25-09-2008, 06:05 PM
|
#1 |
|
عيساوي مجتهد
 |
يا جماعة انا نفسي افهم لحمار قصدي الشاطر اللي اخترع المسنجر اخترع معا حالات للمسنجر حسب حالتك انت يعني ازا كنت مشغول وشايف الديك بسكليت بتحط مشغول Busy وازا كانت برة مش ع جهاز بتحط بالخارج أوي Away وهيك يعني بس سبحان الله يا عالم في ناس ولا الها خص ولا كأنو الواحد حاطت شي ليكون الواحد مشغول ومو شايف الفضى وبنطلك واحد بحكيلك >>> اها شكلك مشغول اها بس حبيت اسلم اها ما بدك ترد اها شكلك مشغول عنجد اها طيب خلص سلام اها <<< حاطت بيزي ( مشغول ) وجاي الاخ يسأل >> اها شكلك مشغول << : : انسانو من منظرو هاد خليني احكي عن الحالات التانية الموجود بالمسنجر تفسسير وترجمة الحالات الى العقل الفلسطيني اول وحدة اون لاين هاي الحالة بتحطها ع مسنجرك لما تكون قرفان بنطلونك وفش حدا تحكي معا وفش شي تعملو وبدك تتسلى ع حد بتحط اون لاين قال يعني الاخ فاضي وفش ورا شي ينعن ابو كزبك ورااك كرسي يا كزاب بس انا وراي هلأ مخدة شايف كيف ، الا ما يكون وراك شي عشان هيك اوعك تحط اون لاين . الحالة التانية بيزي مشغول Buzy حكينا عنها وما قصرنا ونحكي كمان مرة لعيون الشعب الطفران بتحط بيزي ع المسنجر لما بدك تحكي مع ناس معيينين او تعمل شغل مهم او بتعمل بشغل مهم ومش معني بالباقي اللي ع المسنجر فـ بتحط بيزي وبتحلقلهم عشان ما حدا يقرب عليك بس ويييييين يا خال وين الشباب والصبايا صاحيييين وتحت شعار " وراك وراك " رح يقرفوك عيشتك >> اها شكلك مشغول << عارفين افلامك يا مصعمج نيجي لتالت حالة بي رايت باك برب سأعود حالا Be right back عود حالا يخي مين ماسكككك هاي بتحطها لما بدك تسلخ اخوك شلووط لما بدك ترمي حدا من البرندة لما بدك تشفطلك سيجارة يعني لزوم الفشخرة والموضة رابع حالة بالمسنجر أوي بالخارج Away هادي يا سيدي ببتنحط لما تكون حضرتك فوق لسطوح وبدك ست سنين لترجع ع جهازك وبرضو ازا انخمدت ونمت وبدك الكل يحكي معك عشان تتقل يعني واتحس انو الك قيمة ووزن بتترك ايميلك شغال وبتحط اوي ووبتضوي وطبعن الكل بفهم انك انت بتتخوت عليهم وحاطت بالخارج عشان بدكاش تحكي معهم وبصير يحكو معك ولك وينك هاي مرحبا يا دب هاي مرحبا كيفك وانت طبعا مركن رح ينسطحو وهمى يحكو مع حضرتك وانت تاني يوم بتيجي بتشوف المسنجر بتلاقي عشرطعش بني ادم حاكي معك ومنسطح وهو يحكي ويقول ويحكي مع حالو وانت بكل برود اعصاب بترد عليه اه هلا كيفك طبعا زلمتك بتيجي جلطة منك وبموت وبهيك بتكسب بدل الاجر أجرين الاول انك كسرت ابوك بالكهربا والتاني موتت بني آدم عشان هيك دايمن حط بالخارج أوي away بعيد عن الجهاز تاعك يعني خامس حالة بالمسنجر ان كول In call يعني مرتبط بمكالمة الاخ بيس بيس مان بتحطها هاي لما يجيك تلفون او تكون تبرم ع التلفون / طق حنك بالعرربي بتحط ان كول عشان الكل يعرف انو عندك تلفون وفي كرت وقال يعني انا بحكي شوفوني بحكي ع التلفون كأنو فش حدا قدك يا مصدي بس معلش بطلعلك تشوف حالك الايام هاي قليلل اللي معا كرت اخ بس من الحب وسنينوو بس ولا انت واياه يم ما صدقتو ع سيرة الحب نيجي للحالة ايش كم وصلنا شوي اشوف كم اه وصلنا للحالة السادسة اللي هي اوت تو لنش يعني خارج للغداا Out to lunch طبعا هاي الحالة معروفة لشو صح ؟ اكيد عارفين !! اكيد اكيد الحمدلله لشو !! طيب ؟ طبعا الحمدلله هاي الحالة ما بنشوفها الا وقت لفطور او وقت العشا من كتر مأحنا مثقفين وخبرا بهيك قصص بنحط اوت تو لنش يا وقت العشا يا الفجر وقت لفطور يعني وبرمضان بتلاقيها وقت لفطور ولسحور اوت تو لنش وين كاين ؟ والله كنت افطر يا عيني عليك ما شاء الله عليهم الشباب تفكير سليم مليون بالمية والله لو يعرف اللي اخترع المسنجر لينتحر بكاسة زيت مازولا صيني يا اما رح يشرب سطل خردل تفاح المهم نيجي لحالة التامنة لألأ السابعة يااااا بطيخة صحصحو معي الحالة السابعة الظهور دون اتصال يعني أبير اوف لاين Apear ofline يعني بالعربي متخبي موجود ومش موجود لما تكون قرفان الدنيا وقرفان العالم بتحط ابير اوف لاين يعني جبان خليك متخبي بس وين يابا وين ضلو الشباب ورا المبرمجين ليخترعولهم شي برنامج يكشف الاوف لاين واللي متخبي ليزقطو من ذينييييييي ويطلعوو خاوا اون لاين ولا يابا الدنيا تطور وتكنولوجيا ولا وين عايش انت لا تخافش لحد الان ما في شي يكشفك انك متخبي واوف لاين شي واحد في بس بكشفك وبكشف اللي خلفك كمان انك تحكي مع حدا اون لاين ويكون هادا الحدا في عندو ناس مضيوفين عندك انت كمان هدول الناس يعني يكون في ناس مشتركة ع ايميلك ببعت ندج للشباب وبحكيلهم تعالو الاخ متخبي هجوووووم وبصيروو يبعتولك مسجات اوف لاين متخبي يا جبان متخبي يا نعجة تعال اون تعال والله لنقرفك تعال وحضرتك بتصير تحكي مع حالك كيف عرفو هدول اني متخبي وبتروح من شطارتك بتسألهم كيف عرفتو اني اوف لاين وهمى بنكشو عليك راس وبحكولك مخ يابا مخ وهو لا مخ ولا بطيخ امبسمر يا أهبل زلمتنا صاحبك اللي حكيت معو هو اللي كفى ووفى يعطيه الف عافية تعب معاك متل ما حكيتلك دير بالك وانت اوف لاين من العميل المسنجري الحالة المهمة للجميع الحالة التامنة ساين اوت تسجيل الخروج sign out لما تفقع مع حضرتك وبدك تسكر الجهاز تعطي غفوة لأنك طول لنهار عليه هالكو لاعن اللي خلفو للكمبيوتر فـ بتكبس ساين اوت يعني ع النووووووووووم يعني فراقك صعب اكيد ختامها مسك يعني الخلاصة : قرفك المسنجر سكرو خليه يرتاح . واخر حالة التاسعة مور حالات هاي بتحطها حسب المزاج والكيف بدك تموت ؟ بتحط حالة خاصة وبتحط الحالة رايح اموت هيني جاي زي مبدك عادي ( حالات المسنجر العصيبة هاي لحبايبنا الفلسطينية ) .. وهيك خلصنا الحالات ان شالله ما تكون حالات عصيبة عارف انو ميؤوس منها انا بس لعل وعسى وما تشووفو شر يا رب ديرو بالكو انا برب >> اها مشغول << خخخخخ سلام يا حلوين |
|
|
|
25-09-2008, 06:36 PM
|
#2 | |
|
عيساوي مجتهد
|
حالات منيحة ههههههههه بس انا دايم بحط اون ههه يعني فش وراي اشي غير المخدة و الكرسي تحياتي الك اخوكي ميدو |
|
|
|
|
|
28-09-2008, 03:24 PM
|
#3 |
|
عيساوي مجتهد
|
هلا فيك اخي والف شكر لمرورك ومشاركتك تحياتي الك |
|
|
|
|
28-09-2008, 05:40 PM
|
#4 | |
|
الوسام البرونزي
|
مشكورة يا اخت على الموضوع الجميل جدا بس الي صنع المسنجر شاطر |
|
|
|
|
|
28-09-2008, 07:09 PM
|
#5 | |
|
بدكم تعتبروني جبانه وخويفه ...اوك... بس يا عمي هيك اريح لراسي انا من الجماعه اللي اذا بحط بلوك بنسى اشيلو ...وخلص سلامتك وتعيش راح الايميل وصاحبو ... بس هيك وانا ابير اوف بكون الوضع غير ... بشكرك ع الموضوع يعني في منها اشياء صح ... بس والله مزودتيها ولا شو رأيكم يا اعضاء؟ بانتظار كل ما هو جديد ومميز ليل الهجر |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
العرض العادي
