيتهم وشفت شو بتسوي حماس في غزة
جبت فيديو كليبات ما بعمرهم اجو عالتلفزيون اشي عنجد بقرف جارئم ارتكتبها حماس في حق مش بس الفتحاوي والعملاء كمان في حق المواطنين العادين هادول هم الي راح ينصرونا ازا بقتلو ابناءنا وشبابنا بسبب وبغير سبب
وما بحقلهم يقتلوهم علشان هم عملاء زي ما بدعو في دولة الي تحاسب وفي سجن وفي اعدام وفي مليون طريقة غير القتل وهدر الدم الفلسطيني
اخص والله اخص لهون وصلت فينا المواصيل ارفع سلاحي الفلسطيني الي انا جايبو علشان احارب في الاحتلال الصهيوني ارغعو على وجه اخوي المناضل والمجاهد شو ما كانت فصيلتو
وقبل ما يكون فتحاوي او حمساوي هاي بلدو والطنية في قلبو قبل ما تطلع حماس وقبل ما تطلع اي حركة اخرى
والوحيد الي راح وبتقدر تحكم الشعب الفلسطيني هي
حركة التحرير الوطني الفلسطيني بقيادة كتائب شهداء الاقصى
بعيد عن العملاء والجواسيس

[SąddaM]

حلو الموضوع يا اخوووي ابو العاااصف

وبدنا نحكي بصراااحه مع انو ما بحب الساسيه من مره

هلىء انتا شااايف شو عملوا في بعض فتح وحماااس في الضفه

على شااان الي بدو يمسك الحكوومه في الضفه

طيب ازا هيك عملوا في بعض عشان حكووومه صغيره في في الضفه

كيف انشاءالله لما تتحرر فلسطين بكره انشاءالله شو بدهم يعملوا في بعض

راح يقطعووا بعض عشااان الي بدو يمسك الحكوومه

ف عشان هيك انا للاسف ما بصووت ولا لوحده اسف اخووي وانتا عارف

شكرا الك

[قلب المحيط I]

يا شبااب احنا ما منحكي انو فتح عاطلة

بس ليش القيادات الفتحاوية الشريفة في غزة ما قلبت ضد حماس

بعدين يا اخ ابو عاصف حماس رفعت السلاح ضد العملاء مش الشعب

[jamal]

اسمع يا ابو العاصف حماس الي سوتا في غزة مش حرام بستاهلو اكتير من هيك لانهم عملاء وخوْن لليهود(الامن الوقائي _والاجهزه الامنية) وبعدين حماس مطبتش في الناس العاديين بس في العملا تبعون دحلان والامن الوقائي وهاد حق اليها انها تصفي زي هدول الاشكال وانشالله انو دحلان جايلو الدور ولا لو انو شريف زي ما بحكي كان مشردش من غزة
حسبنا الله ونعم الوكيل على الانذال

[YâŖâ]

اخي وبصراحة وبدون لف ودوران انا ما بنتمي لاي اشي

لانو اللي بصير بفلسطين بسبب فتح وحماس

يعني خلينا نقول متلا معظم المدارس صار فيها اضراب ونزل تقريبا مستوى التعليم..وفكرك من شو هادا صار؟؟

الناس الي قاعدة بتدبح بغزة بسبب مين يعني كل اللي قاعدين منسمعو..فتح وحماس ..فتح وحماس

....

اخر شغلة رح يعملو ها يطفشو..لانو اللي بصير مش منطق

...

يسلمو على موضوعك اخي وانا حبيت اشارك بالموضوع عشان اعطي الفكرة اللي مني

تحياتي,,

[ندين]

انا شايف الكل بتبع طريقة دبلوماسية علشان يتهرب من الجواب


ولا دبلوماسيه ولا هما يحزنون بس الوحده الوطنيه الكل بتمناها حتى لو هي متسحيله
مش مشكله انا راح اجاوبك ع سؤالك ... انا عرفت كتييير عن فتح وحماس وبسمع كتيير عنهم وحضرت فيديو كليبات عن الي عملو بس بضلها حماس هم الحق !! يمكن تسرعت لما حكيت عنها انها الحق بس سؤال زغير وين راحت المساعدات والدعم الي كان يجي من اميركا كلوو راح لفتح عشان تدرب وكلو راح لجيبه زعيمكم ابو عباس الي بس قعد ع الكرسي نسى انو في ناس بموتو ونسى انو في ضغط علينا احنا الفلسطينيه من كل الدول الاجنبيه بالنسبه للقوه التنفيذيه الي مع حماس كل الاحترام الها سيطرت ع غزه وانا في ردي هاد ما بشمل كل فتح لانو في من فتح بنحطو ع الراس والعين وفي نااس ما بنفع الواحد يطلع عليهم

