ليش ما في مدرسة ثانوية .. !!

[ثائر ابو لبدة]

مناقشة ليل الهجر ..



والله يا ليل الهجر اللي فيه عادة ما بغيرها لو عالمريخ ..

وبعدين مثل ما بقلوها اللي ما بستحي برا بلده ما بستحي جواها .. ( بتعرفي هالمثل )

واذا علشان الشباب يتعلموا ويلتزموا ويهتموا لازم يكون الهم مدارس بأحضان اهليهم عمروا

التعليم ما بصير ..



وبعدين انتي بتقليلي بتغيروا ..

طيب شو رأيك بأولاد المدرسة الإبتدائي الواحد قد قتمة اللحم وبسب من الزنار وتحت ..

مش كمان الهم اهل حواليهم !!!

وانا داري عالشارع وبشوف اولاد المدرسة وهما مروحين واعمالهم ..

سواء الإبتدائي او الإعدادي فما بالك بالثانوي ..


كانت حبا ً ..


بوافق اخي كانت حبا ً : اللي بده يتعلم بتعلم وين ما كان ..

والمدارس الخاصة معبية الدنيا ..

ولا الطالب ما لازم يتعب ( لازم يطلع من الدار ويحط رجله بالمدرسة ورجله الأولى لسا بالدار !!! ) ..

ياما ناس قطعت مسافات علشان تتعلم ونجحت وصارت ..


اخي سعد ..

نعم هناك شباب بالعيساوية - ما شاء الله عنهم - ..

يحبون التعليم ومهتمون لمستقبلهم ..

آرى انهم بصراحة مظلومين ..

ولا تنسى ان هناك نسبة من العكس ^ ..


اخي ابن فلسطين ..

لو صار وأ ُنشأت مدرسة ثانوية في العيساوية فلن تكون إلا بلدية كن متأكد من هالكلام ..


ندين ..

( بغض النظر عن مستوى التعليم المهم تعليم ) هيك بتقولي !!

وين صارت !!! كلام غريب بعض الشئ ّّ !!



ابو علي ..

ليه نقيت المدراس اللي شفتها من وجهة نظرك غير جيدة ..

هناك مدراس خاصة كثير ..

واذا بدي اسردلك اسماء المدارس القائمة تطول ..


وانا بعتقد انه الأب اللي يهتم لمصلحة ابنه اكثر من المال يضعه في مدرسة خاصة لو كان لا يوجد غيرها !!!

لانه مدارس البلدية للأسف .. وشباب اكثير فيها مظلومين !!

بس بالنهاية اللي بده يتعلم بتعلم ..


الكلام غير قابل للتعميم

تحياتي الك والله يوفق الجميع .

[abo al3li]

اخي انا نقلت من مدرسة خاصة من صف الخامس لانو ما كان

في صف سادس في المدرسة على شان هيك اتطريت انقل من المدرسة الخاصة

مش على شان مصاري

[ثائر ابو لبدة]

بس انا يا أبو علي ما عنيتك ولا عنيت أي حد ..

وبالخط الأحمر العريض فوق كاتب " الكلام غير قابل للتعميم " ..

يعني كل شخص و إله ظروفه والله يعين كل واحد على حمله ..

تحياتي الك والله يوفق الجميع .

[ابو قصي]

ارجو من ابو العلي الابتعاد عن النقاشات الشخصية والتحدث في صلب الموضوع وكذلك الاعضاء الكرام
حسب معلوماتي ان غالبية الطلاب والطالبات هم انفسهم من يرفضون المدرسة الثانوية في العيسوية و يفضلون الدراسة بمدارس القدس

[ثائر ابو لبدة]

سعد ..

انتا وصلتنا لصلب الموضوع و عند مربط الفرس مثل ما بقلوها ..

ان غالبية الطلاب والطالبات هم انفسهم من يرفضون المدرسة الثانوية في

العيساوية ..

ويفضلون الدراسة بمدارس القدس ..


نتيجة ممتازة اخي سعد ..

