المساعد الشخصي الرقمي

مشاهدة النسخة كاملة : اسئله مهمه لكل شب وصبيه....

ليل الهجر
14-03-2007, 01:11 AM
السلام عليكم....
اتمنى ان تتم الاجابه ع تساؤلاتي ..... وان لا تجري الامور كما هيه العاده...مرور وشكر....

اسئله مهمه لكل شب وصبيه....

س1- متى تسقط الفتاة من نظرك أيها الشاب؟
س2-متى يسقط الشاب من نظرك أيتها الفتاة؟

بانتظار اجاباتكم...
اختكم ليل الهجر
خليلي في البلد
14-03-2007, 11:14 AM
في فصل الخريف مثل أوراق الشجر

للاسف احنا في زمن السبب الرئيسي في عدم الاخلاق تزين الفتاة وتبرجها

ويرجع السبب لعدم أكتراث الأهل

يعني أي بنت تركت دينها واخلاقها وتزينت بمفاتن الدنيا ولهوها وكل همها جمالها الخارجي

لكي تكون أنيقا في نظر الشباب قبل الفتيات في نظري سقطت ليس من عيني بل من عين الله

يعني الجواب على سؤالك البنت الي همها نفسها وجمالها ومثل ما بقول المثل شفوني يا ناس

الله يسطر علينا وعلى الجميع

ونصيحه لجميع الفتيات ياريت يكون الحجاب تاج رؤسكم وملابسكم تكون حشمه

وهيك بترحموا الشباب شوي من الضغوط النفسيه الي بعيشها الشب .

مشكورة للموضوع

ومني لكي أجمل التحيات
سيدرا
14-03-2007, 02:49 PM
اول اشي بشكرك اختي على الاسئله وعلى مواضيعك المتميزه
تاني اشي خليني اجاوب عىل سؤالك
وهو:
س2-متى يسقط الشاب من نظرك أيتها الفتاة؟

اول اشي اكيد الشب الصايع الضايع الي داير في الشوارع نازل يلطش بنات هالعالم ويحكي حكي ما بنحكا وداير من باب مدرسه لتانيه ومش مخلي بنت من شرو لا الي لابسه على راسها ومحتشمه ولا الي مش لابسه وبتلاقي ما بعرف الله في اي عمل بسوي يعني بتلاقي عمرو ما مسك سجاده وصلا عمرو ما صام لاء ومش بس هيك في شهر رمضان بتلاقي هالشباب يعني الي عمرو ما اكل في الشارع جكر وقلت حيا بشهر رمضان بيكونو يوكلو بهالشارع يعني اشي مقرف للغايه
وغير هيك الشب الي والعياذ بالله الي بسكر والي بحشش والي بعمل عمايل بتوقف شعر الراس
الشب الي مش عارف مخافة الله في اي اشي بسوي
الي بسوي ومش هامو لا الله ولا عبد الله
يعني شو بدي احكي لااحكي يعني هاد الشب مش بس في نظر البنت بنزل بنظر كل الي بشوفو
وغير هيك الشب الي بيحكي على ولايا العالم ان شالله الله بنتقم منو لانو هاد الاشي والله حرام

واخر اشي
بشكرك اختي كمان مره وان شالله انكون جوبنا على سؤالك قد الي المطلوب منا وبتأسف ازا طلع مني حكي او كلمات مش لازم احكيها

تحياتي
سيدرا
.
SoFt G!rL
14-03-2007, 04:10 PM
متى تسقط الفتاة من نظرك أيها الشاب؟

اول اشي لما الشب يكون محترم وبخاف على البنت الي بحبها متل ما بخاف على اخته ما بسقط من عين البنت اما لما يكون يتسلى ويكون هامل وصايع وضايع ويضل ورا البنات يطقع لهديك ويتحركش هديك ويرمي رقمه لكل بنت وبكون عامل 100 نسخة عن رقمه وببدا يرمي فيهم وبعدين بكون بالمرة لا اخلاق ولا ادب ولا احترام للبنت الي قدامه بكون سقط من نظري لما يكون الشب يحترم ويقدر البنت الي قدامه ما بسقط اما ازا بكون بالمرة فأكيد رح يسقط وخصوصا ازا كان مشطب ومأجر

سلام

وشكرا الك على السؤال الحلو..
ليل الهجر
15-03-2007, 05:29 PM
بصراحه انطلاقا من جواب الاخ خليلي لجواب الاخت سيدرا وصولا للاخت عاشقه القمر...
كل الاجوبه كانت منطقيه ومعقوله والاهم من هيك انها واقعيه وحقيقيه...
بشكركم على روردكم
وانا بانتظار ردود باقي الاعضاء...
دمتم بحفظ المولى...
اختكم ليل الهجر