اسفه ازا بالغت بس هاي هي الحقيقه

[ابو العاصف]

لا عادي شكرا كتير على جوابك الي وحيات الله احلا واحسن جواب من كل الي حاوبو لانك حكيتي مين بدك وشو السبب الي خلاكي تحكي عنهم هيك والي خلاكي تدعميهم مشكور كتير لالك نادين ومرورك شرف كبير لالي وجوابك شرف اكبر مع انو ما توقعتو منك

[ندين]

ابو العاصف .
.
يمكن تغيرت انا بالنسبه الك بس فتّح عيونك ع الواقع منيح انتا الي علمتني انو ما في وحده وطنيه بس
بنفس الوقت انا راح اورجيك انو فتح هااي الي بالنسبه الك شي كبيير شو هي
شو كانت بالاول ارجع لماضيها وشوف شو كانت تعمل اتزكر انهاكانت عصابات

الفيديو كليبات الي حضرتهم وفهمتهم منيح وفهمت انو التنتين غلطانات بس فتح غلطها اكبر ع الاقل شغل حماس كلو علني اما فتح ما حد بعرف لشو بتخطط وشو راح تعمل

انتا عندك فتح قدوم مش عارفه ليش ما بدك تفتح عينك وتشوف الحقيقه

[ابو العاصف]

ههههههههههههههههههههههههه
ههههههههههههههههههههههههههههههه
انا شايف الحقيقة ومفتح عيوني كتير كويس
بس فتح هي حامية المشورع الوطني وهي الي عملت للشعب
يمكن هي غلطانة هلئ بس هي كتير عملت وضحت للشعب الفلسطيني كبيرو وصغيرو واكبر تضحية يا نادين هي ابو عمار
وكتير كتير كتير من الشهداء والاسرى هاد الاشي اكيد نسينا
انا ما بحكيلك انو فتح ما فيها زبالة زي دحلان وابو مازن بس في كويسين كتير وبدهم مصلحة الشعب انا ما باجي بقيش حدا على خمس اعضاء او عشر اعضاء فيها انا باجي بقيسها على شو عملت وقديش ضحت واتجعي للتاريخ بتعرفي ايش انا بحكي

[ندين]

انا رجعت من زماان لتاريخ اصلن انتا الي خليتني ارجع لتاريخ
بالنسبه الي هاد قراري وهاد رأيي وبتمنى ما اكون بالغت كتيير بالحكي عن فتح لانك بتنتمي الها
وانا مش قصدي اني اسبها او احكي عنها اي شي
ما بدي نفوت بنقاشات كبييره لانو كل تحط موضوع هيك بيصير ههه
المهم هاد رأيك وهاد رأيي وانا بحترم رأيك وبحترمك

[وجدي محمود]

ابو العاصف ابو مازن سياسي ومعو شهاده وانضييف مش زي ما بتحكي عنو انتي يا ابو العاصف ما بتحكي رأي تنظيم زي كأنك امين السر انتي احكي راييك لحالك
حماسس مش تبعت سياسه الها بس بشغل المقاومه فتح عندها اكبر واقوى جناح عسكري مر بفلسطين الي هو ( كتائب شهداء الاقصى )

ابو العاصف ما بتقدر اتناقش في ناس بيعرفو يناقشو ابو مازن صار وسخ هالحين ابو مازن انظف واحد بالشارع الفلسطيني
اي والله اليهود ما مثلو بجثث الشهدا حماس مثلت بجثت الشهيد سميح المدهون وقطعت ايديه واجريه
هي اليهود بنزلو على غزه بعتقلو وبدمرو مين بحكيلهم وقفو عندكم بس شاطرين على اخوتهم يرفعوا لسلاح