فلنستمع لباقي الآراء ..

تحياتي الكم والله يوفق الجميع .

[دمعه على خدود القمر]

والله الصراحه بيقدروا ليش لا وانا بشكرك على الموضوع المهم والتصويت الاهم تحياتي مليسا

[حنظله]

بصراحة انا و معظم طلاب العيساوية في مدرسة عبد الله ابن

الحسين مش عارفين لمين بدنا نوجه صوتنا يعني



كيف بدنا ننجح !!

اخي ابو العلي المشلكه ليس مشكلة مدرسه بل مشكلة طلاب معظم طلاب
العواشر لا يريدو التعليم وانتا ادرى الناس بذالك يأتون لقضاء الوقت
وليس الجميع بل الاغلبيه ابدء بنفسك ثم بغيرك
>اطلب العلم ولو في الصين <

ولا نشاهد أفعال شباب العبدالله في موقف العيساوية عند - الكوبات حوليم - ..

ماذا تشاهد اخي ابو وديع اي افعال كل ما اشده بما اني طالب في المدرسه الطلاب يقفوا بالمحطه لانتظار الباص ويأتي الباص ويصعدو لاغير هل هناك شيء غير ذالك

حسب معلوماتي ان غالبية الطلاب والطالبات هم انفسهم من يرفضون المدرسة الثانوية في العيسوية و يفضلون الدراسة بمدارس القدس

ان غالبية الطلاب والطالبات هم انفسهم من يرفضون المدرسة الثانوية في

العيساوية ..

ويفضلون الدراسة بمدارس القدس ..

اخ سعد و ابو وديع على اي اساس حكمتم ان اغلابية الطلاب يريدون التعلم خارج القريه



وأنا برأيي يلزم كل منطقه مدرسه ثانويه وانشاء الله يتم فتح مدرسه ثانويه
سيكون في البداية بعض الصعوبات والمشاكل ولكنها ستفرج
ويجب على الطلاب ولجنة اولياء الامور المساهمه في نجاح المشروع

بالتوفيق والنجاح للجميع

احتراامي

7ِANDALA

[ثائر ابو لبدة]

اخي حنظلة .. احنا مش بصدد الكلام بالموضوع هذا بس نقطة وحدة ..

اللي انا بشوفوا كل الناس بتشوفوا ويمكن انا غلطان ..

صح بكونوا واقفين بالمحطة يستنوا الباص وعين الله عليهم .. انا غلطان ..

بس شو بكونوا يسووا شباب من العيساوية ومن مدرسة العبدالله ابن الحسين ..

عند مدرسة المأمونية - جانب سوبرماركت النابلسي ؟! في اكثر من هيك صراحة !!

بتقدر تجاوبني .. بس لو سمحت ما تقلي بستنوا الباص ..


تحياتي الك والله يوفق الجميع .

[حنظله]

[QUOTE][بس شو بكونوا يسووا شباب من العيساوية ومن مدرسة العبدالله ابن الحسين ..

عند مدرسة المأمونية - جانب سوبرماركت النابلسي ؟! في اكثر من هيك صراحة !!

/QUOTE]
اخي ابو ودبع
في المشاركه السابقه انتا قصدت _كوبات حوليم وليس عند المأمونيه
هؤلاء ليس ابناء العيساويه بل اغلبيتهم ابناء البلده القديمه ولكن لا اقول ليوجد من القريه لكن قله قليله وهم لا يحسبون على الجميع ويمثلون انفسهم لا غير

ليس هذه النقطه مهمة بالنسبه للموضوع من ناحية هدف الموضوع
نريد صلب الموضوع


مع الاحترااام

7ِِِِِANDALA

[ДŁ-мoĐąмЄR]

كل كلمة حكتوها على عيني وراسي
احي ابو وديع بصراحة مبالغ شوي بحكيك مش لهالدرجة يعني ممممم

اخي حنضلة اؤيدك بكل كلمة وضعتها بالموضوع

وزي ما حكيت نريد حل ونريد نصل لصلب الموضوع

مع التحية