وبعدين مين الي اساس حماس اسرئيل عشات تقضي على منظمت التحرير الفلسطينيه

الانتخابات التشريعيه كال في ال96 حرام ففي 2006 لا مش حرام

نعم لانتخابات جديده

لا لحكومة المصالح وتدمير الشعب الفلسطيني

[ابو العاصف]

بدنا حكومة طورائ يا جماعة بدنا نحل الحكومة ونحط حكومة طوارئ
خلص فرطت وانا بحكي تكون الحكومة من المستقلين وبس يعني مصطفى البرغوثي وهدول الشلة

[ريّانه]

ابو العاصف ..

انا بحترم فصيلتك وبقدر حبك لألها
بس انت ليش ما بتحكي انو نصير ايد وحده ليش بتيأس !
ليش ما يكون فيك امل انو نصير ايد وحده ! بس للأسف انت ما بدك مش انو مش ممكن انو يصير !
اسفه ازا حكيت كلمه ازعجتك بس انا هيك شايفه !
وبعدين كل الناس عايشين بأحتلال واحد احنا عايشين بأحتلالين ليش ! ليش ما نكون ايد وحده علشان نعيش احتلال واحد ونقدر كلنا نعيشو ونقدر نحرر فلسطين
بس مع احترامي الك انت ما في عندك امل
لو انت عندك امل ك واحد فتحاوي وبدك تتحرر فلسطين كان انت هيك حكيت
بس انا شايفه انو انت بدك تحررها لحالك علشان بس يحكو مين حررها يحكو ابو العاصف !
ليش ما بحكو الي حرروها اهلها ( اهل فلسطين ) !


بتمنى ما اكون ازعجتك او زعلتك


وانا اسفه ازا دايقتك !

[قلب المحيط I]

كلام نادين صح هي شافت انها حمااس ما غلطت بس حافظت على الامان في غزة وقتلت كتتير عملاء

فتح كتتير شريفة ومنيحة كيف لما كان ابو عمار ما سار اشي بين فتح وحماس بس عشانو منيح سممو

بس ابو مازن ودحلاان وجماعته عاملين مافيا في غزة,,وجاي دورهم متل ما احكى جمال داري

يا ريت تتقبل هاي الحقيقة يا ابو عااصف لانو حمااس عملت الي عليها

[ابو العاصف]

كتير جوابك يا دودو حلو كتير كتير وعنجد فتحتي عيوني لاشياء كتيرة
بس برضو كل واحد عندو رايو انا باعتقادي ازا حماس تولت رئاسة الشعب الفلسطني غير نتدمر
يعني هلئ كل مشكلة حماس واسرائيل علشان حماس مش معترفة فيها
وكل المصايب الي بتصير انا بحكي علشان هاد الاشي لكل حمساوي شو بصير ازا اعترفتو في اسرائيل لانو هاي حقيقة ومبينة زي عين الشمس اسرائيل محتليتنا اعترفت ولا ما اعترفت هاي حقيقة وما حدا بنكرها
انا بالنسبة لالي بعترف ف اسرائيل من كبيرها لصغيرها بس كمان بعترف انو في يوم من الايام غير انا وانت وهو وهي نطلع اسرائيل من البلاد بس تزيد قوتنا ويزيد عددنا ونحمل في ايدنا سلاحنا
مش هلئ جاي تحكي يا حمساوي مش معترف في اسرئيل ما في عندك قوة ولا اشي والي بموتو الابرياء والمواطنين الي ما الهم دخل في قرر حماس عدم الاعتراف في اسرائيل وانشالله ما اكون حكيت اشي غلط

[صقر الأقصى]

شووو يااا حبيبي يااا ابو العاصف شو القصه كل هاد مصتعصب من حماس ولك عيبببببببببب عليك يااا ابو العاصف شو هلحكي تاعك وبعدين والله ولد صغير او وطني كبير بستحي يحكي هادا الحكي عيب عيب عليك استحي شوي

[وجدي محمود]

هاد صقر الاقصى انتى بتكهر فيه منتا اصلا ابن فتح وحرام تبكى ابن فتح ما بتستاهل لانو فتح بدها ازلام

احلا ابو العاصف